沙嗲王 (黃金廣場)

营业中

休息中

兩個人，7點零鐘，諗吾到食乜，一於黎好耐無食過既沙嗲王。等位算快，5分鐘入得我嗌左特選肩胛肥牛飯配秘製咖哩汁，份量ok既，但吾知係咪肥牛關係，d咖哩汁稍微甜左少少😹 而且d肥牛好似好膩，食吾曬😭 我個fd就嗌左溫泉玉子肉醫飯，佢就話撈埋一齊之後幾好食🤔我地夾埋嗌多3樣小食： 白汁芝士焗餃子， 吾知點解我地食落有陣榴槤既味道🤷🏻 係咪師傅落錯左料🤷🏻整體黎講2.5/5 分韓式蜜糖粒粒豬，隻汁吾會太甜，岩岩好，d肉一d都吾乾，好好食🤤椒鹽豆腐，同市面上食到既無乜分別，不過不失埋單$266，價錢還好，如果吾係點飲野既朋友，可以試下我地咁嗌，抵d食多幾樣野，佢既2人套餐吾算好化算，反正佢本身都有水無限量提供🤤🤤

話說中學之後都冇幫襯過沙嗲王最記得個白咖喱豬扒飯同香茅雞扒飯 行開銅鑼灣原來仲有沙嗲王但係感覺唔同左 大眾化左 定位似高級茶餐廳種類多左好多 唔再係以前主打咖喱同沙嗲雞扒煎蛋飯 蟹粉豆腐鍋飯埋單每人都唔洗一百 銅鑼灣邊度搵

見黃金廣場樓下日日都有人舉住沙嗲王個牌，好啦，咁去試下啦。XDLunch hour 上到去都唔使等位可以即入，可能銅鑼灣太多選擇啦。阿姐話假期冇 lunch set, 好啦咁平平地叫個麵食啦。之前食過呢度最出名ge白咖喱豬扒飯，所以我叫左個白咖喱湯底烏冬配香矛豬扒，朋友叫左個沙嗲湯底拉麵配炸魚。等左10分鐘就有得食啦～兩碗麵都好有份量，湯底好夠味。香矛豬扒保持水準，係油左少少。炸魚都ok, 炸到金黃色岩岩好。兩個人食左百二蚊，銅鑼灣區算係咁啦。

中學的時候常常吃沙爹王，所以每次去沙爹王，總有時光倒流的感覺，那沙爹王咖哩的味道，就只屬於這裡。中午到，不用等位✌🏻沙爹王價錢頗親民，經常贈送優惠券，所以幾個人一起吃，運用優惠券都可以便宜十幾元至二十元。朋友點，沒什麼特別當然不是專業拉麵，但味道還不錯，似泰國喇沙。我吃這個咖哩飯，我發現每間餐廳的咖哩飯都有自己的特色，沙爹王的咖哩的味道很濃稠，偏向沙爹的口感，不辣，與泰國和日本的咖哩有很大分別，但他的白咖喱配上白飯，簡直一流

沙爹王係中學時期既飯堂，諗唔到食咩就一定會去左呢度！ 日式蟹粉豆腐鍋配飯 $69 呢個汁好岩撈飯食，夠晒熱，熱到一路都沙沙聲！蟹肉同豆腐既份量都唔少，仲有陣陣咸蛋王香，份量足夠撈晒一碗飯，但一個人食晒會有啲膩，share黎食比較好！避風塘軟殻蟹 $68 最中意食香口野食，軟殻蟹有4大件，即炸關係仲好燙口，小小辣而且好惹味！ 呢個份量絕對對得住呢個價呀~~芝士白汁焗餃子 $44 每次黎食都會食，雖然餃子只係普通既肉餃，但芝士再加上白汁，味道冇法檔，仲做到小小既拉絲呀～ 白咖哩香茅豬扒飯 $57 以前係個豬扒浸住個咖哩汁上，而家變左3樣野分開放，幾好！白咖哩汁永遠都係香，帶點點辣，真惹味！ 芒果椰汁沙冰 $22 又幾好似飲，芒果味唔假，唔易溶，加左珍珠就増加左口感 ！餐牌

