江南瀨粉 (福榮街) (已結業)

點了；魚肉春卷+乾燒腩肉+鵝腸+瀨粉（酸辣）湯底；酸和辣味都好夠，比較偏酸小小，鍾意酸嘅人會喜歡。有小小辣，唔咸，幾開胃。瀨粉；同平時食開既粗/幼瀨粉有分別，呢隻瀨粉口感似幼身啲既銀針粉。餸果方面，腩肉偏肥，但肥膏果部分食落係煙煙韌韌，幾入味，又幾好食。鵝腸大小還好都算爽口，春卷還好。餸份量都算多，杯檸茶都唔錯。店員都有禮，店內都算整潔，見啲餸嘅款式都算幾多和有特色，有機會再幫襯。希望保持到水準。…查看更多

之前要到深水埗買過節用品，講起深水埗，大家都會聯想到有好多美食，我梗係要周圍去搜羅一下。今次想食湯粉麵，所以就到Openrice apps search一下，有一間店舖的粉是自家製，就去一試。坐低就見到牆上掛上一個十大必食，我點選了一個套餐，有一碗粉，一碟小食，一杯飲品，我選了魚片頭水餃瀨粉，湯底可以自選，有辣有唔辣，我選擇了唔辣嘅豬骨湯，小食就叫炸魚皮，而飲品就叫了豆漿。總結，自家製嘅瀨粉和平時在粉麵舖買的不一樣，粉麵舖的粉表面平滑，容易斷，而自家製的表面不平滑，不易斷，而且有口感。…查看更多

好耐無食, 難得今日過來深水埗, 順便幫襯下, 不過唔知食乜嘢餸好😅, 叫左大大碗瀬粉走肥牛, 入面有多款餸, 但個人覺得d丸就麻麻地, 乾燒腩肉, 豬潤同鳳城水餃都好食😋, 腩肉好香👍👍, 豬潤爽脆唔粉👍👍, 鳳城水餃入面餡好豐富皮亦唔厚🥰, 瀬粉都好食, 不過今次有少少唔同😅, 順便來探下二只😺😸, 不過係收銀枱午睡中😅😅, 遲d再來食😘😘…查看更多

同平時街上的瀨粉非常不同，很煙靭，很彈牙非常之好食。魚皮一定要試。份量足，服務佳，絕對推介👍🏻豬大腸入味，今日餃子亦非常之好食。完全改變我對奶粉的印象。一定會再來。…查看更多

深水埗一直以其多元化的美食聞名，而江南瀨粉是這片區域內不容錯過的一個經典選擇。今天，我們將帶您探索江南瀨粉，這家以廣東粉麵為特色的餐廳，並分享一些對他們招牌菜酥炸雞翼瀨粉的評價和印象。江南瀨粉位於深水埗的繁忙街區，是當地居民和遊客的經典選擇。酥炸雞翼瀨粉是江南瀨粉的招牌之一，也是許多食客的最愛。這道菜以其獨特的風味和口感而著稱。雞翼被炸得外脆內嫩，每一口都充滿著濃郁的香氣。搭配瀨粉的滑嫩和粉麵的QQ口感，形成了美味的對比。瀨粉的湯汁則是秘製的，充滿了鮮味，令人回味無窮。江南瀨粉挑選的雞翼都不淋很有口感，這樣能確保炸出的雞翼肉質鮮嫩多汁。此外，瀨粉的麵條也是經過精挑細選的，保證每一口都保持著最佳的口感。最後江南瀨粉的服務態度始終令人滿意。服務員總是友好且樂於助人，迅速回應客人的需求。他們能夠提供關於菜單的詳細解釋，並確保用餐體驗順暢而愉快。而且其價格相對實惠， $69 全日餐不算是平，但一個不同口味的餐來說，也可以吸引不同口味的食客。江南瀨粉所做的獨特的廣東粉麵，的确在深水埗區是別樹一支，是一個不可錯過的美食之地。這裡能讓客人能夠品味到正宗的廣東美食，可說是一個江南美味之旅。…查看更多

如果喜歡食苦瓜的話一定要試釀涼瓜飯，非常入味，每次光顧都係食呢款飯，出面餐廳好難搵到釀涼瓜，仲要係好食既，（味道幾甘苦，唔係人人都接受到，建議喜歡食苦瓜才嘗試）…查看更多

🐱呢間小店位於深水埗，專賣新鮮手工瀨粉😍另有多款餸自由配搭👅價錢唔算特別平，不過真係好好食😋我已經幫襯過好多次，每次都唔算多人🤣麻辣瀨粉（白灼鵝腸+鳳城水餃）：$50🌕🌕🌕🌕/5 每款瀨粉有少量芽菜同韭菜💚手工瀨粉份量唔算多，口感同出面食既爽口係唔同，呢個偏淋同少少煙韌👍🏻麻辣湯底好惹味，同瀨粉係完美配搭😍鵝腸係好爽脆，我每次都一定點！而鳳城水餃就正正常常，略嫌佢唔夠味，不過都可以試下😝…查看更多

