波仔記車仔麵

谂住食得清淡啲，叫左净𩠌，菜同鱼丸都正常，点知食到牛腩就出哂事，食落竟然系酸左，连带啲汤都酸埋，无奈只可以成碗掉左佢，咁就无左$44，绝对唔会有下次，难怪大家都去食九记而呢间就无人排队。…查看更多

$47 ….. 有3𩠌1面 + 热饮，抵食、大碗、味道好、服务好。今日1:30pm去到等左5分钟就有位，坐低姐姐就帮你落单，虽然牛类只有牛筋腩…. 但系味道好又够淋！大大碗真系抵食！…查看更多

波仔记车仔面已经开业40年，位于铜锣湾鹅颈桥熟食中心一楼，老公话之前返工成日食，好好食，一定要带我去试，波仔记每日收四点，所以夜晚系冇得食㗎。叫左一份鱼饼牛筋腩大肠捞粗面加腩汁，一份冬菇萝卜斋捞粗面，一份虾米肠粉，冻柠茶+冻斋啡。好正，虾米肠粉系即蒸的，海量嘅虾米，每一口也充满虾米香，肠粉薄身又滑，估唔到咁精致，充满惊喜！捞粗面大大碗，大肠、牛腩、萝卜无论质感、味道都煮得恰到好处，鱼饼是新鲜的，好好吃，捞面的汁很香甜，量刚刚好，每一口面都可以粘着汁吃。咖啡好饮，系期待中嘅港式茶档咖啡味👍🏻波仔虽位于熟食中心内，但地方很洁净，无论枱面、椅子、筷子筒、酱油瓶等等到好干净。好有心嘅餐厅❤️❤️…查看更多

午餐食下怀旧的车仔面，一面三𩠌$35，四𩠌$44。我唔系好大食，所以叫左三𩠌都很足够。落完单，我唔饮嘢，姨姨都很有礼貌、主动地话拎杯热茶比我，值得一赞。三𩠌分别叫咗猪大肠、牛腩、同埋车仔面精粹的萝白。先说猪大肠，份量超多，洗得干净。牛腩就一般，比较散，可能已所剩无己的水尾。萝卜非常入味，冧身，有一两件有少许渣。整个汤底加埋腩汁好浓味，个人认为落少啲腩汁较好，不过可能我叫咗两款都是卤水，所以重味左。非常抵食足料的车仔面！…查看更多

今日上鹅颈桥熟食中心食晏，天口咁热冇乜胃口，谂住简简单单食碗面，所以拣咗波仔记。食晏时间真系人山人海，不过嚟呢度系食味道，唔系食环境同服务，最紧要好食。我拣咗一面三𩠌$32，有猪红、猪皮同猪大肠加粗面。等咗一阵，大大碗车仔面已经上枱，先呷一口汤，啱喇！就系细时𠮶种味道。猪大肠肠味浓， 烟烟韧韧好咬口，正！猪红够软滑，猪皮够爽，三款𩠌都好有质素。虽然而家车仔面越开越多，不过都钟意搞搞新意思，味道同食材都揾唔番以前嘅味道。难得呢度仲保存到传统嘅味道，下次嚟一定要叫多两款𩠌试吓！…查看更多