泰Grill (享和街)

早兩星期既假日約左好友去荃灣呢間泰國餐廳食個lunch，店員係泰國人，態度nice! 佢地講中文既口音都幾準! 見到呢度有lunch set，有主菜、沙律/湯，同飲品，另可以優惠價配小食同甜品，都唔錯! 我地當然一人一個餐啦😋 我地叫左：.🥘 手打青咖哩雞肉米線 配 青木瓜沙律賣相好Green既米線! 青咖哩味道辛辣，仲有椰香，雞肉同米線吸收哂青咖哩汁幾好味! 除左雞肉，仲有椰菜花、豆、同紅椒，另外仲有雞蛋! 都幾多配料! .🥩牛魔皇船麵 配 青木瓜沙律裡面有幾多肥牛，仲有爽彈既牛丸同炸豬皮，湯底濃郁，夠哂入味！.🍤 蝦餅我地以套餐優惠價加配左蝦餅，一碟有4件，炸得香脆.🍄‍🟫雞脾菇串燒一碟有2串，每串有4大件，加左調味料燒，口感爽脆.🍢串燒（雞、牛、豬）三串每款肉各一串，旁附沙嗲汁，味道夾.🥭芒果糯米飯我地都有以套餐優惠價加配甜品芒果糯米飯😋 芒果香甜，幾好食，糯米飯有白糯米同黑糯米，配椰汁食很不錯.🍹青檸梳打 及 泰式蛇皮果梳打兩杯都係特飲，套餐餐飲轉特飲可以加$15，青檸梳打夠解渴；而泰式蛇皮果真係未聽過，桃紅色既梳打，味道係酸酸甜甜咁幾開胃

/豬頸肉$78/豬頸肉近來成為左我食泰菜嘅必點之一，呢個豬頸肉係入味嘅，而且啖啖肉之餘唔會好油～🐖🐖/燒原隻魷魚$138/朋友一來就話要食呢個魷魚🦑真心唔錯～唔韌之餘，係軟彈嘅，醬汁酸酸地，好開胃🍋🤩/炸蝦餅$78/蝦餅雖然唔係餅狀而係球狀，但係無礙佢夠曬彈性嘅質感🦐外層夠曬乾脆，咬落去唔會成口油，點埋泰式甜辣醬係正嘅～😋/蒜香牛油雞翼$88/幾香幾邪惡，key point係每隻雞翼上面仲有勁香嘅蒜末🧄層次感即刻提升左！🫢

今次嚟到荃灣行下～尋覓下附近有啲咩好食呢？ 今次污嘴狗搵到一間好多人食嘅泰國菜！ 除咗佢服務質素好好之外🥰我地都留意到牆身有長駐畫家畫嘅畫～增添餐廳嘅藝術氣息🖼️！而且食物款式至多至好味！你一定歡喜👍🏻！𝑭𝑶𝑶𝑫𝑺1〉蛋包虎蝦炒金邊粉 $128 （大推薦🌟）除咗用蛋包金邊粉嘅賣相已經好有特色好精緻～虎蝦大件得嚟好肉嫩彈牙多汁！掂啊！2〉炸蝦餅 $78 （推薦🌟）炸到金金黃黃好吸引～熱辣辣新鮮即整上枱！每一粒都好大粒～食落皮薄餡靚！蝦肉肉質好彈牙！3〉串燒（3串 - 雞，牛，豬） $48每串嘅肉質都好彈牙又唔會燒得太乾～醃製嘅味道唔會太過濃！啱啱好！最欣賞嘅係佢好易用筷子夾開一粒粒！4〉蒜蓉包 $35每一塊都好脆口，每一塊都好足料！蒜蓉同牛油味好足夠！大大塊，性價比好高！𝑫𝑹𝑰𝑵𝑲6〉椰汁沙冰 $48 （推薦🌟）第一啖飲WO妹「嘩」咗聲，真係好濃郁椰汁味！飲落好綿綿，入口即溶～而且甜度平衡好好，甜而不膩！好fresh嘅感覺～-

荃灣廣場附近發現呢間泰國餐廳，假日lunch set好抵食，送冬陰功湯或者沙律，仲可以優惠價錢加小食😍🔸 蛋包虎蝦炒金邊粉(HK$138)網紋嘅蛋包金邊粉賣相好吸引，大隻虎蝦連殼炸，金邊粉少酸甜甜份量好多，一個人都差啲食唔晒😎🔸 黃咖喱魚飯(HK$95)黃咖喱幾濃郁好啱送飯，豬柳好大塊，仲有好幾嚿😊🔸 蝦餅(+HK$38)炸醬唔會太厚，蝦肉彈牙，熱辣辣好食🤪🔸 串燒(HK$48)有牛雞豬，三款肉質都唔會燒得太乾，記得剪埋沙嗲醬更惹味🍖🔸 椰汁糕(+HK$18)甜度啱啱好，食落幾清新～

