影片
开饭介绍
此店以大大粒的云吞和牛肉作招牌菜，服务快又便宜装潢带有乡土气息。
继续阅读
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
呢间云吞面喺香港真系可以话系数一数二好味🍜，我自己食过几次，每次都好满意。佢对面街其实仲有另一间云吞面舖，但老实讲，我觉得味道同整体感觉，始终系呢间赢咗少少，所以每次经过都会忍唔住入去。𠮶日去嘅时候，餐厅虽然唔算大，但好干净企理，墙上挂咗啲老香港嘅相片，有啲怀旧味道。坐低冇耐，店员就好快嚟落单，态度都几爽快。云吞上枱𠮶一刻真系好吸引，云吞真系好大粒，啖啖都有虾肉，爽口弹牙，咬落去仲食到鲜虾嘅甜味。佢嘅鲮鱼肉亦都好有水准，食落去好实净但唔干，仲有弹性，咬一啖好满足。面方面，幼面煮得啱啱好，唔会太腍，亦冇过重嘅碱水味。我个人好钟意加少少醋落去，酸酸地更加突出鲜味。😆😆
继续阅读
沾仔记都开左好多年，但一直都未食过。呢一间沾仔记嘅位置就比较隐蔽，系要行楼梯落去。 不过咁岩lunch 唔想食得太heavy 就试下佢啦～叫左碗双拼云吞牛肉面，鲜牛肉加足料云吞。的确唔错的。 牛肉几滑，不过云吞仲正个面就冇乜碱水味，ok!
继续阅读
出去抖下气食Lunch，但迟左出去，又系好难揾位嘅时候，呢个moment最有可能有位就系沾仔记，差唔多去到多数都有位一系就唔洗等咁耐(粉面食得快)，即去了，去到果然系有位。餐厅面积中等。餐牌。招牌云吞面，$40，每次来多数都系叫呢个，有三粒云吞，好似乒乓球大粒，外皮薄身，鲜虾馅料十足，口感爽口弹牙有鲜香味，不俗，面份量适中，味道正常水准。食物味道不俗，价格合理，主要系好快有位同可以食得快之选。上环禧利街15号地舖
继续阅读
📍沾仔记 (兆英商业大厦) (中环)地址：中环皇后大道中153号兆英商业大厦地库我之前已经吃过这家很多次啦！他家的云吞很大只，满口弹牙的鲜虾🦐，这次就试试看牛肉面啦🍜鲜牛肉面 $40牛肉经过腌制非常嫩滑，有一点牛肉香味。面条就不用多说啦，非常爽口弹牙！就是份量比较小，如果想吃多一些的可以点两𩠌哦
继续阅读
晚上路经中环，唔算肚饿，未谂到食咩好，忽然想起呢间拳头咁大嘅鲮鱼球驰名店，其实佢嘅云吞都好大粒。印象中呢间铺装修古雅，非常幽静，所以一于同朋友重游旧地😄。间铺喺地库，落到去依然系熟悉的感觉，非常干净，因为冇乜人，所以我地可以坐卡位。好快就有侍应姐姐帮手落单，叫咗鲮鱼球面，云吞河，菜心，仲有饮品。原来而家鲮鱼球可以拣两粒或者三粒，因为拳头咁大，所以朋友话食两粒已经够😆，而云吞就包住系全只大虾，食落去好爽口，好弹牙，值得一试😍。而家好多小店，茶餐厅，都系扫二维码，自己落单。呢度有侍应落单，份外亲切，她做嘢快手，仲好健谈，因为唔多客，所以她上菜或收碗碟时，都有时间同我地倾吓偈，非常有善，仲好风趣。今晚得佢一个当值，因为拍档放假，她走浑全场，非常勤快，但依然笑容满面，值得赞赏👍。
继续阅读