沙嗲王 (現時點)

营业中

休息中

動漫：暗殺教室主題飲品站!餐廳內附設的暗殺教室主題飲品店其實大家一入沙嗲王門口就會見到~身為動漫迷嘅我知道有呢個主題嘅時候已經想黎~加上又係Youme Cafe聯乘嘅~之前都有去過Youme Cafe嘅其他主題，覺得做得唔錯，所以更有興趣~但無留意原來係同MH同一個地方，所以今次可以順便試埋~XD入到去其實地方不大。但佈置好吸引，好似真係去左E班課室咁!讚!場景仲有張枱同椅+假紙板鎗比你扮射殺殺老師影相留念!有趣!經典課室場景!!學生們的書法!!>w<顯示屏除左會show menu之外仲會有相關動畫嘅片段播放架!餐牌其實飲品會同出面D台式飲品店差不多，但選擇種類會較少。不過特別在你可以揀你鍾意嘅圖案印上去飲品度!^^我好多都好鍾意.....叫人點揀呀!!T^T收費處仲貼有好多主題杯墊同相片~仲可以抽襟章添呀!!!除左襟章，仲有得抽膠杯墊~$49抽一次~仲有精品櫃~其實好多都已經係動漫節見過，但呢度少好多款。粉絲們未買嘅可以睇下! 珍珠奶茶(殺老師普通樣) {附送隨機抽的膠杯墊一個}最後我都係揀左普通樣~XD好香茶味~同出面飲嘅唔一樣，但味道較淡，奶味

午餐時間約左朋友仔食飯，見好耐無幫襯過沙嗲王就一於幫襯下啦！呢度真係咩款式嘅野都有得食，而且價錢大眾化。。所以約朋友食飯都真係唔錯。兩個女孩子，叫三樣野已經好足夠，而且油麻地分店地區夠大，好夠時都唔洗等位。坐得好舒服。 加15蚊換購蟹肉沙律原來午餐時段叫set lunch只需加15蚊就有一個蟹肉沙律。。開頭唸住係細細碟嘅。點知一黎到，原來都好大碟下，足夠二人份量。有蟹肉亦有蟹柳，味覺好滿足嘅一個沙律！正 白咖哩豬排飯呢樣野係每次嚟到都必定會食嘅！咖喱好香口而且唔辣。。所以同任何口味嘅朋友都可以share！豬扒炸得好香口，事先調味功夫做得好。呢個白咖喱汁真係足足可以令我食兩碗飯！ 韓式炒年糕第一次食呢一款，整體味道唔差嘅。只係略嫌年糕炒得唸左少少。。而且整碟年糕比較多油，食到最尾，碟中嘅泡菜都多油都已經食唔到了。。油麻地分店勝在地方夠大，午餐時間唔算十分多人！而且裝修都算唔錯，環境幾好。。同朋友食完飯坐低慢慢傾下計都幾舒服。而且真係好抵食，快餐嘅價錢，配合咁嘅環境絕對係超值嘅！

又一次主題菜單，不過今次好似好正咁，不得不一試！廢話小講直接講下基本大家都會點嘅菜式！ 燒雞脾-新鮮熱辣辣上枱真係吾錯，啖啖肉無雪味，不過調味太表面，吾食雞皮嘅人就只會食到雞味，不過可以點下d燒汁都ok嘅。建議大家叫多汁就穩陣D薯角-新鮮炸，無太多油，不過不失 大回藥-薄荷盧薈荔枝茶加蜂巢，薄荷味吾濃但蘆薈多偏甜，蜂巢認真有品質可以咬埋個巢，不過怕甜的話可以Skip。想薄荷味重D可以吉下樽入面嘅薄荷～因為佢裡面有原棵薄荷

之前見到油麻地沙嗲王有比卡超到11月30號於是乎趕喺30號前食賣相幾可愛 飯都好大份！蕃茄咖哩有少少辣味豬扒頗細舊 整個飯味道都不過不失個沙冰味道都麻麻 芒果味假假地粒糖冇乜味都係呢個最正👍🏻👍🏻辣辣地豬扒又脆👍🏻👍🏻其實成餐都普普通通 最好食都係白咖哩豬扒飯

行完旺角想醫肚，就緊係去食反個沙嗲王，岩岩好有新嘅寵物小精靈餐就當然要食下！鴛鴦海鮮蛋包飯，通常呢d得意嘢多數都好睇吾好食，不過呢次都可以叫中上，事關佢個醬汁都幾出色而且海鮮料都多，蛋包雖無半熟但亦未算太老，飯有茄汁炒都吾錯，美中不足嘅係，上圖比卡超條尾係甜嘅餅乾仲有朱古力，上菜個陣都溶左dd真係又喊又甜呢杯嘢我都第一次飲，普通朱古力加珍珠，個圖就印左係堆cream上面，建議吾好食堆cream因為好厚，好膩。整體黎講算吾錯，都有八十分。