泰奶奶味夠濃 茶味香 入口好滑龍眼冰有4-5粒龍眼 好有泰國feel🙆🏻‍♀️🙆🏻‍♀️🙆🏻‍♀️鳳爪大碟到嚇親 性價比極高好細心一分2 更容易入口 酸酸地少少辣 好開胃豬頸肉🐷🐷🐷成隻碟咁大塊 夠甘香好爽口 食落甜甜地 好好食😋😋😋和牛船麵🐂🐂🐂湯底牛血好足 好深色好正宗味道唔會話太咸咖哩 蒜蓉包一大碗咖哩汁蒜蓉味好香 係全塊都搽滿牛油+蒜蓉😍😍😍😍法包焗到岩岩好 外脆內軟串燒 豬牛豬🍢🍢🍢表面燒得金黃 肉質嫩滑 調味好惹味，夠出色！！！冬陰功🥘🥘🥘酸辣味突出，散發椰奶香辣味較重，唔食得辣既就要小心啦芒果糯米飯🥭🥭紫糯米+白糯米 椰汁甜甜地芒果好甜🫶🏻🫶🏻🫶🏻我偏心紫糯米 比較有咬口 好好食

🍢 串燒（3串）（$48）可以按照自己嘅口味配搭豬，牛同雞，雞肉略嫌燒得乾身左少少，豬肉好爽口，牛肉燒得入味又腍身，就咁食都好夠味，沙嗲醬花生味香濃🍛 手打馬沙文咖哩（$88）咖哩可以選擇雞肉/牛肉/豬肉/雜菜/海鮮（+$10）；咖哩呈濃湯狀，唔同平時見開嘅比較稠身；咖喱椰汁味香濃，唔辣送飯一流；今次揀咗配豬肉，豬肉片唔乾硬，大大塊份量唔少；仲有薯仔、洋蔥、椰菜花，椰菜同原粒花生🦐 蛋包虎蝦炒金邊粉（$128）虎蝦大大隻，仲要開左邊食落啖啖肉，蝦肉好爽口；金邊粉加上豆腐、芽菜同蔥一齊炒，食落落甜甜哋唔油膩，金邊粉外面用左蛋皮包住，整體份量多好大碟，仲可以因應自己嘅口味揀走蔥/芫荽/芽菜或者多辣少辣🩷 泰式粉紅沙冰（$48）沙冰係用左出面比較少食到嘅蛇皮果同椰汁打成，外表粉嫩粉嫩，面頭放上蘭花做裝飾，非常吸睛，飲落口酸酸甜甜，味道有啲似士多啤梨雪糕

趁復活節同朋友去咗荃灣覓食，無意中發現咗一間主打泰菜嘅小店——泰Grill，見到佢有holiday lunch set，可以揀泰式金邊粉同埋船麵套餐，仲有好多特色飲品，即刻決定入去試下😍🍤 蛋包虎蝦炒金邊粉套餐（$138）呢間嘅Pad thai唔止係用蛋包住啲金邊粉，大大隻虎蝦都係用多包住，口感食落更特別！炒粉嘅香料味好出，炒得好夠鑊氣，唔會太油膩，而且份量好足👍🐮 牛魔皇船麵套餐（$85）船麵湯底香濃，唔會太鹹，個粉索晒啲湯好好食，牛肉片嫩滑，仲有爽口嘅牛丸！熱辣辣食完好滿足😋🥗 前菜- 青木瓜沙律：酸酸辣辣，夠哂開胃，青木瓜爽脆，夏天食最啱。- 冬蔭功湯（小）：湯底嘅酸辣味平衡得幾好，對於唔飲得辣嘅朋友就覺得辣咗少少，但我覺得啱啱好😆 飲完會想繼續飲…🥤 飲品- 龍眼冰 +$15：一入口龍眼味道好清甜，冰凍透心涼，消暑一流！- 蛇皮果特飲 +$15：第一次飲，味道幾特別，有啲似果汁加汽水～ 唔想飲嚟飲去都係珍多冰嗰啲？可以試吓新嘢！🍡 ［單點］串燒（3串）（雞，牛，豬）$48三款肉類都烤得好香，個人最鍾意就係串燒牛，食落去好香，配埋醬汁更惹味～🥭🍚芒果糯米飯 （$38加配）芒果夠熟

