洪慶大飯店

开左几十年嘅老年，嫲嫲果代食到已经，水准保持倒，嘢食丰富，早餐、午餐、下午茶、宵夜……任君选择！食得最多鹌鹑烧卖，已经买少见少，弹牙烧卖配鹌鹑蛋加独有酱汁，正👍仲有多款出色小炒！…查看更多

今日呢间位于李郑屋邨既洪庆海鲜烧腊饭店，系我心水食店之一，我十分欣赏佢地个炒镬厨师，食物炒得好味又好食，佢地个什会饭系我差唔多必食既碟头饭，而家卖相冇之前咁好，但味道不变，都系咁好味。什会饭跟合掌瓜例汤，好饮。成碟饭比好多菜远，软硬适中，猪什够份量，大大碗饭，清哂。非常满意的一餐。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

开会的时候，肚子早已咕咕作响。会议完毕，旋即与同事找地方医肚。先来一碟烧腩仔，摄一摄牙缝。每一件烧腩仔皆是肥瘦均匀相间，肉味丰浓，皮是脆卜卜的，蘸些芥末酱更可升华，不俗。接著是下饭佳品豉汁蒸白鳝。肥美的鳝肉油脂丰沛浓郁，顺口嫩喉，配合蒜头豆豉汁，是无敌的组合，衬白饭十分之和味。菜蔬方面我们要了虾籽柚皮，一客两件，厚厚的柚皮爽腍恰宜，况且吸满汁液，很是满足，就连旁边的灼菜也甚为鲜甜。饿魔绝对被赶走了。…查看更多

今次去洪庆海鲜烧腊饭店饮夜茶，真系有种返到细个同屋企人饮早茶嘅感觉！😆 一坐低就忍唔住点咗几款经典点心，全部都好有惊喜。首先讲虾饺，皮够薄透，唔会一夹就烂，入面啲虾肉爽口弹牙，咬落去啖啖鲜味，完全唔会有雪味，食到停唔到口。烧卖都好正，黄澄澄嘅外皮包住猪肉同虾肉，肉馅够实净，唔会松散，面头仲有啲蟹籽点缀，咬落去有层次感，咸香味浓。凤爪都系必食之选，炆得够腍，酱汁咸香带微辣，入口即溶，骨都可以轻松咬甩，仲有淡淡豆豉香，超级送饭。至于鱼香茄子炆米，茄子吸晒酱汁精华，豆瓣酱味突出，咸香微辣又有蒜香，配埋炆米一齐食，真系惹味到爆，食完好满足。整体嚟讲，洪庆啲点心同小菜都好有水准，价钱亲民，份量又够，啱晒一家大细或者同朋友聚餐。下次想饮茶或者简单食个饭，呢度绝对系好选择！🥢 …查看更多

#洪庆海鲜烧腊饭店 最近多咗食烧味，想试下唔同地方嘅叉烧，始终叉烧系最能够代表香港嘅食物。有网友介绍李郑屋邨嘅呢一间烧腊饭店，正好一试。中午食饭时间要搭枱，双拼烧味饭$46，网友推荐油鸡，所以专登叫肥叉油鸡饭走翼。话咁快店员就送上一碗汤，都够热，尾套还可以。师傅竟然畀咗个油鸡髀，一般离港多数系畀鸡胸，好运少少会系鸡背，鸡髀真系唔多见。肉质比较实净唔似一般冰鲜鸡淋淋滑滑，豉油嘅香味足够唔需要再点葱油。叉烧虽然叫咗肥叉，但嚟到嘅时候唔算好肥，而且系薄切，不过都见到有窿边，算系唔错。饭就比较干身有少少硬，我主要加咗啲葱油落去捞饭食。今次冇食到嘅烧肉佢都好快卖晒，似乎烧肉都系一个几受欢迎嘅食物，我觉得呢间餐厅性价比几高。最欣赏就系枱面嘅热茶无限量供应，茶香味浓，我都饮咗好几杯。洪庆海鲜烧腊饭店长沙湾发祥街10号李郑屋商场地下114号舖…查看更多