永順沙嗲牛肉專門店

无去一排原来永顺装修左新装修干净左好多 坐都坐得舒服左但排队人龙依然都系咁多 中午食饭时间等左30分钟先入到去食 味道都系无变 沙嗲牛花生味重 面可以拣出前一丁或者蟹王面 蟹王面食落唔系太大分别 下次可以拣番出前一丁就算 牛肉都算肉质软嫩但都几咸下 另外都加左份鸡翼 正正常常 不过不失啦 饮品叫左冻奶茶 茶味都算浓 都收货啦 入开来元朗既话可以一试 但专登入来食就觉得有机会会失望啦 沙嗲牛来讲价值都算偏贵 推荐指数 7/10 …查看更多

星期四下午2:00去到，谂住避开午饭时间，点知去到都要排12个人。今日有时间，所以点都要食到😆. 两个人叫咗一碗沙嗲牛肉面要蟹王面加煎猪扒，一件芝士流心咸牛肉三文治烘底，红豆冰及冻柠茶，总共$124。沙嗲牛肉面真系好味，平时食嘅都会系沙嗲牛捞落啲面度会淡晒味。但系呢度唔会，就算捞匀咗，不论汤或牛肉都一样咁浓郁。个煎猪扒就普通啲，因为第一次去唔知道原来有分煎同炸猪扒，当店员问要咩猪扒𠮶时，就口快快话要煎猪扒，虽然煎猪扒都OK，但系望到隔离食炸猪扒好似好好味咁，下次一定要试。芝士流心咸牛肉三文治都好好味，而家谂返起都好想食。最想讲嘅系呢间店嘅店员真系好有礼貌，唔好话喺元朗，就算其他地方都比较少见🥰呢间真心会推介👍🏻…查看更多

听讲呢间系元朗名物未到午餐时间已经见到入面满哂座基本上一两个人食系一定要搭枱空间唔系好大 有时会有啲碰撞 要礼让一下芝士流心蛋咸牛肉三文治呢个三文治真系好癫好邪恶就咁望一眼都有好想食既感觉打开块包见到入面既馅系铺满晒完全唔hea块包+2蚊烘底好香口一啖咬落去有种食料多过食包既感觉芝士同流心蛋都系半溶状态不过食到最后觉得咸牛肉多到有啲咸爆炒牛肉公仔面呢个牛肉同普通沙嗲牛面既牛肉有小小分别好明显系见到有轻轻煎or炒过无左平时滑lut lut既感觉汤底就系好浓既沙嗲味 好杰每条面都比沙嗲酱包裹住 非常入口不过整体黎讲都系比较偏咸左少少Overall系真系几好食 值得一试…查看更多

永顺沙嗲牛肉专门店位于元朗，系间好受欢迎嘅老字号茶餐厅🎉。去过元朗一定唔可以错过佢哋嘅招牌沙嗲牛肉蟹王面，汤底浓郁香浓，牛肉嫩滑入味，真系一试难忘🥢炸猪扒厚身香脆，系怀旧味道，食完好爽口😋。另外，一杯奶茶更添怀旧地道风味，甜度同茶味调配得刚刚好🧋。装修后嘅环境干净明亮，舒服宽敞，不过人气依然超旺，经常要排队20至30人，街道都泊满车，显示人气有多高🚗。服务方面快速，落单后约十分钟左右就上菜，食物热辣新鲜，非常满意。总括嚟讲，永顺系元朗地区食沙嗲牛肉面嘅必到好店，价钱合理，质素高，绝对值得推荐！👍…查看更多

第一次食，真系麻麻，沙爹汤底味道似敏华冰厅加浓版，劲咸，牛肉同炸猪扒真系好一般，冻奶茶又一般， 唔知点解咁多人食, 相都冇影，冇下次， 消费$67元，如果收出面正常餐厅价钱我都未必 再帮衬，…查看更多