泰斗 (中達大廈)

营业中

休息中

今日去左一間位於海防道大厦上既一間泰國🇹🇭餐廳食飯。上到去餐廳氣氛都幾好，幾靚。有分室外同室內。初頭都擔心坐室外區會好熱，但原來都有冷氣喎。而且坐外面氣氛仲好啲添，暗暗地，每張枱都有盞燈仔，都唔錯。泰國菜真係有好多野食可以選擇，但今日得兩個人食，唔叫得多。見到呢度有炸軟殻蟹食喎。好似都唔錯。份量仲好多添。我諗有成4-5隻到。隻隻都炸到好脆殼，熱辣辣。沾少少泰式辣醬都幾襯喎。夠哂惹味。豬肉碎生菜包🥬，差唔多每次食泰國菜都會叫黎食🤭用生菜包住啲肉碎真係好match，唔會覺得膩，又可以食下菜咁。豬肉碎仲用左香葉洋蔥辣椒等醃製過，好夠入味，又辣辣地，好開胃。泰式香辣蝦膏炒河🍝好惹味既一道菜，河粉用左蝦膏去炒夠哂濃味。河粉都幾大碟，仲有唔同既海鮮一齊炒，有大蝦，魷魚，青口，口感豐富。最後仲叫左 泰國🇹🇭既椰汁糕食。好香既椰奶味，連埋啲西米食，好有口感。

喺尖沙咀好少幫襯商場餐廳，因為 CP 不高。今日一如以往上樓搵食。鹹肉炒芥蘭芥蘭生熟度剛剛好，非常爽口。鹹肉份量足夠，而且肥瘦均勻。整體非常惹味。蒜香軟殼蟹殼蟹係即炸的， 熱辣辣脆卜卜， 配埋帶微酸既醬汁，一口一件。好好食。泰式炒牛河牛肉唔會好似一般餐廳咁發過水。選用牛冧肉，非常淋滑。馬沙文咖哩牛坑腩配薄餅泰國式嘅咖喱，主要材料係馬沙文咖喱醬、洋蔥、椰奶、椰糖、魚露同月桂葉，煮出嚟比較似橙色，甜中帶辣。牛腩好淋。醬汁好惹味。配薄餅食一流。

呢間泰斗肥雞一直都好想尖沙咀試下 ，咁肥雞去完玩之後呢就同屋企人直接喺呢一間尖沙咀嘅泰式餐廳試下啦，肥仔真係要讚一讚佢嘅海南雞非常之滑，點埋佢嘅泰式酸辣醬一流，雞皮好彈牙好有水準之作，再嗌咗個蝦餅讓皮蛋，呢個就普通咗少少，再嗌咗個泰式甜酸炸魚，佢應該係用咗鯽魚炸得好香口，配埋香茅薑蓉泰式辣醬，混合一種異國情調嘅味道跟住後再嚟 ，不過豬肉泰式濕炒河非常之夠鑊氣，嗌多個蝦醬炒飯，呢個調味料就重手咗少少，有少少偏鹹，為咗健康著想嗌多個泰式炒雜菜味道好最入面有芥蘭蘿蔔， 西蘭花唔同嘅蔬菜口感豐富

