泰東

营业中

休息中

今日約咗朋友去博愛Cafe，試吓佢哋嘅泡菜卡邦尼同熱榛子咖啡。入到去，環境輕鬆，裝潢有啲藝術感，真係好舒服！首先，泡菜卡邦尼上咗嚟，香氣四溢，睇落都好吸引。意粉煮得剛好，口感滑順，配上濃郁嘅卡邦尼醬，味道醇厚。泡菜嘅酸辣味令整體味道更加突出，增添咗一份清新感，唔會太膩，真係好驚喜！接住飲嘅熱榛子咖啡，咖啡香濃，榛子味道亦唔錯，甜度適中，飲落去既溫暖又滿足！整體來講，博愛Cafe嘅食物質素高，環境舒適。呢一餐真係好滿足，下次一定會再約朋友一齊嚟試其他菜式！

座位有室內、室外，坐出面有大水缸養魚，缸入面仲有蓮花～坐室外泰式風味濃，有木制枱櫈，好有大自然風味☺️而且出面可以睇到師傅整烤包，好有特色♥️⭕️雜錦拼盤一份有齊泰國特色小食：串燒、春卷、蝦餅、魚餅～串燒有牛、豬、雞，大串又juicy, 點埋香濃沙嗲醬不得了♥️⭕️炭燒豬頸肉薄切豬頸肉，外面焦香，肉汁豐富😋配有豬頸肉特式醬好夾⭕️柚子沙律酸酸甜甜，開胃菜～花生香、柚子肉爽，而且清香👍🏻⭕️菠蘿炒飯原件菠蘿上，炒飯夠乾身，粒粒分明～伴有海鮮、菠蘿肉、肉鬆，係泰國嘅味道😋⭕️蒜蓉多士一磚磚嘅厚多士，外脆內軟，咸香蒜茸牛油味～⭕️原味烤飽脆卜卜嘅代表，圓錐體嘅薄脆，點咖喱一齊食好出色🤭⭕️咖哩蟹呢度嘅咖哩我好鐘意，因為入面好有蛋香，而且唔係好辣，好啱我口味☺️😋

泰東，位於元朗東成里1號地舖。餐廳有室內室外用餐位置，當晚我們坐室內2樓，環境有點焗。▫️泰式明爐烏頭$188 ~ 明爐烏頭的湯汁唔夠，令到魚肉有點乾。▫️冬陰功湯$118 ~ 超微辣， 湯料好少。▫️炭燒豬頸肉$95 ~ 爽彈口感，配上秘製醬汁，好醒胃。▫️辣咖哩雞$98 ~ 香濃惹味的咖哩，雖然雞件唔算嫩滑，但咖哩汁好味。▫️蒜蓉烤包$48 ~ 蒜蓉烤包配上咖哩汁，很好吃。▫️泰式炒通菜$85 ~ 帶點微辣，香爽美味。▫️肉碎生菜包$98 ~ 肉碎比較淡，如果味道可以濃一點更好。▫️泰式火山排骨$198 ~ 火山排骨半份只有四件，好少肉。▫️印尼沙嗲串燒$108 ~ 串燒啖啖肉，豬牛雞各兩串。整體食物質素普通，環境方面如果坐室外會比較舒適。🏷️溫馨提示～ 整個用餐體驗均屬個人分享意見， 只作參考😊。

呢間舖一啲都唔起眼，平時踩單車落去元朗都係直衝落斜路完全唔會留意到有呢間餐廳，突然間有個鄰居話呢度有煲仔飯好好食，就約埋一齊過嚟食。19:00入到去都唔係好多人，點知隔咗一陣已經爆場。都幾正，一次過可以滿足晒兩個願望煲仔飯同埋泰菜。先嚟咗個炭燒豬頸肉，真係燒烤嘅感覺。炭火味香濃，唔會太乾，點埋個汁食好食到震。海南雞叫咗個例牌，正常發揮都滑㗎。椰菜苗就覺得佢大棵咗少少，但係都好食嘅有鑊氣。另外去呢度啲炸嘢都唔錯，個春卷都係新鮮熱辣食到熱氣㗎感覺。好煲仔飯到啦，淋完豉油都係繼續焗佢。蝦乾唔會太鹹，另外排骨都有醃過。比起早幾個星期喺大埔食嗰個煲仔飯真係好好多。食到八八九九，有少少唔夠喉就嗌多咗個炸皮蛋，都係有熱氣嘅感覺再加一點彈呀，最正係佢握得夠實，炸完出嚟都唔會皮蛋同蝦膠分離，呢餐真係好滿足。

