沙嗲王 (現時點)

营业中

休息中

星期一休息無嘢做，自己行吓街做吓宅男周圍睇玩具行到現時點有d肚餓就順手去沙嗲王食個飯可能仲早關係一個人唔洗等，店內位置都唔算太爆坐低睇咗陣都係叫出名ge白咖哩豬扒飯不過我叫厚切！再加杯鮮芒椰汁沙冰西米嘢飲好快上，不過如圖份量好似比以前少之後個飯就等耐小小比以前，大概5-10分鐘！不過豬扒都夠熱同脆不過個人學覺得飯量可以多番d d。。。食完唔算好飽不過的炸豬扒都ok的！不會太乾身又夠厚！埋單100蚊，唔算平。。。100蚊要飯加一杯飲品係旺角都有不少選擇

由細食到大，不過分店唔多所以隔一排先食一次。今日就食左下午茶餐，價錢系ok既50蚊上下包主食+小食+野飲簡左招牌亦都系最有代表性的白咖哩豬扒個人覺得白咖哩系完全冇咖哩味既加強椰奶版白汁咁，講得好聽叫creamy 講得唔好聽叫漏。賣相睇落幾好架，如果唔理塊豬扒同隻匙一樣大既話，不過佢餐牌有寫明熱輕量版咁算啦，原諒你。旁邊既小食系跟餐既蒜味牛油雞翼 食得出系即炸，外脆內軟，幾juicy 。再加多個雜菌蒜蓉牛油焗蜆，之前同朋友食飯果時食過一次，覺得好好味（好味過主食）所以今次encore ，不過今次有d失望，蒜味同牛油味都明顯冇上次咁突出，雖然32蚊既價錢稱得上量多，但今次真系冇咩味，系咪鹽都唔記得落？！ 加上個底勁多水呢間分店我幫襯過2次，坐系坐得幾舒服，不過員工既態度真系值得改善，完成愛理不理，冇人帶位，冇餐牌都話之得你咁。。。。 落完單都冇覆單。。，付完錢都冇多謝咁

你沙嗲王一定要食白咖喱豬扒飯因為呢度最出名就係八咖喱豬扒飯個豬扒係香茅豬扒嚟嘅所以都唔錯同埋識落唔會覺得木硬囉d肉質之後呢度都有啲特飲不過要加錢所以最後都係冇叫到

今日係好餓的情況下經過沙嗲王，難得係星期五晚都唔駛排隊的情況下就衝左入黎，之後無幾耐都full左，lucky~餐廳做緊“崩壞3”的主題推廣，有特式飲品同佈置，但我無睇過唔知係咩～所以無叫到。今次叫左個二人套餐。兩個湯，兩個主菜，兩杯飲品連小食，$253，算抵。叫左白咖喱香茅豬排同白咖喱巨脾飯。豬排鬆軟，白咖喱甜甜的幾開胃。巨脾飯，鮮嫩多汁，超愛食。 不過可以唔配白咖喱，感覺有d油。脆蝦棒都好脆多料。湯就不算好飲，而且份量好少。甜品係無可挑剔的haagen-dazs,仲有三種味可揀：朱古力，士多啤莉，曲奇。不過可惜無晒士多啤莉味。不過如果唔中意雪糕，仲可揀芒果西米露。飲品方便，珍珠奶茶有d過甜又唔夠香。菠蘿特飲就好正常咁，但飲品最開心係見到隻杯好可愛～

如題, 直飛number唔叫人, 睇住飛左我地個number我地就去即刻同佢講, 條阿嬋仲好意思同我地講話過左就扲個啦..., 之後後面4個冇飛就直接俾人入, 我地4個拎住飛就當我地冇到繼續飛number特登唔叫我地, 叫櫃檯做到咁嘅態度唔會再黎啦

