泰簡單

今日放工專登去銅鑼灣跟舊同事聚吓舊，原來喺總統戲院上有間超好食嘅泰國菜餐廳，廚師全部都用泰國人非常地道，餐廳環境佈置非常休閒，超級chill同朋友傾偈聚會非常一流。首先係個燒豬頸肉，一上枱已經聞到好香炭燒味！啲肉燒到外皮脆卜卜，帶少少焦香，但入面啲肉汁鎖到實一實，咬落去又嫩又彈牙，點埋個酸酸地嘅辣汁，完全唔膩，真係忍唔住食完一舊又一舊。跟住係個冬陰功湯，呢個真係考功夫！一飲落去，個湯底好濃郁，香茅同南薑嘅味好出，辣度同酸度平衡得啱啱好，飲完成個人暖笠笠。仲要有幾隻大頭蝦，蝦肉爽甜又索晒啲湯汁，非常惹味。第三道係蒜片椰菜苗，估唔到可以咁好食！椰菜苗本身好嫩，冇渣，用大量蒜片同辣椒一齊炒，香氣撲鼻。食落去爽脆得嚟帶少少苦甘味，好有鑊氣，絕對係一道出色嘅青菜。泰式金邊粉酸酸甜甜超開胃、最緊要係個金邊粉入到米，同抄到非常有鑊氣。飲品方面，叫咗個原個椰青水，清甜到不得了！冰凍解渴，飲完成個椰青仲可以刮埋入面啲椰肉食，又滑又香，正到痺！最後整杯凍柚子茶作結，呢杯嘢真心驚喜！唔會死甜，飲到清新嘅柚子果肉，微微嘅甘香同茶底好夾，解膩一流。總括來講，今餐飯每一樣嘢都高水準，味道正宗，食到好滿足。如果你鍾意泰國菜，呢幾款絕對值得試！…查看更多

講下我喺銅鑼灣（CWB）嘅 Thai Simple食過嘅泰國菜。呢度環境簡約舒服，服務員又夠貼心，成晚飯食得勁開心！作為一個鍾意泰國野嘅香港人，我覺得呢度啲菜夠晒正宗，辣度調得啱啱好，唔會食到噴火。Detail 如下：冬陰功湯：呢碗湯一飲落肚，就覺得勁夠晒泰國feel！湯底酸酸辣辣，蝦夠大隻新鮮，仲有香茅同檸檬葉嘅香味，飲到一身暖笠笠。份量都唔少，兩個人share都夠晒飽肚。絕對係開胃之選。皇宮大蝦蛋網炒金邊粉：呢道菜係我最like嘅！大蝦彈牙彈牙，蛋網脆脆地包住，炒埋金邊粉一齊，味道甜甜辣辣，勁有層次。金邊粉吸晒汁，食落唔會太乾，蝦頭都夠晒鮮甜，食到停唔到口。沙嗲串燒：豬、牛、雞各兩串：串燒嚟講，呢度啲沙嗲醬夠晒濃郁，花生味重。豬肉嫩滑唔柴，牛肉juicy有咬頭，雞肉就夠晒入味，烤得外脆內軟。六串加埋一齊，食到好開心。炒芥蘭：簡單但係好掂！芥蘭新鮮脆口，炒得啱啱熟，蒜蓉味香噴噴，唔會太油膩。作為一道青菜，份量足，唔係hea做，證明餐廳有心機。總結嚟講， Thai Simple in CWB 係個好地方，啲菜夠晒泰國風味，價錢合理，下次一定再嚟！想食泰國野解饞，推介嚟呢度試下。…查看更多

泰簡單📍：香港銅鑼灣謝斐道517號總統戲院頂樓🚗：銅鑼灣地鐵D1出口 步行2分鐘📞：+852 2838-2896💲：~HKD260/head for dinnerFood quality✔️：Chicken coconut soup, Lime Soda, Dragon Fruit+Orange👌🏼：Crab meat fried rice, Crispy Rice Cake, Sauteed Morning Glo總結：😋一間喺銅鑼灣嘅地道泰菜餐廳 廚師同侍應都係地道泰國人 食物選擇多👍🏼主要係環境好chill 難怪閒日晚上都頗爆場😋整體飲品正過食物 夜晚有cocktail飲佢杯青檸🍋‍🟩梳打呢啲全世界都有嘅嘢佢整得特別出色 青檸味夠酸夠濃 火龍果橙汁都夠新鮮😋椰子🥥雞湯足料 香茅味超出 😋環境適合打卡有戶外內坐🤔蟹肉炒飯 米餅🍘同飛天通菜都唔錯🤔雖然大部分係泰藉員工 但廣東話好流暢…查看更多