買完野黎左荃灣呢間泰國野食lunch發現佢好抵食連假期都有set食好佛心🥳-🍍原條菠蘿海鮮炒飯套餐 $108超足料既海鮮炒飯 有蝦 青口 魷魚等炒得乾身又入味 原條菠蘿有燒過 juicy又甜甜的-🥘特盛海鮮冬蔭湯金邊粉套餐 $88扇貝蝦 青口 魷魚同個冬蔭湯入哂味冬蔭湯又唔會好辣 反而酸酸地仲開胃-🥬飛天通菜 $72大大碟飛天通菜 即叫即炒香辣的口感 菜都好新鮮爽脆-跟餐 - 青木瓜沙律 跟餐 - 粒粒波蘿梳打 +$15跟餐 - 青檸可樂 +$15跟餐 - 春卷 +$18

復活節無打算外遊，因為成本高嘛，留港消費，所以，一早去咗荃新天地「英皇」睇「貓貓的奇幻漂流」早場，無預期咁好睇。睇完啱啱好放飯時間，又因老婆想去「Aeon」入貨，故此，就過咗嚟享和街搵食，皆因呢條街選擇多多。最後，揀咗「泰Grill」因為都成幾個月無食過泰菜，又想過吓口癮。環境方面，感覺幾清雅脫俗，近門口又放置咗一啲植物，加埋啲吊燈，配上藤椅，亦頗有泰國風情。服務方面，侍應都幾有禮貌，上菜速度都快。此外，有一點都幾特別，就喺牆上掛上好多幅彩繪，細心睇睇，原來喺一位駐店畫家嘅手筆！題外話，牆上仲貼咗張嘢：提交戶客意見調查及追蹤官方社交平台，即可獲得一張$50現金券，當然唔可以錯過啦。講番食物方面，主餐牌就有幾多選擇，不過，食得精明划算啲，就梗喺揀番午餐，包沙律或餐湯、主食、飲品，以所揀嘅主食嚟定價；而飲品有升級優惠，此外，亦可以加配小食或甜品。既然留港消費，又想支持吓小店，當然食得豐富啲。冬陰功湯（細）既然叫兩個餐，咁就梗喺一個要湯，一個要沙律，試晒兩款嘢。睇樣就好對辦，飲過先知堅定流，一入口果然有料到，辣度溫和，帶微微酸同少少香料味，飲落頗為開胃。青木瓜沙律看似平平無奇，但食落就知好有

5：30pm下午茶時間完之前去到，個下午茶 set係幾抵嘅都有叫到其他主食，雞牛豬串燒幾好食。😋生菜包份量幾多，啲豬肉炒得幾惹味香口😋但個青咖喱就不了，勁稀，好似湯咁，加咗十蚊轉海鮮，雖然海鮮份量唔少，但大部份都係嗰啲魷魚冇乜味個種，成餐飯。 因為個青咖喱扣咗唔少分。蝦炒金邊粉就正常發揮，因為呢間鋪頭用嗰啲蝦都係同青咖喱一樣係冇乜味，有啲透明嘅蝦，所以就算蝦嘅份量唔少啲蝦本身就係冇乜蝦味。芒果糯米飯都幾好食， 芒果份量唔會太少。員工態度好好👍🏻

咁難嘅泰菜，不能只有我食到，都唔知d好評點做到。同朋友食個生日飯，search荃灣區見到第一位，點知真心伏。叫咗六樣嘢，15分鐘上齊，虎蝦冬陰功湯-蝦肉梅嘅，湯似罐頭湯😭真係陰功蒜蓉包-10分鐘內可以淋晒炒通菜-咁普通都整唔好，雲吞麵舖好過佢酸辣鳳爪-無味串燒-似燒好擺咗好耐生菜包-肉醉又濕又冇味，朋友講笑話似蒸肉餅😢

今日同幾個朋友去呢間食，咁見到OpenRice好多好評，今日我哋點咗泰式鳳爪冇味，串燒都知道係燒定，硬刮刮，冬陰功湯，得過酸字，蒜蓉包係我食過咁多間泰國嘢差唔多最差咁滯，通菜，我寧願食白烚，我第一次寫食評，根本都唔係網上講話咁好食，如果唔係親身落到去食既話都唔知係咁差，呢間嘢其他嘢都冇問題嘅，但係食個方面真係我暫時食過嘅泰國嘢係最差，如果唔係我都唔會專登嘥咁多時間寫咁多嘢，啱啱醒起仲有兩道餸，生菜包，又濕又淡，菠蘿冰冇菠蘿味，終極中伏呢間餐廳

