活一鮮

每次想食日本野都會即刻諗起活一鮮。種類多，用料新鮮，飲酒傾計環境都一流。今次嗌左刺身五品，玉子燒，雞肉串，時令秋刀魚，厚燒牛舌同埋壽司拼盤，樣樣都好食，有讚冇彈！💫刺身五品有齊拖羅，生蠔同貝，完全係我想食既野！生蠔加埋酸酸甜甜既啫喱好fresh完全唔膩，蠔本身好厚身又creamy。拖羅油脂好足，入口勁香💫玉子燒每次都嗌，唔算好滑，帶少少甜，但熱辣辣噴曬煙，食完一舊又一舊，停唔到口！💫雞肉串雞肉串帶啲脆骨，口感提升左之餘香氣都好足，加埋醬油漬蛋黃，簡單世一！💫時令秋刀魚佢地成日都有唔好seasonal既魚做刺身，秋刀魚配酸汁好鮮甜，食完刺身個魚架仲可以加錢炸左佢，炸完脆卜卜送酒一流！一啖都唔浪費。💫厚燒牛舌厚切既關係牛舌勁juicy，燒得岩岩好，入面仲有少少粉紅色，不過一定要襯熱食！💫壽司拼盤呢個係做佢地membership之後用積分換的，但用料完全唔馬虎，每款都新鮮又好食，仲有海膽添🤩🤩佢地酒水都好抵飲 生啲1L先$88! 上次去仲做緊買2送1，最岩同朋友醉住傾計…查看更多

喺大角咀想搵間食魚生既，行過見到呢間餐廳環境簡約有日式居酒屋feel，木系裝修同暖燈光好舒服，應該幾啱同朋友或另一半嚟食飯放鬆，不過今次得自己一個獨自享受😎佢哋主打新鮮刺身、壽司同魚生飯，食材用料認真，價錢親民（人均約$80-$200）。今次我嗌咗佢哋嘅招牌活一鮮丼，簡直係海鮮控嘅心頭好！🍽️活一鮮丼活一鮮丼真心係全場MVP！呢碗丼飯集合咗海膽、三文魚腩、帆立貝、蔥吞拿魚腩蓉、北寄貝、甜蝦等十款刺身，食材豐富到誇張！每款刺身都新鮮得令人感動：海膽入口即化，濃郁甜香；三文魚腩厚切肥美，油脂滿滿；帆立貝爽甜彈牙，仲有蔥吞拿魚腩蓉嘅細膩口感，食落好似一場海鮮盛宴！丼飯用日本產米，飯粒軟硬適中，配上少許醬油同芥末，鮮味更加突出。套餐仲包沙律同味噌湯，沙律清新，味噌湯有白蘿蔔同豚肉片，足料又暖胃…查看更多

上星期去大角咀嘅活一鮮食飯，見網上評價唔錯，就想試下。餐廳位置喺奧運站B出口，行大概7分鐘就到，地方唔算難搵。入到去，環境幾舒服，唔係好大，但坐得幾 cozy，啱晒同朋友或者另一半嚟食。我叫咗自選三色丼，揀咗三文魚腩、海膽同帆立貝，$108連一碗麵豉湯。份量真心唔錯，每款刺身都好大舊，厚切得來新鮮，特別係海膽，入口好 creamy，鮮甜得來唔會腥。三文魚腩油脂豐富，食落好 juicy，帆立貝都好爽口，切得夠厚，咬落有滿足感。麵豉湯味道濃而不鹹，暖笠笠，配刺身飯剛好。服務方面，店員態度幾好，雖然見到佢哋忙到四處走，但都會盡量解答問題同幫忙。唯一小問題係繁忙時間可能要等一陣，因為人手好似唔太夠。不過佢哋態度親切，埋單時仲有笑容同我講掰掰，感覺幾貼心。整體黎講，活一鮮嘅刺身質素好高，價錢合理，$108嘅三色丼真心抵食。環境同服務都唔錯，適合想食新鮮刺身又唔想太貴嘅朋友。下次有機會應該會再試其他菜式，推介俾鍾意日式料理嘅你！…查看更多