約了朋友去銅鑼灣這間店吃下午茶，食店在一座大廈的頂樓，向街的門口比較細小，不留心就會走過而不知。我們也要問其他路人才找到這大廈的入口。坐電梯上到頂樓，電梯門打開即見招牌。餐廳佈置泰式，待應也是泰國人。店內環境開揚，一列通透的玻璃窗把日光引進室內。全場用木檯椅，甚有熱帶風情的氣氛。雖然擺位較密，但座位不算窄，仍算坐得舒服的。餐廳除了有室內座位，也有戶外座位。下午茶套餐要2:30才供應，我們2:15到，看見仍有午市套餐，於是點了一份午餐，再散叫一份其他的，等到夠鐘又再點一份下午茶套餐。所以這一餐既品嚐午餐又品嚐下午茶餐和散吃。午餐選擇有很多，價格比下午茶餐貴些，相對份量也多些，不收加一，反而下午茶餐和散點要收。在十二款午餐內選了泰式濕炒河，一大碟的河粉上佈滿豬肉和蔬菜，河粉很滑，容易掛汁，濕度剛好不會糊口，豬肉片薄切易吃，汁液的味道適中，不會過鹹，正常的泰式味道。下午茶選擇有八款，有一款名字特別，名噴領雞，看中文不明白這是什麼雞種，但看看英文名稱就知道，Panang是一款泰式咖哩醬的名稱，所以這款菜式就是咖哩雞。一個大黑碟上放了一團白飯，旁邊是咖哩雞。咖哩醬顏色橙橙紅紅，與雞件混和，配上紅西椒。咖哩味道濃郁，雞肉滑，用來配飯吃，十分惹味。散叫的是蟹肉米粉生菜包，擺盤好看，八片綠油油的生菜上放上雪白米粉，米粉上鋪滿蟹肉。中間一碗顏色鮮艷的醬汁為生菜包添上色彩。這醬汁不只是有色更有味，有了它把生菜包的清淡換上層層漸進的濃郁口感。這個菜式淡中有濃，確實好吃。餐飲的熱泰式奶茶味道也很好，入口綿滑有緻，有茶味，不會太甜。今餐吃的泰菜都是簡簡單單，不需要花巧，只要你的味蕾與食物配對了，你就會覺得好吃。…查看更多

平時去開土瓜灣食泰國菜，估唔到大佬今次帶我去銅鑼灣食😋😋。銅鑼灣地鐵站D出口行2分鐘左右就到，樓下已經有種泰國好chill的感覺，入到電梯都放滿泰式風情的海報，電梯打開見到一個小corner用來等位，好岩打卡。仲有餐廳侍應、廚師都是地地道道的泰國人。  ⦁Deep Fried Prawn Cake鮮炸蝦餅🍤，每件都大大舊，即叫即炸熱辣辣。 ⦁Fried Kale with Salty Fish and Garlic咸魚炒芥蘭，味道咸香惹味，芥蘭爽甜幼嫩。 ⦁Spicy and Sour Chicken Soup with Coconut Milk椰汁雞湯，味道濃郁，帶點香辣，入面仲有雞肉、多種菌類，十分豐富。 ⦁King Prawn Fried Noodle in Egg Net 皇宮大蝦蛋網炒金邊粉，大蝦🦐好爽好甜，仲好彈牙！仲配上辣椒粉🌶️、花生碎🥜、青檸🍋‍🟩，全部拌勻，味道更加鮮美。 -飲品-⦁Rambutan Cooler用上紅毛丹水果打成的冰沙，非常解暑解渴 ⦁Water Chestnut in Coconut Milk這杯名字叫「白馬王子」十分有趣。椰奶香味十足，內含彩色馬蹄粒粒，另外還有富有東南亞特色的「亞嗒籽」，令飲品更加豐富！  ✨溫馨提示餐廳亦有晚間cocktail飲，想小酌一杯也可以！🍹 …查看更多

