津津茶餐廳

呢间一直见食评话盐焗鸡饭好食。终于今日经过鲗鱼涌可以试。系一间十分传统既饭店，一入铺就闻到阵阵死老鼠味😆饭市十分多人，卡位要搭枱坐，有啲见4座位要坐5人，入得黎大部分都系食盐焗鸡，叫左碟鸡肶拼鸡肾加例汤$85。鸡肶比较细，味道都系普通有盐焗鸡粉味既咸鸡，好在唔会太鞋，亦唔算滑。鸡肾比较无乜味，同埋太硬，碟饭连一条菜都无搭，卖相已经好唔吸引。见同枱叫炒河，望落比较油腻，而同枱食客亦反映偏咸，整体黎讲，似系食情怀多于味道。而且，店内职员年纪偏大，说话粗声粗气，无服务可言吧。总括，怀缅传统既，可到此一游。…查看更多

差唔多次次到北角上training都会食佢🔸盐焗胗肝鸡饭 $61相系点左少饭mode 原饭量对我来说太大份 胗+肝+鸡既份量都唔少加起来够覆盖成个饭面鸡汁流落白饭度 更香口鸡咸香嫩滑 又有鸡味 又够多不过略见多骨 同埋斩得细细件有个沙姜附上 唔沾都已经好好味鸡肝粉滑无腥味 仲有种浓郁肝香味鸡胗爽口 易咬开唔会硬硬*整个店面充满老香港感觉*午市时间超多人 一个人去少不免要搭枱*鸡饭唔跟餐 野饮收正价 (我无点到)*撞正星期一 or 二仲可以+$17饮到菜干猪肺汤😍*收8达通*除左招牌鸡饭 仲有好多其他选择…查看更多

招牌盐焗鸡果然有料到，嚟到呢度真系唔好叫鸡饭，直接叫例牌或者半只盐焗鸡再嗌白饭先至够喉，始终盐焗鸡饭得𠮶几件鸡边度够食，佢呢度嘅鸡真系整得好好味，份量又足，而且仲跟埋鸡肠鸡润鸡肾呢啲内脏，精彩超凡。跟手叫多碟咕噜肉，份量又系比想像之中多，煮得够镬气，味道唔错。食太多肉就梗系要叫返啲菜平衡吓啦，因为呢度有粉面，所以就可以叫粉面舖𠮶啲油菜，比炒菜更健康，因为冇咁油，而且仲可以好似我咁样要碟油菜全走。呢度杯奶茶都几好饮，真系要传统茶档先有呢一种味道。…查看更多

撞正午饭时间来食成场都系地盘工人，系平民级美食呢度都系以食鸡饭为主，成场都食同一个饭咁滞🤣🤣鸡好够咸唔洗点汁就咁食都好食，肉身好滑。虽然唔系去骨同我都唔钟意食骨，不过都好易入口唔难吐骨食物ok，不过装修好老旧，唔系好坐得舒服…查看更多

自从上一次有Friend带我黎呢间茶餐厅朝圣之后一直念念不忘佢嘅招牌鸡，2百几蚊成只，仲要系好大只兼连埋鸡润鸡肾鸡肠鸡心系无鸡忘记，性价比高到无朋友，所以今日路经此地就忍唔住入去买咗一只返屋企食，家人都大赞好味道。佢只鸡2百几蚊一只，一定唔会系新鲜鸡，估计系冰鲜鸡，但系就系估唔到冰鲜鸡都可以整得咁好食，只鸡都几大只，都几有鸡味，而且只鸡唔系好肥，鸡肉鲜嫩，珍肝都好食，有机会真系要试吓。…查看更多