沙嗲王 (黃金廣場)

营业中

休息中

由於有事做所以好晏先有得食飯，見到沙嗲王嘅牌喺黃金廣場下面擺咗喺度，本身有做沙嗲王會員所以撳入去個app見到有張20蚊現金券，所以就上咗去食。上到去仲有午餐，本身諗住食佢嘅下午茶餐，不過店員話星期六日冇，所以就唯有食佢嘅午餐呀，價錢都唔係好過份。不過我對午餐餐牌冇乜太大興趣，所以就嗌返普通單點嘢食，今次嗌咗個牛柳焗飯，一如既往都係出得好快，然之後再加咗一杯佢哋嘅特飲，同埋用優惠券換咗一個小食出嚟，見到佢哋為咗慶祝父親節所以只要影低佢哋嘅食物放上社交媒體就可以， 用5蚊雞左右有一杯雪糕，鍾意食雪糕嘅我梗係即刻叫啦，不過我嫌雪糕味道偏少，如果有多啲可以更好。牛柳焗飯仍然保持以往水準，芝士份量足夠，而且雞蛋生熟程度十分適中仍然可以有流心蛋黃撈飯。喺春卷方面我認為比較油膩，如果可以煮食方法減少油膩感覺可以更好。雖然如此由於是新鮮熱辣辣上枱，吃落口是有熱呼呼的感覺，十分良好。飲品方面每次芒果沙冰特飲都是必叫，份量仍然係十分之大杯，足夠成餐享用

今日食評有✍🏻沙爹王@銅鑼灣試食指數⭐️⭐️⭐️店舖衛生⭐️⭐️侍應態度⭐️⭐️⭐️((每項5⭐️為滿分)) · 適逢母親節餐廳提供的母親節套餐的抵食不過我哋今晚散點了1️⃣慢煮豬軟骨米線⭐️⭐️⭐️豬軟骨，腍、香、滑我少食豬軟骨，唔清楚係咪咁為之好但我覺得幾好味😋2️⃣滑蛋雞扒飯⭐️⭐️滑蛋、飯都正正常常但件雞扒就細得可憐🥺3️⃣雞翼4隻⭐️⭐️⭐️炸得脆香但絕對係魔鬼美食😈4️⃣提子梳打及凍檸茶⭐️⭐️⭐️·二人盛惠220同母親節套差40蚊·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

沙嗲王最近推出呢個港式沙嗲，其實小編係非常之期待既，終於等到推出既呢日即係4月13號，佢哋話呢個港式沙嗲用左濃厚🥜醬調味另外有按摩100次牛肉，講到好似好夢幻咁，今日小編就order一個外賣返到去公司，一見到個湯底已經覺得～咦港式沙嗲湯底應該唔會係好似喇沙咁㗎wor？因為佢嘅賣相就係喇沙咁樣，就係大家見圖有真相喇，食落去呢其實係有少許嘅花生味不過就唔算濃，另外嗰個味都係似喇沙多過字沙嗲所以總括嚟講失望呢個並不是絕對不是港式沙爹，咁我唔清楚沙嗲王究竟嗰個廚師佢知唔知道咩係港式沙嗲啦係咪個廚唔係香港人or未食過咩係港式沙爹，建議佢地可以去茶餐廳取經啦唔該，浪費我quota求其搞下廣告搞下gimmick就話自己係所謂嘅港式沙嗲，真係極度誤導成份，伏味極濃烈只能夠講佢呢個係似馬來西亞或者係星加坡嘅沙嗲而並不是香港既沙爹！！

好耐冇食沙嗲王！以前細個成日食沙嗲王嘅白咖喱飯，之後因為位置唔係咁就近，慢慢就冇再幫襯。今次上朋友屋企聚餐，叫沙嗲王外賣，當然要一人一個白咖喱豬扒飯啦！白咖喱香茅豬扒飯$56- 每盒有好多塊炸香茅豬扒，炸得稍為油膩咗少少，肉質醃到好鬆軟，肥瘦比例適中，因為豬扒太大塊最後食唔晒佢哋。成個飯嘅靈魂當然係白咖喱汁啦，椰汁味香，送飯最愛，56元有飯同包埋飲品，都幾抵食，推介！芝士焗年糕$43- 芝士汁好膩，一定要一大班人share先至好叫！越式薄皮春卷$40- 好脆嘅春卷！裏面餡料好濕潤，調味好適中，推介！脆蝦棒$33- 個人覺得春卷好食過脆蝦棒，餡料大份啲，同脆啲。

