泰斗

泰斗餐廳雖然唔近鐵路站，如果搭的士嚟，有$40回贈，但記得留返的士收據，仲有免費泊車可以泊門口，夠晒方便一踏入餐廳猶如置身泰國，環境非常舒適，地方闊落，枱同枱之間有空間感，長形嘅梳化配埋咕𠱸，坐得夠晒舒服，加埋餐廳嘅背景音樂，加強咗泰國地道嘅感覺，場地非常大有室外同埋室內，非常適合一大班朋友聚餐泰式生蝦$128生蝦新鮮爽甜，有海鮮嘅鮮味，配埋特製嘅酸辣香草醬汁，令味道更突出泰式鳳爪$88每一啖帶有微微嘅辣味，配菜有芹菜，芫荽，車厘茄，洋蔥，蒜頭，蘿蔔絲，生菜，鳳爪爽口，酸酸辣辣，非常開胃馬拉盞通菜$98好香嘅馬拉盞香氣，用咗大量嘅辣椒同埋蝦米去炒，炒完蔬菜依然嫩綠，仲有香濃嘅蒜蓉味，這道菜送飯一流泰式蟹肉炒金邊粉$118極力推介，夠晒鑊氣金邊粉彈牙煙靭，味道酸甜鹹交織，加埋芽菜雞蛋蝦作為配菜，增加咗層次口感，清爽又不油膩油浸筍殼魚配秘製泰式酸辣汁$298魚嘅份量非常大，炸到卜卜脆，魚肉依然嫩滑，細緻，做到外酥風內嫩嘅口感，入口即化，香口又鮮嫩，配埋旁邊嘅酸辣醬，夠晒惹味…查看更多

看餐廳的位置好像挺偏遠的，但其實附近有挺多新樓盤，餐廳人氣還是挺不錯的，而且地方很大，空間感十足，還有露天的位置，氣氛不錯。泰式香燒雞（１８８元／半隻）雖然有寫要等２０—２５分鐘，但實際時間更久一點，不過也是挺值得等的！這裡的燒雞比平常餐廳吃的都要大隻，而且燒的火喉剛剛好，雞剛剛好熟，吃起來肉嫩多汁，還有雞肉香，雞皮有彈性，而且雞醃得很夠味，泰式風味十足，吃的時候再配上甜辣醬，更解膩，更突出雞肉香。馬莎文咖哩牛坑腩配薄餅（１７８元）本來想叫另一款咖哩金磚的，但已經賣光了，所以就改吃這款有薄餅的，性價比也不錯。牛坑腩燉得還有點彈性的，吃起來肉感較足，牛肉味香濃，部分帶點筋的會更香，而咖哩都滲透進去了，味道更濃郁。本身咖哩的香料味很夠，又帶點椰奶香。薄餅烤得酥脆，配咖哩一流。泰式火車頭和牛炒飯（１８８元）這裡的炒飯是比較濕潤的那種，味道挺香的，加了很多蛋和牛肉，還有點菜碎來增加口感。牛肉口感很嫩滑。雪糕（５８元）有三款雪糕可選，分別是朱古力，椰子和雲呢拿，我們就選了後面兩款，質感都很香甜，不會太甜，還加了有朱古力醬呢。手打菠蘿檸檬變泰綠茶（７３元／增量）質素真不錯，跟外面的茶飲店的手打檸檬茶可以一戰，口感非常清爽，味道酸甜，挺解膩的。荔枝沙冰（６８元）荔枝味非常香濃，味道清甜。…查看更多

