永年士多 (Wetland Seasons Park)

**永年车仔麺：稳健之选，辛香惹味**永年车仔麺，果然永不让人失望。今日一试两款：首推「至尊粗面」配中辣咖喱汁，辛香扑鼻，辣度刺激却不过火，完美衬托车仔麺的浓郁风味，粗面挂汁力强，每一口都充满香辛料的层次，美味又过瘾。另一碗选「三猪乌冬」配猪膓汁，猪膓汁是灵魂所在！其独特的浓郁咸香与内脏风味，赋予乌冬深沉底蕴，与猪红、猪皮等配料相得益彰，油脂甘香满溢，滋味十足。两碗盛惠$135，份量实在，延续永年一贯水准。无论是追求辛辣刺激的咖喱粗面，还是钟情传统浓厚的猪膓汁乌冬，都能在此得到满足，确是车仔麺爱好者的稳健之选。老字号魅力，值得再访。…查看更多

车仔面系我最爱可以自选𩠌菜 屋企附近开左间永年士多车仔面有一日带埋小朋友去食嘢我地叫左一碗儿童餐 估唔到非常丰富一碗已经有蟹籽丸 贡丸 墨鱼丸 芝士肠 鸡翼另外再加左冬菇 面底拣左最爱既乌冬另外我叫左自选面 面底拣左米线𩠌菜方面拣咗猪肠 冬菇 鸡翼尖 同埋炸鱼皮米线煮得唔会好淋 Perfect!猪腩汁亦唔会好咸 食完都唔会口干😊如果钟意食咖喱/麻辣嘅朋友都可以试吓有分五个辣到 微辣/小/中/大/劲辣小食分别order左韭菜猪红 同埋多士首先讲吓韭菜猪红非常入味👍🏻我哋叫咗唔辣 猪红大大件 韭菜份量都好足多士拣左斑斓酱 第一次食感觉几新鲜两小件啱啱好过下口瘾😌饮品方面我地分别叫左菠萝冰 红豆冰 柠檬茶小朋友一见到红豆冰就话要饮😆红豆嘅份量都好多 菠萝冰都唔会好甜整体黎讲都唔错今次呢个份量2大1小食系岩岩好 唔会浪费😛由永年第一间舖开始帮衬 直到而家越来越多分店平时食完仲可以去隔离湿地公园行下…查看更多

曾经去过元朗出名食车仔面嘅 "永年士多"，觉得好好味。呢日去咗湿地公园，远离烦嚣嘅地方，行过发现有永年士多，就入去食返碗车仔面～入到店内地方阔落，以绿色为主调，摆放一些植物，置身于大自然一样，感觉好relax。餐牌内有多款车仔面餐及车仔𩠌选择，亦有香港经典小食咖喱三宝、麻辣鸡肾/猪耳、多士套餐、红豆冰、凉粉冰、樽仔奶茶等等，款式都唔错。自选菜底         $76喜欢吃猪肠既朋友，立即点左呢碗有猪肠嘅自选车仔𩠌，拣选共5款𩠌，材料丰富，车仔𩠌包括猪肠、猪红、猪皮、牛筋和酸斋，拣左微咖喱辣及猪肠汁。一睇汤底已经觉得好浓，飮落好香微辣可口。猪肠洗得好干净，爽口又入味，食得出香料嘅味道，份量都几多，牛筋炆至软身，一咬即化，口感黏黏，骨胶原超丰富，酸斋口感烟韧，酸酸甜甜，好开胃。猪红同猪皮系车仔𩠌不可缺少嘅。上次食过油面，今日就点菜底，绿油油嘅菜心，翠绿鲜爽，适合配车仔𩠌，吸入汤汁更美味。自选菜底        $81另外依碗都系自选菜底，选5款𩠌，拣咗牛腩、牛筋、鱼蛋、萝卜和冬菇。丰富而且车仔𩠌款款材料都吸到浓浓嘅汤底，汤味清甜润喉，菜心菜底，非常新鲜爽口。食起嚟特别入味嘅牛腩、牛筋炆至软身，有咬口，萝卜好吸汤汁，清甜爽口，唔会有渣，冬菇口感爽滑，鱼蛋弹牙，带少少辣，香料味浓郁，越食越滋味。港式红豆冰     $15 (面餐优惠价)车仔面与红豆冰又真的好夹嘅，大大粒红豆，软绵绵又香甜，口感幼滑，甜度适中，细腻可口。樽仔奶茶     $17 (面餐优惠价)香港怀旧风味，出名嘅樽仔奶茶，一定要叫啦！奶茶入口顺滑，茶香回甘。冻柠檬茶     $22浓郁嘅红茶与新鲜柠檬很配，口感清新，解渴解腻。…查看更多

假日入左天水围嘅湿地公园，亲近下大自然观下鸟，环境干净空气清新，真系一个非常之放松心情的好地方。行完肚饿揾食之际，见有间永年士多，好耐冇食车仔面啦，即刻进入开餐啰。同行朋友点了至尊米线，𩠌包了充满骨胶原的猪手，鸡翼、猪红、猪肠、猪皮、鱼蛋同萝卜，额外再加了煮得软淋的牛筋同软绵嘅鱼腐，大碗𩠌多，佢话好味又抵食。我则点了究极汤之米线，𩠌有猪红、鱼蛋、糖心蛋、鱼腐、红肠、萝卜，额外再加了煮得软淋的牛筋，同软绵嘅鱼腐。所有𩠌的调味都刚好，半流心的蛋好香口，配合滑嘟嘟米线就是好吃😋。菜心青嫩翠绿，健康之选。饮品的冻鸳鸯同冻柠茶则正常发挥。…查看更多

有一段时间都冇去过这间车仔面🤔、开店至今已经有廿几年长岁月😯、系小时跟妈咪去食过仲记得这种味道😋、开到至今已经有好几间分店、真系唔容易又开到天水围湿地公园☺️。就系这ー间《永年士多》今次这间比起以往冇咁昔日怀旧feel、系以简约带点时尚、坐著宽敞感觉舒适都唔错😚！牛油多士 $18呢一件牛油多士厚度十足、加埋块牛油一样咁厚、食到入口啖啖口感好正😙！自选菜底 $48起今次呢一款拣咗菜心垫底、配埋猪肠口感腍带点咬口、 牛筋索满汁液入哂味味道十足😋 、鱼皮饺啖啖口感美味、 鱿鱼口感烟韧、每一款都系至钟意食🤭好正！四宝面 $60呢一款都系传统必叫必食嘅𩠌、猪肠、 猪红、 猪皮 、萝卜、转乌冬+$2、每一款都系同以往味道ー样咁正、配埋乌冬食更好味沾满汤汁美味又可口😋！冻柠檬茶 +$12 热奶茶 +$12樽仔奶茶 $28呢几款一冻ー热都好有传统嘅味道、尤其是佢嘅樽仔奶茶细细樽好可爱😍、都有一整杯份量😯、我觉得好有传统风味真的唔错👍、饮到入口味道相当之浓厚😋、所以另外再买咗2枝番屋企饮🤭！…查看更多