江南瀨粉呢間簡直係深水埗嘅隱世好味小店🥹大家見到呢個post一定要去試吓首先講吓佢呢一款豬膶+豬紅+鵝腸瀨粉💲63佢有幾款湯底，可以選擇 我呢碗選擇咗豬骨湯底佢嘅豬骨湯望落好清 但係清得來好香 而且飲落亦都唔會覺得口渴 十分足料！佢嘅瀨粉係手工制嘅所以每一條都唔同大小 有粗有幼好有口感煮得軟硬適中 軟糯得來有咬口😍佢嘅豬紅 真係好好味😭質地好滑嫩 而且冇血腥味重點係佢入面亦都好入味 唔會剩係得外皮有味 口味偏甜係我好鍾意嘅豬紅😆另外佢個豬潤 好食到我想就咁嗌一碟嚟食！ 佢係黃沙豬膶，即係帶有啲沙薑味嘅豬潤煮到啱啱好熟 質地超級滑唔會煮到好鞋 而且有好香嘅沙薑同埋酒味有咬口，而且唔會好難咬 簡直刷新左我對豬潤嘅觀感反而鵝腸就冇乜特別基本上係冇味的，可以話佢係清潔得好乾淨嘅鵝腸冇任何異味，但係下次應該唔會再叫🤣另外一款就係牛筋+牛肚+牛腩瀨粉💲69呢一碗嘅湯底就係自帶腩汁我哋冇特登改湯底～個人覺得比起豬骨湯腩汁嗰個會重口味少少 同樣地，都係好出色嘅湯底牛筋係有咬口的 個人比較喜歡煮得好軟 入口即化嘅牛筋不過佢呢款都唔錯牛肚就不過不失反而佢嘅牛腩十分有驚喜煮得好腍好夠味之餘！ 同時佢亦都係好有牛味同埋唔會黐牙嘅牛腩 最後仲嗌咗南乳豬手💲48豬手亦都好夠味道而且都有六件好大隻不過豬皮上面仍然有少少豬毛未清乾淨呢點就有待改善～另外講埋嗰兩杯凍檸茶就係冇乜特別嘅凍檸茶🤣整體而言十分推介食佢嘅豬潤同埋豬紅仲有牛腩 佢哋嘅瀨粉亦都好出色！希望大家快啲試吓呢間隱世小店！P.s. 舖頭仲有兩隻可愛貓店長🥰…查看更多

口袋的食店中選好深水埗的古早牛肉麵食晚餐，沿福榮街走，見隔幾家店舖有一家江南瀨粉，標榜自家製瀨粉，猶豫一會要選台式或手作瀨粉，因為手作瀨粉不常見，終於決定轉食瀨粉。瀨粉配燒鵝尤為著名。可惜香港絕大部份賣的瀨粉用澄麵製，半透明，類似銀針粉、蝦餃皮。 我所認識的真正瀨粉是中山三鄉美食，雖簡單但香港少見。看餐單，有已配好餸的粉麵，也可以像車位麵自行選配菜。 怕花多眼亂，點招牌推介的大大碗鮮製瀨粉。 內有乾燒腩肉、魚皮餃、鳳城水餃、黃沙豬膶、雪花肥牛、潮州魚蛋、台灣貢丸、墨魚丸、魚片頭、木耳絲、豆卜、生菜、腐皮。乾燒腩肉切成小粒，炸得乾身，味道鹹香，不錯。 其他配菜沒有特別驚喜，主角仍是瀨粉，會因它而回頭。 湯頭有味精，吃完口喝。…查看更多

燒鵝瀨就食得多新鮮手工瀨粉 我就第一次食配車仔餸嘅瀨粉 都係第一次食！手工瀨粉每條比平時食到嘅粗身條條煙韌彈牙滑嘟嘟幾有質感👍🏻揀咗豬骨湯底估唔到一啲都唔淡更能突出瀨粉真正味道餸料選擇不比車仔麵少可自選車仔餸或揀選店家組合店家有十大必食推介魚肉春卷、南乳豬手都好味酥炸雞翼真係要叫來一試與粉麵分開上炸得酥脆而有肉汁竹笙爽口而又能索晒個湯其他餸料就正正常常啦價錢抵食瀨粉有質素有時唔使吓吓車仔麵轉食手工瀨粉都唔錯😬其實見餐牌上嘅香脆小食如香煎墨魚餅、炸雲吞都幾吸引一次過食唔晒咁多唯有下次再來啦☺️…查看更多