最近在元朗發掘了一間泰國菜專門店，整體感覺相當不錯，讓人恍如置身泰國。最令人驚喜的是用餐環境相當舒適，枱與枱之間保持著適當距離，絲毫不感侷促。店內播放著輕柔的泰文歌曲，音量恰到好處，不影響傾談之餘更添風情，我媽媽甚至聽到一首她從小聽到大的經典歌，倍感親切。座位設計用心，搭配的長形咕𠱸承托力十足，大大提升了舒適感。每張枱上還設有專屬燈光，能清晰照出食物的色澤與細節，這點非常加分。泰式風情的碗碟亦增添了幾分地道感覺。食物方面，海鮮炒濕河 (Pad See Ew) 絕對是必食之選，極力推介！河粉炒得夠「鑊氣」，口感軟滑又帶點彈性，醬汁濃郁入味，海鮮料足且新鮮，整體水準極高，令人回味。雖然本身味道已很足夠，但習慣泰式風味的媽媽想加點辣，店員立刻提供辣椒醬，後來才知店內也有傳統的四格辣椒醋，但無損我們對這道主菜的喜愛。不過，馬拉盞炒通菜 則略為遜色，鹹度稍高，蓋過了應有的鮮香，是當晚較不推介的一道。其他菜式亦有驚喜。椰汁雞湯 (Tom Kha Gai) 做得相當出色，湯底香濃順滑，椰香四溢而不油膩，雞肉更是嫩滑非常，味道平衡得宜。柚子沙律 非常新鮮爽脆，柚子肉粒粒分明，口感十足，媽媽大讚比起她上次在其他地方吃到的細碎口感好太多了！服務態度親切有禮，加上舒適的環境、地道的細節（如音樂、燈光、餐具）和出色的招牌海鮮炒濕河，整體體驗比我們常去的九龍城泰菜館更令人滿意。這頓飯不僅滿足了味蕾，更是一趟愜意的泰式小旅行，值得再訪嘗試炒牛肉或雞肉等其他菜式。…查看更多

講起元朗食泰菜，「泰斗」絕對係街坊飯堂級！今次唔講大路嘢，集中火力讚爆佢哋「生菜包」同「蝦餅」，兩樣都係我回頭N次嘅理由！生菜包：香辣爆擊！自己包最過癮 佢哋嘅生菜包，肉碎炒得「乾身又夠鑊氣」，一上枱就聞到香茅同金不換嘅霸氣！肉碎用豬肉同雞肉混合，咬落有粒粒口感，仲有啲爽脆筍粒同洋蔥吊味，辣度可以自選（小辣已經好惹味）！重點係生菜新鮮到滴水，每塊都脆卜卜，自己拎塊菜包住熱辣辣肉碎，一啖塞入口 — 菜嘅冰涼 + 肉嘅香辣 + 香料衝擊 = 爽到震！ 食到唔停手，仲抵在份量足 蝦餅！真蝦肉彈牙爆 另一必點係 「手打蝦餅」！一碟四大件，厚度直逼1.5cm，咬落去唔係粉漿，係實實在在蝦肉嘅纖維感，外皮炸到金黃微脆，入面彈牙到好似食緊蝦滑，仲有淡淡胡椒香！點埋佢哋自家嘅酸辣梅子醬，微甜帶酸超解膩，食一件已經想Encore！真心唔係出面啲「風批蝦膠」可比，真材實料到連屋企長輩都大讚小總結：兩道菜都係 「即叫即製」，上枱熱辣辣先至夠香！生菜包左右，蝦餅有找，以呢個質素嚟講性價比超高，難怪平日夜晚都坐滿人。環境就典型街坊小店格局，但食物有水準就夠啦～ 想食地道泰式小食？呢兩樣信我，必嗌！溫馨提示：生菜包辣度可走辣，但小辣風味最正！…查看更多

