影片
营业时间
今日营业
07:00 - 18:30
星期一至日
07:00 - 18:30
以上资料只供参考，请与餐厅确认详情
食家推介
.今日同朋友去做嘢之前，特登去咗波士冰室食个丰盛早餐！😋 呢间冰室嘅怀旧氛围好浓厚，座位阔落，坐得舒服，啱晒朝早慢慢叹～ 🍞 西多士经典港式邪恶之选！🔥 外皮炸到金黄酥脆，内里软绵绵，淋上糖浆同牛油，一啖咬落去… 罪恶感满分但满足感爆灯！💛 🥩 西冷牛扒拼肠仔＋香草蒜蓉多士牛扒煎得啱啱好，肉质唔会韧，仲有肉汁！肠仔脆皮爆汁，最惊喜系块香草蒜蓉多士～蒜香浓郁，烘到脆卜卜，食完想encore！👏 🍔 手打牛肉煎蛋汉堡包汉堡控必试！🍔 手打牛肉厚身又多汁，煎蛋仲系流心㗎～包身烘得微脆，夹埋酱汁一啖咬落去，层次感超正！ 🧋 红豆冰怀旧饮品之选！红豆煮到起沙，甜度适中，奶香顺喉，饮完透心凉～❄️ 波士冰室早餐选择多，份量足，性价比高！尤其推荐西多士同蒜蓉多士，邪恶但值得！💯 下次再嚟试埋其他招牌菜～ 📍 波士冰室铜锣湾利园山道73号宝荣大厦地下E号舖#波士冰室 #港式早餐 #西多士 #红豆冰 #铜锣湾美食
继续阅读
今日喺铜锣湾行街比较攰想食个Lunch🌤️见到呢间冰室都好受欢迎❤️食落果然质素唔错👍🏻特别钟意怀旧嘅小食好有风味🥹位置方便值得一试🤣⭐️ 吉列深海鱼柳漩涡蛋包饭 🍳漩涡造型嘅蛋包饭入口幼滑🌊金黄酥脆嘅鱼柳配上咖喱汁配饭食一流🐟⭐️ 手打牛肉煎蛋汉堡 🍔手打牛肉口感特别Juicy 🥩配上松软嘅汉堡包同流心既蛋黄🥯调味啱啱好唔会太咸值得一赞🧡⭐️ 粒粒花生酱西多士 🥞西多士炸得金黄色真系好邪恶😈 食到粒粒花生碎口味非常浓郁🥜⭐️ 生炸鸡髀 🍗鸡髀特别用上生炸特别保持肉质嘅嫩滑💪🏻 香口但系唔会太重油腻感🔥⭐️ 波士瑞士鸡翼 🇨🇭瑞士鸡翼招牌嘅酱汁带丝丝嘅甜味🐔每一啖都非常入味有种经典的感觉🪭⭐️ 自家制生磨蛋白杏仁茶 🤍身为甜品控既我一定要试吓🥹 杏仁味清润配上蛋白口感好幼滑🤪⭐️ 葡式咖啡 🇵🇹⭐️ 咸柠七喜 🥤咖啡带点焦糖香浓得黎好有特色 🍬 咸柠七嘅口味就老少咸宜🍋
继续阅读
【今日中午食咩】今日中午去咗波士冰室医肚，点咗一客咸蛋蒸肉饼饭配热奶茶，一共 $64。蒸肉饼够厚身，肉质结实唔松散，咸蛋铺面，咸香味道渗入肉饼中间，每一啖都非常惹味，送饭一流。饭粒偏硬身，啱晒钟意烟韧口感嘅人。热奶茶茶味浓郁，奶味适中，系传统港式茶餐厅水准。餐厅装修简洁实用，冇乜花巧，感觉非常地道。中午时段人流不少，几乎全场都坐满，大部分顾客都系中年男士，感觉好似返到80、90年代嘅冰室气氛，带点怀旧味道。整体而言，波士冰室系一间稳阵、够地道嘅港式饭堂，食物简单但够味，价钱亦算合理，适合返工一族快快医饱肚。
继续阅读
呢间茶餐厅超好服务，叫咗常餐，要改动嘅都做到，服务员仲要好细心，要奶油猪走油，系嚟咗走油，但系跟埋支炼奶，话唔知我要唔要奶，要可以自己加，真系超细心，设想周到。出品好味，服务态度劲超班（好几个员工都系）。一定会再嚟。
继续阅读
平时通常去开湾仔分店呢间波士冰室食下午茶，今日喺铜锣湾有嘢整，未食过铜锣湾分店就嚟试吓！有卡位坐得都几舒服，楼面侍应都系好有礼貌！常餐都好丰富，一碗面再有小食同埋饮品！瑞士鸡翼捞公仔面：都有三只鸡翼，而且瑞士汁好入味，用嚟捞公仔面真系一流！好食到另外再加两只鸡翼😍炒滑蛋夹埋丹麦多士一齐食，简直系完美嘅配搭，多士又松脆又香！台式蜜糖波波肠 ，平时食开台湾肠系比较瘦长啲，今次第一次食圆辘辘觉得好搞笑😂口感又觉得唔错，啱啱好一口咬落去，充满蜜糖香味的肠！柚子热情果梳打：夏天解暑一流，酸酸甜甜，加埋有气梳打，好畅饮有几款当日黑板写的茶餐，可能每日唔同！今日拣咗一款干炒叉烧河，我觉得又唔算太油，非常好，唔会食到成口都系油！加埋叉烧和葱去炒，更加美极可口冻葡式咖啡 ：奶比较多，好香滑，够醒神~
继续阅读