因为食开另外两间成日要排队既泰国餐厅，所以今次就想试下D新意思🙂↕️餐厅分上下两层，无上去上面所以唔知空间有几大，不过下面空间就比较细🫡餐厅入面全部都泰国人，间唔时听到佢哋讲泰文，仲有YouTube 泰文歌听，好似去咗泰国咁🤣👉🏻烧青柠牛肉✨牛肉比较生，红色既地方比较多，未必个个可以接受到。肉质鲜嫩，一咬就烂，唔使不停咬，唔会话好嚡，亦都有牛味。牛肉上面既调味料似系平时用来点泰式生虾既汁，唔系唔好食，但好普通，无令人惊艳嘅感觉👉🏻菠萝炒饭✨炒饭份量唔算多，不过有叫其他野食所以都够。炒饭有菠萝嘅鲜甜味，亦都有提子干嘅甜味，可能有人食唔惯甜嘅炒饭。炒饭略嫌冇咩镬气，不过唔系中式炒饭所以唔会特别要求🤣炒饭入面有两大块鱿鱼，两只虾，同一只青口，海鲜好似冇乜点样腌过，比较淡味，青口食得出系冰鲜青口🫢同埋炒饭入边有三色豆，未必个个钟意👉🏻泰式串烧✨叫左鸡、猪同鸡软骨，串烧唔干身，但好似冇咩肉汁🫨每串串烧大约有四旧肉，唔会话好大串。花生沙嗲酱个人觉得唔够香口，同埋个酱都比较水，我觉得可以再多啲沙嗲，咁会更加好食👉🏻泰式烧鸡翼✨味道啱啱好，唔会太咸或者太淡，腌料腌得几好🙂↕️鸡翼有肉汁，亦都唔会烧到好㶶，有炭香味，唔错唔错，同埋都几大只👉🏻泰式冬阴功✨呢碗野觉得唔叫都可以，冬阴功来讲佢酸味绝对唔足够，我一个唔钟意冬阴功酸味既人都觉得唔够味🤣同埋饮饮下喉咙开始唔舒服，不停想饮水🙂↕️不过入面既海鲜就几足料既👉🏻芒果沙冰✨全餐饭既MVP🤣芒果味好浓，沙冰好绵密，唔会有好沙既口感，同埋就算溶咗都唔会变淡变水味，依然好浓芒果味…查看更多
