沙嗲王 (MPM文華商場) (已搬遷)

當年超愛韓國綜藝 Running Man! 姜 Gary 年代簡直笑爆肚，記得有一集嚟咗香港拍攝，想話入去沙嗲王食飯拍攝，居然被拒，從此對沙嗲王無咩好感!有無攪錯! 一個咁好嘅免費廣告機會居然拒絕! 簡直O哂咀無嘢好講!如果唔係客人約我去沙嗲王，相信有排都唔會去幫襯.公道講，沙嗲王質素唔差，又夾自己口味，點咗濃蝦湯，牛沙嗲牛肩胛粉絲，石窩避風塘軟殼蟹，蒜香牛油雞翼，蒜香牛油烤餅，煙肉上湯娃娃菜，蟹粉豆腐鍋配薄餅，最後我點咗杯特濃朱古力沙冰.以為係龍蝦湯，再睇清楚先知係濃蝦湯，但味道好似龍蝦湯，味道濃郁，滿意.沙嗲牛肩胛粉絲，粉絲必然占滿沙嗲汁，擔心如果沙嗲汁味重，粉絲就會太濃，但哩碗沙嗲味道啱啱好，牛肩胛比較薄身，所以口感鮮嫩.石窩避風塘軟殼蟹外脆內軟，只係辣咗D，因為我唔食辣.蒜香牛油雞翼外層香脆雞翼肉嫩 Juicy 而且份量足，唔似D連鎖快餐店用D細細隻BB雞!蟹粉豆腐鍋配薄餅同樣出色，豆腐起滑，薄餅酥香.最欣賞係煙肉上湯娃娃菜，鮮甜之餘菜又煮得夠冧.特濃朱古力沙冰名副其實特濃又夠甜，無偷工減料.食完哩餐，開始對沙嗲王有翻DD好感，相反，每次見到 Running Man 賣廣告就唏噓無限! 一套以前集集追，一集睇幾次笑幾次嘅節目，變成眼尾都唔望一下，見到全昭旻即熄機! 唉........…查看更多

剪完頭髮來旁邊吃個午餐。選擇了沙嗲王，一人叫了一個餐。咖哩豬扒好好吃！！！香香脆脆，立馬炸好上來的！咖哩不鹹。另一款是經典的沙爹牛肉，叫了辣的 剛好符合口味～餓得不得了，熱熱的吃下去可爽…查看更多

🇭🇰🥣🥢港式老牌店，無可取代▫️QR code落單▫️有獨立包裝濕紙巾提供▫️送咗支沙嗲王XO辣椒醬✨✨激安二人餐 -$268🆗食極唔停芝士條（10條）（+$6）係春卷皮包住一條芝士，炸得好脆，吾大條，大約好似手指尾咁大到，但都幾滯。☑️濃蝦湯細細碗，幾好飲，蝦味都幾濃，而且都唔會好稀。☑️蟹粉豆腐鍋飯 （+$10）用石鍋上，第一啖熱到辣口，要小心。呢個真係超好食😋豆腐好滑，配上一大堆蟹粉同蟹肉，鹹香十足，撈飯一流，食到停唔到口。☑️白咖喱香茅豬扒飯沙嗲王招牌，過咗咁多年都仲keep到水準。白咖喱香濃好味，又吾會好辣，撈飯好味，汁夠多，而豬扒有3大塊，都好重香茅味，煎得好靚，唔會乾又唔會好難咬，點埋白咖喱就仲好食。☑️避風塘軟殼蟹4件 （+$25）用鐵板上十分熱，4件軟殼蟹都好大件，新鮮炸起，外脆內軟，蟹味香濃，加埋避風塘粉香辣惹味，最估吾到嘅係墊底嘅炸粉絲都好脆好味，抵讚😆。☑️凍特濃朱古力配寒天波波朱古力味濃，有好多寒天波波，好似椰果又好似珍珠，口感煙韌，都幾特別。☑️鮮芒椰汁沙冰配寒天波波呢杯係沙冰，打得幾幼滑，而且幾濃芒果味，仲有芒果肉喺面，真材實料，同樣配有大量寒天波波。🆗Haagen Dazs 曲奇雲呢拿雪糕75ml小杯放題size，其實食完前面嗰啲都已經好飽，所以對我嚟講細細杯都好足夠。🆗櫻花乳酪慕斯 ＋雲呢拿雪米糍佢個乳酪慕絲有少少益力多乳酸味，中意嗰隻味嘅人會鍾意，我自己就一般，另外雪米糍就只係得雲呢拿味，正常。…查看更多

今日叫左2個餸，估唔到比預期好味道，係我想食既咖喱；黃咖喱香茅豬扒飯，香辣豐富，肉質鮮嫩，配上飯食更加美味。黃咖喱烤薄餅，口感酥脆，香氣四溢，加上咖喱醬汁更加開胃。…查看更多