細細個個陣屋企人成日帶去沙嗲王食野, 記得最中意食佢既白咖啡豬扒飯同埋沙嗲湯金邊粉!!大大下選擇越黎越多, 沙嗲王亦都好似無以前咁受歡迎, 慢慢將佢out左出個食飯list度, 大大話話真係有10年8年無食過, 對於佢既印象依然停留幼年時代, 上個月朋友提議食沙嗲王, 話而家已經唔同哂, 於是終於再踏進回憶~食過之後今日決定encore! 今次去左油麻地分店, 大約夜晚8點零鐘, 唔洗排隊。紅酒汁薯條 哩個薯條麻麻地, 可以唔洗嗌, 全條都淋既溫度係灘左一陣暖暖地咁, 個汁既味道一d都唔夾個薯條個人對芝士拉唔拉絲無乜要求, 認為味道緊要d白咖哩香茅豬扒飯沙嗲王名物, 今時今日仍然同一味道! 豬扒軟腍, 好好咬口, 一咬就食到香茅味好重, 白咖哩濃郁, 配白飯真係無得彈! 吉列豬扒配白咖哩粉絲之前食過沙嗲湯粉絲, 今次試下白咖哩, 結果係沙嗲比較好味, 白咖哩襯飯會好d粉絲份量好多, 但就淋左d, 如果係煙煙韌韌個種就更正!豬扒出奇地好食, 肉唔會乾真真, 而且係厚切,有咬口 吉列皮香脆唔厚。另外仲叫左杯芒果椰汁沙冰配西米, 係上次係旺角飲過, 覺得好正一心諗住今次再飲番既, 不過今次係

早中晚宵夜都要點，回頭率100%知道好多人都推介過，我也來湊個熱鬧，投贊成好味票！豬扒又厚又軟，白咖哩汁是神來之筆，就算蒙著眼，我都會知道是來自沙嗲王。可想而知那獨特性！加上大件抵食，lunch time 之選！你知道嗎！？！白咖哩豬除咗配白飯，還可以選烏冬。烏冬是很有口感，日本的那種，絕不是超級市場的，跟即食麵一併放，粉粉圓條的那種。咖嗲王的烏冬是冰箱急凍冷櫃的那種，QQ，粗粗，有口感的。想起都想去再吃！

來沙爹王，就一定要食白咖哩豬啦，這是常識吧！白咖哩豬，肉脆多薑絲，食落去，立即聞到滿滿的薑絲味！而且，汁多，可以用來一起拌飯食！十分享受！配上一杯熱奶茶，為是次用餐劃上完美的句號！

好久沒有吃沙嗲王了，對他的回憶就是以前和工作夥伴經常一齊食午餐的餐廳。無他嘅，平靚正。不過他的白咖喱豬扒飯確有一手，但因為分店不多，當轉工真沒有再吃了，想想也有六年吧。今日和朋友們經過心血來潮，而大家對沙嗲王的感覺也是差不多，於是一齊重拾回憶去。差不多所有人都點白咖喱豬扒飯，而另一個朋友就選擇性冬陰公麵配鐵板雞髀（應該是新口味），另外再加一些小食。餐牌比以前更加精美，選擇就反而少了，不過也好，專心做幾樣好的才更成功。之前就是太多選擇了，而且做得也不是樣樣精。白咖喱豬扒飯依然維持一樣的味道， 就算沒有白來。鐵板雞髀反而有驚喜，雞髀非常鮮嫩多汁，而且很大，廚師還會細心起骨，絕對值得推介。小食就中規中矩，另外唯一有點兒瑕疵的就是薄餅，雖然價錢平，但賣相不佳而且太少了。這個價錢我寧願吃薩利亞了。整體來說，現在的沙嗲王的確比之前進步一點。

我最喜歡吃沙嗲王的蟹粉豆腐鍋，每次蟹粉磨豆腐的份量都非常之多，加上一碗飯食完一定好飽。白咖喱豬扒飯都非常出名，豬扒揸得香脆，白咖喱沒有黃咖喱那麼濃郁，所以適合喜歡淡味道的人。