呢間泰國菜餐廳「泰簡單」，睇落簡簡單單，但連我東南亞黎嘅朋友都讚正宗抵食！可想而知佢唔太「簡單」。食物款式都好多元化，而且碟碟份量十足，好適合一家大細黎食，咁就可以食多幾款！今日最讚係個「蝦醬炒飯」，睇落平平無奇，但係真係好好味！炒香左嘅蝦醬，配上粒粒分明嘅米飯，仲有份量十足嘅豬肉，兩個人share都食到好飽。「木瓜絲蝦沙律」都好正，新鮮木瓜配上鮮大蝦，乾蝦、番茄等等，超級惹味開胃。仲有我第一次食嘅「泰式香草烤豬肉」，炸到好似炸豬肉片咁，一片片，食到好停唔到口。最後仲有個「椰汁雞湯」，我地自己稱佢為椰汁冬陰功，因為個味同冬陰功好似，喜歡冬陰功的話應該都會鐘意飲。…查看更多

週日同朋友一齊嚟咗呢間泰國🇹🇭餐廳🍽️食晚餐🤣呢度有啲泰國🇹🇭員工嘅廣東話非常之流利👍$62「有汽礦泉水」：牌子係 LLANLLYR SOURCE - PURE NATURAL SPRING WATER，似乎係嚟自 Welsh Cambrian Mountains 嘅礦泉水，氣泡較大，味道較 raw，呢隻礦泉水個性比較粗獷 🤣$60「黃金夢」：材料有菠蘿汁同埋芒果汁🍹，菠蘿汁同芒果汁原來係可以做到好朋友🤣；叫咗少甜，真係唔係好甜，大大杯幾清新🤣$108「泰式黃咖喱雞」：大大兜，雞肉仲去埋皮，黃咖喱味道濃郁，另外仲有薯仔洋蔥可以食🤣$37「蒜蓉多士包」：焗到有少少脆，亦都有少少蒜香味🤣$95「豬肉肉碎生菜包」：豬肉肉碎有肥有瘦整體嚟講脂肪含量充足所以好甘香仲似乎加咗啲蒜蓉青檸汁香料等等，味道鹹鹹哋，用新鮮爽脆嘅生菜包住嚟食，非常開胃🤣$138「泰式蝦炒金邊粉」：有兩隻連殼嘅中蝦🦐同埋幾隻冇殼嘅大蝦仁🍤，金邊粉少少煙靭，炒得香口幾好味🤣…查看更多

約咗朋友去銅鑼灣，佢話想食泰國菜，我就諗起呢間餐廳。之前嚟過，覺得環境同食物都唔錯，今次再試，亦冇失望。餐廳廚師及侍應都係泰國人，感覺地道。裝修亦有特色，適合同朋友食飯吹水飲嘢，夜晚仲有Cocktail！🔶 冬陰功: 感受到香茅、薑與紅辣椒的層次感，酸辣平衡得宜，蝦湯底濃郁帶微甜，好飲!🔶 免治豬肉菜包: 這道菜偏辣，豬肉炒得夠乾身。🔶 飛天通菜：通菜幼嫩，炒得夠地道！🔶 皇宮大蝦蛋網炒金邊粉：蛋網包住金邊粉，蝦肉彈牙，炒粉乾香不膩，係推介菜式！…查看更多

呢間泰國餐廳喺銅鑼灣，性價比真係高，環境又靚，六點幾仲可以walk in有位，但一到七點成個餐廳就爆滿，仲有唔少人等位。，住港島的朋友有福啦，唔洗去九龍城都可以食到咁高質既泰國菜。冬蔭功🍲 非常濃郁，香茅，南薑，蝦，辣椒的既比例控制得啱啱好，完全唔會膩。肉碎生菜包🥬 呢個小食做得幾好，肉碎鮮嫩，包著清脆的生菜，口感非常爽口。飛天通菜🥬 呢道菜炒得夠香，通菜清脆又有嚼勁，味道清新。原隻菠蘿炒飯🍍 炒飯好香，菠蘿的甜味與米飯混合，而且好多海鮮，味道非常特別，吃到最後都唔會覺得膩。白馬王子🥥 馬碲配上椰汁，好香濃。鮮番石榴汁🍹 果汁新鮮，酸甜適中，特別適合炎熱的天氣。📍泰簡單 香港銅鑼灣謝斐道517號總統戲院頂樓 ______________________________ 唔好走住，記得follow 同like依個post ______________________________ #eilidh #foodie #泰簡單 #銅鑼灣 #香港 #泰國菜 #美食 #好味道 #食評 #飲食 #食物 #開心食 #地道 #食客 #美食探索…查看更多