呢間居酒屋已經食過幾次，不論情侶約會定朋友聚會都好適合！今次朋友聚會叫左好多野食，好滿足好滿意😋刺身新鮮大舊抵食！串燒大串兼保留肉汁🤤全部野食都好滿意，可放心任叫🤣（三色丼）鮟鱇魚肝 （$68）鮮壽司 （$168）特級刺身拼盤 （$358）黑松露厚燒玉子 （$62）（芝士黑松露炸蝦卷）牛油果黑醋鵝肝飯 （$178）（煙肉荔枝卷）自家製免治雞肉棒 （1本 $45）焦糖燒菠蘿 （$58）鹽燒牛舌心串 （2串$90）燒明太子雞翼 （2本 $60）（） = 唔記得咩名同價錢😂…查看更多

～活一鮮 (大角咀)～.餐廳除左大角咀外，西環都有分店！.特上活一鮮魚生飯 $158 (7.5/10)入面有海膽，牡丹蝦，三文魚，油金魚，蔥吞拿魚腩，蟹籽等等，所有魚生都好新鮮👍海膽鮮甜👍一碗入面有唔同海鮮感覺好滿足☺️唔知係太好食定真係細碗嘅關係，食完都唔係特別飽😂.三色魚生飯 (自選3款：三文魚腩/帆立貝/海膽/蔥吞拿魚腩/三文魚子) $102 (7.5/10)揀咗海膽+蔥吞拿魚腩+三文魚子三色魚生飯，個樣冇特上活一鮮咁靚，唔係鋪滿晒好澎湃嘅感覺，不過都係新鮮好味的👍海膽鮮甜，蔥吞拿魚腩好香👍三文魚子飽滿大大粒👍.蟹籽沙律 $48 (7/10)正常一開始係黎左沙律先，不過食左一半魚生飯都未黎，追佢之後先發現係漏左單，好彩知道之後都好快黎返👍蟹籽沙律我覺得好難會唔好食，只係大唔大碗，蟹籽多唔多，沙律醬夠唔夠嘅關係！依個沙律就不過不失，我覺得可以大碗啲😂😂.😋食物質素：7.5/10😍打卡指數：7.5/10👍環境服務：7.5/10💰性價比：7/10👏🏻回頭率：7/10.地址📍活一鮮 (大角咀)大角咀埃華街91號大衞樓地下2A號舖(奧運站B出口，步行約7分鐘)Mon - Sun 12:00-15:00，18:00-22:00.…查看更多

Nice🥰💕!I just wanted to take a moment to express how wonderful our experience was at 活一鮮! From the moment we arrived, the ambiance was perfect for a romantic Valentine's dinner. The soft lighting and cozy atmosphere really set the mood.We were especially impressed with the sushi. The combination of textures and tastes truly made it a standout. And let’s not forget the beef tongue! It was cooked to perfection, tender and bursting with flavor.I also appreciate the prompt response from your staff via WhatsApp. It was reassuring to know we could reach out for any questions or requests, and the staff was friendly and accommodating.One suggestion I have is to consider offering a wider variety of soft drinks. While the drinks we had were great, a few more options could enhance the dining experience even further.Overall, we had such a delightful evening, and I genuinely hope to see more branches of your restaurant in the future.Thank you so much for making our Valentine's dinner so special! We left feeling happy and satisfied, and we can’t wait to return!🍲😆…查看更多

Lunch黎見到都多人，不過唔洗等好耐，就入去食啦！.我同朋友都叫左三色丼，每片三文魚都厚切，啖啖都滿足😌海膽都新鮮.好玩嘅係食飯仲有得抽獎😂我就抽到壽司🍣朋友話見過隔離枱抽過碗丼飯😂👍抵玩💯…查看更多

啱啱搬來大角嘴無耐，呢間居酒屋已經變成飯堂，刺身壽司一流，熟食還好，但繁忙時間可能要等一等，服務盡力了，因為好明顯根本唔夠人，食過幾次，都係嗰兩個男仔，好似冇其他同事一樣，疑似樓面經理個個，又要介紹Menu、清酒，又要帶位執枱清潔落單，我每次見佢停低喺收銀，先有得飲啖水，真係望到佢都攰，點解唔請多個人？或者電子落單呢？佢有樣嘢幾好，無論忙到面無表情都好，埋單嘅時候，佢都有笑容同啲客講拜拜。呢排見好多小店都關門大吉，連那個都堅持唔到，希望佢哋都撐得到啦，唔係嚟緊又要搵飯堂。…查看更多