今日去完元朗行山，加上天氣好熱想食開胃泰菜，就順便去bookmark 左一段時間的呢間餐廳。一入餐廳空間感幾好，樓底夠高裝修都好有泰式style，枱與枱之間又唔會覺得迫。餐牌都好多款唔同泰菜，新派fusion 泰菜都有好多選擇。柚子沙律 $108柚子肉好大粒，夠水潤又甜，佢個調味做得好好，香料味夠得黎又唔會過濃，加埋啲香脆嘅腰果粒，更加有口感。泰式燒豬頸肉 $128燒得好香口，又夠爽，點埋佢個辣辣地嘅汁真係幾夾。泰式燒老虎蝦（兩隻）$168一拎上枱就已經聞到好香嘅炭燒味，老虎蝦大大隻，職員好細心比定手套同埋濕紙巾我哋；食得出係新鮮蝦，因為啲蝦肉好爽口彈牙，蝦頭仲會有啲膏，推介。鹽燒馬友 $248一打開個魚皮，啲魚嘅鮮味出晒嚟，魚肉好嫩滑，我平時好怕食到好腥的魚，呢個一啲腥味都冇。手搖香芒檸檬變態紅茶 （加大）$73 甜甜的芒果味再加上好香濃檸檬嘅紅茶底，撞埋一齊真係好適合夏天飲，好解渴仲要大大杯。金柚香芒沙冰 $78有唔少嘅香甜柚子肉粒，芒果沙冰又夠透心涼。甜品點可以唔叫芒果糯米飯，佢係用咗三色飯，有蝶豆花糯米飯，普通糯米飯，同埋斑斕糯米飯，飯粒夠煙靭粒粒分明，個椰汁就甜咗少少，但佢個芒果都幾甜同最梗要係冇渣。呢度如果多啲人嚟食仲可以試多啲唔同款嘅食物。藥房星期六晚上七點至九點都有live music 可以邊食邊chill住聽歌。…查看更多

原來元朗呢間「泰斗」咁高質！今次專登為咗佢個秘製金麵配雞扒而來，食完真心覺得，為咗佢穿州過省入元朗都值！個湯底真係靈魂所在！ 一上枱，個賣相已經贏咗，金黃色嘅湯睇落好濃郁。飲一啖，嘩！超濃郁嘅咖喱香同椰奶味即刻湧出嚟，味道好有層次，香滑得嚟唔會好膩，帶少少香料嘅微辣，真係會令人一啖接一啖咁飲！主角之一嘅雞扒亦都無得輸！ 佢唔係就咁煎咁簡單，塊雞扒外皮煎到香脆，咬落去「索索」聲，而裡面嘅雞肉竟然保持到超嫩滑，仲有肉汁添！睇得出係落足心機去醃同煎，個味道香到呢，簡直係犯規級數！至於個金麵，索晒啲精華湯汁之後，真係無得頂！每條麵都掛滿濃濃嘅金黃湯，食落去滑溜又入味，同啖湯同塊雞扒夾到震！呢碗金麵由湯底、雞扒到麵身，樣樣都咁高水準，絕對係餐廳嘅必食招牌！如果你係濃味愛好者，咁呢碗「秘製金麵配雞扒」真係唔可以錯過，保證你食完會心思思想再encore！…查看更多

若想在香港尋覓一道令人魂牽夢縈的泰式甜品，元朗這家泰國菜專門店的芒果糯米飯絕對是無可撼動的王者之選！嚴選泰國空運的香甜芒果，金黃果肉軟糯多汁，鋪墊於熱氣氤氳的糯米飯上，淋上濃郁而不膩的椰漿，每一口都是冷熱交織、甜潤與清香碰撞的極致享受。這道經典甜品不僅還原了曼谷街頭的靈魂風味，更是店家最誠意的獻禮。當然，盛宴豈能獨沽一味？金柚香芒沙冰以新鮮芒果與清爽西柚果肉完美交融，果香奔放、冰沙細膩，瞬間喚醒悶熱的味蕾；泰嫩海南雞更是驚喜之作——雞皮爽脆如琉璃，肉質嫩滑至極，蘸上秘製辣醬，鮮味層次瞬間爆發；而即點即炸的手打炸蝦餅，外層酥脆內裡彈牙，每一口都吃得到鮮甜蝦肉，誠意滿分！這間隱藏於元朗的泰菜寶藏，不僅注重傳統風味，更在細節處展現匠心。無論是濃郁的香料運用，或是對食材新鮮度的堅持，都讓人彷彿置身泰國當地。下次渴望一場舌尖上的旅行時，不妨直奔元朗，讓芒果糯米飯領銜，展開一場酣暢淋漓的泰式饗宴吧！…查看更多