泰國人主理嘅泰國菜，連入邊嘅同事仔都係泰國人，全部都識講廣東話架，讚👍🏻因為收工好肚餓嘅關係，同老公叫咗兩個主菜一個菠蘿海鮮炒飯，一個喇沙🍤🍤湯麵喇沙湯底濃郁，入邊有四隻大蝦，全部已經剝晒殼，蝦頭仲有膏呀炒飯入邊有好多菠蘿同海鮮，飯唔會太油，菠蘿都好鮮甜再叫咗個生菜包，勁好食個汁，都偏辣嘅，但如果生菜包唔辣又唔夠惹味😂所以我就叫咗杯紅毛丹冰解辣，另外老公嗌咗白馬王子係椰汁冰，紅毛丹冰入邊會有啲紅毛丹打碎咗嘅肉，所以解辣得來都好清新最後唔夠喉，所以再嗌多個豬頸肉，證明我哋真係好肚餓呢，豬頸肉燒得好脆邊同埋環境真係好適合一班人，一齊食吓嘢chill 下打卡, 下次試埋佢杯Cocktail先🙌🏻🙌🏻…查看更多

是日跟友人走進銅鑼灣食正宗泰菜，這餐廳的職員無論廚師及侍應都係泰國人。其位於銅鑼灣站D1出口行兩分鐘就到，十分方便。 餐廳環境好chill比人感覺好舒服好適合打卡，亦是一個適合一大班朋友、閨密、情侶飯聚的好地方。夜晚仲要有Cocktail飲，真係諗起都覺得正👍🏻。 以下是跟友人點選的食物： 🍤鮮炸蝦餅拼香辣炸魚餅兩款各有兩件， 外層炸到金黃色的蝦餅和魚餅未食已經流哂口水🤤。先講蝦餅其口感爽脆彈牙蝦味又濃夠哂惹味。 炸魚餅皮層脆口味道微辣口感彈牙又唔腥😏。建議沾上甜酸醬食，這會令兩者味道更香更突出。 🥗柚子沙律（腰果、花生、青蔥、椰子和酸檸檬汁）餐前食幾啖沙律作開胃菜都是一個唔錯的選擇，這款沙律味道好特別，第一啖食的時候味道微酸柚子味重，但再食的時候椰子絲和花生和腰果味道開始慢慢帶出來，是好有層次的一款沙律。開胃解膩之餘仲可以有解辣作用。 🍲冬蔭功湯食泰菜當然要飲冬蔭功湯啦！其份量足夠二至三人的冬蔭功湯，湯料相當足包括有草菇、香茅、檸檬酸、辣椒，蝦等。 整體味道酸酸辣辣相當開胃，但辣的味道較突出飲完後整個人暖笠笠不錯之選。 🦀蟹肉炒飯大大碟的蟹炒飯味道不錯香口又鮮甜。雖然唔算炒到好乾身，但也做到粒粒飯都好分明的效果，飯份量及蟹肉都好足，基本上每啖飯都食到蟹肉。 🥥鮮椰青食泰菜必點的飲品之一，椰青清甜又多汁相當解渴。 🍍黃金夢（鮮菠蘿汁+鮮芒果汁）飲品可以選擇甜度。小編選了走甜因為這樣可以試到飲品的原味道。兩者混合的味道好清新又平均唔會話偏重於某一種生果味道。果糖甜度還好唔算好甜，飲完就好似食左兩個水果落肚似的，營養價值十足👍🏻。…查看更多

