永年士多 (香港逸東酒店)

营业中

休息中

今天和朋友去了佐敦行街，行完後便去了這間車仔麵店吃晚餐。自選車仔麵餐：選了烏冬，湯底不辣，然後配雞翼，肥牛，牛腩，墨魚蝦卷：湯底幾濃郁，幾香口，烏冬彈牙，幾好食。另外雞翼都幾入味。肥牛質素都唔錯，香口。牛腩又幾正，夠淋。墨魚蝦卷又幾彈牙。不錯。鮮牛油多士：在烤麵包上抹上一層厚厚的牛油。這道多士外酥內軟，牛油香濃，非常好食。自選車仔麵餐：選了烏冬，中麻辣，然後配瘦豬腸，牛丸，魚皮餃，酸齋，午餐肉。材料豐富。非常滿足。中麻辣剛剛好。又不會太辣🌶️，不錯。瘦豬腸幾滑，牛丸彈牙，魚皮餃又幾有咬口，酸齋又幾惹味。加左碟蠔油菜心，食菜幾健康。另外餐廳內有得寫明信片同有得打下卡，幾特別，有特色。整體來說這間餐廳都不錯，食物質素高。價錢又不貴。

說到最具香港特色的食物，車仔麵都可算是其中一類，以前的木頭手推車流動販賣已經不復見了，不過如果想向小朋友或外國朋友介紹這種特色麵食，可以去永年士多位於佐敦的分店，店內特別設計了車仔檔的打卡場景及巨型壁畫，還有充滿香港情懷的明信片供大家珍藏或寄出。多士 $18品嚐車仔麵前，先點了份多士，烘底麵包外脆內軟，中間牛油頗厚，不錯。高佬發辦 $105此套餐有車仔麵、小食及飲品。我揀了油麵作麵底，喜歡其質感爽口彈牙；滷水湯底選了微咖哩辣，但已頗為香濃；配料份量好多，有豬紅、豬皮、冬菇、魚旦、豆卜、豬腸、雞翼等，全部都好入味，尤其豬紅好厚實，豬皮好淋，雞翼肉嫰好味，冬菇及豆卜亦好索湯汁。小食則選了蠔油菜心，菜心不老，入口渣滓較少。樽仔奶茶真的蠻好喝，奶與茶底比例平均，不會太甜，味道剛好。牛筋腩蝦籽撈麵 $66牛腩牛筋各佔一半，牛腩味道較香濃好食，撈麵上灑滿鹹鮮蝦籽，麵條口感好，吃到一半覺得口乾就喝啖清湯，又或者將湯倒進麵內濕濕地食都幾好味。

估唔到車仔麵都可以咁好食，今晚嚟咗好多人推薦嘅永年士多叫咗兩碗車仔麵，同蠔油菜心第一碗：雞翼、魚蛋、紫菜、韭菜餃、炸魚皮、流心蛋、午餐肉、油麵。第二碗：牛筋、魷魚、魚蛋、牛柏葉、蘿蔔、韭菜餃、粗麵好耐冇試過食車仔麵叫咁多餸，總算冇令我失望，牛筋份量慷慨，煙靭之餘，又夠入味；魷魚爽口；魚蛋富有陳皮味；至於韭菜餃皮薄餡料豐富；雞翼滷水好入味，兩碗車仔麵份量都好巨大，食完一定飽呢間餐廳裝修有特色，有兩張枱放住兩碗車仔麵做裝飾，而背景係一幅描繪出香港特色嘅油畫，打卡一流永年士多價錢相宜，而且食物份量以及質素都出色，值得推薦#永年士多