其實肥妹仔真係好鍾意去尖沙咀食飯，因為選擇夠多，不過好多時候肥妹仔都唔會留意樓上嗰啲餐廳。但係呢一間係朋友介紹肥妹仔去食，朋友仔大推，一於去試下。一入到去個環境真係唔錯，好有氣氛。清邁香酥酸辣魚  $188呢一個酸辣魚超好食，個魚外皮炸到脆卜卜，但係個魚肉非常之嫩滑，再加上佢嗰個酸酸甜甜嘅醬汁，超級開胃，肥妹仔第一次食但係食完一試難忘。金龍蛋皮蛋蝦餅 $128肥妹仔又係第一次試呢一個菜色。先講佢個蝦餅，薄薄地一層，但係蝦味好濃，而且蝦肉質彈牙爽口，而佢個皮蛋唔錯，連埋蝦餅一齊食個味道好夾。海南雞半隻  $158呢個海南雞肥媽讚不絕口，因為佢嘅肉質好嫩滑，而且通常我食嘅海南雞係凍，但係呢度上枱都係熱，所以好啱嗰一日天氣凍凍地咁樣食。泰式炒雜菜  $88呢一個泰式炒雜菜都幾濃味，而且菜嘅款式都幾多，有菇有菜，攞嚟送飯好正。泰式蝦醬炒飯  $108呢個泰式蝦醬炒飯肥妹仔都幾鍾意，佢上面有肉鬆，泰式嘅臘腸， 個飯炒得好乾身，唔會好鹹，粒粒分明。泰式濕炒河  $108呢個係肥家姐嘅至愛，肥家姐揀咗豬肉，佢個濕炒河好有鑊氣，雖然佢嘅芡汁比較偏多，但係食落去唔會好淋，食得出係好有火喉。凍奶茶  $3

今天我去吃飯，去到嘅時候發現餐廳非常細，一共可能只有10幾檯，同圖片上的感覺差別巨大。整體性價比不高，人均消費接近400但是食物水準和人均100 200的餐廳差不多。香辣肉碎炒飯一啲都唔辣，同埋蒜頭味非常重。豬頸肉沙律裡面蔬菜只有幾片生菜。冬陰功也是完全不辣，總體來說食物水準真的完全唔值得哩個價錢。最後餐廳的檯都好逼，我有好幾次比隔離檯嘅人撞到，真系好影響食飯心情好。但係工作人員服務態度良好，面帶笑容。

無得食青咖哩墨魚丸有d可惜，最後叫左個青咖哩雞，唔太辣，幾好，份量亦多，叫了薄餅來送咖哩，薄餅有點有啲鹹，送飯可能會好點。豬頸肉沙律都好味。最後，食了椰汁千層糕同芒果糯米飯。椰汁千層糕有d黏，彈牙d會好吃d，芒果糯米飯不過不失。。..............................

呢日剛落機就約朋友慶生（我自己都覺得勁），時差都未適應，食泰國菜。係外國都食西餐多，係香港雖然物價唔係平人地好多，不過勝在選擇多。上到黎坐係近街個邊，望到對面九龍公園嘅樹景，都有幾分似係泰國。睇左一陣餐牌未load到食咩，請朋友幫手揀下。軟殻蟹，108元，幾香口，朋友鍾意食青咖哩要豬，108元，料都幾多，唔算好辣，味道幾好。緊係要配簿餅，28元，厚度還好，點咖哩絕配之選。叫左拼盤（細），128元，呢個點得過，雖然叫細份，都幾滿足，每款都有得食下，點泰醬一流。而且係明顯即整，唔錯。甜品係芒果糯米，68元，都幾好，黏度適中。

這裏在海防道一些舊樓中，一入到去就感覺到他的氣氛不是一般有室外露台的餐廳，當然不用怕會好熱，因為戶外用窗簾圍著和裝有冷氣。餐牌都是以供應泰國菜為主，而且大都是香港人至愛的。我們點了三個菜和一個甜品。首先來了一個小食拼盤，裏面有春卷，魚餅，蝦餅和雞翼。基本上所有都是不錯的，但最有驚喜的是魚餅是很正宗的做法。之後才來脆鹹肉炒雜菜，肉一定薄，因為炸起上來才香脆可口而最重要的是肉夠不夠味道，因為整個菜就是要求鹹肉的味道吊出味道來，這個絕對是水準之作最後就是炒金邊粉，這個全靠師傅的手藝，今晚這個就很滿意，金邊粉不會炒到糊口，但不會乾甜品當然是芒果糯米飯，這個甜點最美好的一件事就是糯米飯是暖暖的加上新鮮芒果和椰奶一齊食就是最好的結尾。這裏地方寛敞和一大班人去食就最開心了。