📍泰東(元朗)元朗東成里1號地舖呢間泰菜想食咗好耐，終於都搵到個揸車嘅朋友嚟食，餐廳門口有個小停車場可泊，非常方便，店員安排咗我地坐室內，仲有live band添，一邊食一邊聽歌，心情好輕鬆愉快👉泰式炒椰菜苗💰$95😋😋😋😋.7/5份量好多，椰菜苗新鮮脆嫩，微辣又惹味，個朋友唔鐘意食菜都比呢個菜吸引咗👉泰式香芒牛仔骨💰$118😋😋😋😋.8/5朋友捱薦牛仔骨，食完同佢分享返，原來係叫燒牛仔骨，但呢個都好味，啖啖骨，又有舊骨損下，香芒好鮮甜清新，好解膩👉原隻魷魚💰$128😋😋😋😋.7/5超大隻，又新鮮，好彈牙，完全唔洗點任何醬汁，食到魷魚個鮮味，仲有濃濃炭火香👉焗原個菠蘿海鮮炒飯💰$138😋😋😋😋.8/5落勁多料炒，好香菠蘿味，每啖都食到唔同材料，飯炒到每粒均勻又分明，多到食極都食唔完 回頭：yesyesyes！雖然地方對我嚟講有點遠，但都無阻我想再嚟食，要再物色多啲朋友嚟一齊食

又到星期日又到拍拖嘅日子😄當然要拉我老婆出去散步啦我哋就去咗位於元朗形點行街呢度地方真係行到我好攰呀商場又大咁我就拉咗我老婆去我事先訂好嘅餐廳#泰東 泰國菜呢間出咗名嘅網紅店唔訂位好難有得食㗎因為我都係第一次去當堂俾餐廳外觀吸引住我隔籬就係酒店餐廳嘅裝修風格真係好似去咗泰國非常之靚，泊車又方便咁我哋就經過餐廳侍應介紹揀咗三道菜🥣冬陰功湯先開咗個胃酸酸味味味道好正🍖火山排骨真係超大份 啖啖肉排骨夠大又入味🥣海蜇沙律口感清爽🥭芒果糯米飯芒果夠新鮮夠甜非常解膩📍 泰東 (元朗)元朗東成里1號地舖

如果有時間不妨嚟呢度食飯。有一種忙裏偷閒。度假的感覺。 weekend更加有live band表演。其實行都可以嚟到。西鐵元朗站，就博愛醫院隔離。 揸車嘅朋友當然好啦。外面有好多停車位。門口有很多泰國擺設 ，很有泰國度假風情。空間很大。坐在外邊都不會太熱。泰國鮮蝦金柚沙律$98 個沙律汁係精髓。裏邊有很多香料好香，充滿泰國風情。柚子肉好厚。 酸酸甜甜好食。沙律有好多隻蝦啊！蝦好新鮮，肉好結實。 配合金柚沙律汁層次豐富。乾炒鮮蝦金邊粉$108又係蝦。又有好多隻蝦啊！蝦真的好新鮮。 圍邊有很多花生碎我喜歡。整碟的材料都很豐富。金邊粉很彈牙。開胃好食。牛肉紅咖哩$98咖哩汁勁香。本身已經有椰汁的香味。我又叫咗小辣。非常之容易入口。個汁十分惹味。牛肉好嫰滑。份量亦都好多。好配合這紅咖喱汁。用蒜蓉包沾汁更好食。泰式香蔥蒜蓉包$42焗得十分香脆。蒜蓉醬好足夠入味。淨食已經好正。沾咖哩汁一流。芒中沙冰$45 賣相好得，搶眼的金黃色。入口芒果味極濃郁。很清甜。暹羅特飲$45 好泰feel。珍多冰類。充滿濃濃的椰汁味。好東南亞風情。免費泊車。車就停响門口。勁方便啊！