作為車仔麵關注組成員 城中不少最好車仔麵都有吃過永年都係我經常會去回訪的車仔麵分店夠晒多 質素夠穩定 食物品種多 都係其中原因 人均幾十蚊 估唔到今次竟然開喺酒店樓下！！距離地鐵站都係5分鐘-最重要係新店真係好有香港特色，復刻老香港的車仔麵 好適合影相打卡環境冷氣夠 自助點餐好方便 （方便慢慢諗）可以線上付款，或者行出counter俾錢勁熱 飲杯嘢 「士多啤梨多多」我想講超好飲勁大杯 唔會太甜 士多啤梨勁fresh希望之後都會有另外朋友都飲咗「樽仔奶茶」好飲到買多支返屋企香濃又夠滑雞翼又係必食，平時加餸覺得唔係好夠所以特別嗌咗個雞翼小食 滷水好入味 雞翼夠大隻新裝修幾有特色 環境幾好坐同平時Cafe好似 店員餐會有一個「餅仔」煮好會通知你有冇人同我一樣？次次都係減少辣 （辣汁超正）唔食辣，可以揀腩汁 次次都食差唔多嘅餸最鍾意no 1: 大腸(可以指定要瘦) 實在太幸福了可以食到瘦嘅大腸 感覺冇咁罪惡呢度嘅大腸超入味 處理得好乾淨一直都咁好食-No2: 蘿蔔又係好入味 完全冇渣 口感好好推薦蘿蔔比所有人 加埋佢嘅腩汁 超正第一次試：滷水豬耳牛柏葉拼盤又係幾正 牛柏葉超爽 超值街頭小食 唔

最近去咗一間專門做自選車仔麵嘅小店，無論喺湯底、配料定飲品上都有多種選擇。自選車仔麵組合一首先，我揀咗豬腸汁湯底，並加咗少許 **小咖喱辣，令湯底更添一層香辣味。配料方面，我揀咗豬紅、牛肚、牛筋同墨魚丸，而麵條方面則選擇咗米線。呢個組合嘅湯底香濃，豬紅嫩滑、牛肚爽脆、牛筋入口即溶，而墨魚丸則彈牙。飲品方面，我揀咗一支樽仔奶茶，奶茶香濃。自選車仔麵組合二第二個組合，揀咗豬腸汁湯底，並將辣度調整到微咖喱辣。配料方面，我選擇咗豬腸、豬紅、墨魚蝦卷同魷魚，麵條則揀咗幼麵。呢個組合嘅湯底依然香濃，豬腸彈牙、豬紅嫩滑，配上一杯凍檸檬茶，清新解渴。小食揀了咖喱三寶，呢道菜式係用三種不同嘅配料做成，如一般會有魚蛋、豬皮同蘿蔔。腐乳通菜味道鹹香，非常惹味。

呢間位於佐敦逸東酒店嘅永年車仔麵新開無耐一行入去裏面有個靚靚打卡位 富有舊香港特色依家做緊個活動 打卡TAG永年上載圖文送你精美明信片一張，另外仲有$25現金券現場所見都幾多遊客影相打卡就算唔食麵，叫小食 滷水雞翼 炸魚皮 都多外國有客食車仔麵食嘅都係貼地嘅食材今日揀咗自選三餸菜底 唔食咁多碳水 食菜健康啲 永年嘅豬腸汁 咖喱醬 麻辣醬的確幾惹味韭菜花 蟹籽丸，紫菜 流心蛋，牛丸 魚蛋抹茶紅豆冰，估唔到整出嚟個效果幾靚上面深綠下面紅色 唔會好甜好過飲珍珠 相對健康