今天lunch ordered take away, $90 included pork, undon and indian pizza,厚切豬扒夠厚，juicy, and tasty, 仲有udon, the soup for undon is very delicious, 同印度薄餅，好抵食，適合日常三餐食，印度薄餅我以為係一塊，點知佢畀咗兩塊👍，烏冬啲湯都飲埋，very recommended for every day eat. also the indian pizza seems are instant make, too fresh and delicious, …查看更多

.沙嗲王絕對係中學時期的回憶……多年過去，水準依舊！白咖喱豬扒飯，是必須要食的！仍然保留有咖喱唔似咖喱的特點……反而有啲似，濃郁的香茅味！豬扒仍然10分鬆軟，只是沒有什麼肉味！這餐飯最好吃的……是炸雞翼！外脆內軟，肉汁很多！表現出色，值得再食珍珠奶茶，正常發揮，比不少台式餐廳，做得要好！.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant…查看更多

呢個名真係好熟悉 雖然經過過好多次但都無試過前排有朋友去咗同我講好高質一定要試試即刻搵多幾個朋友食多幾款食物🤣因為4個人所以嗌咗兩份九大簋2人餐👫🏻九大簋2人餐 $258價錢係$258起 有啲菜式可以加錢選擇🥣是日餐湯侍應介紹係蝦湯 有濃濃嘅蝦嘅甜味 混合忌廉口感軟綿順滑 🍟脆卜卜炸薯條 +$10薯條好酥脆而且超級熱辣辣 趁熱食完全唔會覺得油膩入面都唔會好空心好似咬炸皮咁調味淨係少少鹽唔會過重口味🧈牛油雞翼雞皮炸到好酥脆 皮脆肉嫩調味都幾重口味 最多人推薦絕對係白咖喱系列我哋就嗌咗白咖喱香茅豬扒飯🍛白咖喱香茅豬扒飯 豬扒有3塊 雖然唔算超厚肉但份量都幾大重點係唔會太多肥膏或者筋 所以好多肉食炸到表面金黃色但保持到肉質嫩 完全唔會乾柴白咖喱惹味但唔係辣嗰種 係偏甜帶點椰香質地順滑偏濃稠 唔會話太水好似無料到咁米飯選用珍珠米 粒粒飽滿圓碌碌 口感都幾好份量都唔少 男仔都會飽飽🥩紅酒牛扒汁芝士焗牛柳粒飯 +$5芝士係一大片鋪喺面 做到微微拉絲中間埋藏咗隻温泉蛋 篤爆後令整體變得更濕潤外圍有好多牛柳粒 大大粒肉質嫩滑 有啲似牛腩焗飯用咗炒飯底 飯粒粒粒分明有咬口而且金黃色有啲蛋香味紅酒味就幾乎0 可能係嗰少少嘅甜味醬汁偏鹹帶點辛辣 感覺更加似黑椒汁🥭鮮芒椰汁沙冰配寒天波波鮮芒椰汁同細個飲嘅許留山差唔多味道都偏甜但又未去到甜到起痰👌🏻寒天波波外皮脆脆哋 咬落煙韌有口感🍫特濃朱古力配寒天波波朱古力味同想象中有啲唔同 雖然叫特濃 但味道就比較淡🦐冬陰功鮮魚片米線 $72雖然出名食咖哩沙爹 但見到我all time fav冬陰功都想試下果然有驚喜😋 湯底質地濃郁 酸味鹹味都有 不過就想辣味可以更多魚片邊邊位帶少少皮雖然未到食到鮮味但都唔會話有雪藏味甚至腥臭味 該有嘅彈牙都保留到配料有啲秀珍菇 雞脾菇 香茅葉 芫荽 青檸青檸浸咗喺熱湯裏面增加檸檬酸 但唔會話太酸難接受反而係溫和嘅酸酸辣辣嘅味道 令人想不斷飲個湯底😂麵底改配咗粉絲 感覺更加可以吸哂湯底嘅精華每啖麵都好似飲咗一大啖湯底咁…查看更多

對上一次食沙嗲王，試咗佢嘅沙鍋沙嗲肥牛煲，竟然覺得有d失望😮，不過實在太懷念以前嗰種味道，都諗住比多次機會佢🫣，咁啱去到旺角搵食，路過見到個牌先知朗豪坊對面個商場仔有間沙嗲王，機會黎啦飛雲😆今次嗌返傳統嗰隻沙爹肥牛粉絲$70，一見到嗰浸濃厚沙嗲汁就覺得味道返晒黎🤤🤤🤤，每條粉絲都好上汁，一路撮粉絲一啖湯，好邪惡但真係無法抗拒😝😝😝😝另外仲嗌咗半份豬頸肉$50😋，再加$10要咗個拍青瓜解膩，完美配搭🫶🏻🫶🏻…查看更多