以前觀塘都有一間沙嗲王，不過自從執咗之後便好耐冇食過了。今次係銅鑼灣行街睇戲，就順道再一次來食下。呢間沙嗲王都幾大，佔了黃金廣場的一層。見到全場都坐滿左人，不過唔知係咪因為下午茶的關係，等左 5 - 10 分鐘就入得。不會好像晚飯時段咁等得比較耐。由於店鋪內十分多人，所以嘈吵聲都相對地多些。下午茶時段有呢個餐牌，不過款式唔係咁多，但係有埋飲品送都唔錯。除此之外仲有精選二人套餐可以揀，不過我地食下午茶就當時唔揀呢個啦！更何況晚餐食呢個餐都會好飽的，份量十足。哪完嘢食之後，我地先留意到墊枱紙上寫的東西，原來餐廳推介必食的是  "白咖哩香茅豬扒飯"、"鐵板嬌嫩巨脾配薯條" 等等，而呢兩個我地都有嗌，真巧合！白咖哩豬扒飯 ($49)嘢食來到了！等候時間唔係話好耐。個飯望落去唔係好多，但食落去其實都好飽。香茅豬扒的香茅味都幾重，唔會好似其他鋪頭咁冇乜香茅味。而豬扒的肉都幾鬆軟，味道十分之好。咖哩甜甜地幾好食，見到有啲洋蔥等等的配料。點埋香芽豬扒味道好夾，食幾多都唔厭呀！ 而且咖哩份量足夠，撈埋落啲飯到食一流。最好就加多份油餅, DIP埋D汁一齊食巨型鐡板雞排($49)有巨型雞排, 配菜同炸薯角!

咁行去邊又想食沙嗲王，咁就想去食下啦，佢啲位置都幾闊落，嘢食款式都唔錯幾多下。日式蟹粉豆腐配薄餅$79唔係講笑呢覺得超正，佢裏面呢係都幾多下蟹粉，送飯一流，薄餅都係，所以我都幾鍾意叫這個。未試過真係要試吓。冬陰公扎肉鮮蝦米線 $59這一個有點辣辣地，幾開胃唔錯，都幾多料係入面。蒜蓉牛油雞翼 $38這個雞翼很香，好有蒜蓉同牛油嘅香味。大阪究極薯仔沙律呢個都好好食啊，當小食食一流鮮芒椰汁沙冰配西米呢個幾好飲，好似食緊甜品咁。

很久沒幫襯沙嗲王，以前經常去觀塘分店，銅鑼灣店還是第一次來。環境很好，意想不到的餐廳很大，座位十分闊落舒服。叫了3個LUNCH SET冬蔭公扎肉鮮蝦米線冬蔭公湯底幾惹味扎肉和蝦還好鐵板嬌嫩巨脾飯同事話隻巨脾的確幾嬌嫩的確係super size，夠嫩，可惜白咖哩比想像中失色，早知選沙嗲汁好了蟹粉豆腐鍋My Favorite! 呢個不得了! 上枱時還是滾的! 石頭鍋上已經特別吸引!金黃色的是蟹粉，蟹肉的分量也不少，豆腐很滑，整個性價比超高下次來一定會再encore!炸饅頭不過不失吧

銅鑼灣沙爹王搬左個位置感覺上方便左 裝修又新又光 座位都好舒服 但無之前咁大 野食都係保持水準 食左個下午茶 雖然有加一收費 但都抵食重要係好味 凍飲唔洗加錢 唯獨下午茶餐比之前改左少少

今晚同朋友想去食沙嗲王，行到銅鑼灣廣場一期先發現佢已經搬左去黃金廣場上到去門口已經好多人等緊位，拎左張飛，等左～30分鐘就入座因為同朋友都好肚餓，決定叫精選二人套餐主菜揀左 蟹粉豆腐鍋配印度薄餅同埋 冬蔭功扎肉鮮蝦（轉粉絲）蟹粉豆腐鍋次次黎都必食，但今晚唔知係咪太好生意廚房做唔停，味道比以往食既唔同、好淡冇乜咸旦黃味，冇咁好食。呢碗冬蔭公粉絲又係麻麻....d 湯話咁快俾粉絲吸晒、粉絲質感冇彈性、又一patpat牛油雞翼炸得好脆、有香香既牛油味，裡面既肉幾嫩，水準依舊飲品叫左特濃朱古力沙冰 同珍珠奶茶幾濃朱古力味，不錯繁忙時段用餐時間得90分鐘，想傾下計慢慢食就唔好揀呢間啦☺️

對上一次食沙嗲王已是6年前既事今次再次來到 裝修令左 餐廳變得年輕化左感覺亦清新好多。一打開menu發現加了很多不同的菜式。好在仲有我最喜歡既沙嗲,白咖哩及香茅豬扒。最先上台既係沙嗲豬扒米線:未吃豬扒先飲啖濃濃既沙嗲湯底真係好惹味,米線煮得剛好十分掛湯。十分欣賞米線上有菜及菇,食起來有不同既口感同時亦感覺健康小小。 豬扒厚厚的有3件我就喜歡它夠淋不過友人說係被拿到淋曬無左個質感。無論如何我就覺得滿分啦。友人叫了冰島炸魚白咖哩湯粉絲: 白咖哩湯底真係點會有得輸呀。不過個粉絲就好一pat感建議食既朋友真係放一陣等無甘熱先食啦。至於個炸魚真係幾腥下所以我地都覺得幾麻麻地啦。以後主食上無菜所以叫了碟奶油津白。配以煙肉一起炒只係啓左小小但都十分好食。