今日經開佐敦，見到一間車仔麵好香入咗去食。裝修都幾有特色，而且佢嘅湯底主張係用中藥藥材熬製，覺得幾特別，所以就試一試。我就嗌咗豬腸，蘿蔔魷魚油面。先講豬腸，非常肥美好香一啲都冇怪味。蘿蔔來講就非常甜，再加佢本身中藥藥材嘅湯底有少少甜，加埋味道非常夾。魷魚爽口，而且份量都幾多。至於油面及左湯底嘅中藥味，所以佢係比較甜身，加上本身嗌咗微麻辣，所以少少辣少少麻。 麻辣牛柏葉呢個就非常惹味，因為可能冇揀辣度 所以佢就偏辣。 另外買咗個招牌當中有豬腸魚蛋雞翼尖蘿蔔豬紅其中特色嘅係原來魚蛋佢係用陳皮魚蛋，所以食落去有好香嘅陳皮味，而且好彈口，非常加分。 而且豬紅都非常爽口，我估佢有先飛過水或者浸過冰水，非常有心機。 抹茶紅豆冰茶味唔會好濃，而且成個唔會好甜，夜晚飲都唔驚瞓唔着。樽仔奶茶呢個已經係加咗糖，整體都唔會好甜，茶底正常濃度，不過好香奶味。整體來講我覺得佢嘅中藥藥材湯底都幾特別，而且啲餸都幾新鮮。 嘢飲亦都有特色仲有一啲多士可以嗌添，不過太飽冇試到，下次去食先。另外原來佢而家做緊優惠like佢啲社交平台可以送明信片，而且都真係幾靚。❤️❤️

永年車仔麵，扎根香港30年，陪伴香港人成長，最近在我公司附近開新店，當然要去支持下，佐敦分店仲設有車仔麵檔場景，打卡一流。大碗麵：一共有十款餸，份量十足，包括豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜；豬腸，魚蛋彈牙，蘿蔔清甜，豬紅滑溜，豬皮Q彈，雞翼厚肉，魷魚爽脆。牛筋腩蝦籽撈麵：半筋半腩，骨膠原豐富，牛肚炆得軟腍入味，墨魚蝦卷煙韌有咬口。炸魚皮：炸得鬆脆夠薄，無油膩感。酸齋：味道酸酸甜甜，開胃小吃。抹茶紅豆冰：紅豆煮得夠腍，甜度適中，抹茶沒有苦澀味道，口感濃郁。樽仔奶茶：採用優質茶底，茶香奶滑，口味正宗，具茶餐廳風味既港式奶茶。總結，食物份量大，好味又抵食，下次要再排隊都會繼續嚟幫襯。

朋友喺外地返嚟香港住咗喺逸東酒店樓下開咗間永年車仔麵，唔使去元朗都食到，仲可以外賣買返上去酒店食太耐冇食過，原來依家已經變得好潮，冇以前喺元朗嗰種好熱好逼嘅感覺，依家舖頭好舒服， 仲可以手機落餐，揀好曬揀清楚，再去慢慢畀錢依家仲有限量車仔麵 明信片餐廳入面仲有一啲裝置可以打卡有以前一路排入去一路揀送嘅感覺以前喺元朗最鍾意叫豬紅，豬腸但係今日晏晝時間豬紅已經賣光光，所以淨係可以食返豬腸我同朋友一人叫一碗分湯需要加三蚊，但係分湯可以自己調節要幾辣都得叫咗咖哩中辣 可能因為真係太耐冇食過車仔麵， 真係覺得有啲辣，分湯就呢個好處，可以自己放多啲湯豬腸入味肥瘦好均勻，其實仲可以要肥腸，但我今次就揀咗豬腸， 唔怕肥嘅可以叫肥腸牛肚好厚好大塊，但係又夠曬腍蘿蔔冇根冇渣朋友話好耐冇食過香港嘅多士，就叫咗個奶油多奶茶必叫朋友今次第一次飲樽仔奶茶，然冇得叫小甜， 但係甜度同茶底配搭得非常好 整體朋友回到香港的第一餐感到非常滿意