在忠實粉絲朋友的帶領下，來到這個原來已開始了個多月的主題餐廳，真的很有趣。為滿足粉絲的欲望，內裏的裝修當然有不少寵物小精靈啦！可能因為已開物一段時間，所以也看不到有很多人在拍照，以致可以好好地拍下內部裝修的照片。除了裝修，菜譜也有精心設計。更重要的當然是除了食品外，更有精品可供選購。講到食物，因為一向認為特別版都不甚抵，而為了賣相，味道都會變得一般，因此只選上較正路的海鮮炒飯。味道可以，用上珍珠米令炒飯顯得較有口感，但有點可惜的是較為乾身，吃起來有點費勁。

辦公室裏，Whatsapp裏，Facebook上，道路上，經常聽到有朋友問答：「你去吃了比卡超沒有？」「我去過了。」或者說：「我正想去。」(改編自《花潮》)寵物小精靈是很多八九十後的美好童年的一部份。當年「日日能陪伴著我們」的小精靈和沙嗲王舉行合作活，對很多保存住一份童心的大細路來說，是一種誘惑。一段時間沒有吃過沙嗲王，卻發現以前常去的胡社生行沙嗲王已結業。剛巧在沙嗲王Facebook看到比卡超當晚會在油麻地出沒，就轉去現時點沙嗲王。店方放了不少小精靈公仔和相關物品在店內，突出主題，可見用心。油麻地新店有別於過去的暗黑海盜風，改以清新風格示人。可惜，天花用色和店內燈光不足，還是暗暗的，感覺不倫不類。比卡超出沒了，但大家都很害羞＞///＜服務員叫了很多次，都沒有人出來和比卡超拍照。我總覺得，比卡超當時超想跑到牆角畫圈圈，哈哈哈。 比卡超飯配藍柑咖哩：朋友說要挑戰藍色咖喱，好吧......不過，食用方法我來決定～第一步，先拍照。第二步，惡搞一下比卡超（不要問我為什麼沒有惡搞照）。第三步，劏開比卡超，發現比卡超的腦袋裡長了豬扒（喂！）未知個飯是否黃薑飯，只知道個飯實在無味。藍咖喱甜甜的，帶有

周六係我同BB每個星期拍拖之大日子, 我係約左朋友係MEGA BOX唱之K之后, 之后搭地鐵諗住去旺角行下街途中傾得太開心, 忘了旺角落車, 結果就搭到尾站啦(油麻地)行行行, 吾覺意去左個商場(現時點), 我好奈之前去過, 印象中係一個死場黎一上到去, 哇! 好迫, 好多人呀, 全部店舖都係賣玩具, 吸引左好多人睇野行到最頂, 係個商場角落頭, 見到今次要介紹既店: 沙嗲王真係吾起眼, 係個咁迫既商場突然有間食店喎我同BB都有少少餓, 而且好奈都無食過, 就決定食呢間啦係門口等左吾夠五分鐘就入得啦 (其實裏面有空位既)裝修同以前好吾同咯, FRESH好多, 以前好似整到成個中東FEEL (我吾BUY)我比較鍾意而家既裝修, 有啲似茶木同埋而家變左主題店 (比卡超), 食物方面, 有一如既往白咖哩豬扒飯, 但我同BB無叫, 我地叫左一杯野飲, 一個蟹肉西蘭花. 同一個酥皮迷你PIZZA野飲係無咩特別, 不過不失, 蟹肉西蘭花堅多蟹肉, 其實價錢幾平, 估吾到落足料, 味道就咸左少少, 如果配白飯係一流 (但我地無叫)PIZZA係令我地驚奇, 原來叫果陣無留意係酥皮, 一食落個底好鬆脆,

大概2年沒有來沙嗲王食飯，因為今次crossover 比卡超，所以吸引我我再來。Pikachu 風靡了八、九十後的小朋友，我雖然無睇寵物小靈精，但都被 Pikachu 吸引，因為實在太可愛！比卡超飯嚟到呢度，當然要點比卡超飯啦！比卡超飯的賣相都非常可愛，而且每種比卡超食物都贈送一個精靈球，入邊會有隨機的小禮物。不過個飯真係比較硬，結果是吃剩的。比卡超辣肉腸pizza這個反而比較好吃！Pizza底時脆的！比卡超芒果特飲這一定是給小孩子的，因為這個外型十分可愛，還有一粒比卡超糖在上面。但可能係因為俾小朋友嘅，所以份量都比較少。比卡超在下午2點開始出來，和人客拍照。當日都有好幾個小孩子排隊跟比卡超合照比。卡超真的很可愛，而且是軟林林的，像真度非常高！

好多次經過樓下都想入去試試, 因為覺得比卡超造型好可愛, 今日終於去試午餐, 我地點了一個午餐 - 白咖哩豬扒飯, 再另加一份比卡超造型咖哩飯。白咖哩豬扒飯保留平時水準, 好香。 而比卡超飯則外型一流, 味道還好, 只是藏於飯內的豬扒太少。環境不錯, 就算平日午時都唔迫, 可以一試!