香港人既經典餐廳，相信大家一定食過，但自從好耐冇食，而家再食返，失左色lu, sosad事源行行下街見到有宣傳，講到好平咁，就上左去食la, 上到去都係叫返白咖哩豬扒飯，因為佢最經典嘛。點知，汁係多既，但冇乜味既？淡到要落好多先餸到飯，有啲失望。唯獨豬扒既質素就同以前一樣，有3大舊，不過不失la叫做。好彩香矛味都足，炸得夠deep，所以都好食既。😆服務態度普通，埋單價錢又唔算好平，下次未必會再黎了。🥲

《童年回憶平民價之選🤩》———————————————-#沙嗲王 😚-沙嗲王完全係童年回憶，細個成日食，完全係平民飯堂～估唔到而家嘅水準都保持得好好，而且性價比依舊😚-招牌白咖喱香茅豬扒飯仍然係我嘅最愛，咖喱味濃郁，愈食愈上癮，係其他鋪頭食唔到嘅獨有味道😍金黃色嘅豬扒炸得啱啱好，外皮香脆，肉質鬆軟～-另一個必食嘅一定係蟹粉豆腐鍋飯，熱辣辣滾住上，非常惹味，蟹肉碎加埋豆腐好正，帶啲鹹蛋黃味撈飯一流😎-⭐ 參考價錢︰(午市套餐)白咖喱香茅豬扒飯：$59蟹粉豆腐鍋飯：$68🍌 抵deal 指數：9/10💰人均消費：$65

平時最喜歡在午飯時間在銅鑼灣「食好西」，近日有同事帶我到沙嗲王裡吃。說實話，很久沒有去過沙嗲王，讀大學的時候確是常常去，但主要都是吃晚市，所以今次吃午市，就要看看跟菜單有什麼不同。😀首先進入餐廳之後，也發現裏面是挺大的🙂，之後侍應帶我們去座位裡坐，並叫我們掃QR落單。雖然以QR CODE下單可以減兩元，😉不過界面上有少許漏洞，就是如果選錯的話，要跳出重新選過，所以也幾費時。😂最後我們選了蟹粉豆腐鍋飯+ 冬蔭功海鮮米線。蟹粉豆腐鍋飯是以石鍋上的，感覺熱燙燙。🔥吃過一口，覺得蟹粉味很重，配搭淡淡的豆腐，濃配上淡味，有中和的效果。🙂但它必定要配飯吃，因為齋吃蟹粉湯會很膩很鹹的。😅至於冬蔭功海鮮米線絕對有驚喜，端上來的時候，已經覺得很大碗😋，一定夠飽。配料方面有菇、蝦、青口及蜆，相當足料。而冬蔭功的湯底很入味，微辣得來又很過癮，值得推薦！❤️

前幾日去銅鑼灣，行行下有啲肚餓就去食個午餐，入到去都算多人，不過唔洗等位直接就可以入座。叫左個沙嗲王必食嘅白咖喱香茅豬扒飯、豬軟骨拉麵同蟹粉豆腐鍋配白飯，見佢做緊優惠，小食有特價，就叫多個越南薄皮春卷同XO醬炒蘿蔔糕試下。豬軟骨拉麵份量都算多，有兩大舊肉，食落幾軟易入口，整體係普普通通。白咖喱香茅豬扒飯有兩塊半豬扒，炸得幾香脆，再加埋香濃嘅咖喱汁撈鬆軟白飯真係一流，唔覺唔覺就食曬成碗飯。除左白咖喱之外，蟹粉豆腐鍋都唔錯！有蟹肉碎係面，啲汁就有埋鹹蛋黃嘅香味，加埋豆腐熱辣辣咁撈飯食好香！不過可能因為係鹹蛋黃，食到最後會有啲膩食唔落。XO醬蘿蔔糕好香口，雖然話係小食，但係份量都幾多，食到尾會越食越辣越南春捲有6舊，外皮炸得幾酥脆，入面嘅餡料都好香，建議點埋附送嘅酸汁，可以解膩加加埋埋大約$280，由於啲主菜同小食嘅份量唔少，所以我地最後都係打包左啲返屋企食🤣，絕對係飽肚之選

沙爹王係我學生時期既飯堂，個時D野吃又便宜，款式又多又好味，分店都好多。不過依家吃沙爹王就一D都唔平，分店少很多但係食物水準都保持到，一樣咁好味。行開銅鑼灣想吃個下午茶，走咗去黃金廣場吃沙爹王，真係幾時都甘多人排隊等咗差唔多二十分鐘終於有位，立即 order咗個下午茶餐，當然係要吃個輕量白咖哩猪扒飯啦，加個雞軟骨小食，白咖哩汁，猪扒同飯係分開既，自己想落幾多都得。猪扒都有兩小塊，炸到剛剛好，軟硬適中白咖哩汁味道濃郁，令人吃上癮，其他食肆都有白咖哩但係始終做唔到咁好味，飯量同正常差不多，唔似係輕量，加埋杯冰紅茶，好滿足，每次有海外朋友來香港，我都會帶佢地去吃沙爹王，個個都讚好