原來而家永年開到去佐敦，呢間鋪入面好多打卡位，有車仔面檔仲有港式郵筒，還原香港獨有的風味! 見到唔少食客都係打卡位到影相。而家可以QR code落單，就算比現金都可以落單後去櫃台比錢，都幾方便。三餸撈面 叫左豬腸, 蘿蔔同埋牛腩。牛腩好軟淋，炆到好入味。蘿蔔無渣夠清甜。豬腸爽口冇異味。撈面叫左微咖哩辣加埋豬腸汁，幾惹味。另外，食永年一定要食經典既車仔面，即係三餸湯面。配料叫左魚蛋, 紅腸同埋魷魚。魚蛋彈牙新鮮，魷魚份量都好多。個湯簡左微咖哩辣，唔會死咸，咖哩湯汁同粗面都好夾，好食! 唔覺唔覺飲左大半碗湯，但都唔會好口乾。小食叫麻辣豬耳，原來可以簡辣度，岩曬想食辣又唔太食得辣既我。豬耳十分爽口，醬汁惹味。菜類選擇多，我地簡左腐乳通菜!樽仔奶茶都係必飲既之選，奶味好重，飲落口好順滑。

幾十年的老字號，就憑已經開始了很多間分店就知道他們有着多少的捧場客現 了！那麼多年仍然保持着水準。佐敦分店有著現代化的設置，擺設裝修，滿滿是懷舊老香港的風格，真的另有一番味道，店內的環境乾淨整潔，加上粵語老歌，彷彿置身電影場景中。現在店內還會附送客人一些明信片，在餐店中有個郵筒給客人寄明信片之用，還有一個角落給予打卡位。來這裏除了可以感受舊香港情懷，還有香港美食，超級推介。外賣的車仔麵，同樣好吃不會因為外賣而馬虎份量真的給得太多了！餸菜的份量多到看不到麵線，另外一碗是菜底的，菜心的份量也給了很多，而且是很嫩滑鮮甜的那種，滷水大菜式再配上咖喱汁，這個味道了在這裏才吃到！

🇭🇰香港原味道👅想食車仔麵就會諗起🥢永年士多✨香港老字號✨味道仍舊保持到水準👏🏻每次食到舔舔脷😆油尖旺朋友有福了最近更係佐敦📍逸東酒店開旗艦店裝修設計都花上心思💗有車仔檔同舊香港場景即場可以打卡留念～😃想食到車仔麵要來永年士多🥢除左經典麵食、小食、特飲同樽仔系列任君選擇港九新界都有分店👏🏻～今次叫左外賣返去食🥡🥢經典麵 一次過食到港式滋味豬腸、魷魚、流心蛋、雞翼尖、蘿蔔配上微咖喱辣醬好好味🥢自選麵食簡左牛筋 、 韮菜餃 、雞翼 、豆卜款款都紋到好入味小食🥢麻辣孖寶 ：豬耳、牛柏葉～香辣惹味🥢每日人手打製成生菜魚肉🥢鮮甜又帶微微辣韭菜花豬紅 🥢特式飲品：樽仔奶茶 紅豆茶冰📍佐敦彌敦道380號香港逸東酒店地下1號舖

老婆話好耐無食過車仔麵，所以，又趁星期五晚，出嚟食吓飯，雖然，晌香港有唔少車仔麵名店，相信由元朗起家嘅「永年士多」亦喺其一。就返方便，嚟到佐敦新店試試。店內裝修簡約得嚟，又有啲特色，餐廳尾有棵大樹，死角位又有個殖民時期嘅紅郵筒。當然，最吸晴喺將成個嚿時車仔麵嘅場景重塑出嚟，百分百還原，客人更可以坐埋去打卡，後生一輩應該未見過，但對我哋就有好多童年回憶。車仔麵對香港人唔會陌生，所以，餐牌直接擺出嚟，大家一睇就明，基本上呢度啲車仔麵就3餸起，而餸料選擇非常多。如果唔想諗，就可以揀預設好嘅「經典選擇」系列。而且，仲有多款特色小食、特色多士同特色飲品。雖然可以晌櫃枱落單，但小弟鍾意以二維碼落單，可以慢慢揀，唔使擔心阻住人。豬皮、魚蛋、蘿蔔、牛肚米粉 $63老婆嘅車仔麵都揀得好傳統，都喺大路嘢唔會太花巧，而捧上手非常夠份量，豬皮好爽口，蘿蔔非常之清甜，牛肚炆得好腍，而且非常入味，反而喺啲魚蛋有別平時喺街邊掃街嗰類咁彈牙，但都好有魚味，米粉爽滑及無話煮過籠，質量皆優。瘦豬腸、雞翼尖、牛筋、墨魚春卷油麵 $69我揀餸料就盡量揀啲平時少食到嘅食材，喺落單嘅時候見到有豬賜及瘦豬腸，嚟到就明白瘦豬賜喺比較