泰斗位於元朗大樹下東路大旗嶺村，地點遠離塵囂，我想喺繁忙嘅都市揸車搵個靚地方好chill咁食餐飯，泰斗一定係個好選擇。餐廳提供免費泊車，而且裝修非常別緻，有文青風波希米亞風泰風甚至泰國傳統服飾比鍾意打卡嘅食客免費體驗，係好似去咗轉泰國咁！食物方面當然都高質啦～試咗個炒辣蜆非常香口惹味，啲蜆都好滑好鮮甜，而且份量都好足夠。粉絲蝦煲非常地道，大大隻鮮蝦好實肉好彈牙，粉絲吸收晒海鮮嘅精華，火候恰到好處冇得頂！海鮮炒飯有多種配料，飯粒好有咬口，就算係比較大食嘅成年男子都會覺得夠飽😋總括而言，餐廳嘅佈置同埋菜式都係高水準，椰汁冰同埋奇異果沙冰都好好飲，咁高質嘅隱世餐廳一定要推介大家試試，絕對係週末放鬆下身心遊車河一家大細或者拍拖嘅好去處😍…查看更多

入到呢間餐廳同去到泰國無乜分別，因為所有裝飾都好泰式，好地道！連個卡位都好似去咗泰國皇室咁～先試個細嘅泰式蟹肉魚肚羹，入面真係有鮮蟹肉，好味道！口感濃稠適中，好味！呢度係半隻泰式香燒雞，有啲咖哩風味，好香口惹味，雞肉都好嫩滑，讚！泰式濕炒牛河，呢個都好好味！炒得夠濕，而且係用勁大塊嗰隻河粉，完美還原泰國當地嘅濕炒河感覺！鐵板蠔仔蛋，超香脆，啲蠔唔腥亦好juicy!好味～呢度飲品都好有特色，試咗雜莓黑加侖子變泰紅茶同手打香水檸檬變泰綠茶，好飲又解渴！…查看更多

行入元朗呢間泰國菜館，叫咗個蒜香軟殼蟹試吓。見到啲軟殼蟹炸到金黃色，賣相好吸引。軟殼蟹炸得啱啱好，外層非常香脆，咬落去會聽到「咔嚓」聲。最正係入面嘅蟹肉依然保持到嫩滑，完全唔會乾爭爭。蒜香味好突出，但係又唔會太濃蓋過蟹嘅鮮味。每啖都食到蒜片嘅香脆同軟殼蟹嘅鮮甜，兩種味道夾得好好。旁邊仲有啲炸金不換葉，脆脆地帶點獨特香氣，同軟殼蟹一齊食更加有層次。雖然係炸物，但食落一啲都唔油膩，證明師傅控制油溫嘅功夫唔錯。呢個蒜香軟殼蟹做得幾有水准，香脆得嚟又保留到海鮮嘅原味。如果鍾意食香口嘢，呢個菜真係值得一試。…查看更多

