泰金香泰菜

营业中

休息中

近排都係買外賣返屋企食多，經過呢間新開嘅泰國菜就叫咗外賣返屋企食。揀咗招牌海南雞飯，海南雞雞味唔算好濃，但係個醬汁出色！個醬汁酸酸辣辣、酸味較多，所以幾開胃。最鍾意食海南雞飯係因為配油飯！油飯幾香，但係又唔會太油膩，所以都幾好食！另外，叫咗海鮮冬陰功河粉。有蝦、魚片等。鍾意佢個冬陰功湯底，唔會好辣，酸酸地，有泰式香料味，好食！仲有半隻蛋，啲湯粉連埋個湯一齊食真係唔錯！新開嘅小店來講，覺得食物都算幾有泰式風味 ～

今天行完公園經過鰂魚涌芬尼街，見到一間新開的泰菜小店，見到午市套餐經濟實惠，便買了兩份外賣回家吃。午餐有飯和泰式湯麵選擇。跟餐飲品有泰式奶茶，龍眼冰，泰式青檸茶等。我選了燒豬頸肉飯炒底。泰國香米加旦炒得很香和乾身，不油膩，令人吃不停口。豬頸肉燒得恰到好處，保持肉汁又香滑，吃起來不油膩，美味，點埋香辣微酸的醬汁更惹味。有菜心跟飯，好。我也叫了一份泰式船麵試試。船麵有特色，湯底濃郁惹味，內有豬肉片，肉丸，豬肝，炸豬皮，芽菜，通菜，香葉，炸蒜粒等。夏天沒胃口，船麵是個好選擇。泰式青檸茶和龍眼冰解渴不太甜，好飲。110元兩人吃飽，抵食。小店值得支持。下次可試下晚餐，食物選擇更多。

同朋友經過見到有位就坐低左 叫左個海南雞同 燒豬頸肉飯 都係$58~ 我地兩個都飲龍眼冰爽晒!雞好夠滑  好食 最中意個燒豬頸肉飯 個醬係係泰國食到個隻味  會再ENCORE

果日喺附近返工，突然見到有間新開泰國餐廳。見咁方便係公司附近。餐廳又有泰國師傅操刀。食得泰餐當然一定要食泰國嘅風味。喺呢個疫情期間冇得去旅行。好想去泰國。咁岩有依間泰國餐廳喺公司，簡直完美。可以成全我去泰國旅行嘅感覺。聽入邊環境環境都好有泰國特色，彷彿去咗泰國咁。見到隔離枱既pad thai,本來都好想試佢，但最後都係選擇左個巴東咖哩。食得出師傅用料好足，套餐又包杯龍眼水同一個甜品糕。絕對值得一試！