今天同朋友去佐敦親友屋企打麻雀，到食晚飯時就係附近搵吓嘢食，我朋友喜歡食車仔麵，親友就介紹附近有間好食嘅車仔麵餐廳，這間餐廳叫永年士多，位於佐敦彌敦道380號香港逸東酒店地下1號舖，港鐵佐敦站B1出口，行幾分鐘就到，非常方便。這間餐廳嘅車仔麵我朋友話係銅鑼灣都食過，佢話非常好味好食。餐廳個招牌都很顯眼，令人一眼就見到，餐廳內環境非常寬敞，裝修好靚又新淨，亦有好多打卡嘅位置，好適合客人嚟打卡，枱凳都好闊落，令人坐得舒服，店員有禮貌，服務態度好，來這裏食都不錯。餐牌上主打食品係車仔麵，其他有小食、蔬菜、多士和飲品，亦有特惠的經典麵食，加少少錢就有埋小食同飲品，價錢真係好抵，仲有十二款嘅車仔麵選擇，每款車仔麵喺主牌上嘅賣相好吸引，睇到就想叫來食，我哋都選咗一陣就叫咗高佬發辦和至尊面，因為唔貴價仲叫埋車仔小食嘅生菜魚肉，亦叫埋飲品熱柚子蜜。首先來高佬發辦，份量不少，有豬腸、豬紅、豬皮、雞翼、冬菇、豆卜、菜心，我選了粗麵，滷水湯底香濃，豬腸洗得乾淨， 顏色夠深，夠晒爽口入味，豬紅厚實多汁，豬皮好淋好味道，雞翼又大隻厚肉，淋身好好味，冬菇、豆卜、菜心都全吸入湯，食落好有香味，粗麵口感爽滑彈牙，真係

小妹初次認識永年士多，是在年初與家人一起到元朗劇院聽音樂會，途經見到總店時才得知原來呢間車仔麵咁出名😮，早幾日搭巴士見到逸東酒店將會開永年士多🤭，襯今日得閒決定同男朋友一齊嚟食午餐🙌🏻！為咗食永年士多車仔麵，今日特登訓到11點幾先起身😂，連早餐都無乜點食，等到男朋友肚餓就搭巴士專門嚟食午餐啦🥳🥳逸東酒店分店內有靚靚打卡場景，只要打卡就會有明信片送添😍今次初嘗永年士多同私心想食豬手，於是乎柯打一碗麵食、兩份小食（當然有豬手）以及兩款飲品。🍜6號餐：經典麵配米線（微咖喱辣）▫️小妹凡食麵首選必定係米線，今次都唔例外❤️，不過特別係平日飲開清湯嘅我，居然揀咗《微咖喱辣》，咖哩辣又香又惹味，感覺唔錯🥰；▫️經典麵本身有五款餸，豬腸、魷魚、溏心蛋、蘿蔔、雞翼尖，五款都好入味好好食🤤🤩🤩，驚唔夠飽仲額外多加餸：牛筋，牛筋都好軟腍好入味！最意想不到係每款餸唔係1、2嚿，而係3、4嚿🫢，超抵食吖！🦑墨丸紫菜湯▫️湯頭好甜、紫菜充足、墨魚丸係有墨魚架🤩唔係普通墨丸🤭🥬蝦籽菜心▫️均衡營養，份量與價錢成正比❣️🐖南乳豬手▫️豬手炆得好腍及入味❣️☕️樽仔奶茶▫️ 奶與茶底比例平均，不過太甜（可能小妹平時飲開走甜😂）🥤忌廉汽水