泰雲

屋企人一向都喜欢吃泰菜，是日就拣左呢间餐厅黎试。我们点左鸡粒菠萝炒饭，马拉盏猪颈肉米粉，泰式烧鸡木瓜沙律及黄咖喱鸡配蒜蓉包。鸡粒菠萝炒饭，菠萝只有3小块，腰果有5-6粒，但炸到过火，粒粒都㶶晒。泰式烧鸡沙律，烧鸡唔够嫰，又斩得唔利落，有骨碎。木瓜沙律辣度太强，食左沙律之后，辣味一直停留在味蕾上，就算再食黄咖喱都被木瓜沙律既辣味掩盖晒，黄咖喱既味道已经食唔出。唯一评价就系黄咖喱鸡肉有比烧鸡较嫰。我无试马拉盏猪颈肉米粉，不过据屋企人讲系叫既4份食物里算最好的。整体来说食物质素好麻麻，唔会想回头。…查看更多

今日朋友拣咗嚟"泰云"食饭, 我当然冇问题啦～上两个星期食过好好味，但其中一个朋友话网上啲评论好似差咗少少，系咪真要食，我话试咗先再讲1) 烧猪颈肉沙律( 仍然都系咁好味)2) 炸虾饼(都几弹牙， 温馨提示攞到出嚟唔好食住因为真系好热)3) 火山骨(今日个汤偏咸)4) 海鲜冬阴功( 好饮但系太多汤渣)😪5) 烧鸡半只( 出奇地皮脆肉滑)6) 海南鸡饭(油饭超好味，鸡就一般, 佢个汁都好食)7) 烧鱿鱼( 送啤酒一流， 可惜少咗啲)8) 马莎文咖哩猪(个汁香同滑)9) 蒜蓉包(油咗少少)10)鲜芒果厚多士配雪糕(多士脆口美味配雪糕一流，不过人多先好叫)大家食完之后，一致觉得系好味既，系有2-3个菜偏咸，服务水准亦多咗，可能今日唔太多客人。…查看更多

一心想食泰国菜，刚好经过这间餐厅，就决定试试。因不用等位，就直接入去食晚饭。我哋嗌咗一个河粉、一个饭、一份鸡翼，同埋一杯饮品。当碗粉送到时，我想俾朋友试一啲，所以分咗一小碗俾佢，然后轮到自己食。结果发现，整碗河粉竟然已经冇咗河粉，只剩下一堆芽菜同埋伴菜，完全唔觉得自己食咗啲乜嘢。虽然我本身食量唔大，但食完呢碗河粉，真系觉得自己好似冇食过嘢。我朋友问我要唔要再嗌其他食物，但我坚决唔再俾机会它，我觉得赚钱系应该的，但唔系要赚到咁尽。碗粉小到夸张，只有碗系大。之后朋友嗌嘅猪手饭，啲肉又嚡，啲饭亦唔好食；鸡翼好干，奶茶完全冇茶味。后来我睇返其他食评，佢哋都话呢间餐厅嘅河粉食咗好似食空气，我完全领悟到佢哋讲紧乜。价钱并唔算平，而餐厅六点几仲系完全冇客人，我都知自己中伏了。果然，冇人帮衬嘅店舖真系有原因。希望老细睇到呢篇文章，明白赚钱唔应该赚到咁尽，否则迟早冇人再上门！…查看更多

今日星期日商场周围都好多人见到呢间泰国菜有位所以就入咗去帮衬座位算系坐得舒服但系食物方面真系唔太抵食食物份量少到食完都唔饱要出去再揾嘢食两碗船河 个碗就大但系可以睇吓汤个水位比个碗一半还要低可想言之份量有几少？基本上食两三啖就完完全唔饱味道一般 普普通通绝对称唔得上好食以下呢个最经典系跟餐加$18加嘅小食两粒虾饼 成为$9旧一细份木瓜丝沙律 成惠$18至于茶水方面 非常一般低于一般茶餐厅水平整体嚟讲非常之唔抵食唔会再去帮衬唔怪之得唔驶等位以呢个价钱嚟讲食过汤粉连小食加嘢饮每人平均$115但系完全唔知食咗啲乜完全唔饱肚性价比非常之低…查看更多

话说上星期日，当晚正值晚饭高峰期，想试的餐厅都几长队，所以朋友话食过呢间「泰云」都OK、所以就直接入座。点了3样菜，鲜虾金边粉、香茅鸡翼，和芒果一口牛。样样都有水准，属于色香味俱全。本人最喜欢芒果牛柳粒、因为芒果香甜、陪牛肉好夹，个酱汁酸甜微辣够惹味，最后当然是全部清碟、每个𩠌都大量蔬菜做配搭、绝对系兼顾到营养。另外，金边粉的鲜虾虽然只有2颗，但好鲜味，酱汁更是另人齿颊留香！值得一试的餐厅。所以个人认为、并非一定要多人赞的餐厅才是好餐厅、偶有惊喜才是人生！…查看更多