泰妹餐廳 (置富嘉湖)

当初经过都系为左有一条咁吸引嘅鱼先入去帮衬..食起上黎好有一种去左泰国街地道风味烤鱼泰国菜-泰式明炉酸梅乌头:酸酸甜甜开胃一流，鱼肉比酸梅汤浸得够入味配菜够多，都算抵食..大大条鱼又唔算太多骨..餐厅又够细心会另加一碗汤俾你唔惊成条鱼烧干。飞天通菜：泰国必叫嘅菜...可惜唔辣。但系炒得爽口唔会老小食拼盘：炸得太窿..而且全部一睇就知急冻食物..好感一般臭翁草煎蛋：虽然煎得有啲老同太油，但系带出臭翁草嘅香味，少吃多滋味..冬阴功海鲜汤金边粉：足料海鲜不过好老，金边粉硬度适中唔错，汤就较为淡，唔系好入味，好似成碗野各有各生存甜品拼盘：呢个反而我几钟意食..全部都系椰香味好正…查看更多

周末无聊就揸架车入天水围行吓，见到响酒店附近个商场，有间几干净又光猛嘅泰国餐厅，就同屋企人试吓。(后尾先发觉响屋企观塘都有一间)叫左个泰妃鸡，虽然个卖相就麻麻地，但食落去啲肉系几滑同有鸡味。因为几个小食都想食，所以就叫左一个拼盘，就可以样样都试吓。最欣赏系个虾饼，好香口但唔算好油腻，其他串烧、春卷就不过不失。另外老公都点左个猪牛鸡串烧，论肉质嚟讲就最好系鸡，其次就牛，个猪有少少韧。但个沙嗲汁就唔错！菠萝海鲜炒饭就唔错，味道好而饭都系炒得好靓，但就嫌佢份量少左啲😅细妹就特别点左咖喱蟹，用个蒜蓉包点个汁简直系一流👍🏻👍🏻👍🏻👍🏻就咁食个蒜蓉包都好好味，依家又有包又有蟹(正常肉质)，发达👍🏻个包好香蒜香味，面包又松软，厚切，正！…查看更多

一望入去个装修已经好别致thai feel好有空间感柔和灯光令人好舒服马拉盏通菜好味猪颈肉够香脆，个friend个仔仔差唔多食晒成碟。烧鸡香脆嫩滑， 如果有一只肥鸡好啲，啖啖肉。猪牛鸡串烧最正， 沙爹酱一流新鲜嘅芒果汁唔会太死甜六折真系好抵…查看更多

今日母亲节 一早book左枱 7点半 想同家人好好庆祝 点知比呢间野搞到劲激气 完全破坏左成个母亲节！首先 一入到去 员工放低餐牌 包括有一个set menu 我地谂左阵就决定叫呢个 举极手都无人 当时得几张枱 然后条友一行埋泥就话 无呢个餐㖞 乜都无哂㖞 你单叫啦 仲要态度劲差 其实你无哂就吾好比个餐牌人啦 之后我地就单点 又系叫乜无乜 已经好无奈 态度极差直头想赶我地走咁 其实如果明知厨房无哂野 系咪入座前就应该同个客讲声呢？ 落单态度语气都十分差 完全赶客 睇几个外卖客都发哂脾气 d staff仲要大大声闹人 一个客系咁可能系个客西 但几个都系咁就好明显系餐厅问题啦 自己都做服务业 不嬲都好尊重侍应 但呢到d服务真系十分差 火都泥 讲反d食物 d串烧 冻嘅 好似几日前整定咁 个汁都系冻嘅 仲要沟到劲水烤鸡 完全无特别菠萝炒饭 屋企炒到嘅味 过得去酸辣凤爪 味精重全晚最正常 煎蛋 最嬲果样系 叫左碟炒椰苗 泥到得3啖 成碟好似人地食净咁 嬲到无影相即刻退左 之后嗱嗱声比钱走人其实我明疫情可能餐厅好难预份量 母亲节人多亦会忙 但吾代表员工可能对住d客发老脾咁 态度极差 仲要吾止一个 出品又乱咁泥 呢间野永远black list!!!!! …查看更多

天水围难得一见嘅高质泰国餐厅！同朋友揾紧晚餐嘅时候，俾门面充满浓浓泰国色彩嘅招牌而吸引。餐厅环境非常整洁，墙上嘅方块画作亦都令人赏心悦目。我地以冬阴海鲜汤(细，$88)作为开首。汤底十分浓郁，用嘅都系泰国地道嘅材料黎熬制，味道酸酸地，唔系特别辣，非常开胃。配料有猛料嘅海鲜，包括原只大头虾、青口、鲜鱿、蟹柳等等，估唔到餐厅竟然会选用新鲜嘅大虾，非常有良心！泰式烧烤拼盘($108)，有猪、牛、鸡，每款2串。串烧烧得焦焦地，非常惹味，而且肉质软腍，唔会过硬得黎仲保番住佢嘅口感，仲可以点埋沙嗲酱一齐食~班兰叶包鸡($48)，我净系食过荷叶包鸡，所以叫咗班兰叶包鸡试一试。卖相一样都系呈三角形，鸡肉扎起后更加有口感，煎香后仲脆脆地，仲有阵阵香叶嘅味道。压轴登场嘅系臭翁草煎蛋($68)，黎之前冇听过臭翁草依个名，一直谂会系点嘅味道。同蛋一齐煎后有种淡淡嘅香草味，估唔到又几香口。总括黎讲，依度嘅泰国菜都花咗唔少创意落去，而且价钱合理，值得一试！…查看更多