周四约咗哥哥收工去中环IFC湿平，上网睇到二楼间「江南」有位，所以就订埋位食晚饭
。上海菜馆楼底高高，间隔开扬通爽，光猛企理，卡位同梳化位都一样咁阔落舒适，晚市全店满座都唔会觉得特别噪吵或者逼狭。每位席上摆有齐备嘅自用餐具。厚本餐牌及二维码点餐系统均附带彩图，清晰易明。自助落单尤其方便快捷
，随时可加单及查阅账单。一开单已经睇到杂项收费，包括茗茶$15/位及餐前小食$10/碟。
脆脆水母花（$85）：透透地光嘅海蜇头爽就够爽脆，可惜劲酸，估计喺醋汁入面浸得太耐所致。江南小笼包（$55/四粒）：小笼包皮层巧薄、Q弹唔易穿，猪肉馅心亦幼嫩软滑，美中不足就系唔够汤汁
，唔知系漏哂出黎定系本身唔够啦。招牌担担面（$78）：正当小肥一个人食哂食成笼小笼包时，哥哥就要咗碗招牌担担面。萝卜丝酥饼（$58/两件）：呈红萝卜形嘅萝卜丝酥饼卖相十分精美，中间个皮层其实都好酥化，入面啲萝卜丝都好爽润甜美，无奈头尾馅少𠮶两边就比较硬实，似乎都系要做返传统嘅外型先最恰当。干煸四季豆（$98）：啲四季豆食落成口油，就连啲肉碎都好似啱啱喺个油桶拎水黎咁
，完全唔掂呀！红油抄手（$60/五只）：云吞粒粒皮薄滑溜，个菜肉馅柔嫩足料
，点心香辣惹味。中环商场餐厅「江南」原来同「翡翠拉面小笼包」系同集团嘅，唔怪得知餐牌上嘅菜式都差唔多啦，不过明显各方面都升咗呢
！用餐大堂简洁优雅，服务生好客且效率高，𩠌菜逐道上，唔会一窝蜂咁赶客走，只系食物质素仍有颇大嘅进步空间，幸好以汇丰信用卡可享八八折优惠
，凭单亦可免费泊车车，计落都可以接受。…查看更多
。上海菜馆楼底高高，间隔开扬通爽，光猛企理，卡位同梳化位都一样咁阔落舒适，晚市全店满座都唔会觉得特别噪吵或者逼狭。每位席上摆有齐备嘅自用餐具。厚本餐牌及二维码点餐系统均附带彩图，清晰易明。自助落单尤其方便快捷，随时可加单及查阅账单。一开单已经睇到杂项收费，包括茗茶$15/位及餐前小食$10/碟。脆脆水母花（$85）：透透地光嘅海蜇头爽就够爽脆，可惜劲酸，估计喺醋汁入面浸得太耐所致。江南小笼包（$55/四粒）：小笼包皮层巧薄、Q弹唔易穿，猪肉馅心亦幼嫩软滑，美中不足就系唔够汤汁，唔知系漏哂出黎定系本身唔够啦。招牌担担面（$78）：正当小肥一个人食哂食成笼小笼包时，哥哥就要咗碗招牌担担面。萝卜丝酥饼（$58/两件）：呈红萝卜形嘅萝卜丝酥饼卖相十分精美，中间个皮层其实都好酥化，入面啲萝卜丝都好爽润甜美，无奈头尾馅少𠮶两边就比较硬实，似乎都系要做返传统嘅外型先最恰当。干煸四季豆（$98）：啲四季豆食落成口油，就连啲肉碎都好似啱啱喺个油桶拎水黎咁，完全唔掂呀！红油抄手（$60/五只）：云吞粒粒皮薄滑溜，个菜肉馅柔嫩足料，点心香辣惹味。中环商场餐厅「江南」原来同「翡翠拉面小笼包」系同集团嘅，唔怪得知餐牌上嘅菜式都差唔多啦，不过明显各方面都升咗呢！用餐大堂简洁优雅，服务生好客且效率高，𩠌菜逐道上，唔会一窝蜂咁赶客走，只系食物质素仍有颇大嘅进步空间，幸好以汇丰信用卡可享八八折优惠，凭单亦可免费泊车车，计落都可以接受。…查看更多
食物味道一般，但价钱冇得顶，成张单都系5xx二人来讲系中环食心里有数，再加上有免钟泊车，有下次见
