泰·初夏

荃湾泰·初夏泰式火锅放题必试鸡煲牛板腱餐厅环境宽敞舒适，有自助区同落地玻璃窗。120分钟放题多款肉类同配料，份量十足。6款汤底任选。蕃茄汤汤底开胃，椰汁鸡汤甜香浓郁，完美鸳鸯汤底配搭。牛胸爽肉质软嫩带嚼劲，香气十足；豚肉片切得薄滑，脂香滋味；卡乐Beef雪花均匀，入口细腻融化。牛板腱纹理清晰，口感弹牙肉质细嫩有嚼劲，牛味浓郁；M7牛胸腹油脂丰富，肥瘦平衡；精选羊肉卷8片薄切，肉香浓郁软滑。鸡煲：辣度适中，鸡件鲜嫩入味，香气十足令人胃口大开。 炸墨鱼丸及炸鱼饼外层香脆，内里鲜甜弹牙。 饮品如蜂蜜芦荟绿茶、菠萝梳打清新消暑。泰·初夏地址：荃湾青山公路-荃湾段398号愉景新城2楼2030号舖 …Read More

又系打风嘅日子，去咗食泰式火锅放题，叫咗Set B，$288/位/120分钟，如果拣食90分钟价钱仲会平啲 ($248)~汤底拣咗椰汁鸡汤同芫荽皮蛋汤，自己比较钟意椰汁鸡汤，酸辣味带有椰奶香，温和醇厚，同肉类夹啲，烚菜就用返清清地嘅芫荽皮蛋汤~一开始会上个鸡煲，一个𩠌咁上，唔使阻住打边炉嘅时间，鸡件几肥美同入味~肉类最钟意牛板腱，肉质柔软又有牛味，钟意食肥少少就叫卡乐Beef同M7牛胸腹，另外西班牙猪梅片都几好食，唔会太肥~蔬菜同丸类就要出去攞，款式都足够，啲菜仲会refill一啲新款~唔少泰式小食/炸物/熟食供应，好似泰式凤爪、粉丝沙律、炸虾片、地瓜丸、春卷、猪手、猪颈肉、猪牛羊串烧等等……数唔晒呀……最后食埋泰式甜品椰汁糕同斑斓千层糕，好香椰汁味同埋烟烟韧韧嘅口感，呢两款都啱我口味，仲有多款韩式雪条，如果食台式火锅食到闷，不妨嚟试吓泰式火锅~…Read More

好耐冇嚟过愉景新城原来而家呢度开咗好多唔同嘅新餐厅今次就试咗一间好特别嘅泰式火锅店叫做泰初夏。呢度有得打边炉放题，今次我就拣咗$278鸡煲加牛板腱火锅放题餐 120 mins。价钱上真系好抵食，而且选择非常之多，火锅汤底亦都可以鸳鸯锅拣，嚟到泰国火锅店，梗系要试吓佢哋嘅特别汤底，一个我就叫咗冬阴功汤底，另一个呢就叫咗椰子鸡汤，辣度方面味道都好适中嘅。而且呢一个火锅放题套餐仲包埋一个鸡煲，真系超级丰富，鸡煲有得拣辣，我哋就拣咗小辣，炒得都非常之惹味香口～而泰式火锅锅方面，肉类嘅选择都好多，而且喺出面嘅公共空间仲可以夹其他嘅蔬菜配菜同埋面类，任君选择。除咗火锅之外，仲有熟食可以拣，包括串烧同埋唔同嘅炸物，嘢饮方面都选择非常之多，除咗港式饮品亦都有泰式嘅特饮。基本上呢个价钱真系抵到烂，而且我都好钟意佢哋嘅汤底，因为喺出面嘅火锅店都比较少食，特别喜欢佢嘅冬阴功汤底，直接饮落去都好顺口，而且椰子鸡汤有微微辣度都系好好饮～10分推荐如果佢开荃湾嘅朋友仔可以试吓呢一间泰式火锅店👍☺️…Read More

[✨荃湾泰·初夏 ]🍴鸡煲加牛板腱火锅放题餐 120 mins $278💚鸡煲辣度可以自由选择，鸡煲肉质鲜嫩，香气浓郁炒得香口，加配上浓郁泰式冬阴功酱💚汤底 ( 椰汁鸡汤 + 泰式清汤 )双汤底选择，椰汁鸡汤浓郁香滑，泰式清汤清新微辣，口味完美平衡。💚肉类牛板腱切片鲜嫩多汁，鸡肉鲜美滑嫩，羊肉都唔错。整体肉类肉质新鲜，搭配汤底风味绝佳。💚自助区 / 配料自助区蔬菜款式都好齐全，提供左唔少泰式小食，好似猪颈肉、猪手、炸鱼饼同沙嗲串烧等等，水准一啲都唔马虎🤭💚饮品唔系出面普通支装罐装饮品敷衍你，呢度系可以任叫泰式饮品，好似青柠梳打、泰式奶茶、椰汁冰等等😳真系劲满足！————————♡♡♡♡♡♡————————🥂总结少见嘅泰式鸡煲X火锅，提供高性价比鸡煲火锅放题，汤底选择多样，食材新鲜丰富，环境舒适，CP值劲高系聚会理想之选。📍泰·初夏🏠荃湾青山公路 - 荃湾段398号愉景新城2楼2030号舖 …Read More

喺附近Playhouse玩完，顺利6点到达餐厅。3大4细，打边炉嗌咗Set A，食90分钟。其实都好多嘢食拎，另外QR code落单。一上鸳鸯锅就嚟卡乐Beef、豚肉片同酒嫩鸡件。其余见以下各图：仲有港式柠茶柠水奶茶咖啡华田好立克，由于只能upload 12张相，所以不放在这里。堂食自助有咩拎可见其他评论，不赘。串烧、薄饼(naan) 系我嘅推介。盲盒饮品系正嘅，嗌三次分别出现咗珍多冰、凉粉冰、红豆冰。我之前最担心无得拣嘅carbo，原来现场有得拎王子面同辛辣面，QR code落单有乌冬、金边粉、白饭，总有一款啱食！卡乐beef真心唔错，对得住价钱。唯一美中不足系甜品唔吸引⋯真系饮多两杯特饮 / 盲盒好过XD带住小朋友有少少超时，侍应姐姐们都系温馨提醒，都算唔话得㗎喇。如果唔系距离屋企太远，一定会多去。…Read More