泰Cow

斧头扒落order𠮶时话左五成嚟到嘅时候全熟。服务态度又唔好。同一年前去食真系争好远地点唔系特别方便，价钱又唔系特别平，加上食物质素又差咗，所以下次绝对唔会再过嚟食，亦都唔会推荐比亲戚朋友。…查看更多

呢间泰国餐厅既串烧拼盘真系唔错，烧焦香肉质够嫩一啲都唔鞋，尤其系个鸡肉串，可以食得出香茅同椰浆嘅味道，猪颈肉同牛肉都唔错，加埋果几款泰式酱汁几好食特别系个啲甜辣酱，唔会太辣食完好开胃。生牛肉河粉汤底好清甜 果啲牛肉片真系切得够薄，放落滚汤入面 岩岩好食得真系嫩滑。河粉比想像中烟韧唔会易断，吸埋汤底好入味。加埋啲青柠同辣椒粉 酸酸辣辣咁几正下次仲会再嚟试其他嘢食。不过位置有啲偏僻 入黎有啲难度 岩哂驾驶人士 。…查看更多

元朗好多^隐世^私房菜，呢间算得上系环境舒服，抵食高质有特色的泰国菜餐厅👍🏻出面有好大块草地露营车，夜晚好天果阵仲可以望到星星💫宠物友好兼且泊车方便！食物方面一直保持水准，最爱蒜蓉包和芒果鸳鸯糯米饭😋每次必点！蒜蓉包好大件，焗得好松脆香口，泰式生虾都系必点，新鲜弹牙好野味💋💋仲有地方大郊区空气都好D坐得阔落无赶客feel😆不论是下午茶chill下可以坐出边慢慢叹，还是夜晚聚餐都是一个好选择👏🏻👏🏻…查看更多

帮衬咗呢间餐厅好多年，贪呢度泊车方便，餐厅隔离有个好大嘅空地可以免费泊车。不过都几隔涉，如果第一次嚟，可能会觉得沿途咁山卡啦，点会有间餐厅㗎😆餐厅环境舒服，座位都阔落，有室外同室内。lunch抵食又好味👍🏻-香茅猪颈肉汤粉$58(冬荫功汤底加$15)：猪颈肉煎到好香口，配上泰式酱汁好味😋次次嚟食汤粉，都一定加钱转冬荫功汤底好惹味，食落口感好浓厚，我觉得算小辣同中辣之间。海南鸡汤粉$62:饮咗啖汤，清清哋但唔淡，鸡肉好淋，都唔错连饮品埋单$141，人均$70，呢个质素咁嘅价钱好抵食👍🏻👍🏻👍🏻…查看更多

下午5点到，餐厅冇乜人，目测我哋唯一一枱，老板娘问有冇book枱？我哋话冇，即刻黑面 “你哋企吓先，我同你谂下”，态度恶劣，不过一场嚟到谂住试吓先。点咗六个𩠌，蒜蓉包几好食，味道都可以，不过劲hardsell 元贝圣子等所谓推介菜式，点菜态度欠佳😟，我心谂点菜原来系问答游戏，答错要被惩罚 😂Overall 其实位置配套唔错，泊车方便其实可以搞得好好，可惜都系一贯香港黑面服务态度，冇下次，永久Blacklist 。补充，7点食完离场，仲有10张以上空枱，我地冇book 唔知点解俾人黑面…查看更多