濟州燒肉食堂

这餐厅平日只试过午餐都不错，今次试吓晚餐烧肉有2款套餐，我选择了最贵济洲名物盛宴，因为有很多想试食物，其实有五花腩同葱烧带骨牛肋排。虽然套餐都不平，但系份量都不少亦有冷面同人参鸡汤（半只鸡），同时店员介绍加＄28 refill 前菜，另外店员解释要烧晒其他肉食最后先烧五花腩，最初以为店员换完烧考架之后自己烧五花腩，原来系店员帮你一整条烧好后再剪件等你慢慢烧至香脆超好味，虽然太肥实在太好味了，不坊一试😋😋平时去过食其他烧肉通常好容易烧㶶，今次烧肉好食成功冇咁容易㶶，佢哋火控制得刚刚好容易烧到好好食，好满足😋😋😋…查看更多

入座会同你都讲。最少点一个套餐。又或者最少要order三碟肉。我经openrice订座，套餐有85折。所以点了一个套餐。但你埋单嘅时候见到张单写住openrice 85折。事实系冇折扣㗎仲有加一㖞。你要检查张单再同佢讲。佢先至会出张单畀你有85折啰。即系如果你唔检查张单就系正价啰。芝士粟米， 泡菜蛋无限任食。就几好既。两样都几好味。前菜加$28元可以再添加。套餐有牛小排选了腌制。和牛西冷。苹果梨汁鸡肉。 安格斯牛外裙肉。厚切济州黑毛猪梅花肉。一级五花肉。薯仔排骨汤紫菜饭已经是点了小份的套餐。肉类的种类都够多款。肉质都很好。腌制牛小排最好食。西冷都很香。五花肉肥瘦相间。鸡肉劲厚切。好多肉汁。薯仔排骨汤很甜。带点香辣。两大人一小朋友。最后都吃剩下一点。所以份量都足够。而且员工的清洁车一早已在旁守候。最好不要在临打烊前来吃饭。十点钟关门。十点钟关门。十点钟关门。重要事情唔只讲三次。九点半已不停播音乐加广播轰炸你。叫你快啲走。有点烦。…查看更多

好耐无食韩烧，今次同朋友一齐去九龙湾德福广场嘅 济州烧肉食堂 试试佢哋嘅招牌菜！呢间餐厅位于美食广场Foodeli，环境半开放式，卡位同大枱都有，坐得几舒服。抽风系统做得唔错，食完唔会一身油烟味，仲有无限任添嘅韩式前菜同埋炉边蛋、芝士粟米，超满足！服务员态度亲切，主动帮手换网同加菜，服务真心唔错。以下就同大家分享吓我哋今次试咗嘅菜式，啖啖肉嘅韩烧体验真系好正！🍽️一级五花肉大大条五花肉，肥瘦相间，油花分布得啱啱好！烧到外层微微焦香，入口油脂甘香又唔会太腻，肉质嫩滑，咬落啖啖肉汁。建议同生菜同泡菜一齐包住食，味道层次更丰富，绝对系韩烧必点之选！🍽️济州黑毛猪五花肉呢款黑毛猪五花肉系餐厅嘅招牌，肉质比普通猪肉更鲜甜，油脂香气好浓。烧起来外脆内嫩，肥美得黎又唔会过油，配上蒜片或者韩式辣酱，简直系人间美味！性价比仲好高，168蚊一份真心抵食。🍽️牛胸肉牛胸肉油花比较少，肉味浓郁，带点咬口。烧到七成熟，肉质结实有弹性，牛味好突出，钟意食瘦啲嘅朋友一定会中意。沾少少海盐或者烧肉汁，风味即刻提升！🍽️安格斯牛外裙肉安格斯牛外裙肉真系今次嘅惊喜！油花分布均匀，烧完之后肉质嫩滑多汁，入口有种溶化嘅感觉，牛肉味好浓。唔使点太多调味料，本身已经好有风味，肉食控一定唔可以错过！🍽️和牛牛五花和牛牛五花真系高质之选！油脂同瘦肉比例啱啱好，烧到微微焦香，入口即化，牛肉嘅香气同肉汁爆晒出来！每一啖都好满足，配上餐厅特制酱料，味道更出众，钟意食牛嘅朋友一定要试！🍽️苹果梨汁鸡肉呢款鸡肉好有特色，用苹果同梨汁腌过，带有清新嘅果香，烧完之后鸡皮香脆，肉质嫩滑多汁。果汁嘅甜味同鸡肉好夹，食落完全唔鞋口，系一个好清新嘅选择，解一解烧肉嘅油腻感。🍽️一口鳕鱼肉原本想试鳕鱼，但当日无货，店员换咗鳗鱼俾我哋。点知呢个意外惊喜超赞！鳗鱼肉厚实，烧到外皮香脆，内里嫩滑，仲有浓浓嘅鱼油香。涂上蒲烧酱汁，味道更浓郁，食完真系好满足！🍽️大酱汤大酱汤好浓郁，入面有豆腐、栉瓜、洋葱同香菇，汤底鲜甜微辣，份量都几大，够同朋友share。🍽️海鲜煎葱饼海鲜煎葱饼份量十足，外皮煎到金黄酥脆，入面馅料好丰富，有虾同鱿鱼，仲有满满嘅葱香。咬落口感软糯又带点嚼劲，沾上特制酱汁，味道好惹味！系烧肉以外嘅好选择。🍽️荔枝梳打荔枝梳打好清爽，荔枝味浓而不会太甜，仲有啲细细嘅果肉，饮落好解渴。食韩烧饮杯冰凉嘅梳打，真系帮到手解油腻感，份量仲好大杯，性价比高！…查看更多

我觉得呢间肉类质素OK，但佢嘅经营模式，店员落单方法，每次被告知额外收费或者下单限制，令食客未能够完完全全享受一个简简单单嘅韩烧晚餐。但系对于佢经营模式，坦白讲真系唔会食第二次。本身用OpenRice book嘅时候，全单有八五折。去到餐厅点菜，单点原来唔可以享用优惠嘅。只有两款套餐可以享有八五折（九龙湾分店套餐价格比北角分店高，可以去北角分店餐牌比较）最后我哋都系选择单点，因为想主打济州牛肋骨$388同埋济州猪扒$268（餐牌上两款套餐都不包括呢两个肉品）。下单嘅时候，店员先提出要单点三个肉品先可以落单。咁我哋重新拣过三个肉品，2杯嘢饮，加一个蔬菜盘。买单$698.食到一半，想refill一碟碟嘅韩式渍物。店员再次提出每位要加$28。呢个收费我系surprise嘅，因为你系主打韩国餐厅，你主打韩烧，韩国餐前渍物refill应该系基本？如果佢喺我入座之前同我讲晒所有嘅限制，而我都选择入座嘅话，我会接受佢所有限制。但系如果喺入座之前并无提及任何呢啲限制，我真系会surprise啰…查看更多

超级难食，服务态度又差，而且价钱仲唔平真系冇需要再去。今日 lunch 想食韩国嘢行到去德福food court先发现之前间韩国店已关门便去咗呢间买外卖。由门口𠮶个到收钱嘅疑似经理人物态度都奇差。问佢有冇泡菜佢话会跟返到公司打开盒饭全部都系芽菜！泡菜冇咗踪影一百蚊一盒饭，仲要咁嘅水准，唔怪之得啲人宁愿去食两𩠌饭。今时今日生意已经难做，仲要咁嘅服务态度咁嘅食物水准点样同人争，有阵时成日投诉人哋不如检讨吓自己…查看更多