泰然 (長發廣場)

𠮶晚我哋去完半月湾游水，晒到攰攰哋又唔想煮饭，就谂住揾间餐厅医肚，最后拣咗「泰然」试吓佢哋啲泰国菜。入到去已经见到几枱人，越夜越多人，差唔多全场满座，气氛几热闹。青咖哩牛肋骨一上枱就香气扑鼻，咖哩汁浓郁得嚟唔会太腻，牛肋骨炆得腍腍哋，啖啖肉好入味，配饭一流。不过最邪恶嘅食法，系用香葱蒜蓉包嚟点咖喱汁——外脆内松嘅蒜蓉包一浸落去，吸晒咖喱精华，咬落去又香又Juicy，简直系灵魂配搭，食完仲有啲回甘。「招牌去骨猪手煲」就系重口味之选，猪手炆得啱啱好，胶质丰富但唔会太肥，去骨处理得干净，食落方便又满足。「泰式明炉大蚬锅」就系成餐嘅亮点，蚬够新鲜，汤底酸辣平衡得好，仲渗出香茅味，饮一啖即刻醒晒。啲蚬煮得啱啱好，冇缩水，啖啖鲜味，好有泰国街头风情。…查看更多

今晚朋友去咗青衣长发邨商场入面一间泰国餐厅，想试下佢哋嘅泰国菜。听讲呢间餐厅平日无加一，真系好抵！今次我哋叫咗一杯芝士芒果沙冰、一碗青咖喱鸡、一碗白饭、柚子虾沙律同埋海鲜冬阴公汤金边粉，开心！一入到餐厅，首先感受到嘅系泰国风情，装修都有啲热带风格，墙上有啲色彩缤纷嘅装饰，令人感觉好轻松。座位间隔得几好，唔会太挤迫。讲返饮品，我哋叫咗一杯芝士芒果沙冰，呢杯沙冰真系好正！芒果味道非常浓郁，搭配上芝士，口感滑顺，饮落去清凉又好味，真系一个好适合夏天嘅选择！而且价格只系$36，真系好抵。接住上嘅系青咖喱鸡，呢个菜色真系好香！咖喱味道浓郁，鸡肉煮得嫩滑，搭配上啲新鲜嘅蔬菜，味道非常出色。青咖喱嘅香气配合鸡肉，食落去真系好开胃，唔会太辣，岩所有人食。当然少唔到白饭，$12嘅白饭煮得啱啱好，粒粒分明，搭配青咖喱鸡食，真系一个完美嘅组合。饭香味十足，完全吸收咗咖喱嘅香气，食落去更加美味。再讲讲柚子虾沙律，呢道菜真系好特别！虾肉鲜嫩，搭配上柚子嘅清新味道，食落去好清爽。沙律酱味道香甜，唔会过于油腻，真系一个好开胃嘅前菜，让我哋更期待接下来嘅## 食评：青衣长发邨商场泰国餐厅最后我哋试咗海鲜冬阴公汤金边粉，呢个汤味道香浓，入面嘅海鲜非常新鲜，冬阴公嘅酸咸味道真系好吸引！金边粉滑顺，非常好入味，吸收咗汤嘅香气，食落去真系一个惊喜。呢间青衣长发邨商场嘅泰国餐厅真系吾错，食物味道正宗，环境舒适，服务都唔错，最紧要无加1！…查看更多

同啲邻居打完波，跟住又揸车嚟呢度食泰国菜，唔记得咗适逢父亲节𠮶两个星期，餐厅已经冇得嗌套餐要散叫。既然你浆都冇理由唔食，大致上食嘅嘢同上次差唔多，水准依然保持得好好。今次就试咗火山骨同埋月亮虾饼。火山骨个汁整得几好夏天食相当开胃。后尾加咗个月亮虾饼，整得够脆，又唔会太油啲虾胶亦都弹啦，比较特别嘅话系佢啲虾胶里便夹杂咗啲椰菜食落去就多咗一种口感。其实如果有套餐嗌，呢间性价比真系超高。另外嗌咗个椰菜苗，但系就大棵咗少少，好彩大波得来唔会太老食落去都唔会有渣。仲有我几钟意嘅芝士奶盖火龙果，真系必点。…查看更多

