漢龍雞煲烤魚

今晚决定食鸡煲， search OpenRice见到呢间喺石门嘅鸡煲店好似唔错，于是坐两个站港铁嚟呢度食。原来除咗麻辣鸡煲之外，佢仲有其他鸡煲，不过一心一意想食麻辣鸡煲，所以都系叫返个辣嘅鸡煲刺激一下味蕾。佢啲鸡嘅肉质都唔错，食落觉得都几新鲜，佢鸡煲入面𠮶啲配料都好香，洋葱芹菜蒜仔大葱等等好惹味，另外我自己好钟意佢入面加咗上海年糕，烟烟韧韧，吸埋麻辣鸡煲嘅精华，令到食嘅时候特别滋味。我哋另外嗌咗个菜、芋头件同埋一份红薯粉。食鸡煲点少得啤酒，呢度有只德国嘅麦啤几好饮，同麻辣鸡煲个味好夹。…查看更多

呢间舖头个位置比较了能，就算朋友推荐要是，去到2楼都兜咗两个圈先至揾得到，依家周围食肆都静英英，但系呢一间鸡煲店系平日夜晚八九点呢啲时间都有半间满座，真系同佢鸡煲肯用靓鸡有关，就好似上面幅相，啲鸡真系好靓，而且呢一碟鸡都几大碟，系半只鸡嘅份量，绝无欺场。食完鸡煲之后就开始打边炉，嗌咗鸡子、鲜腐竹、虾滑同油麦菜四样嘢，样样都几新鲜，似乎呢间舖头嘅老板都几肯用靓嘅材料，仲有个虾滑竟然有两条咁多，真系抵食好食夹大件。…查看更多

嚟到石门要揾食，梗系睇OpenRice啦，呢间鸡煲店啲评价好似唔错，于是就去试一试。佢个位置有少少难揾，因为佢匿埋咗喺转角位。因为有朋友唔食辣，所以我哋就叫咗椰子鸡煲佢有得拣半只鸡或者一只鸡，我哋拣咗一只，佢拎住两碟鸡埋嚟𠮶阵时我哋同佢讲我哋系要咗一只，佢话原来一碟只有半只鸡，估唔到呢度嘅鸡咁大只，喺色水只鸡都几靓。饮完鸡汤食完鸡就嚟到打边炉时间，因为只鸡真系好大只，所以都有啲饱，于是火锅配料就只系嗌咗潮州鱼蛋同埋鲜虾云吞，两样都好新鲜，尤其是系个云吞入边嘅虾。几欣赏佢啲酱料全部有盖冚住，几卫生。…查看更多

位于京瑞广场二楼角落嘅食店，唔熟路根本找唔到。所以做街坊及附近打工仔生意多。午市多数爆满要等位，晚上就冷清清啦。茶餐厅价钱，特惠午餐最受欢迎，有菜，有汤，有饭兼小菜，仲包埋饮料。最重要是连夜晚都可以叫午餐，我就觉得超值啦。加上味道唔差，尤其蒸鱼，原条上，大大条，一般茶餐厅只得半条。所以当咗食堂，只是款式选择唔多，转变唔大，食得多都有点闷。另外，鸡煲都唔错，唔会俾其外以鸡煲自居嘅店铺输蚀。但光顾嘅人客都系选择午餐多，抵食。…查看更多

听讲呢一间石门的鸡煲几好食，所以就去帮衬吓，叫咗椰子鸡煲，真系几好食。落单后等咗一阵就已经上菜，汤底、半只鸡，仲有一个椰青分开上，只鸡望落去都几靓，好新鲜，感觉上好有光泽，D鸡肉位唔会瘀瘀黑黑。个伙记会帮我地倒个椰青落去个汤底度，然后开炉滚，滚起之后就可以落D鸡落去，再滚多5分钟左右就食得。个伙记叫我地要先饮个鸡汤，可了椰子水嘅鸡汤真系特别清甜，有一种好滋润嘅感觉。D鸡肉唔会太韧，而且都真系有鸡味嘅，以半只嘅份量黎讲都几足料，同埋因为碟鸡系分开上，所以唔会成煲都系骨多过肉，食到鸡比鸡脚𠮶D。打边炉配料就叫咗3样，分别有韭菜饺、鲜虾云吞同鲜腐竹，3样之中，佢个韭菜饺最好食，最有特色。…查看更多