汁燒豬頸肉組成一個美味嘅丼飯☺️豬頸肉煮得剛剛好，肉質嫩滑多汁，同時又有一啲嚼勁。當汁燒猪頸肉同白飯結合時，米飯會吸收醬汁嘅美味，令每一口都充滿滿足感。猪頸肉丼上配上一個溫泉蛋☺️增添口感同風味,攪拌入丼飯中，令飯粒更加滑嫩😊😊…查看更多

今日約埋老友食生日飯，佢先前建議黎呢間活一鮮食日本料理，所以今日就出遠門黎到大角咀食飯啦，小店坐位較少所以最好就book左位先，我地5點55分到仲準備中，等到6點就岩岩好開門入得啦。小店落單方式係寫點心紙，落單後我地叫枝清酒飲下，叫酒要由經理介紹各款酒既味道睇我地鍾意邊款，最後選擇呢枝鳳凰美田，有果香味入口都幾醇，幾易入口。蔥吞拿魚腩飯老友話黎親都要食，就先叫一碗黎，其實就係吞拿魚蓉飯，面頭鋪左好多魚干絲，我覺得比較普通。鮮壽司拼盤 銀鱈魚干銀鱈魚干燒得香脆，作為佐酒小食一流，壽司拼盤有10件壽司加2件玉子燒，壽司既食材都新鮮，軍艦既紫菜都脆，不過要即食，擺多一陣好快腍了。燒牛脷 牛油焗雜菇燒牛脷有2串，薄燒口感都正常，牛油焗雜菇有d驚喜，主要係金菇，但好香口，推薦一試。燒茄子 牛油燒日本甜薯燒茄子略為失色，燒得唔夠仲有d生，茄子肉仲癡皮，而且無乜調味只係加左d木魚係面，比較單調，麻麻地，燒甜薯就正常，燒過既甜薯會更香口。芒果炸蝦卷特別卷物，但芒果同壽司又真係唔太夾，都係分開好食d。厚燒玉子（甜） 燒日本松葉蟹膏玉子燒加左高湯，口感軟滑仲幾甜，燒蟹膏幾正，仲有少少蟹肉，值得一試。炸雞軟骨 吉列生蠔炸物叫左雞軟骨同炸蠔，炸物香口野正常發揮。魔鬼魚魚翅干食左咁多野其實都飽，但仲有d酒就諗住叫個佐酒小食黎送下酒，就叫呢個魔鬼魚翅干，不過太鹹了，鹹到好似食左成口鹽咁，每人食左一條就放棄，唔知係廚房重手左定係點。整體黎講小店水準我覺得正常發揮，高質稱不上，食物質素有好有唔好，食材用料幾好，燒物方面有進步空間，服務方面算唔錯，價錢唔算太貴中規中矩，另外一提就係晚上7點半前離座有85折。…查看更多

住喺大角咀區的朋友仔，今晚特別帶我來到大魚咀區內人氣小店。剛到餐廳門口，已經見到等待入座的食客sssss。朋友仔推介必點的鮮壽司，有10零款壽司，有海膽、吞拿魚、三文魚子等等，款式都算大眾食客鍾意的口味。食壽司，我好講求食材是否夠新鮮，再靚的擺盤但碰上不新鮮的食材，完全係0分，不過呢邊的壽司都幾鮮美，而且性價比高，相當抵食。另外亦試咗清酒煮蜆，味道其實都幾好，不過相比起出色的壽司，不期然變得黯然遜色。…查看更多

🍣 鮮壽司$168鮮壽司set一共有12款壽司，包括挪威三文魚腩、黑松露油甘魚、珍寶甜蝦、紫蘇墨魚、蔥吞拿魚男、蟹膏、三文魚籽、帆立貝、醬燒三文魚、海膽、玉子小食同池魚。當日刺身食落鮮甜，三文魚腩同黑松露油甘魚入口非常肥美，紫蘇墨魚嘅配搭亦一絕，可惜嘅係壽司飯相當實淨，口感唔係咁好😥。同埋海膽軍艦完全唔得啦🥶，食落去好腥同已經溶溶哋啦。提提大家呢個壽司set本身係冇池魚嘅，應該係炙燒左口魚邊，可能賣曬燒左口魚邊啦，所以就俾咗池魚我地（不過店員係幫小編落單嘅時候冇同小編講，上菜亦都冇同小編講，係要主動問點解冇左件左口魚邊先至入廚房問下點解，呢點就尚待改善啦）。🍱 三色丼$102三色丼可以係挪威三文魚腩、帆立貝、海膽、蔥吞拿魚腩、三文魚籽、油甘魚入面自己揀三款。小編當日揀咗挪威三文魚腩、油甘魚同蔥吞拿魚腩。小編都係嗰句啦，三文魚腩同油甘魚腩入口都非常之鮮甜肥美，完全食得到油脂嘅美味🤭，蔥吞拿魚腩嘅味道發揮正常，係抵食之選。…查看更多