鄰近博愛醫院，有室內及戶外用餐環境，完全冇諗過泰國菜同煲仔飯可以擺埋一齊，神奇嘅組合！蟲草花北菇滑雞煲仔飯 $103 (+$15臘腸)食煲仔飯臘腸是必須的🤤 米飯粒粒分明，有淡淡雞油香，加少少煲仔飯豉油已經好入味。底層有飯焦，口感香脆，係食煲仔飯嘅樂趣之一！越南蒜蓉牛油雞翼 $88香口又多汁嘅酥脆雞翼，牛油味不算重，只是輕輕點綴。香葉粉絲虎蝦煲 $358粉絲口感濕潤，醬汁香濃，充滿東南亞風味。份量十足，適合多人分享。

2024年8月17號夜晚同一家人去泰東食飯。有待改善地方：—服務態度—洗手間衛生有些服務員唔知係咪外地泰國人好似對於廣東話不太熟悉，所以好多時落單都處理得不好。

一直都知道博愛醫院🏥後面有間隱世泰國菜，裝修佈置好似世外桃源甘，有室內同戶外，而且仲自設左停車場🚙🚗🏍️免費泊車，仲可以帶埋寵物🐈🐈‍⬛🐩🐕🦮🐕‍🦺泥放電添。啱曬一家大細、朋友或者情侶，黎享受一個短短嘅泰國小旅行。聽講呢度夜晚會更加靚，喺星期五、六、日仲會有busking添。📌乾炒鮮蝦金邊粉🦐 $73+$10金邊粉炒得好有鑊氣，大大隻鮮蝦好爽口，店舖仲好細心挑埋蝦腸，撈埋d花生碎一齊食，口感更加豐富📌印度白咖哩雞配印度烤餅🐔 $73+$10印度用咗乳酪去醃雞，令到雞肉嘅肉質更嫩滑，唔會有骨同埋皮，啱曬我呢啲懶人。煙韌嘅烤餅點想白咖哩汁，有少許微辣，薑黃粉可以促進腸度蠕動同埋血液循環，令到我哋分泌更加多唾液同胃液，夏天都好開胃🏖️📌泰式炸蝦餅🦐 跟餐+$30 炸蝦餅外層口感鬆脆唔油膩，裡面肉質爽彈。鮮甜嘅蝦味，沾上泰式辣醬，好食到食唔停得口😋😋😋📌奉送青檸梳打🍹 & 📌珍多冰🍹夏日炎炎，甜度適中，係泰國必點嘅解渴飲品🧊📌馬拉盞炒通菜🥬 $85味道鹹香惹味嘅經典泰國調味料 - 馬拉盞同爽脆嘅通菜是天作之合👩‍❤️‍👨📌芒果糯米🥭 $68甜品係第二個胃，鮮甜兼入口即溶嘅芒果，mix 埋係熱辣辣又軟

泰式珍寶拼盤-小（四位用）HK$ 188 春卷酥脆可口,蝦餅香Q彈牙,串燒沙嗲醬汁入味,香茅豬肉丸鮮嫩多汁,是一份豐富多彩的前菜拼盤焗原個菠蘿海鮮炒飯 HK$ 138菠蘿肉香甜多汁,配合新鮮海鮮和軟糯的炒飯,色香味俱全,渾然天成的泰式風味佳餚。泰國鮮蝦金柚沙律 HK$ 98金柚酸甜爽口,與鮮嫩多汁的蝦肉互相輝映,清新可口,是夏日必嚐的泰式沙律。泰國龍眼冰HK$ 45冰爽柔滑的龍眼冰沙,清甜自然,完美地收尾這頓泰式盛宴,令人流連忘返。

香港不嬲都比好多人話係美食天堂～日日諗食咩都好煩惱😣早幾日去元朗探朋友，就相約一齊出黎食飯傾吓計聚下舊， 佢想食中式野我就想食東南亞野😳 見到哩間好似唔錯就試下😍地方又好似好靚咁～岩曬傾計聚舊～～ 個日我地叫左個原椰盅海鮮焗飯同Phai Thai ~~~ 仲有雞翼，份量好多😍海鮮飯好香椰子味，而且造型吸睛，真係忍唔住打卡🤪雞翼外脆肉嫩，熱氣都忍唔住係咁食😙 食食下phai Thai 擺d檸檬入去又變到好清新～～好岩夏天食～食到飽住個肚出黎～而且原來每個禮拜五六日夜晚都會有唱歌表演～可惜我地已經食完要走😭 下次啦～～返工都需要適當咁放鬆下～～😌☺️📍泰東 (元朗)元朗東成里1號地舖#東南亞美食 #氣氛超正 #打卡餐廳 #環境優美 #夏日風情 #元朗泰國菜 #美食推介