由細食到大既銅廣沙嗲王無左😧原來係搬左姐😙😙搬左黎黃金廣場，都係銅鑼灣唔係深水埗個個🤣晚飯時間唔洗排隊，新地方緊係新風格啦，唔再係海盜王，變左國王童話世界咁樣連餐牌都配合番每次黎到諗都唔洗諗一定係食白咖哩豬扒飯既啦🐖食左差不多十年既擺法唔同哂😩以前係豬扒同咖哩一碟，而家一個大碟放哂豬扒同飯加多個細碗係上面～～味道無唔同既，只係無左個種親切感囉☹️豬扒一樣酥脆，咖哩一樣咁香滑唔會太辣，依然有大大塊洋蔥係汁入面，依然係一碗飯分量依然派現金卷要你二個月再黎用😂二個月黎又黎食了

近排公司進行改革，我的工作又再度加重，早出晚歸，日日做到無停手，終於捱到周末傍晚，收工後都懶得諗，就去公司附近嘅「沙嗲王」草草吃個便飯了。之前嘅舊舖係銅鑼灣廣埸，埸地大好多，有好多卡座位，兩個人坐得好舒服。最近搬咗嚟黃金廣埸，地方細咗，無晒啲卡位，二人枱好細張，啲嘢食飲品完全唔夠擺，侍應生收碟又慢，搞到要擺過隔離枱先得！連menu入面啲炒飯都無埋，乜都縮晒囉！無晒炒飯，唯有揀其他嘢食喇……1.蟹粉豆腐鍋飯($69): 細細鍋豆腐，熱氣騰騰的，一路滾住上桌，豆腐口感細滑，好多蟹粉，味道香濃又唔腥，仲有鹹蛋黃味，撈飯食一流！個飯分開上，都几大個飯㗎，啱晒二人分享！個人認為配飯好過配薄餅呢！2.黑椒雞扒配沙嗲拉麵($55): 其實跟鐵板巨脾並無太大分別，揀雞扒仲好，兩大塊啖啖嫩滑雞肉一人一件，又唔使拆骨，只是略嫌無乜黑椒味！拉麵偏腍，唔夠彈牙，沙嗲醬亦唔夠香濃，口感較為普通！跟餐飲品半價優惠，無理由唔用啦！3.芒果椰汁西米沙冰($23): 最啱夏天飲，沙冰十分冰凉，堅多香甜芒果肉，今次啲西米粒粒太綿，黏埋一舊，實屬美中不足！4.熱柑桔檸蜜($15): 清甜潤候，好好飲！坐得唔舒服，下次要過其

見新開張，上到去細舊舖3分2，不過等位都快。食物水準同舊店差唔多，但炸物等好耐。不過最無奈就就係食完野，比個男仔收碟，佢唔係一次過收晒所有碟、餐具，而係每2,3分鐘左右，就收你2樣野，每次只收2樣，過一陣又收2樣，總之就係要你食完就好走啦。雖然2個人都係食咗二百五蚊左右，唔算貴，但連食完飯想傾2句都要不停比人騷擾，如果唔係特別想食佢個白咖哩豬扒飯，都應該唔會成日去。

「沙嗲王」相信是不少港人都必定到過的餐廳， 小編小時候第一次來以為「沙嗲王」是賣沙嗲的， 但原來韓、日、越、泰等亞洲美食都可在「沙嗲王」找得到， 而當中的白咖喱豬扒飯更成為我多年至今的必叫菜式！😏 是日知道公司附近新開了一家「沙嗲王」， 當然要捧場啦！ 而且還有午市套餐，$45-$68便有一份， 還送汽水、咖啡、檸茶檸水呢！ 唔洗加錢仲可以叫凍青蘋果紅茶或凍荔枝紅茶呢！幾抵喎！😯 仍然鐘情於白咖喱豬扒🐷的我， 今次就試下烏冬啦！😏 白咖喱豬扒烏冬（$54） 和飯不一樣， 白咖喱汁比較稀，味道也稀得多了！ 看來下次還是食飯較好味！🙈 但豬扒水準仍然一樣的好，外脆內軟，juicy得很！😋 餐飲我加了$7要了一杯凍紫薯鮮奶配珍珠， 紫薯味都算濃郁， $7幾抵飲！👍🏻😆 總括來說， 「沙嗲王」的午市套餐幾抵食， 而且每次埋單都有現金券送， 岩晒我呢個係銅鑼灣上班族。😏