泓一拉麵

小店位置有啲隐蔽，但系绝对值得专程去试 ꒰,,꒪ ᐞ ꒪,,꒱店内气氛似日本路边拉面小店，全部都系 ʙᴀʀ 枱坐位，一边食可以望到师傅一边煮面，真系几有 ғᴇᴇʟ 呢 ~○ 白 鸡 汤 拉 面 // $102汤头呈现奶白色泽，用猪骨配鸡骨鸡壳长时间熬制而成，饮落好浓郁顺口，鸡味特别突出，完全唔会觉得油腻，仲有阵阵香浓嘅忌廉味，真系好出色 (๑´ ڡ `๑)最特别嘅系佢哋会根据不同汤底配搭唔同面条 .ᐟ.ᐟ呢款白汤配上低加水全麦粒面，30% 含水量，咬落去扎实有弹性，有浓郁麦香味，挂汤能力极强，完美衬托汤底嘅厚重感 ꒰ ´ ᯅ `꒱配料方面都好丰富，鸡胸非常嫩滑，慢煮豚肉叉烧薄薄一片，肉质好鲜嫩。溏心蛋熟度刚刚好，咬开系完美流心状态，浓郁酱油香完全渗晒入去。另外仲有京葱丝、笋、木耳、葱花等，增加爽脆口感，层次真系好丰富 ꒰ # ’ ω `# ꒱𝐓𝐈𝐏𝐒：呢间店嘅白鸡汤面令好多人慕名而来，加上店内座位唔多，所以食饭时间真系要早啲去排队 𖤐 ˊ˗黄埔店依家暂时装修紧，可以去试试太子分店先 ~⸜♡⸝ 心 水 拉 面 排 名 :🏅 沾面：黑龙 ➜ 阿久根 ➜ 一灯 ➜ 豚王 ➜ 金田家🏅 白汤：座银 ➜ ○𝐝𝐞▽ ➜ 泓一 ➜ 野见 ➜ 一生悬面 ➜                  金鹤 ➜ 立体派 ➜ 大叔🏅 酱油汤：多贺野 ➜ 霸吗🙅🏻 𝑵𝒐 𝑬𝒏𝒄𝒐𝒓𝒆：富士山55 / 面匠 / 风云丸 / 茑 / 鬼金棒 / 火夫ꕀ…Read More