早幾日帶小朋友去左元朗既農莊玩～～放電放足大半日～～又餵羊又玩水又玩充氣城堡波波池又玩泡泡玩水⋯仲試左人生第一次釣蝦～～🤣🤣 玩到夠曬攰～佢攰我都攰⋯🤣😂 即刻上網睇睇附近有咩好食～～見到哩間泰東有泰國菜之餘仲有煲仔飯～👍～夠曬特別～岩曬細佬～佢無飯不歡～ 我地叫左泰國菜同煲仔飯～～兩種菜式都做得好好～當然食開煲仔飯都會味梗係要食埋飯蕉～～🤣🫰🏼 仲有仲有～原來出面逢五六日～夜晚7點定7點半有live唱歌～日日唔同～～可惜得地早食只係聽到少少～因為玩左成日真係要早啲返去抖抖～～。出面既坐位真係好有feel~~~夜晚一定好靚好舒服😌～下次可以晏小小去，邊食野邊享受音樂～～🎶🎵☺️

平時好少入元朗，嗰日咁岩入去探個朋友，朋友帶左我去呢間泰東食午餐🥣呢度環境好得👍地方夠大，又chill，最正係佢地逢五、六、日仲有live band，情侶或者夫婦，甚至一大班朋友聚會都好吸引🤩我哋當日下晝時間去到，唔知係咪熱得滯，無咩胃口，所以隨便點左少少野食🥰下次要約埋一大班朋友一齊去先😍有室內又有室外座位，完全唔同感覺梅菜排骨煲仔飯超推介呢個煲仔飯👍梅菜香甜、排骨又嫩又滑，加上煲仔上，食落充滿炭香🤤泰式濕炒河粉因為朋友食素，揀左雜菜☺️雖然冇肉，但係好有鑊氣🥰越食越惹味😍脆薄餅點上店家特調醬汁，食落香脆又開胃印尼珍多冰天氣熱，真係要飲杯凍飲醒下神，超正😍充滿椰香味，勁消暑🤩📍泰東 (元朗)元朗東成里1號地舖#氣氛一流 #元朗泰東 #美食推介 #人氣之選 #泰式餐廳 #泰國餐廳 #泰式料理 #liveband #聚會推介 #relax #chillthai #thai

📍 泰東 (元朗)元朗東成里1號地舖餐廳以異國風情的室外露天雅座和溫馨雅致的室內裝潢相結合,營造出悠閒舒適的用餐體驗。露天座位可飽覽周邊風景,並不定期邀請駐場樂隊現場表演,為顧客帶來輕鬆愜意的用餐氛圍👉 馬拉盞炒通菜💰85😋😋😋😋.8/5這道馬拉盞炒通菜色香味俱全,通菜新鮮爽脆,經過炒製後卻保持了最佳口感。調味恰到好處,不會過鹹或過咸,讓通菜的本味得以突出,整體口感清新不膩👉 泰式燒烤牛仔骨💰128😋😋😋😋.9/5這份泰式燒烤牛仔骨肉質鮮嫩多汁,醃製的香料和調味料恰到好處,在烤制過程中充分滲透,讓整塊牛仔骨散發出誘人的泰式香氣。烤制後外皮微焦,咬下去卻仍保持肉質鮮嫩多汁的口感,令人難忘。作為開胃菜或主菜都非常適合。👉 清邁鐵板蠔仔蛋💰128😋😋😋😋.8/5這道清邁鐵板蠔仔蛋色澤誘人,蠔仔新鮮Q彈,與蛋液完美融合在一起。鐵板烹調賦予了它獨特的口感,蛋液酥脆而不失柔軟,蠔仔咬勁十足。配上適量的調味料,突出了每一種食材的原味。可以作為主菜或下酒菜佳選。👉 秘制豉汁白鱔煲仔飯💰118😋😋😋😋.8/5這道秘制豉汁白鱔煲仔飯煮製工藝精湛,鱔魚質地鮮嫩彈牙,與豉汁融合在一起，形成醇厚濃郁的口味。米飯