泰想去泰國喇！嚟緊週末唔知去邊好？等我哋又帶大家去食下泰國菜啦！今次試吓食泰式午餐！價錢都係由$75起，包冬陰功湯或者沙律，同埋熱飲。價錢又真係幾實惠嘅，一齊睇吓好唔好食啦！今次嗌咗加入午市套餐餐牌既《蛋包飯虎蝦金邊粉》套餐$138，同埋《Si原條菠蘿海鮮炒飯》套餐$108⿡冬蔭功湯唔好睇佢細細碗！味道香濃，酸辣味惹味到爆！注意⚠飲果時要好留心～我地入口差啲嗆到🤪⿢青木瓜沙律見佢紅卜卜又有辣椒碎，本身以為木瓜沙律會好辣，但係呢個偏向酸甜！木瓜爽口，都幾清新！⿣蛋包虎蝦炒金邊粉外型有少少豪華？！金黃色既網狀蛋皮。裡面有橙色金邊粉，上面再有隻炸虎蝦！金邊粉甜甜酸酸好醒胃！落返花生醬同埋辣椒，味道更有層次！⿤炸蝦餅幾彈牙又大大舊！炸到個質感剛好！有蝦既香味！⿥ 原條菠蘿海鮮炒飯金黃既菠蘿炒飯，味道中規中矩。最特別就係佢真係有一條菠蘿伴碟，菠蘿略為炙燒過。不過條菠蘿就生左少少啦。⿦凍椰汁超級濃！好好飲⿧ 粒粒菠蘿梳打真係有一粒粒菠蘿肉，不過啲糖漿就甜咗少少。相比之下我覺得椰汁好飲啲。🌟🌟🌟🌟🌟🌟🌟🌟🌟🌟🌟🌟❤ 食物選擇豐富💚 環境舒適💛 鄰近荃灣廣場Rating： 懶惰鼠😻😻😻+0.5懶惰虎😻

上星期難得有3日連假，感覺出街食嘢會好多人😂所以我同男朋友就揀咗呢間偏離荃灣市中心嘅泰國餐廳食lunch。可能因為位置較偏，即使係假日都唔係好多人，小店嚟講我哋覺得坐得幾舒服。我哋嗌咗一個lunch set同兩樣小菜，仲追加咗份甜品，夾埋二百幾蚊，唔可以話好平但都唔算貴。🥢泰式海南雞飯 💰70 (👅：8.0/10)呢個套餐包埋前菜同嘢飲，前菜我哋揀咗冬陰功湯，入面有大量車厘茄同菇類，我鐘意碗湯嘅味道夠酸，辣度亦較友善，適合香港人口味，不過個人略嫌雨露落得太重手，有啲鹹。海南雞飯好大碗，有10件左右嘅雞件，雞胸同雞髀都有比，外表油亮有光澤，雞皮薄且軟彈，雞髀肉軟滑有層次，雞胸肉都唔算柴。油飯煮到粒粒分明，散發住淡淡嘅雞油、薑黃、香茅同埋乾蔥混合嘅香氣，唔會太油膩，優質~套餐仲會跟一杯檸茶，茶種極具泰式風味。🥢豬頸肉 💰78 (👅：8.0/10)豬頸肉幾大份，而且每一片都頗厚肉，肉質軟嫩爽口，咬落有輕微脂香滲出，點埋個開胃嘅酸辣醬就啱啱好，個人認為表層可以燒得再耐少少，焦香會更突出。🥢 串燒（雞、牛、豬）（3串）💰48 (👅：7.5/10)雞牛豬各一串，每件肉都燒到外層焦脆，充滿碳香，唔點

荃灣真係覓食嘅好地方，想食唔同菜式都好易搵到，今次試左間泰國餐廳係荃灣廣場隔離既享和街，食物水準高，價錢又親民。**🍤 蛋包虎蝦金邊粉** 炸虎蝦大大隻，爽口彈牙，炸到有啲似軟殼蟹既口感。金邊粉炒得乾身，加埋蛋網包住，上碟靚仔之餘仲好香夠薄！泰式風味必有嘅檸檬汁，仲有花生和辣椒粉，撈埋一齊既pad thai好正，份量都好大碟下，炒得唔錯👍🏻**🌊 特盛海鮮冬陰功金邊粉** 海鮮料超魷魚、鮮蝦、青口全部新鮮有咬口，冬陰功湯底微辣又香濃，超開胃！冬陰功食泰國菜一定要叫嘅皇牌之一。唔想揀冬陰功湯麵都可以有更抵食嘅配法，係套餐仲會送冬陰功湯或者青木瓜沙律，我覺得微辣好過癮，辣先有泰國菜特色，仲有杯泰國奶茶加持（凍飲另收費），開心🥰🔥 半打串燒（雞、牛）泰式串燒係食肉獸必叫😆雞肉同牛肉燒得啱啱好，冇過熟變乾，保持住肉汁嘅鮮味荃灣既朋友可以試試呢間餐廳，特別係鐘意食濃味泰國菜嘅朋友🤩🤩