朋友最近係尖沙咀做野，發現到依間睇到尖沙咀街景又唔使同人迫既上樓泰菜，仲要係露台景，超正！依幾日涼涼地，加上佢有冷氣吹，所以唔使驚熱呀～我地點左：細小食拼盤，包括：（香葉雞中翼、 魚餅、蝦餅、素春卷）蝦餅外脆內彈，而且蝦肉味濃郁。魚餅好濃厚既香茅味，佢地將香茅同豆角切細粒放入去，好爽口清新😘單骨雞翼好方便食，肉質滑，調味夠。素春卷，熱辣辣，脆卜卜😋椰香黃咖哩牛配烤薄餅好香椰香味呀！材料有牛肉片，肉質嫩，雖然椰香咖哩味濃，但我仍然食到好香既牛肉味。洋蔥車厘茄薯仔因爲炸過個面，食落個口感好唔同👍🏻泰式炒金邊粉金邊粉甜甜地，少少辣又少少酸，好入味又開胃。加埋花生粒，聞落香，食落有口感。蝦肉有好幾粒，肉質彈牙。係依度食泰菜好relax r~

一去到好多人，好彩之前有訂位一坐低睇個餐牌多野食到唔知叫咩好，最後叫我至愛生蝦好新鮮又大隻，個汁啱啱好夠辣食完生蝦辣辣地，要飲返杯正野，芒果沙冰，杯野一到嘩嘩聲，嘩好巨呀重有豬頸肉柚子沙律勁多柚子正呀食泰國野點可能冇生菜包嫁鹽燒盲曹真係好正點正夠味又夠滑炸蝦餅冬陰公就唔夠辣辣D就good最後甜品點小得芒果糯米飯重要心型嫁提外話服務一流，個個都好有禮貌亦講得笑

每次經過海防道，都會見到樓上這間泰國菜，今次朋友話不如試吓啦，其實我有猶豫過去唔去好，因為我怕是主要給遊客吃的餐廳。上到去，餐廳就安排了室外位置給我們，其實所謂室外位置，都是有冷氣的（好彩！）不過就可以望到街道上的行人往來及有空間感。泰國北部椰汁蟹肉伴青瓜這是店員推薦我們吃的，見到這個菜名，覺得好特別，從來未試過，所以我們就聽從佢哋嘅推薦就order了。椰汁味很重很香，配上青瓜，感覺很清新，熱辣辣嘅汁配上清新的青瓜，原來係咁夾。如果多啲蟹肉就好了🙈泰國生胡椒炒花甲平時食辣椒膏炒花甲就食得多了，今次一於試吓新意思，叫個胡椒炒花甲，上碟時熱辣辣，鑊氣十足，胡椒味很香，一串串的胡椒很惹味。咖喱南瓜盅豬肉南果是原個蒸的，夠淋，咖喱配上南瓜中和了咖喱的辣味，吃咖哩點可以少咗薄餅或蒜蓉包，我哋今次就點了薄餅。

東南亞美食之中，我最愛泰國菜。喜歡佢色彩斑爛、味道性格分明、甜酸苦辣集一身，開胃醒神，最適合炎熱的夏天。今次食這間餐廳位於尖沙咀鬧市中商廈的4樓， 鄰近地鐵站十分方便。一出𨋢門已見到泰式神像擺設，裝修也頗時尚舒適。酸辣海鮮湯(細)$148海鮮料有青口、蝦🦐、魷魚、秀珍菇、車厘茄。湯的味道又酸又辣有點似冬陰公湯。鐵板香芒炒牛柳$158這個都有少少辣，係黑椒和新鮮青胡椒的微辣，都幾惹味，芒果好香甜，牛柳粒十分淋好有牛味。炸軟殼蟹柚子沙律$128我honey鍾意食軟殼蟹，這道菜最適合佢😁柚子好多酸咪咪，又是酸和辣的組合，加上椰糖的甜和香，味覺複雜有層次！鹽燒牛舌串$38芒果糯米飯$68最後是甜品時間，芒果椰汁香甜、糯米煙韌有口感，係完美的組合。甜味為人帶來甜蜜的幸福感覺！

