海樂餃子店

营业中

休息中

今次去左北角搵朋友，佢就介紹我一定要試下呢間餃子店。就咁望落去，見佢普普通通街坊店都冇乜期待，就求其叫左個雙拼湯餃。點知一上到嚟，好有驚喜，啲餃子好大隻，漲卜卜。而個湯仲要唔係就咁清湯，係花膠豬骨湯！餃子我嗌左兩款，分別係紫菜豬肉同韮菜豬肉。一咬落去，個皮厚薄均勻，而入面個filling好飽滿。先講韭菜豬肉餃，韮菜味好足，啲豬肉亦都調味得好香，非常出色！而紫菜豬肉估佢唔到個配搭係咁夾，個味道係好鮮！兩款我都好鍾意！至於個湯真係要大讚，冇乜味精感覺，好好飲有膠質！ 成餐都食得好開心👍🏿😆😆

今日放工同屋企人試咗位於北角嘅餃子店即使處於晚市時段人流量都唔算多 完全唔使等位就有得入 座位都算闊煎餃同湯餃都大大隻 煎餃即叫即煎 熱辣辣 湯餃極多汁 餃皮都唔會太粉或者太厚 個餡亦幾飽滿 非常之足料 最重要係 肉餡非常好食 試咗香辣 紫菜 同白菜 個人最鍾意紫菜味跟餃湯麵亦意外地非常好食 尤其湯底嘅花膠淮山豬骨湯底 味道非常之香濃而又唔肥膩 令人忍唔住飲多幾啖最後價錢方面都唔貴 餃子八隻加碗麵先$69連五湯餃麵$45真係平靚正不過煎餃子只能八隻咁叫 一個人去就難搞啲

餃子包得好紮實 旁邊嘅餃子皮長咗出嚟 好似對翼咁 size大過隻匙羹 成隻元寶咁！今次揀咗8隻湯餃子雙拼、8隻煎餃花膠淮山豬骨湯底 無味精一啲都唔油膩 喝完都唔會口湯 雖然稍微偏鹹但可以接受！想食煎餃嘅都唔洗擔心 佢哋好貼心🤍有附細婉湯煎餃煎至金黃色 可惜食落比較油膩🙈 未做到好脆嘅質感 但起碼唔會太硬 🥟鮮肉韮菜餃：食得出韮菜新鮮爽脆！🥟鮮肉紫菜餃：一見到咁特別諗都無諗就叫咗 紫菜味突出 食落都唔錯🥟鮮肉香菇粟米餃：粟米份量超多🌽 不過相對比較普通鍾意菜多過肉嘅一試要試 比例大約6:4餃子粒粒都大隻足料 個人推薦湯餃 特別係鮮肉紫菜餃唔係度度都有呀嗎！😎

一定會回頭幫襯食的🥟店！入到去地方都大，坐位都多我夜晚8:30到，依然多人熱鬧餐牌簡單易明主要就係湯餃同煎餃主打花膠淮山豬胃湯底（絕無味精）我叫左招牌人氣鮮肉韭菜餃八隻同雞肉冬菇木耳餃八隻 + $10 上海面估唔到餃子真係幾大隻，而且真係好好味餃子嘅餡好紮實，湯底超好飲當然我淨係覺得鮮肉韭菜餃🥟好食因為個味道好出好正 反而個雞肉冬菇木餃就普通普通了當然佢都有其他小食類比如木耳啊，土豆絲，雞翼飲豆漿等等下次要試去其他唔同嘅餃子同埋要試下煎餃☺️

突然經過北角見到依間餃子店想入去試下，有煎餃子同湯餃子，可雙併，款式都算吾少，我点左鮮肉香菇粟米餃併鮮肉香辣餃$53+$3（雙併）同一杯豆漿$8，系香港北角區算系不錯👍

Having walked past this eatery many times, I was looking forward to finally trying their dumplings for tea today.I actually wanted to try the chives with pork dumpling as it was their bestseller, but my friend who was sharing the order with me was keen on the black fungus with cabbage flavour, so that's what we ordered. Since their soup was advertised as not containing any MSG, I contemplated an additional order of just the pork bone soup, brewed with a combination of Chinese Yam and fish maw. S

簡簡單單又一餐，今日lunch想食清淡同健康，另外我想邊煲劇邊食✌🏻所以揀左外賣海樂餃子店🥟主食：鮮肉香菇栗米餃配上海麵$46今次揀左5隻湯餃配上海麵，價錢為$45，外賣加$1，港島區午餐尼講，覺得幾實惠又飽肚😆餃子選擇方面，有9款豬肉餡料，1款冬菇雞肉饀，都幾多選擇👍🏻我就揀左鮮肉香菇栗米餃，餃子入面除左豬肉饀仲好多栗米粒，栗米好甜好好味🤤重點係湯底100%無味精，奶白色既花膠淮山豬骨湯，有淡淡豬骨湯味，但又吾會搶左餃子味，同埋可以飲曬d湯都吾口渴，完全冇油膩感🫶🏻✨值得一讚係店員態度好好，十分有禮貌👏🏻