同朋友小聚 簡簡單單食餐飯呢間泰國餐廳星期一都坐爆 要book位🙂‍↕️好似好耐無見到香港餐廳咁多人入面環境好chill 自拍果陣燈光都好睇🤳食物味道好地道 叫野食先知全部都係泰國人 講中文好流利😛夜晚menu有cocktail飲🍸不過今次想飲椰青就無叫到　✧ 椰汁青咖喱(雞) $108 微辣好惹味～　✧ 鹹魚炒椰菜苗 $98 椰菜苗本身就係會有少少苦恰到好處 ☺️　✧ 蟹肉炒飯 $128 份量多💗 蟹肉滑身　✧ 蒜蓉包 $37 冇叫飯，所以叫咗蒜蓉包配青咖喱　✧ 白馬王子 $45✧ 鮮椰青 $58＝＝＝＝＝＝＝＝＝＝＝＝＝＝＝＝＝＝＝＝＝泰簡單 (銅鑼灣)銅鑼灣謝斐道517號總統戲院頂樓＝＝＝＝＝＝＝＝＝＝＝＝＝＝＝＝＝＝＝＝＝…查看更多

又到星期五，去咗呢間係戲院頂樓嘅泰菜，一入嚟已經有泰式spa店感覺咁chill，廚師及侍應講泰文勁有feel，仲有cocktail 飲，好啱一班人嚟吹水打卡👏煎焗蠔餅好正，外脆內滑，蠔味好濃，食一啖就忍唔住想再嚟多塊！炒通菜都唔錯，鮮嫩又唔油膩，辣得嚟清清爽爽再講下蝦醬炒飯，真係有驚喜！加咗泰式臘腸同炒豬肉，味道層次豐富，蝦醬嘅香味配埋米飯～鮮菠蘿芒果沙冰帶嚟一陣清新，夏天飲返啖，正！仲有必叫椰青，水甜得黎又有椰香！### 泰簡單#銅鑼灣小泰國 #chill #地道泰式 #打卡一流…查看更多

星期六晚，第一次嚟食，訂了位，如果唔係都應該要等！3人叫了以下食物⋯泰式生蝦（$165）😋生蝦大隻、新鮮，夠爽同彈牙，個汁都ok！醃鳳爪（$80）原全唔入味，要自己點入面嘅汁食先得！冬陰功（細）（$92）味道ok，但得一隻1開2嘅蝦，湯料有啲少！牛油炒蜆（$113）又係原全唔入味，本身蜆嘅鮮味都無！黃咖喱雞（$108）原全無辣味，得甜味，雞亦都唔入味！馬拉盞炒椰菜苗（$125）😋😋我覺得係全晚最好食，菜爽脆，好入味同野味，但有啲人可能會覺得鹹，但我覺得幾好，越食越想繼續食！炸釀雞翼（$86）釀嘅部份有肉碎，蝦，馬蹄，芫茜，胡椒整成嘅餡，雞皮炸得香脆，餡夠多，好飽肚，但個味道就無特別！鮮芒果糯米飯（$55）😋可揀黑糯米/普通白色糯米，我地揀普通糯米，糯米軟熟，椰漿已混合，但好似甜咗啲，上面嘅芒果都甜嘅！擺盤亦都幾好！椰青（$58）😋😋😋😋夠凍，鮮甜，多水！…查看更多

銅鑼灣地標戲院樓上，有間泰國餐廳❗️因為位置超方便，就喺總統戲院樓上，交通一流，sogo 地鐵站行幾步就到，所以我成日約朋友去食既 💃 一坐低，就有蝦片，係我嘅至愛啊 🤩菜式大眾化，總有啱口味的 🤭叫左幾款招牌菜❤️冬陰功：我哋去親泰國餐廳，都一定會叫冬陰功，這間的出品酸辣夠味，蝦爽口新鮮，而且唔孤寒，兩人份量有大概四隻蝦，飲落幾順口，唔會太辣 ❤️燒豬頸肉沙律：呢款都係我哋成日嗌，豬頸肉燶香中帶嫩滑，夾埋生菜一齊食，清爽開胃❤️菠蘿炒飯：朋友係碳水控，一定要叫個炒飯🤭呢個菠蘿炒飯好出色❗️飯粒乾爽分明，菠蘿甜香突出，仲有肉鬆增加口感✨菠蘿非常新鮮，我哋食到最後，仲有刮埋下面嘅菠蘿肉 🤭👍👍❤️飛天通菜：調味充足，鍾意食泰式醬料既朋友一定會鐘意，通菜爽口，好食❤️新鮮椰青：椰青清甜解辣，飲落好舒服。 整體味道大眾化，我地夜晚7:30 到，餐廳都full house 👍 無論兩個人嚟，或者一大班朋友，都好適合 ✅ 放工，我哋食得好滿足，而且價錢貴，可以encore ❤️🌟👍…查看更多