洪記麵家 (沙田商業中心) (已結業)

呢间洪记面家， 有几间分店，今日去咗火炭呢 一间叫咗个崩沙腩饭，冻奶茶。值得一赞，佢个崩砂腩，食材新鲜，爽口弹牙， 饭嘅份量亦都足够。 奶茶系正常茶餐厅嘅味道， 服务态度良好，环境尚算清洁， 埋单总共 70 蚊，尚算合理。…查看更多

难得放假喺火炭四围行吓，行到沙田商业中心呢间有几间分店嘅粉面店，一于入去食碗面，面店环境光猛干净，叫咗碗牛腩面，牛什河，见隔离枱两个人食四碗，我地都唔执输叫多碗净云吞，另可加配饮品。牛腩面，牛腩系普通牛腩，见到有层脂肪以为系靓嘢，食落无乜调味牛味唔重有少少硬，面无乜 碱水味有蛋香，面质爽弹。牛什河，牛什无异味炆得唔错味道偏咸，河粉够滑溜。净云吞唔知系包得唔好定煮得唔好，味道其实可以，但夹口位好似唔多熟，云吞皮都煮唔透，感觉差过超级市场包装云吞。冻咖啡唔错。罐装可乐唔够冻劲扣分，饮咗一半顶唔顺掉咗。…查看更多

又来到火炭喱个工业区，真系唔知有乜好食，行行行行到喱间洪记面家，一里面环境又几干净冇异味，决定入去试试。坐抵睇睇餐牌，决定嗌碗牛腩河试试，当然要多葱啦，加杯热奶茶添。唔驶5分钟，大大嘅牛腩河放喺面前，首先，好香好多葱；然后，好多腩。牛腩肥瘦均衡而且够腍，汤底唔太浓味几清甜。热奶茶够滑够浓绝对唔系某连锁餐厅嘅奶水，埋单 $49 算系几抵。后记：餐厅阿姐几细心，见我碗河粉清汤比较少，主动埋黎问要唔要加返少少汤比我，真心抵赞。…查看更多

膳长今日光临火炭洪记面家，豪花$43品尝一碗牛杂汤河。牛杂鲜嫩入味，河粉烟韧滑溜，汤底更是香浓惹味，令人食指大动。虽然价格略高，但味道的确令人回味无穷。膳长一边啖啖牛杂，一边心想：「这碗汤河，抚慰了我疲惫的灵魂，值得！」若能价格再亲民一点，简直完美！膳长大快朵颐后，满足地离开，期待下次再访！🍜😋…查看更多

我哋一家假曰一定要出去食或叫外卖，所以今日嚟咗依度，今曰出奇地要等位，等咗5 分钟到就有位la! 我哋叫咗牛腩，崩砂腩，韮菜鲛，鱼片头河，崩砂腩同牛腩差唔多，但崩砂腩贵十几蚊，所以牛腩性价比高d 👍🏻! 其余各样嘢都ok.. 正常发挥，系火炭有得食吓呢款面家，已经算唔错😌…查看更多