中學時常常約朋友仔去沙嗲王食飯，貪佢性價比高，行開旺角，MPM 這邊有間沙嗲王，就來了吃午餐，最令人難忘的都是白咖哩豬排飯，QR CODE 落單好方便，午餐仲有包飲品因為12：00入座，不算多人，餐很快就到，一上桌，香噴噴熱辣辣的白咖哩，賣相吸引，豬排炸得很脆，肉汁多，完全不會乾，送飯一流份量都很多，有3塊豬排，完全夠食，大滿足，下次再黎過😀…查看更多

很久沒有食沙嗲王了，朋友是忠實fans，今日與她一起去食。餐牌上可點的食物很多，但我倆都不約而同點了白咖哩豬扒飯，無論食多少次都覺得好好食，不愧為招牌菜式。豬扒有3大塊，把白咖哩倒落飯面混著食，非常滿足。…查看更多

昨天外賣自取，其中一盒是避風塘炸軟殼蟹，打開盒一看，盒內超過一湯匙的油在盒裏，由於太多油，軟殼蟹已經不脆皮了，從來未試過這麼的多油，很像油浸軟殼蟹，本來是脆皮的，由於太多油，浸到林晒已經不好吃了！失望！…查看更多

今日去咗旺角食好耐冇食過既沙嗲王，2點幾去到冇咩人唔洗等位，依家好方便用電話掃描QR code就可以直接落單……我就揀咗食下午茶餐-白咖哩香茅豬扒飯跟汽水（$56）都好抵食啊！主菜：咖哩汁有超多岩哂送飯、有少少辣幾開胃！豬扒有3塊正常size、咬落都幾嫩口、好食！飯嘅份量都幾大碗，用珍珠米煮，所以撈埋啲汁一齊食都唔會變咗啲飯痴埋一pat嘢咁！整體來講性價比好高，以為下午茶餐嘅份量會少啲唔夠飽！但食完都幾飽啊！而且感覺上沙嗲王咁多年水準都保持得唔錯。…查看更多

都有一段時間冇食沙嗲王啦，一嚟到沙嗲王就見到佢地出左一系列石鍋沙嗲，但最後我都係揀返我食開嘅蟹粉豆腐鍋飯😋🤤 因為怕伏🤫都係等朋友試食左先，我下次先再食沙嗲啦🤭記得係我中學時期，第一次食沙嗲王，就好奇點解沙嗲王冇咩沙嗲菜㗎，隔咗咁耐佢終於出番啲沙嗲系列嘅菜式😹（可能係我冇食嘅期間錯過咗沙嗲嘅菜式）⭐️蟹粉豆腐鍋飯 💰$74相信有大部份香港人都有食過，鍾意食鹹蛋黃撈飯嘅朋友一定要選擇😻 香濃嘅蟹粉加上鹹蛋黃醬，再配上香滑嘅豆腐，令到成個蟹粉豆腐鍋嘅油膩感降低，所以食落去就冇咁滯🥰 用嚟撈飯簡直係最佳不過😌yummy yummy 🤤 ⭐️石鍋沙嗲牛肉烏冬 💰$79而我嘅同事就叫咗最新系列嘅石喎沙嗲牛肉烏冬，果然係石鍋呀，當個菜式上到嚟嘅時候，石鍋入邊嘅沙嗲湯依然仲係100度沸騰😎如果我要食嘅話，我應該會揀冬天去食😋熱辣辣，我嘅同事話佢嘅味道偏鹹，不過整體嘅沙嗲湯嘅味道都好濃郁，我見配料都唔少㗎，有牛丸、牛肉、芽菜及讚岐烏冬等等😚等我下次試吓先😏…查看更多

以前個沙嗲湯底味道好濃好杰，係成碗都係沙嗲，仲有花生碎，夾上黎嘅粉絲，全部都沾滿沙嗲湯。好耐冇食，今日再去，個沙嗲湯底完全唔同哂，勁難食！只係普通白色唔知咩嚟嘅清湯，上面有一督有少少沙嗲味嘅油，啲湯完全冇沙嗲味，稀到水咁，粉絲完全冇味，勁難食！個肥牛，又係冇味，基本上成碗都冇味！食到我想嘔！仲要衰到而家用咩QR Code同App點餐，檯頭個call人掣㩒廿次都冇人理，想問下嘢都搵唔到人，舉手叫人，叫十個十個都話等陣，等完冇回頭，最終問唔到都要照嗌。完全冇心做，唔係以前嘅沙嗲王，當啲食客水魚？我想食清湯牛肉米線唔好去譚仔？本身諗住好耐冇食，今次食完以後戒咗…查看更多

今日去咗旺角沙嗲王食晏 睇返原來都好耐冇食 有啲掛住佢哋嘅白咖喱香茅豬扒飯 試吓睇吓有冇退步先 咁我就叫咗lunch set 白咖喱香茅豬扒飯 汁另上 再叫多咗兩隻雞翼做小食 整體而言質素係keep到嘅 香茅豬扒非常軟身 配上甜甜地嘅白咖喱 非常惹味 好送飯 不過個雞翼就比較普通 咖喱份量都足夠撈飯 埋單好似$60幾 非常夠飽 間唔中嚟食下都唔錯…查看更多