經過奧海城，知道大角咀一帶多高質小店，所以到處逛逛，遇然見到這間店舖。比一般附近的小店，它的舖面較大，坐得比較闊落。我們選了刺身飯及牛舌。一客刺身飯，有沙律、面豉湯。沙律加入醋，感覺新鮮開胃，面豉湯都有正常的水準。活一鮮丼所有刺身都很新鮮，帶子非常出色，飯的質量亦很好，滿滿一碗大滿足。牛舌$25一客，雖然看起來細細件，但足有4塊，吃起來口感好，味道亦適中。除了食物的新鮮美味，亦值得一讚樓面的接待，很有禮。值得再encore~…查看更多

📍🐈 活一鮮🐈‍⬛📍#chowweisik鹹#chowweisik大角咀#chowweisik西環#chowweisik北角三間分店分別都食過幾次🤭🤭都有啲固定會食嘅item～一🐾 三色丼｜$102呢個三色丼基本上每一次嚟都會叫🤤質素穩定！！ 新鮮✨而且特別鍾意佢嘅飯 🍚一🐾 麵豉煮牛舌｜$58入邊有好多切半嘅牛舌個底嘅麵豉味都好濃郁蘿蔔、牛舌都好入味😗一🐾 雞皮餃子｜$48係真係成塊雞皮作為餃子外皮 🤩炸得香脆！！🥟再加埋柚子嘅香醋估唔到幾好食✨一🐾 炸軟殼蟹 ｜$58雖然係menu 寫係一隻但係上檯有1.5 😹又係香脆 多肉 都有蟹膏❤️‍🔥一🐾 關東煮 ｜$88呢個就真係冇咩特別味道比起一般關東煮淡好多🥺一🐾 鵝肝卷 ｜$75油脂同飯都係絕對配搭簡單好食😌一🐾 鹽燒雞翼四隻 ｜$48鹽燒調味足夠！而且燒得好香🔥一 🚏 活一鮮 (大角咀)大角咀埃華街91號大衞樓地下2A號舖…查看更多

收銀位男職員應該都係負責人泥架啦只得佢負責收錢仲聽到佢教另兩位職員阿妹同細佬做野不過服務態度好有問題餐廳餐牌好多野食選擇1-47個午市套餐，餐牌都分咗兩張4個人比得一套餐牌大家要交換餐牌睇😹落單時每間餐廳做法不一有啲要你講餐number,有啲要講食物名亦試過有啲餐廳熟悉嘅職員你只講number 佢都噏得出係等於咩食物其實咩落單方式都無所謂嘅咁我地落單就拎住張餐牌講number啦個男職員劈頭好差態度話：「我地部機無number你講number我唔知你落咩食物」其實男職員唔需要咁差態度講野👎始終每日係店舖返工既係你，你部機有咩缺陷令你落單唔方便既只得職員知，客人係唔會知我地都係拎住張餐牌落單你既角度都望到張餐牌如果你每日對住都唔熟悉number係咩食物既建議你都可以望下張餐牌落單既做野行路又懶快手但失誤率都好高收餐牌又整跌放係豉油碟上面嘅筷子落張枱到通常都會換過對筷子比客人如果唔係你地都唔需要擺餐時放喺豉油碟上面啦點知佢都係執返齊就算🤷🏻上食物時碗上面嘅匙羹都可以哼到客人隻手🤷🏻除咗男職員態度有問題之外想讚下阿妹職員好盡責主動幫客人添咗兩次茶食物方面張相用咗effect較光咗三文魚肥厚好食海膽唔新鮮呈深啡色無鮮味食物唔係十分出色加上男職員態度差👎唔會再光顧啦…查看更多