流口水重慶麵館 (圍方)

餐厅装修普通，但都光洁明亮。🤔招牌米线麻辣火锅汤底 汤底味道好似买返嚟一盒盒台湾鸭血𠮶种麻辣味，但唔知点解觉得带有少少羊嘅臊味喺个汤底度。不过好处系小辣真系唔系好辣，好易入口。材料方面就正正常常，大杂烩咩都有啲，但系又冇话特别出色嘅成份。有一啲炸咗嘅黄豆喺汤底度咬下增加口感。🤔招牌米线酸辣木瓜金汤 酸辣木瓜金汤嘅味道温和，冇咩酸味，叫左小辣亦都好易入口。至于材料就极普通，午餐肉极薄，猪肝都系极薄，啲丸极粉。唔推介。结论系如果想食下国内嘅味道，汤底系可以嘅，但肉类材料就好麻麻。…さらに見る

体验感非常差！！！叫左一碗$68蚊麻辣全家福小面 首先个麻辣火锅汤底已经系唔辣 十分一般 然后配菜非常之少 食差唔多三份一既时候 望到隔离个menu 发现佢漏左几样配菜（牛肉、大肠、酥肉）都无比 甘就同返个姐姐讲啦 第一个姐姐好大声叫我讲咩事 我话配菜少左 佢话我食左先讲 然后就无理我走左 甘就第二个姐姐过黎问我咩事 我又陈述返话无呢几样配菜 佢就同返厨房讲 甘全程其实我都好客气 但系见到两位姐姐个样系极西 后期补返俾我既时候仲要特登补句 下次要早啲出声同佢讲 唔知系咪真系有少到🧐🤨唔明佢呢句用意系点 个客人会衰到为左几样配菜讲大话甘样衰咩？我又解释我系第一次食 以为有啲料可能会系底到 正常应该你地系要比足料 我唔会仔细检查你地边样无架啵 我都未讲完个姐姐就已经离开紧（当时个场唔忙）然后答我得得得下次无架啦😅😅😅好kam 其实你做楼面出餐唔系应该检查清楚碗野有无齐到咩 唔齐都唔紧要呀 洗唔洗怀疑个客人讲大话呢？唔通我食左失忆或系呃你咩？同埋全程系一句唔好意思都无 反尔系我不停唔该前唔该后 仲要比人西面比人怀疑 $68蚊你少几样配菜我揾返你补返俾我都系我既权益呀😓全程食得非常唔开心 味道又一般 啲楼面又kick态度差 仲要收加一 完全唔抵…さらに見る

刚刚睇完戏，见到呢间面馆，当时心中又未有计划食乜好，就入咗嚟试。全程无招呼、无需交流, 放低张餐牌就俾我QR code自助落单。叫咗份疑似属于招牌菜嘅‘’全家福火锅面‘’，汤要小辣，加配冻豆浆，大约十分钟后上菜。汤底劲油，根本好难就咁饮一啖落口试汤味；但可以非常肯定唔够热，系即制汤面嘅死罪小面面质又软又腍，无需幻想有任何面香可言。每样配料系有数得出嘅两至三件，但食完成碗$68嘅面加埋$9嘅豆浆，都系未能解决饥饿感觉埋单$77，店员零礼貌作结，希望佢可以喺呢一个市道之下，仍然能够继续生存。故事教训自己，喺进入餐厅之前，真系要先行三思🥲…さらに見る

见佢开喺大商场同埋有时都有人排下队以为实无死啦，点知好难食，态度又差，可一不可再！我下午茶时段去食，都已经唔系peak hour架啦，我去到完全无人理我，成个楼面得2个人，讲紧成个场起码2-30张枱。等左阵有个著黑色衫嘅男人出嚟，佢叫我排队，下 我明明第一个到，态度仲要好差。跟住过阵入到去坐低左，嗌左碗面，送到过嚟𠮶阵个盘劲污糟，有我汤嘅色。咁住我食面，好难食兼痴牙，毛肚好难咬，豆卜大量油膱味。救命，点解咁难食都有人排队架。食完劲口渴，连杯水都冇，要加钱嗌先有。总结： 1.服务态度差：去到无人理，叫你再排队但你其实已经系第一个，再加上语气差。2.环境卫生问题：送餐用嘅盘有食物痕迹，呢个算好大个卫生警号。3.食物质素差： - 面质「痴牙」、毛肚嚼唔开、豆卜重油味。呢啲系典型「出品唔新鲜」或者「厨房存货管理有问题」。4.性价比极低：嘢食唔好食都算，仲要水都要加钱嗌，简直令人翻白眼。…さらに見る

因为我系附近返工，当日系父亲节周围都冇位，所以就试下呢间一入到去就闻到好大阵一滴香既味，系科技既味道原本已经有D退缩，但望到后面连M记都爆场，冇办法啦，始终都要食饭我坐低QR CODE落单，先落左个梅菜扣肉饭同一个夫妻肺片梅菜扣肉饭感觉系预制菜先讲下点先叫预制菜，怕有人误会一般工厂制作好既酱汁/预先切好或煮好备用既菜&配菜/一D制作时间长需预先煮至半熟或当日预先煮定既菜以上既都唔算系预制菜预制菜可以系任何菜式，预先煮好调较好味道后进行真空包装再冷藏一般可以保质数月至1年预制菜点分别??好简单 肉类菜式肉质会有明显分别，配菜都会非常软淋，肉同菜同一口感同一味道，咁佢9成都系预制菜呢个梅菜扣肉梅菜非常软烂，扣肉肉质同食罐头完全一样最终我食左2啖就冇再食之后系夫妻肺片四川风味香口胶........讲完啱先讲到个梅菜扣肉食左两啖就冇食，咁我都要医肚嫁所以就叫左碗面全家福麻辣小面面质还好，配料正正常常但味道系好大陆既味 一滴香？？最后太口渴叫左杯豆浆，唔知系开粉定真系咁有料?我饮到底系有些少粉粉地既残留物夜晚返到屋企去厕所个肚劲胀气，放左个足足廿秒既屁🤢唔知关唔关事呢?…さらに見る