好耐冇返妈咪到😆自从搬远咗去九龙区，返嚟一转都有少少调脚，难得老妈子话唔煮饭出街食(汤都系照煲，就落楼下食泰国嘢晚市有二四六人套餐，都相当抵食😳呢个份量加多个人食都有绰绰有余，不过妈咪话太多肉，都系下次多啲人嚟先叫今日天气真系热到爆，成34度见到马路啲热浪♨️啦啦声叫两杯消暑饮品，我食泰国嘢一定饮泰奶🤟🏻妈咪都拣咗龙眼冰，好清甜泰式汤品通常都系冬阴功/椰汁鸡汤，呢款椰青蚬汤都系第一次见估唔到好夹，椰青嘅清甜加埋大蚬嘅鲜甜，仲有啲香茅，好顺喉好饮，而且蚬既份量都好多，妈咪都话有惊喜黄咖喱牛腩煲超级多牛腩🤯第一次见料多过咖哩，咖哩味浓但唔辛辣，偏甜口食咖哩一定要有蒜蓉包！！！估唔到又系超多块🤯六大件而且脆卜卜香喷喷，一上枱妈咪即刻伸手拎走一旧嚟点咖哩，然后就食唔停🤣马拉盏椰菜苗又系我泰菜必点🤟🏻够晒咸香两母女鸡啄唔断，食饱又坐到落格就可以叫个甜品。叫咗个细嘅甜品拼盘，椰浆西米糕班兰糕同泰奶果冻各二，一人一件份量刚刚好，又唔会太甜搞到好腻口埋单都系$418，妈咪都好满意，叫我多啲返嚟呢到食饭🤣…查看更多

今晚又同朋友小聚 , 就近近地屋企附近食下晚餐 , 提及起想食泰菜就脚地青衣长发商场里的泰然 , 被附近的屋村包围著 , 目测主力做平民街坊生意装潢以木系为主晚饭时间接近座无虚席 , 环境都算干净 , 装修甚有泰式风情 , 价钱唔贵 相当亲民餐牌亦见简而精 , 如上图文并茂店员阿姐都几客气 , 推介左一下抵食二人套餐$298 相当抵食在A项入面拣一款美食, 继而B项入面拣两款美食 , 亦可以优惠价加配甜品同饮品冻泰式奶茶(套餐半价+13) - 味道浓郁香醇, 奶与茶香的比例恰到好处冻鸳鸯(套餐半价+11) - 奶茶香滑mix咖啡浓郁, 复杂而层次丰富, 苦中带甜炭烧猪颈肉(套餐B项)猪颈肉烧至微焦带金黄色, 肉质弹牙, 油脂均匀, 嫩滑多汁, 满满炭火烧香味, 脆口又香口半只去骨海南鸡(套餐B项)鸡肉嫩滑 鸡皮爽薄, 大部份去了骨,可以大啖咁样放心食,配上酸酸辣辣嘅泰式酱汁 ,非常惹味, 又唔会太油腻,口感顺滑, 可惜本人胃浅, 唯有下次配搭油饭泰式明炉乌头(套餐A项)原条乌头上 , 鱼肉肉质中上 可以食落唔会又泥味, 配合香茅,柠檬叶,大蒜,菇类,洋䓤加上肉碎 搭埋汤汁,味道酸酸辣辣好开胃,粉丝亦索满晒味 ,在鱼嘅身上画上几多能够将调味料嘅味道渗入鱼中招牌蟹肉炒饭$88 - 炒饭色泽金黄, 米粒分明, 香气四溢, 丰富的蟹肉亦份量大方, 吃起来有浓郁的海鲜味道, 每一口都充满了满满的蟹肉香,炒饭的口感适中,不会太干也不会太湿, 整体来说美味度9分埋单都系$400左右 , 还顾下午茶餐牌价钱亦好吸引 选择算多包饮品 , 下次翻食应该首选试茶餐时段…查看更多