先上枱嘅串燒沙嗲雞同沙嗲牛，賣相已經相當吸引。雞肉串燒得外皮微焦，咬落去肉質依然嫩滑多汁，沙嗲醬香濃惹味，帶淡淡花生香，但又唔會蓋過雞肉本身嘅鮮味。牛肉串更加出色，選用咗牛柳部位，燒到剛好五成熟，肉質軟腍得嚟帶點嚼勁，沙嗲醬嘅香料味道層次豐富，令人食完一串接一串。至於泰式生蝦，絕對係今晚嘅亮點。冰鎮上枱嘅生蝦排列整齊，每隻都晶瑩剔透，新鮮程度無得彈。跟嚟嘅泰式辣醬更加係靈魂所在，用咗指天椒、蒜蓉同青檸汁調製，酸辣醒神。將生蝦點滿辣醬，一啖放入口，首先感受到嘅係蝦肉嘅爽甜彈牙，跟住辣醬嘅味道隨即爆發，酸辣鮮香同時衝擊味蕾，個種感覺真係令人欲罷不能。呢度嘅師傅確實掌握到泰國菜嘅精髓，無論係串燒嘅火候定係醬料嘅調配，都做得恰到好處。特別欣賞佢哋對食材處理嘅細心，好似生蝦去殼去腸都做得乾淨俐落，令人食得放心。…查看更多

餐廳環境靚，有泰國度假風情，晚燈氣氛一流！又有泰服試著、仲有夾公仔機，打卡指數滿滿柚子沙律做前菜，賣相吸引, 柚子夠新鮮又多汁，份量都幾足，仲配咗乾身蝦米同腰果，食落有啲香口煙煙靭靭嘅口感，幾有層次。惹味得嚟唔太辣，開胃！咖哩牛坑腩配薄餅, 咖哩本身係唔辣，但味其實唔錯，香料味濃又夠椰香，牛腩都算軟淋，不過薄餅就有啲失望😅 可能回熱咗幾次，食落唔夠香脆，口感比較乾實，如果餅可以現煎就perfect。最後係泰式香辣蝦膏海鮮炒河～ 河粉係闊身薄薄嗰隻，炒得好乾身唔油膩，條粉透亮得嚟又吸晒醬汁味，好特別。海鮮方面都幾豐富，有蝦、魷魚同青口，啲料新鮮彈牙，辣度啱啱好，越食越想食！生日月份幫襯，仲會送蛋糕。開頭以為係一個脆脆地嘅細蛋糕啦點不知個蛋糕出到嚟呢係好驚喜呀。糯米飯仲整成 **心形**，擺盤用咗三色糯米——藍、白、綠層層疊起，上面放咗芒果雕成嘅玫瑰花，中間仲插咗蠟燭同寫住壽星女名字嘅牌 (雖然佢串錯咗)，成個畫面又夢幻又有誠意 💛 糯米飯暖暖哋、軟糯香甜，配埋冰凍芒果塊一齊食，口感層次好明顯，甜而不膩～ 一啖入嘴有椰香、有果香，味道好和諧。旁邊嘅椰汁滑滑香濃，淋上去更加加分！整體好食又打卡靚，氣氛感十足，朋友話佢好滿意嘅生日甜品之一 🎉💐 其實佢哋嘅餐牌都有兩大本呀，但我哋只得兩條友，呢度真係適合多啲人聚餐,下次我都會再嚟，雖然佢不在市中心，揸車會方便啲嘅。…查看更多

下着雨搵嘢食最重要係泊到車，呢間在元朗大樹頭的泰斗泰國菜門口有幾個車位可以泊車，非常方便揸車人士👍嚟到泰國餐廳必食本人最愛的柚子沙律、牛肉濕炒河及牛肉串燒。柚子沙律，酸酸甜甜，作為前菜是最適合不過的選擇。濕炒河的牛肉軟腍，河粉濕潤，炒得恰到好處，非常好食；串燒牛肉燒得非常香口，牛肉入味，配上沙嗲汁，簡直一流👍。食泰國菜少不了食軟殼蟹金磚，軟殼蟹炸得鬆軟，淋上咖喱汁，再放上麵包磚內，麵包鬆脆，軟殼蟹外脆內軟，合味十分夾，讓味覺品嚐了𣎴同的層次👍。鹽燒馬友，一般泰國餐廳都會係燒鯽魚，燒馬友比較少，呢條馬友雖然size唔係太大，但係都幾新鮮肉質嫩滑，咸鮮味再加上泰式甜辣醬，別有一番風味！飲品叫了最有份量的芒果沙冰，沙冰內有一些柚子肉，好清新！雖然是日是下雨天，但無損搵食心情❤️…查看更多

