海底撈火鍋・宴聚 (加連威老道)

海底捞果然从来唔会令人失望！今次同班friend去咗尖沙咀分店，呢度相比其他分店不同，远离热闹圈，除了打边炉，仲系更高层次的服务和舒服。叫咗个鸳鸯汤底，三鲜汤底同蕃茄汤底，真心正！三鲜汤底清甜得嚟唔会抢走食材原味，而蕃茄汤底浓郁开胃，未涮料已经加肉碎饮咗两碗！手切雪花肥牛系必点！摆盆已经精致，油脂分布靓到好似艺术品，渌8秒就食得，入口即化，牛味浓郁，两种汤底都夹到爆。另外叫咗芝士牛丸同牛肉丸芝士牛丸一咬落去芝士爆浆，小心烫嘴！牛筋丸弹牙有嚼劲，真材实料，中意食牛丸一定要叫～8秒脆肉鲩果然名不虚传，真系8秒就食得，薄薄一片鱼肉鲜甜爽脆，一啲鱼腥味都冇，唔食鱼都食到，点少少豉油已经好够味。双拼千层肚有惊喜！黑柏叶爽脆，牛柏叶软嫩，口感层次丰富，都系十秒就食得～钟意食内脏嘅朋友一定要试。蔬菜方面叫田园时蔬拼盘、青荀、山药同牛奶甜粟，新鲜清甜，牛奶粟米超香甜，青荀口感外脆内软，山药涮完之后粉糯带清甜脆口，吸收晒汤底精华。最后必点人手拉面，师傅即场拉面，口感烟韧，索尽蕃茄汤精华，简直系完美收官！再加个炸馒头，外脆内软，点炼奶食，邪恶但满足！整体嚟讲，食材新鲜有质素，服务一如既往咁周到，仲送果盆，环境舒服，虽然价钱中上，但绝对物有所值。已经约定朋友次嚟个生日encore！…查看更多

约咗朋友去食晚餐～想打边炉又唔想食任食朋友介绍咗海底捞打边炉～呢间位于尖沙咀加连威老道嘅海底捞火锅・宴聚有别于其他几间香港嘅海底捞分店好似去咗酒吧咁嘅感觉～好高调啊～店员按排咗舒适又高颜值嘅坐位比我哋～坐低咗之后我哋就疯狂点嘢食～首先就拣咗汤底先～我哋决定唔好拣太多格，拣咗两格～番茄锅：好浓郁嘅番茄汤底，一开头仲可以放啲番茄汤落啲牛肉末度～变咗牛肉番茄汤～好好味啊～仲可以顶住肚饿添～猪骨锅：奶白色汤底，一开头有淡淡嘅药膳味，时间耐咗～先发现佢渌咩都令到食物嘅味道更加之出味～手切雪花牛肉：肉质软嫩，油脂分布均匀，仲教埋你渌8秒就食得，牛味香浓（店员哥仔仲帮我哋手渌埋比我哋🫢）双拼千层肚：打边炉边小得牛柏叶呀～虽然薄薄哋，但要切到咁都好考功夫，同埋切到咁薄都系有原因嘅，就系快啲渌完快啲食到，唔会渌到过晒龙，唔会好韧～👍🏻可以话系一渌就食得咁8秒脆鲩鱼片：真系8秒就食得！鱼片薄切，口感鲜滑，值得一试～呢个列入咗我嘅必叫名单芝士牛肉丸：一咬开流出浓浓芝士，店员话渌5分钟就食得，我哋怕唔熟再渌耐啲🤣渌走晒啲芝士🤣之后𠮶啲就渌返5分钟～真系粒粒爆芝⚠️⚠️小心小心🤣Q弹劲道牛肉丸：呢个都系我嘅必叫名单之一，牛丸爽口弹牙，有牛味，好食到要叫两碟先够，唔洗讲咁多，大家试过就知咩料～田园时蔬拼盘：款式多样，啱晒啲钟意食菜嘅人，每样都有啲～山药：健康之选，最紧要系无论放咩汤底都系同𠮶个汤底夹到绝～牛奶甜玉米：清甜多汁，近排啲黄色粟米真系唔系旧旧甜，但呢个牛奶粟米，我写包单！一定好很甜～炸馒头：呢个真系好难唔好食嘅～外脆内软，点埋啲炼奶～WOW无得弹啦～最后仲encore多一碟呀～今次4个人食，人均大概$378，虽然价钱中上，但食材质素高，服务细心，环境舒适，加上海底捞一贯嘅贴心服务，绝对物超所值！…查看更多