其實深水埗真係好多好野食，今日去買野順便食飯，諗住簡單啲又唔想食茶記，就揀咗呢間江南瀨粉～有大概 30 個坐位，可能附近都多餐廳，所以基本上都唔需要等～坐底後個員工都會主動介紹下啲食物，粉麵店黎講啲服務都算唔錯 👍🏻嗌咗$60竹笙春卷酥炸雞翼瀨粉，唔駛5分鐘就有得食～蔥蒜放匙羹，好似我咁唔食蔥蒜但唔記得嗌走嘅朋友都唔駛驚 🤪 竹笙吸曬啲湯，爽口得黎又多汁；而酥炸雞翼分上，唔會浸落啲湯度淋曬 👍🏻 不錯～！…查看更多

江南瀨粉札根深水埗，主打手工瀨粉，每日新鮮製作，價錢都係走平民路線。南乳豬手瀨粉 $39★★★★☆黎呢到食野主角當然係佢個鮮製瀨粉，瀨粉比平時食開嘅唔同，粗幼條條唔同，較一般食開嘅粗身，所以都確定佢係鮮製。米香味有，咬落有少少彈性，偏向有口感有厚度嘅麵。但係份量大少，女仔食完都唔覺得飽。另外叫左酸辣湯底，睇落似加左Ｄ酸辣菜脯，但整體都夠味道，清清地反而食得到個瀨粉個味道。南乳豬手唔算炆得夠淋身，唔離骨，食落冇南乳味，似係滷水多啲，但都係唔夠入味。大大碗鮮製瀨粉 $55★★★★☆餸真係超多，每樣都有一件左右，蔬菜類會再多啲，有乾燒腩肉、魚皮餃、鳳城水餃、黃沙豬潤、雪花肥牛、潮州魚蛋、台灣貢丸、墨魚丸、黃金魚片、木耳絲、豆卜、生菜、腐皮，真係餸多過麵，而且佢瀨粉份量唔算多。鳳城水餃幾好食，大大粒夠飽滿多餡，有蝦又有木耳夠哂脆口；黃沙豬潤都唔錯，但可以再鮮嫩滑身啲。丸入面樣樣都係正常普通。呢個叫左清湯瀨粉，湯底雖然冇咩色，但飲落清得黎都夠咸味，飲得出有少少豬骨味，整體清清地幾好。🌟總括：瀨粉幾好食，鐘意食有口感嘅瀨粉一定要試試。餸方面正正常常，鳳城水餃幾唔錯。價錢唔貴，味道唔錯，但只係個麵份量少左啲。…查看更多

一個人行深水埗，見到呢間人手製作的瀨粉店，好奇就入去試吓，其實裏面已經有七成滿座，見到餐牌好似叫車仔麵的叫法都幾特別，我突然想食牛筋，所以就叫咗個牛筋配豬手豬骨湯瀨粉，多蔥😛雖然來到的時候，我見啲牛筋好似牛腩咁，咁我就同侍應確認一下嗰啲係咪牛筋，後來原來知道是搞錯咗，竟然返來的時候加返牛筋落去牛腩亦冇攞走價錢亦冇改變，這個服務態度值得嘉許但其實我覺得個湯底都應該搞錯咗變咗腩汁，但冇所謂啦我食落都非常好味，下次再試佢個豬骨湯底。首先牛筋和牛腩炆得非常入味和霖，豬手都有兩舊，非常好味，加上除咗多蔥之外還有加上花生簡直令我食慾大增在看佢的餐牌也有飯食應該唔錯，下次可以試吓😄…查看更多

江南瀨粉深水埗古法手工瀨粉 餐廳主打每日店內即製瀨粉 叫左個大大碗鮮製瀨粉 配豬骨湯咩配料都有啲(乾燒腩肉 魚皮餃 鳳城水餃 黃沙豬膶雪花肥牛 潮州魚蛋 台灣貢丸 墨魚丸 黃金片頭 木耳豆卜山菜 腐皮）個亁燒腩仔幾好食 瀨粉除左配燒味 原來配其他都一樣咁好食 …查看更多

江南瀨粉主打每日新鮮人手製既瀨粉，點餐形式同車仔麵一樣，可以自己揀唔同既配料、湯底、麵類，但係黎到緊係一定要食佢地既瀨粉啦！  1⃣️木耳絲鳳城水餃瀨粉（豬骨湯底）（$44） 瀨粉真係同出面食開果啲好唔同🤩比起出面食到既粗，同埋因為人手製既，每一條都唔同粗幼，食落係煙韌彈牙，都幾特別！豬骨湯底清清地，飲落唔會覺得太鹹😌見到呢度有牆上列住十大必點既配料，鳳城水餃就係其中一款，嗌左黎試下，每隻都好大粒好飽滿😳入面有啲木耳絲同埋豬肉，幾推薦。  2⃣️潮州魚蛋鮮蝦雲吞瀨粉（豬骨湯底）（$45） 潮州魚蛋同埋鮮蝦雲吞都係十大推薦入面，潮州魚蛋唔係想像中既球狀，偏四四方方咁，食落好彈牙！另外雲吞有成粒蝦係入面，好食😋  …查看更多