沙嗲王好耐好好耐....實在太耐冇食是次食午餐白咖哩香矛豬扒飯個汁幾好味😋豬扒就比較鬆散.咬口冇物.不過不失飯就...叫做粒粒狀.乾濕都可以滑蛋豬扒飯+湯同烤餅滑蛋就真係比滑蛋👍🏻唔係求其既湯.栗米忌廉湯.一般水準烤雞中翼.粉唔算多.肉質就...甩肉咁...！肉鬆粉皮包.有點蒸過龍.黐住個碟😔加兩杯罰飲$150兩個人算係咁👍🏻

今日同上司去黃金廣場食lunch，決定試吓另一個signature嘅蟹粉豆腐鍋(上次試左白咖哩豬排飯)我哋等左大概十分鐘，12:30入座，因為午膳時間都比較多人，等得耐小小另外加2蚊要左杯蘋果綠茶啫喱，大大杯好抵飲個蟹粉豆腐鍋非常大份，我淨係食咗大概七成左右，另一啲就share左俾上司一齊食撈飯一流，香濃得來豆腐亦非常滑，絕對會再翻兜大家記住落單嘅時候用QR code自行落單，有得全單減兩蚊，抵食！

同朋友黎個快閃lunch決定就揀啲近地鐵站既餐廳啦上樓之後唔洗排隊，直接安排左卡位我叫左個最最最出名既白咖哩豬排飯，飲品叫左蘋果綠茶啫喱豬排非常鬆軟，無多餘既肥膏，成塊都係鬆軟既肉，咖哩都非常香濃性價比超高非常值得推介黎得沙嗲王，點會唔嗌個馳名既蟹粉豆腐鍋呀我就痴左友人個lunch set，個蟹粉撈飯真係完全無得輸如果無同人share應該會飽到上心口，好濟今次亦都嗌左雞軟骨、蒜香雞翼同埋炸芝士條，樣樣都保持到水準

記得以前中學時期冇乜錢嘅時候，約朋友去銅鑼灣行完街，總會去沙嗲王食返個晚餐而家人大左，搵錢多咗，又勁多餐廳俾你選擇，已經好少去沙嗲王食今日又喺銅鑼灣辦完事， 唔知食咩好，行過見到沙嗲王喺度賣緊廣告，突然間好掛住白咖喱豬扒飯，就上咗去食<白咖哩豬扒粉絲$63>而家除咗白咖喱豬扒飯，仲可以着粉絲、烏冬今次試吓白咖喱豬扒配粉絲，味道幾夾豬扒有三件，炸到金黃酥脆，有中學時期嘅味道<蟹粉豆腐鍋配飯$76>蟹粉豆腐鍋又係必叫，蟹黃味香到不得了，撈飯食真係一流<芝士條$5>芝士條做緊優惠，一蚊一條，最少叫五條，試吓好啦，勁細條冇咩特別

沙嗲王已經好多年冇食過，記得以前讀書嘅時候成日都同啲同學仔去食，因為好抵食。估唔到咁多年之後個價錢都冇咩變到，竟然仲有十幾蚊一個小食，好興奮哎左好多樣。炸饅頭好脆一定要哎。春卷都幾好食。但來到沙嘜王，一定要哎蟹粉豆腐鍋，送飯一流！咁多年個味都無變，仲要熱辣辣滾住上，真係好有誠意。豆腐都好食，沙嘜王的炸野全部都做得幾好，全部金黃色，脆漿又不會做得太厚。避風塘系列都係我覺得要一試的，今次哎左魷魚，好新鮮。唯一覺得有點普通的係芝士年糕，無咩味道。埋單每人不用一百蚊，仲有辣椒油送，性價比超高！想讚下個裝修夠光猛，比起以前黑沈的風格好多了。

一家大細出去食行街食飯，想經濟實惠又飽肚，當然首選沙嗲王啦🤣之前食過一次都已經覺得好抵，依家帶埋一家大細去再食😊小朋友的至愛我估冇邊個小朋友係唔喜歡食炸薯條的佢好大份都只係$22啫香脆芝士條＄1/1呢個價錢真係冇得輸，必食蒜蓉牛油雞翼$56超級脆卜卜，仲有好香嘅蒜蓉味同牛油味👍個人認為很好食，好食過KFC同麥當勞嗰啲冬陰功海鮮米線$65呢個可以揀烏冬底/米粉底/粉絲底味道一般，可能我食慣濃味野多，如果再濃味啲會更加好石鍋清酒煮蜆$38價錢係好吸引的，味道都算唔錯正正常常，下次可以再encore芒果椰汁沙冰+西米$19必飲好多芒果+好多西米，再加埋佢嘅味道都唔錯最緊要跟餐有優惠，只需$19😄