听过大名多次，今晚才首次品尝，据说以服务周到为卖点，果然名不虚传！我们由一位兼职研究生贴心招待，虽然忙碌，她经常在左近，察看我们的需要，倒汤加水，清理嘌呤，细心解说点菜的问题，送上自助区的免费小吃，态度殷勤是重点，抱歉的说，在香港非常难得！海底锅集团训练有素，题外话，怪不得股票也受欢迎！到埗后，服务员领位到独立间隔卡位，所有客人皆有私隐，送上平板电脑点菜。首先，点选火锅汤底，然后可以慢慢拣其他食物。免费小吃在自助调味料区有四款小食，鱼皮、螺片、西瓜及枣，不过无需动手，服务员替我们各取一些，自动送上。除此以外，还有糖水一碗，估计是杞子桃胶，微甜，清凉可口。调味料丰富多元，各种调味料齐备，每人收费$18，但亦可以选择唔需要，费用可免。这方面我觉得很窝心，因为一般我都唔需要，只要食物新鲜，我更喜欢清淡原味，而且汤底已经有香浓的味道。胡椒猪肚鸡汤及菌汤火锅 $158说时迟那时快，还在点菜期间已经送上火锅汤底，我们选了双拼，因为价钱更实惠，应该因为单拼汤底材料更有份量的原因。胡椒猪肚鸡汤，奶黄色泽，浓郁味香，个人口味如果胡椒重些更好，猪肚及鸡件份量不少，细细粒的鸡件，方便进食。服务员送上一碗碎牛肉，然后替我们倒下胡椒鸡汤，先来一碗浓郁牛肉汤，打开味蕾。菌汤清香，内有不少菇菌，记得先吃。内蒙草原羔羊肉 $148懂得吃羊肉的人会知道，内蒙及新疆的吃草的羊，羊肉其实是没有膻味的，肥瘦适中，切得薄，份量十足。小青龙 $298店名海底捞，新鲜海鲜同样是卖点，小青龙送上来须脚还在动！已经预先设成五件，肉厚结实，二人分享正好浅尝，我觉得配猪肚浓汤合拍。要求之下服务员替我们把龙虾头再剪细。捞派黑豆花 $48黑豆花更健康，而且比较少吃，最开心配一碗辣酱，味道相当好，更加令我觉得不点调味料的决定正确。如一般豆腐的质感，蘸些辣酱非常合拍。莲藕 $36菠菜 $36蔬菜方面就点了莲藕及菠菜，清洗干净，非常新鲜。尚有一招牌，手工拉面是在面前表演的，幸运地，旁桌客人点选了，我们可以欣赏，今晚吃饱了，下次来绝不放过。最后还有雪糕糯米糍及薄荷糖。整体满意，价钱公道，值得重访。 #海底捞火锅宴聚 #尖沙咀 #川菜 #四川 #火锅…查看更多

虽然海底捞好出名，但系一直以来都未食过。最近同朋友行街见海底捞系尖沙咀开咗新店，就去咗试下。胡椒猪肚鸡汤底汤底浓郁充满胡椒味，猪肚软腍同鸡肉都好鲜嫩，饮落好暖胃舒服。蕃茄火锅汤底汤底酸酸甜甜，特别开胃！汤底有好多鲜蕃茄，味道清爽。捞派捞面有店员即场表演拉面几精彩，不几将面条越拉越长，又一边拉面一边转圈。面条烟韧弹牙，好吸汤汁又挂汤！手打柠檬茶手打柠檬茶清新爽口，消暑解渴。入面有好多柠檬肉，味道酸甜适中，份量超多，一樽够晒两个人share!手切雪花牛肉攞盘好靓将牛肉砌成圆碟状，牛肉切得又薄又均匀，肉质好新鲜色泽好靓，食起尼牛味浓郁。捞派滑牛肉牛肉色泽鲜红，口感滑嫩，肉质新鲜牛味浓郁，味道微辣。芝士牛肉丸牛肉丸口感弹牙，入面有唔少融左既芝士，令牛丸带有浓郁芝士香味。全豆是福各种豆制品既拼盘，有豆腐、响铃、腐竹同豆腐皮。豆腐嫩滑，响铃脆口又吸汤汁，腐竹同豆腐皮都充满豆香味，味道清新健康。田园时蔬拼盘拼盘有好几种蔬菜，每样都好新鲜！打边炉最钟意就就系娃娃菜，味道好清甜。…查看更多

依加香港都可以食海底捞啦，人均$400都唔洗，都几抵食🤤。日本甄选和牛西冷🥩——和牛西冷嘅口感极为细腻，肉质柔软，油花分布均匀，味道唔错🤤。芝士牛肉丸🍡&蔬菜🥬——牛肉丸外脆内软，口感弹牙，咬落去嘅时候，有浓郁嘅芝士瞬间流出黎，另外嗌左娃娃菜一齐食🥬。拉面🍜——店员即场表演拉面，面条弹牙，有啲似刀削面嘅口感。手打柠檬茶🍋——柠檬茶味道清新，有酸酸甜甜嘅口感，而且一壶嘅价钱都便宜👍🏻。海底捞火锅·宴聚📍：香港尖沙咀加连威老道29A号地舖至2楼…查看更多