初嘗沙嗲王一定要試下佢家傳戶曉嘅白咖喱啦叫左個白咖喱雞扒飯白咖喱不過不失 比起平時嘅咖喱冇咁辣同甜啲如果有埋薯仔就perfect池啦雞扒太細舊 食曬成舊都仲有好大部分嘅飯剩所以就叫多個硯呢個硯真係冇咩特別毫無驚喜可言唔入味 份量又少連啲菇都唔入味至於飲品方面叫左個特濃朱古力沙冰上頭會加啲類似oreo餅碎咁嘅野唔錯另外啲侍應好似唔休做咁態度超級懶散就食完個餐 杯飲品都未到

以前觀塘返工，成日同同事食沙爹王，自從早兩年轉咗工就好少食。呢日同朋友去油麻地買嘢見到有沙爹王，我即刻話要食，以解我對白咖哩豬扒嘅思念😂雖然散叫同套餐價錢可能只係相差個甜品，但我依然鐘意叫餐貪方便🙆🏻👉🏻二人套餐($253)👉🏻餐湯x2 : 忌廉湯湯夠熱，不過仲有啲一舊舊好似凝固嘅嘅粉團未散開🙈味道略嫌淡口，加啲黑胡椒先有返啲味。👉🏻厚切吉列豬扒沙嗲湯烏冬沙爹湯底濃，烏冬煙韌，吉列豬扒即炸即上枱，炸漿好脆，豬扒肉質仍然juicy。👉🏻白咖哩豬扒飯最愛嘅白咖哩豬扒，食沙嗲王都係為咗食佢，豬扒用香茅腌製過再炸香，肉質保持爽口嫩滑，白咖哩只有好少好少辣，並略帶甜味，好開胃。👉🏻韓式蜂蜜芥末醬雞翼下次我會揀番炸牛油雞翼😂🙈個蜂蜜芥末醬味道甜甜地，芥末味道較少，但個汁好漿口，好杰。雞翼炸得幾好，皮脆肉嫩。👉🏻凍青蘋果紅茶👉🏻熱紫薯鮮奶👉🏻甜品仲有兩杯細細杯嘅HaagenDazs，掛住食唔記得影😂📌加一服務費，總計$278.3

食沙嗲王食左多年，一直鍾情於佢既白咖哩豬扒飯，豬扒肉爽口，肉質嫩滑，味道一流！睇到用左唔少香茅，咬落去仲微微有d肉汁，令人好滿足！配上白咖哩真係多多白飯都唔夠！全香港得佢一家有呢種白咖喱，話係咖啡查實都無一向食開既咖哩味，滿滿是南薑同香茅味，汁好濃但食極都唔會覺得滯！每客飯既份量都唔細，汁都多，我鍾意叫多個薄餅點汁食，真係一流！最正既係原則上食左十多年，佢既水準都保持得好好，間間分店既味道都好好，抵讚！

唔好以為沙嗲王係專賣垃圾嘅廉價餐廳，今日我要為沙嗲王洗白一下。其中嘅日式蟹粉豆腐配白飯係我每次必點主食之一。聽見石鍋發出嘅嗞嗞聲，睇見鍋內嘅蟹粉汁不斷翻滾，已經有種“一定好好食！“嘅感覺。而且蟹粉豆腐跟白飯比例係一比一，可以每啖都食到蟹粉豆腐。加上白飯另上，石鍋夠熱，慢慢食都可以保持上菜時嘅味道及口感。

沙嗲王另一樣值得推介嘅主食，係呢道特大嬌嫩巨脾餐，另配白飯或薯角。第一次試食時，本身以為係小食，上菜時先知，雞脾比手掌更大。而且做倒皮脆肉嫩，雞脾肉質嫩滑，眼見肉汁多到已經滴出黎，鐵板熱辣辣，吸引之餘，兩人share已經好足夠。