喂，講起食泰國菜，元朗真係好多選擇。但如果你問我邊度最正？我一定會答你係「泰斗」，仲要係為咗佢哋個泰式生蝦而去！唔係誇張，佢絕對係我食過咁多間之中，數一數二高質嘅！一上枱，個賣相已經仙氣十足！ 冰鎮住上，煙霧瀰漫，碟冰上面整整齊齊鋪滿剝好殼嘅生蝦，睇落晶瑩剔透，肥嘟嘟咁，淨係睇已經覺得好新鮮。跟手嘅重點，就係旁邊嗰兜靈魂酸辣汁，睇見都已經開始流口水！點食先係最正？一啖一隻就最過癮！ 用叉篤起隻生蝦，完全感受到佢嘅彈性，然後狠狠地點滿成pat酸辣汁，一啖放入口——嘩！個口感同味道層次即刻爆出嚟！首先，隻蝦肉超級爽甜彈牙，一啲雪藏味同腥味都冇，新鮮到不得了！跟住，嗰股酸、辣、鮮、香嘅汁瞬間衝擊你成個味蕾！蒜香同辣椒嘅霸道，俾青檸嘅清新酸味同魚露嘅鹹鮮完美咁平衡返，仲要加埋苦瓜粒嗰一下微微嘅甘苦，真係複雜到不得了，食到唔捨得吞！最正就係，佢唔會好似其他舖頭咁死鹹死辣，個汁係會令到隻蝦嘅鮮味更加突出，令人食完一隻，即刻想追多隻，完全停唔到口！如果你係生蝦控，咁「泰斗」呢碟泰式生蝦，絕對係你入元朗嘅終極理由。由食材嘅新鮮度到個醬汁嘅調校，都睇得出師傅嘅功力。保證你試完一次，就會成日心思思想再encore！…查看更多

⭕好耐係香港冇搵到咁好食嘅餐廳性價比仲要咁高兩個人食絕對係飽到上心口🙂佢每個main都係大大份😆你唔使驚唔夠食😛如果你哋都鍾意食泰國菜，我超推介大家去試下🫡無論裝潢格局定還是食物質素都絕對有誠意🔥 💫菠蘿海鮮炒飯出面嘅菠蘿炒飯不嬲份量都唔算多，呢度嘅份量完全係超出我哋想像😆入面都有唔少海鮮，全部都係新鮮海鮮，唔係冷藏㗎☺️菠蘿同海鮮一齊炒嘅飯，甜鹹又有啲鮮味。💫 泰式蝦肉炒金邊粉泰式風味嘅蝦肉炒粉，金邊粉爽彈牙，入面有啲香料味，好醒胃。💫泰式燒豬頭肉呢個絕對係全晚嘅mvp，佢份量多已經不在話下，佢仲要燒得啱啱好，入口香脆，仲有佢嗰個秘製醬汁，喺出面係完全食唔到。💫串燒拼盤呢度嘅串燒可以自由配搭，我哋就每款都叫咗少少試下，一共有四款：串燒沙嗲牛/ 串燒沙嗲雞/ 鹽燒牛舌芯/串燒沙嗲豬我哋自己呢就比較推介雞同埋豬，特別係個沙嗲雞本身佢已經醃過，再加埋啲沙嗲醬，更加濃味👍🏻👍🏻💫芒果沙冰夠曬大杯，食泰菜少不免食辣嘢，大大杯 解辣一流💫椰青糕喺出面好少見到呢個糕點，用椰青汁製成嘅糕，頂層仲切咗好多椰青條，好甜滑，好重椰子香。…查看更多