【足料高質餃子店🥟·滋味湯底無味精·麵底菜底任你揀】#MC帶你去北角食餃子除左足料之外，湯底都好緊要，北角海樂餃子店就滿足曬你啦😜湯底100%無味精，奶白味既花膠淮山豬骨湯底，淡淡既豬骨湯味，唔會搶左餃子既味，又可以飲曬個湯。份量有大有小，有5隻或者8隻餃子餐，岩曬女仔胃口細啲都得，唔夠飽既可以加麵底或菜底。心大心細既你，想試多一兩隻味既話，雙拼都係加$3，可以試多幾隻味。🥟餃湯餃雙拼小編今次就試左「鮮肉韭菜餃拼鮮肉白菜餃+上海麵」。餃子個size 偏大，唔知係咪人手包，皮略為厚少少。韭菜味同豬肉餃子好夾，一口咬開，韭菜個量十分多，好足料👍🏻 清甜既花膠准山豬骨湯令你一入口就想飲曬佢，但飲完又真係唔口渴🤤 有別於一般豬骨湯，完全唔油膩，配菜底的話，都唔怕啲菜吸曬啲油啦⚡️ （小編貼士）鐘意飲湯既，可以同侍應講多湯，唔洗加錢👍🏻另外環境幾大，大多數都係4人位既卡位，夜晚繁忙時間都唔洗搭枱，服務好好，每次都講唔好意思、稍等一陣，今時今日依啲服務買少見少，值得一讚👍🏻⭐整體︰8.5/10⭐食物︰8.5/10⭐環境︰8.0/10⭐價錢︰9/10==========================

先講員工質素態度，非常有禮貌有香港地道小店嘅感覺希望佢可以仍然保持住餃子🥟款式都多同荃灣餃子屋嘅款式差不多 size 無咁大比平時嘅餃子份量足夠好值得一試 已第二次去 每次都試唔同款

📍北角驚喜靚湯餃子🧡餐牌寫住花膠淮山豬骨湯底（絕無味精）開頭都未有太大感覺一入口想乾左佢！是想體齊一蘭食拉麵想到見碗底文字level🤤🤤飲落的確鮮甜無味精🤎餃子皮唔會太厚皮～餃子足料/性價比高i叫左：鮮肉香菇粟米餃夠juicy但朋友點的鮮肉韮菜餃更突出！📌可encore之店～設湯餃/煎餃但繁忙午餐時間不設煎餃啊！

海樂餃子店在我工作地點附近，平日午飯想吃少點的時候就會光顧。通常會選擇吃5隻水餃跟米線/上海麵，價錢45蚊，經濟實惠，可以捱過一個下午。店舖湯底標榜是豬骨淮山湯，不含味精，通常我都會一飲而盡。🤣餃子選擇方面有10款，9款豬肉餡料，1款冬菇雞肉，味道各有千秋。光顧了多次，奇怪的是定價方面，8隻餃子要53蚊，加3蚊可選2款，而麵底要另加10蚊，即是8隻餃子加麵價錢要60幾蚊，這方面定價使我摸不著頭腦。總括而言，食物整體質素有保證，而且店員招待殷勤親切，光顧會有賓至如歸的感覺。

午餐時間同同事去左食，叫左4款湯餃：韭菜粟米冬菇木耳咖哩薯仔.韭菜餃世一！韭菜係爽嫁！其他都好食既，但韭菜最好食！😆😆.女仔黎講食8隻湯餃有d太飽🫠🫠下次叫5隻加菜底會好d🐒不過大食既同事就話，食8隻加麵底剛好飽👌🏻

我地都係好鍾意飲湯嘅人，連茶記例湯都好鍾意🤭👧🏻有日返工係附近見到有間主打花膠湯餃子，就忍唔住買黎試😋🥟鮮肉白菜湯餃8隻 ($53+$1外賣）餐廳嘅湯餃全用花膠淮山豬骨湯底，無加味精，見到奶白色都覺足料🤭一飲落去，嘩😍😍好好飲好濃！忍唔住飲哂成碗，都無覺得口渴，好清甜嘅味道，有屋企煲嘅感覺🥰餃子都好大隻好飽滿，都係自家製☺️餃子皮稍厚，但入面係好足料，白菜同豬肉嘅味道都好香😉總括黎講，佢門面一啲都唔起眼但食物帶俾我好大嘅驚喜！🤩係我打緊呢篇野都想再去多次飲多碗湯嘅程度🤣🤣有時唔想食咁多野，想簡單清清地嘅可以考慮下😋

This is a restaurant I always pass by but never expect to be incredible! Entrance looks traditional and simple. But never underestimate it! Feel like eating dumplings tonight. I decided give it a go! Staff were nice and friendly! Greeting sweetly with recommendations of dumplings order.We ordered wood ear cabbage pork dumplings in shanghai noodle, chicken mushroom black fungus dumplings in shanghai noodle and fried pork and chives dumplings.Soup was specially homemade, maw and yam pork ribs soup

<海樂餃子店>  📍北角🔸花膠淮山豬骨湯有驚喜🔸大元寶餃子 八隻實夠飽同事介紹呢間港島”甜記級”餃子店 😏 講到咁天花板巴閉，等我試下佢乜料先。雙拼餃子 (鮮肉韭菜餃 + 鮮肉芝士餃) ($56) ─ 大大碗餃子，熱辣辣上枱 ♨️ 先試湯頭，花膠、豬骨味濃厚，但湯質地清甜潤滑 😍😍😍 無味精，一啲都唔確喉！有圖為證，飲晒見到「招財進寶」。 🤣餃子隻隻都有手掌心咁大，足料無呃秤。餃子皮比較紮實，但皮唔算厚穩約見到餡料。餃子咬落有肉汁，係JUICY同好味嘅 😋 個人偏好韭菜餃，韭菜甜味同鮮肉調和融合，無得輸。鮮肉芝士就比較膩，同事推薦鮮肉粟米餃，下次都可以試下。香辣豬耳($37) ─ 唔好食。主要係個辣醬問題，個辣醬真係要搞搞佢。餐廳人手唔多，樓面其實都係得兩丁友，但係送餐速度好快，好爽手，仲好有禮貌添 。😊餐牌：