洪記粥品 (廣福里)

每星期都会去帮衬这间餐厅的，其实之前已经见过佢地对其他客人差劣的态度，无念过今日会发生自己身上，所以今日唔忍，一定要恶评！以后不会再去！！只顾多人客人枱面，不理少人枱面！都算！之后叫食物自己重覆落单，又唔查电脑，反而大声话我（顾客），一边食一边俾说话你听，差！差！差！去柜枱埋单时，职员只顾倾计，埋单又要人等，都唔紧要。职员撞跌了埋单纸，反而唔理，要顾客（我）去执？你撞跌就要我去执，咩道理？差劣！极度劣评！…查看更多

妹妹身体不适，想要吃粥，很少去粥品店的我只想起位于广福里的这家洪记粥品。简简单单的只点了状元及第粥及黄沙猪膶粥，没点其他食品。黄沙猪膶粥，猪膶份量又多又大块 ！若猪膶煮得过熟，质感就会变得粗糙而不好吃。这里的猪膶不至于好粉嫩，但亦没有煮得过熟，口感仍带点爽脆。粥面上几乎没有黄油，少了阵油香味。状元及第粥，配料有猪膶、猪肚、粉肠、肉丸及肉片，应有尽有，每款都有2～3件，不会因配料款多而只得一件半块。明明下单时讲明要走青，单据亦有显示，偏偏这碗完全没走青，有很多青埋藏在粥内。论价钱的话，算是抵食，而食物质素仍可稍稍改善。…查看更多

本身谂住求其食碗粥于是求其入一间粥店就算，点知呢间舖头啲粥煲得好靓，个粥底好绵。我叫咗鱼片粥，啲鱼片好新鲜，而且份量都几足。另外叫咗个斋抢全走，佢个肠粉都唔错，唔会黐笠笠浆埋一嚿，虽然唔系好滑但系都几有弹性，食落去都觉得几新鲜。…查看更多

服务态度差（全部员工都口黑面黑，加上有一个男仔黑到直头啤住你），环境亦一般因为你以为佢有冷气，其实热到飞街。食物质素一般（order鱼片粥，不是鱼碎粥）（肠粉皮厚又唔够嫩滑）大埔可以好多选择 …查看更多

【大埔区】【洪记粥品】大埔不嬲好多嘢食，不过只系我唔系成日去，所以真系冇乜时间探索。今次系有个朋友话呢度啲嘢好好食，话佢个粥底几好咁话，加上有专车送我离开，咁冇所谓啦，就一齐食。不过等佢揾位泊车都用咗啲时间，理解嘅。朋友问我系咪会写嘢，我就坦白咁答佢会。咩餐厅都好，走得入去食嘢都有用餐体验，记录低佢哋有何不可？只系我都设定咗一定嘅限制畀自己，因应疫情都放低咗啲架喇，不过个创作系冇其他嘅 foodie 咁容易得到材料。等到啲嘢食上菜，我叫𠮶个系 $38 嘅「状元及第粥」，然而加埋 $4 嘅「鱼片」同埋 $10 嘅「鱼腩」之后，碗嘢变咗 $52。我觉得都唔错，粥底同啲料都算 okay，而我读书进入最后直路，喺呢个时候的确需要及第粥。我朋友佢现时冇读紧书，不过佢都系叫「状元及第粥」，我睇死佢系中意食啲猪杂，哈哈。而呢间嘢系佢介绍嘅，佢当然赞不绝口，加个「皮蛋」就 $42，冇我食得咁贵。不过我都承认系我唔正常，加料加到啲料多过啲粥。大家睇我咁耐都知我同得朋友出去食嘢我哋唔会咁易收手，叫咗啲小食助庆。首先系 $17 嘅「鱼片肠粉」，朋友居然未食过呢样嘢，我觉得唔错架㖞，主要系因为我觉得鱼片同肠粉两样，都系一啲加咗豉油就好食咗嘅嘢。最后就系粥舖经典小食「炸两肠粉」，呢度卖 $18，中规中矩，冇乜特别。最后埋单两位 $129，以食碗粥嚟讲当然唔平，但系睇返叫咗咁多嘢食又好似正常返好多。希望未来有多啲时间继续发掘大埔区，亦欢迎报料。。。（地址：大埔广福里 22 号地下）#1amfoodie #foodie #hkfoodie #thatfoodiething #hkfood #food #instafood #1ambackup #1am0628 #tasty #globaleats #tastyfood #dessert #foodpics #followforfollowback #love #eat #1am大埔区 #大埔 #大埔墟 #太和 #洪记粥品 #大明里广场 #粥店 #状元及第粥 #鱼片 #鱼腩 #皮蛋 #鱼片肠 #炸两…查看更多