《泓一拉面（红磡店）》背脂酱油拉面 🍜📍红磡民泰街29号德民大厦地下F4号舖以下系一篇长文，如果觉得眼花又有兴趣睇结论就飞到最尾啦。最后一次帮衬已经系3-4年前嘅事，自从上年启动左认真模式食拉面之后，我一直都冇返转头，原因好简单，因为以前试过鸡白同背脂酱油，都觉得唔啱口味，所以就算呢一年几食左150碗以上嘅拉面都好，都冇谂过再去。不过咁，唔少面友都对呢间店推崇备至，过左咁多年都仲咁受人爱戴，我就开始谂，当时我觉得唔啱食，系我未够识食，定间店当时一时失手，定佢一路以来口味有进化所以迎合到大部分人口味呢？自从开左太子店之后，我就一直都系帮衬佢，始终都系近一步，我又钟情佢嘅出品。今日咁啱有两个钟自由时间，又谂起红磡店，就试返佢啦。泡系鸡白汤我就真心麻麻地，最怕d泡嘅口感，虚虚的，又冇味，所以既然冇食咁多年了，就先试返背脂酱油拉面 🍜啦。未讲食评前，先讲吓我今日响店内观察到嘅无聊事 (系，所以篇文真心长)。我对呢间店嘅营运有少少意见，有好有坏。好嘅，唔知由几时开始 (装修后？)，食客要响门口拣好食乜并比埋钱先入座。咁样可以帮店家悭返时间处理落单收钱，食客食完就拍拍罗友走人，我觉得咁非常好。未够好嘅系，我一直认为边个先 order 就应该要先食，咁谂系咪好理所当然呢？今日我11:50am到排第4， 可以头轮入闸。因为每个人要先 order 比好钱先入得，所以肯定系先排嘅先 order。我咁啱8卦到夹左响个架嘅飞仔 (见下图)，由左至右排，左边系最早 order 的。由于头轮一共有 5 个人点左鸡白汤，分别系第 1, 3, 5, 6 同 7 个客，但基于店家一次过只能煮 4 个面，所以只能同时间上4碗。重点来了，有趣嘅系，店家竟然先上比第 3, 5, 6 同 7 个客，而第 1 个客就未有得食。虽然真心唔太关我事，而第一个客都冇特别表示不悦 (表面上)，不过都想讲讲，营运流程系有呢个问题存在。讲返关我事嘅问题，咁，因为我排第4， 但我唔系点鸡白汤。店家应该为左节省时间，一炮过煮4个鸡白，我嘅面就第二轮先有。我理解咁做都无可厚非，始终咁多人排队，煮得快上得快比起顺序系紧要d，所以只系小问题。入正题，讲返碗面 😂香味 (3.5/5)香味唔算扑鼻而来，主要都系闻到酱油嘅香味为主，其次系面头嘅白葱。汤 (3.5/5)可能因为有猪背脂嘅关系，汤底相当的油润，亦好顺喉。背脂，酱油同鸡骨汤产生嘅效果都算好。酱油味道都醇厚，不过咸度同甜度都偏高，对我来讲系咸左d。整体系几讨好，可惜汤嘅温度唔够热，背脂嘅香味未完全发挥得够好，呢下扣左唔少分。面条 (4/5)中细直、全粒粉造嘅面，中至低加水率，质感较为扎实，面味都够香，几啱口味。配料 (3.5/5)好嘅系猪叉烧同溏心蛋，高质。未够好嘅系鸡叉烧，虽然质地够软，但鸡味可以话接近冇。白葱同紫洋葱碎正常发挥。整体来讲，口味偏浓偏咸，所以食到中后段会腻，见到有沙甸鱼干醋，加左少少，解腻效果都唔错。其实成碗面系几好食，最大致命伤系唔够热，令猪背脂香味未能够充分发挥，另外就系鸡叉烧真系差，其他范畴全数中上水平啦。比起3年前食，确实整体质素系比我记忆中好左，我决定下一次食会试鲣鱼🐟拉面。顺带一提，唔肯定系咪装修后嘅产物，店入面多左条卷曲嘅胶光管，唔知响各面友眼中佢嘅艺术成分有几高呢？🤣(见下图)…Read More

听闻呢间鸡白汤好出名，今日5:50就嚟到，前面有三至四个人排队，第一轮入到去。叫咗招牌嘅鸡白汤拉面，先饮一啖汤，系好浓厚顺滑嘅鸡白汤，好饮嘅，唔会话太过咸。溏心蛋都做得好好，入味，片肉嘅口感依然保持到嫩。整体嚟讲的确系一碗几唔错嘅鸡白汤拉面。小店环境就普通，座位大概得6-8个，食食吓都会几热。…Read More

成日都听黄埔人介绍弘一拉面，今日终于一试，weekend中午嚟到，等咗大约45分钟，主要因为铺头座位比较少，得6-7个位叫咗一个鸡白汤拉面，汤底浓郁，但系唔系咸，同埋少少杰身，令每条面都挂到汤，忍唔住饮多几啖汤🤣另一个系虾汤沾面，虾汤又系好浓郁，同埋都好多虾汤面嘅系幼面，沾面就系粗面，无得拣，同埋可惜嘅系叉烧相对比较鞋身仲叫咗份日式饺子，不过唔系重点，都好普通😂总结而言，首推鸡白汤拉面，必试！…Read More

食第5次啦😌每次都系因为挂住鸡白汤拉面！！！黄埔真系好多野食不过每次都比尼间吸引左😂今次拉左个为食朋友过尼都系赞唔停个鸡白汤好浓郁𠮶种鸡汤胶口嘅感觉超正🥰我见住个厨房一大煲鸡汤(见到鸡脚堆伸晒出尼😂)就明点解个汤咁得平时都唔会饮得晒碗汤尼碗系唔饮晒对唔住自己同啲鸡饮落去系好舒服…唯一仲要进步就系希望可以间铺大啲冷气位吹正嘅话男仔应该几舒服女仔会吹住好难避~有无人仲食过其他味？可以话我知其他味值唔值得我放弃食鸡白汤？🤣…Read More