平時食泰野野會認起九龍城～不過唔多就腳 所以今次轉左係尖沙咀搵左間樓上鋪食泰國野 環境幾乾淨 位都好寬敞～先叫左個豬肉生菜包～超惹味 都幾辣下 岩哂鐘意食辣既我生菜都好新鮮～ 因為只係得兩個人食 我地都好想食冬蔭公 不過知如果淨叫冬蔭公會好多好滯 又試唔多新野 所以叫左冬蔭公鮮魚魚好滑好好食 不過由於係一路咁煲 我地又掛著飲湯 食魚食得好慢 搞到老左少少 d冬蔭公泰滋味了～另外叫左椰青 好鮮渴好鮮甜 不過略嫌唔夠冰凍 扣左少少分姐～

雨天的日子，同好姊妹去尖沙咀做完facial，在海防道一帶搵到這間環境同氣氛都唔錯的泰國餐廳～～泰斗，少少似酒Bar的環境，還有一排戶外的坐位，我地就選擇了坐戶外的梳化位置，都幾似去了泰國食飯的感覺，坐位非常寬闊，是個傾計的好地方。小食拼盤（$128），包括了雞中翼、魚餅 、蝦餅、春卷，每樣2件，雞中翼和春卷炸到脆卜卜，不乾身、不油膩，魚餅和蝦餅啖啖魚肉和蝦肉，肉質爽口彈牙，配上泰式甜酸醬一齊食，非常美味。最愛食的泰式串燒～牛、豬、雞各二串（$114），每串都燒得肉質鬆軟，好有炭燒的香烤味道，亦唔會覺得乾身，配上沙嗲醬，真的令人回味無窮。蝦醬炒通菜（$88）大大碟，帶有濃味的蝦醬和蒜蓉，帶點微辣，通菜炒得好香口、惹味。泰式蝦肉炒金邊粉（$108）金邊粉份量都幾多，香甜的茄汁味，旁邊有花生醉，可先攪拌金邊粉和蝦肉，在點上青檸汁，酸酸甜甜，份外開胃。椰汁西米糕（$48），西米糕有兩層，上層是椰汁糕，帶有甜甜的椰汁味、下層是粒粒西米和粟米，冰冰凍凍非常美味。

放假先黎落雨，本來想開開心心同媽子行尖沙咀shopping 即時無哂mood , 在海防道睇完金飾同手袋，落大雨到不能再行街街😰，唯有在舖外簷篷下避避雨，剛好看到門外水牌 我就問媽子有無興趣食泰國野，之後我們就上左去4樓一間叫 泰斗的泰國餐廳了。餐廳內既感覺好像來到一間酒吧咁，播住輕快而不吵耳既音樂，侍應帶我們坐在餐廳露台既位置，對住九龍公園的街景，風景樹景都唔錯，頓時悶氣全消。講返野食先，見佢menu 個咖哩牛肉南瓜盅$138 幾靚我就叫左個，其實仲可以揀雞或者豬的， 不過小妹鐘意吃牛多d😋盅裡南瓜肉都好多，南瓜的甜與咖哩既椰香溶化在一齊好香甜 再滲入軟硬適中既牛肉度好正！我地仲有叫左 豬，牛，雞肉沙嗲串燒 每款兩串各款$38，沙嗲醬調較得唔錯幾野味，3款串燒都唔會燒得太乾身，最緊要襯熱食😛 好味！ 3款裡面我比較欣賞 豬肉串燒，醃得好入味，下次再吃也是我的首選😛食到差唔多，菠蘿海鮮炒飯 $148 黎左了，同menu張相一樣有大大隻青口😃 ，我最鐘意邊吃菠蘿粒邊吃串燒咁食，真係好開心架☺️ 。 我覺得佢d腰果粒同肉鬆另外分開放在小碟上另上，而唔係放在個炒飯上面，可以睇出師傅既細心，