影片
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
食家推介
第一次出comment就俾咗呢间餐厅, 真心犀飞利🙄🙄😡第一次系到食Lunch, 本身冇咩事发生, 坐低嗌咗个冬阴功双拼汤粉, 冬阴功汤底做得几好,几惹味,海南鸡都整得好滑几好食. 食食吓同我讲话泰式奶茶冇晒叫我转其他嘢饮, 咁我都觉得OK冇问题转咗杯冻柠茶.去到差唔多食完, 我自己杯嘢饮都差唔多饮完, 但同行嘅同事啱啱先开始饮杯嘢饮, 有个戴住眼镜嘅阿姐走过来收走只碗同餐具话唔该帮帮手快少少, 咁我都好明白lunch Time好多人,咁其实我哋都已经嗱嗱声饮埋杯嘢准备起身走, 点知个阿姐系咁走过来话快快快快快快快快, 讲咗唔知几多次. 不停俾人催住其实都已经几烦躁我都觉得算数啦。点知系我比完钱嘅时候, 阿姐喺我后面一路行一路推我出去, 𠮶阵我已经讲咗句话”唔好推” , 个阿姐就把口同我讲话"唔好意思”但继续一路推,直至到行出去舖头, 𠮶时我有其他同事喺度又要返工亦都唔想纠缠落去, 我就走咗, 但真心一肚火😡😡😡😡其实舖头咁细出门口都系几步路啫洗唔洗推个客出去啊？🙄🙄🙄讲真一直俾人催我都算数啦, 仲要无啦啦俾个陌生人故意身体接触真系劲Hard feeling, 嘢食整得几好食都冇用！永远唔会有下次！
继续阅读
餐厅人流极高，中午个场会爆哂。成个餐牌都系$50内超抵食，又多选择，有粉又有饭。泰国餐要有嘅都有都有。叫完嘢食之后，先听到隔离有个客话咸肉炒饭/咸蛋黄鸡粒炒饭? 超好食，要Anchor个香叶肉碎蛋饭都劲吸引、同事都话佢个泰式海鲜炒公仔面好好食，下次一定会再嚟试试！// 泰式炒金边粉中上质素！$50系超高质。劲足料，有超弹牙、新鲜、有咬口鱿鱼，仲有劲多蛋、樱花虾、蟹柳、蚬肉！！！加啲花生，完全系合格有突，水准超班！啲粉系源用泰式金边粉，正常发挥，唔会过湿过干。味道亦控制合宜，唔会太过重口味需要喝水。系厨房即叫即炒，听到炒锅器嘅声，因为花咗啲时间等，上到嚟系热辣辣、会冒烟，不过真系唯一可惜咁都未有食到锅气。
继续阅读
918：无骨猪手饭（$47）份量大，好多猪手，应该都有不下10件，猪手入味，有肥有瘦，有皮有肉，有筋有膏，酱汁味浓，整体不错。另外仲配咗少量咸酸菜，特别醒胃。如果觉得肥腻，可以点酸辣汁，酸酸辣辣，无咁油腻。910：泰式炒金边粉（$47）份量适中，镬气可以，金边粉炒得唔湿淋淋，但可以再干身少少就更好，至于味道正常发挥，酸酸甜甜。配料有几多款式，豆卜、豆干、芽菜、虾皮、鸡肉、鸡蛋、葱、花生碎。午餐奉送热饮，冻饮另加$2，没有加一服务费。
继续阅读
又返到嚟光辉围揾嘢食，知道呢间不嬲都多人，今日早少少就嚟探究一下因为唔使排队。门口几块大餐牌，选择繁多，一睇价钱10分亲民。唔使讲入去即刻坐低。环境同一般食肆无异，虽然唔算宽敞，但都可以。叫咗个海南鸡饭，见到隔篱左右都食得津津有味应该唔会错。唔使5分钟上枱，卖相唔错，碟头都算大。味道还算可以。饭唔算太香但都算干爽。鸡肉唔系太滑，但系个皮好香。$52包嘢饮简直超值。光辉围的确系一个充满好嘢食嘅地方。
继续阅读
帮衬左几次，食物中上，但今次一肚气！老板娘态度奇差！叫错菜或名，好似杀佢父母咁，拎张餐牌一嘢挞落台面！问边到有印度炒面？睇清楚先啦！？原来系泰式炒面。。。食嘢好食都无用食到一肚气🔥
继续阅读