活

位于北角汇嘅living in the moment以前成日都嚟,而且出名宠物友善｡近年佢哋嘅打卡场景嘅布置真系越嚟越高质,虽然长期都有宠物Menu,但节日期间仲有应节食品,真系超级方便主人同毛孩一次过满足两个愿望。人类食物方面，今次试咗个单点嘅三文鱼沙律，同埋芝士肉酱焗长通粉，卖相同味道比以前有进步！人类嗱嗱声食都唔记得咗同佢哋影相Follow me @bichoncoolcool …查看更多

😽喺好耐之前经过试过嚟happy hour、今日突然同事话想去第二区试吓西餐又泊到车、我就突然间谂起北角汇呢间西餐厅好啦，我哋今日就喺呢度做同事中秋节饭其实而家经济不景气下、我都惊呢间餐厅仲存唔存在， 嚟到嘅时候可能我哋尚早系第一台、之后走嘅时候已经全餐厅满座。食物 ： 我哋点咗2个午市套餐👍🏻我拣咗美国安格斯肉眼扒、 5成熟，配薯蓉。食得出系靓嘅牛扒、煮得熟度都啱啱好。 最亮点嘅系个薯蓉好有牛油香味另外同事拣咗香煎比目鱼鱼皮好脆，鱼肉好滑，酱汁好特别套餐仲包埋汤/沙律/饮品、我简左咖啡、同事简左水果茶，几好～ 总括而言，我觉得午餐性价比都高，唔系话超级惊艳、但系对得住个价钱、最紧要环境好、宽敞又望海、落地玻璃。 服务都好啊～无投诉…查看更多

之前见间餐厅上网好多好评，就特意去试下，点知间铺位置几偏僻，喺商场最笃最笃嘅入边，要经过一整排扭蛋机，再转入一条小巷先至行到。一路食开其实都冇咩特别问题，直到食甜品，我原本叫套餐，加咗 10 蚊转要 Tiramisu，点知个 Tiramisu 上枱之后，我食咗一啖就发现完全未解冻，冻到咬落系冰嚟。我就同职员讲，问佢可唔可以换一个解咗冻嘅，佢话因为刚好卖晒所以冇了，跟住就问我想唔想转其他款式嘅蛋糕。当下我其实有啲犹豫，因为我本身就系想食 Tiramisu，先会拣套餐再补钱转，如果唔系，当时就会直接单点主菜加饮品算数。职员跟住话可以送球雪糕俾我，最后唯有焗住拣咗个跟餐唔使加钱嘅芝士蛋糕。结果个蛋糕我净系食咗一半，送嘅雪糕亦都只食咗三份一，因为两样嘢都唔好食，屋企人见我剩咗咁多，唔想浪费食物，就帮我清少少。之后出去买单，我就同职员讲，因为冇Tiramisu ，张单应该要减返10 蚊。点知我见张单印出嚟之后，都系冇扣到，于是我再同职员提多一次。跟住有个短发、冇戴眼镜嘅女职员就行埋嚟，话「唔紧要啦，咁减返」，我当下心谂：？？？咩叫唔紧要我就问佢：「想问吓冇食到 Tiramisu，唔系应该减返 10 蚊咩？」个女职员就答：「因为我哋都知你之前加咗 10 蚊，所以先话送个雪糕俾你㗎嘛」。我即刻同佢讲：「你当时同我讲送雪糕，我以为系补偿返冇 Tiramisu 嘅问题；如果你话呢个雪糕系用我加嘅 10 蚊换㗎，我当时就会同你讲唔要㗎啦，因为个雪糕真系好难食」。（因为我真系根本就唔系想食呢个蛋糕同埋呢个雪糕）个女职员即刻黑起块面。之后见佢印左张新单，我就问佢：「我要储商场会员积分，呢张新单嘅积分系咪已经帮我储咗？」个女职员就好敷衍咁答：「你可以自己上 app 睇返，储咗㗎啦」。我攞返张单嘅时候，真系嬲到连「唔该」都唔想同佢讲。后尾上返app 睇，先发现佢根本冇帮我储到积分；不过唔想再行返九丈远返去餐厅，就转去商场嘅 customer service 𠮶度，补返储分。其实呢件事根本唔系 10 蚊嘅问题，亦都唔系佢最后退返 10 蚊畀我，最嬲系职员嘅态度问题。公道啲讲，佢嘅软壳蟹意大利饭真心几好食；但前菜就好普通，甜品唔掂；仲有咖啡同果茶，亦都难饮到冇下次。加上职员态度咁样，真系完全搞唔掂，以后都唔会再去啦🫠…查看更多

Came here for dinner with friends and doggiesThey offer a variety of options for dinner, with some 2/4 people setsWe ordered one set for each person, comes with salad/ soup▶️ Slow Cooked Hormones Free French Chicken with Pesto Yogurt Sauce Potato & Vegetable ($158)The portion was generous. Chicken juicy and soft, heavily marinated with herbs.🐔Grilled potatoes are of good texture.But my chicken was undercooked, had to return it to the kitchen for further cooking…Yet, was very filling.▶️ Pan Fried Halibut Filet with Romesco Sauce, Potato Pave & Vegetable ($168)▶️ Starry night (+$48)-Personally think food was okay as a dog cafe.But the service could have been better and more friendly.I could not feel the care from their staff towards the dogs.🤥They even required customers to clean off their own plates and rubbish.Thus, I wouldn’t recommend people to come here just because it is ‘dog- friendly’.Price was also on the higher- end.…查看更多

母亲节特意带两老去食，我也很久没去了！今次再光顾，发觉水准没以前那么好。我们叫了母亲节二人套餐，另加牛扒。龙虾意粉还可以的，但卖相就 ….😅 鳕鱼外脆内软滑，不错不错👍🏻 牛扒就十分失望，暖暖的，一啲牛香味都冇，仲有一大块肥膏㖭😅…查看更多