永年士多 (黃埔花園)

应该系期间限定的二人餐好低食，今次系第一次去永年士多食野，经过好多次但都无心入去试，因为本身对车仔面无乜强烈兴趣，加上黄埔太多食店，但今日终于试下佢，体验几好！食物几好！餐具干爽感觉干净！几位年轻职员靓仔靓女加上有笑容，香港呢类平价食店职员有笑容真系难能可贵！酸斋、鸡亦尖好味，冻柠茶OK，但冻奶茶就一般有待改良！冻饮相比一般茶餐厅细杯左小小！我会因为挂住酸斋再去帮衬！整体感觉又多一间加入我的可光顾餐厅名单！…查看更多

老字号的永年车仔面原来在黄埔都开了！身为香港人的我始终喜欢帮衬帮衬的，因有多款香港🇭🇰怀旧风味小吃、车仔面等是我最喜欢又怀念儿时记忆的时光一刻，大了同朋友一起食车仔面、腐乳通菜、樽装奶茶都好有感觉猪手虾籽捞面焖到软滑入味的猪手，加上微咖喱辣惹味十足樽仔奶茶(冻）一边食野一边饮爽呀招牌面有猪红猪肠等配上油面都好丰富，同样微咖喱辣食落味道滋味！腐乳通菜最后食肉多当然想食少少菜， 同朋友分享刚刚好甜点点了份多士鲜油细细份但刚吊下甜品胃都不错…查看更多

每次经过永年都闻到劲香，成日心思思想食，终于有机会约埋屋企人去食，车仔面嘅灵魂就系自选𩠌，我哋叫咗一个汤车仔面、一个捞面，全部都自己拣𩠌最啱口味车仔面中辣好惹味，配埋辣味咖喱鱼蛋系食辣嘅人必选，鸡翼同牛腩份量好多，肉质够腍好入味天气越嚟越热，怕食到成身大汗拣捞面都系唔错选择😍 蒜油咸香食落好油润，但唔会感觉肥腻，牛筋同墨鱼虾卷都好，仲叫咗滑捋捋嘅猪肠，本身以为串烧处理会有所不同，所以叫咗串烧小食，但同捞面嘅𩠌系一样，不过完全唔紧要，因为超好食，多多都食得晒🤭小食方面叫咗紫菜汤，可以自选一𩠌，鱼皮饺大大粒爆晒汁都好食，仲叫多个菜share，菜心劲清甜有冇渣，$20抵食高质！饮品方面同益力多联乘嘅白桃多多除咗益力多之外冇额外加糖，饮落好舒服唔会死甜，仲有白桃果肉好清新，见我哋有小朋友仲送咗个益力多锁匙扣超可爱💓 樽仔奶茶超好饮系正宗港式风味，大推！！！…查看更多

黄埔街坊食辣有福啦！永年呢间街坊小店真系辣界隐世高手，今次试完佢哋个「双辣出椒combo」真系辣到拍枱叫爽！$39蚊串烧combo一次过集邮晒四大镇店之宝：猪肠洗得超干净仲带啲脂香、鱿鱼须弹牙到跳舞、牛栢叶索汁力MAX，最正系粒鱼蛋辣到舌尖跳舞仲有淡淡咖喱香，秘制辣酱淋到满泻真系食到要开可乐救火🔥大胃王必嗌$76蚊嘅巨型碗面，成碗𩠌多到泻！猪肠炆到淋甜入味，猪皮吸晒麻辣汤正到痹，最惊喜系连鸡翼尖都煮到啜骨入味。汤底用樽装麻辣酱熬成。呢支$88蚊嘅魔鬼麻辣酱真系买得过——捞面、打边炉、甚至炒𩠌加一羹即刻升呢！嗜辣嘅我偷偷哋舔咗啖酱，麻香后劲十足，嘴唇即刻有触电感⚡埋单$200蚊两个人食到捧住肚走，红磡友谂唔到食乜？过嚟永年挑战双辣地狱啦！记住叫定冻柠茶/港式奶茶standby啊～ …查看更多

前几日喺黄埔做完嘢，见到元朗永年士多车仔面，喺黄埔原来开咗分店，即刻入去食返餐店舖干净阔落，有不少卡位坐见到餐牌，样样都好食🤤想嗌，唔知点拣😅索性叫左大碗面$76，集齐十宝𩠌😁仲有得拣小咖喱辣真系超丰富，又大碗，有最出名猪肠、弹牙鱼蛋、萝卜甜而冇渣、猪红、爽口猪皮和鱿鱼、猪皮吸收晒辣汤超级惹味、入味卤水鸡翼和鸡翼尖、红肠和菜🥬配埋港式菠萝冰🍍$15，加入新鲜菠萝肉，啖啖香甜菠萝肉🍍，食完辣嘢解辣最啱…查看更多