永年士多港式車仔麵 (加拿分道)

永年士多系以前中学成日lunch都会食，因为系学校对面，今次第一次黎尖沙咀呢间分店食！上网睇到有推广 $99 2人餐，包两碗三𩠌车仔面、两款小食，仲包两杯冻饮或热饮，冇加一！今时今日平到咁真系唔敢相信😆而且份量十足🔥🔥🔥食完2人餐已经好饱！不过食完之际，睇到有$19 碗竹升面既广告，太平忍唔住叫咗嚟试吓，嚟到真系有惊喜！碗面有猪肠同萝卜，而且竹升面既份量亦十足，面好弹牙！得闲路过都可以嚟试吓食！又平又正❤️…Read More

喺尖沙咀行到脚都快磨穿，我同闺蜜突然好挂住𠮶口地道港式车仔面，两个几乎同时爆出呢间店个名，真系心有灵犀到爆！果然旅游区劲到爆！尖沙咀、旺角、铜锣湾、佐敦随便行，转个弯就见到，全港13间分店真唔系讲大话！一入店我直接俾餐牌个价钱吓到眼都突埋——19蚊就可以食到两𩠌竹升面！二话不说点咗猪肠萝卜竹升面，捧上枱𠮶刻香味直冲鼻。猪肠好味，入口嫩到好似食布甸，轻轻一抿就化咗；萝卜炆得劲好，吸晒啲汤汁，咬开满口鲜甜，连纤维都软绵绵；竹升面更是灵魂，嚼落烟韧又弹牙，嗦起上嚟「嘶嘶声」超解压，裹住汤汁食劲入味！我哋仲贪心叫咗碗大碗面，上枱时真系睇呆咗——料多到快从碗里泻出来！猪肠嚼落QQ弹弹，一啲油腻感都冇；鱼蛋够实净，猪红滑到箸都夹唔稳，入口即化仲带住清甜；猪皮吸饱浓汤，咬落「咯吱咯吱」，满满胶原蛋白；鸡翼同鸡翼尖卤得超够味，连骨缝都渗晒卤香，啃完仲要吮下手指；鱿鱼鲜脆弹牙，嚼落有淡淡海鲜香；红肠咸香适中，真系好食到停唔到口！店里环境都好加分，座位阔落，唔似啲老铺逼到转唔到身。我哋好彩坐到窗边位，一边嗦面一边睇街上行人行车，阳光透过玻璃洒喺枱上，简直舒服到痹。呢个性价比、呢个口感，下次我一定再帮衬！…Read More

对上一次帮衬已经系大约五年前，今日路过见到定价比之前收敛咗，加上条街开始落雨，避雨同口痕互相驱使下入嚟排队帮衬而家嘅营运模式已经见唔到边啲送新鲜，就嗌边样，改成以营运效率为依归嘅自助点餐机同qr code落单，损失了一个香港特色。餐厅内过半数客人都系讲国语，播紧嘅系GEM因舖头唔大，但每张座位上面都只有坐人同隔离放住喼+一袋二袋，所以个环境系相当逼夹同嘈吵。三猪面套餐+鸡翼 配冻柠茶：100%呈现港式味道，油面底加上猪皮大肠猪红，全具代表性产品设计相当高分， 三款配料都系记忆中嘅味道: 偏甜嘅猪红、索汤嘅猪皮、够腍够味嘅猪大肠手多多加配咗嘅两件卤鸡中翼味道失色，卤水上唔到味。冻柠茶正常发挥，十成满呈现。后记：食完之后成日想要饮水…Read More

车仔面｜$ 𝟓𝟏-𝟏𝟎𝟎⎻⎻⎻⎻⎻⎻[本文为全自费真实食评]⎯⎯⎯⎯⎯⎯⎯⎯⎯⎯⎯⎯⎯⎯🥘 餐点 🌕🌕🌕🌕🌑 𝟒.𝟎⎻⎻⎻⎻⎻⎻▻ 二人套餐 （两碗四𩠌车仔面｜油菜｜两杯冷热饮品) （𝗛𝗞𝗗𝟵𝟵)小编由细细个喺元朗总店食到大，见证住佢近年越开越多分店。味道都系𝐤𝐞𝐞𝐩到咁好食。萝卜清甜味道好出、猪红坊间少见有蒜香味带有甜味收结、卤水猪肠质感烟韧十分入味。汤式依旧药膳汤加销魂辣汁，回味无穷！⎻⎻⎻▻ 冻柚子柠水 (+𝗛𝗞𝗗𝟱)柚子味突出，但唔会死甜，或者饮到最后得个甜味。整体味道平衡，控制得几好。⎻⎻⎻▻ 红豆冰 （+𝗛𝗞𝗗𝟱)经典港式冻饮，简单纯朴。唔会带俾你太大惊喜，但饮既就系经典香港味道。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服务 🌕🌕🌕 🌖🌑 𝟑.𝟖⎻⎻⎻⎻⎻⎻收银姐姐尽责，确保每一位到店堂食都有位坐，唔会要你企喺度呆等。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 环境 🌕🌕🌕🌗🌑 𝟑.𝟓⎻⎻⎻⎻⎻⎻店面有装修，一入门口就闻到好香卤水辣汁味道，令人食欲大开。不过座位非常狭窄，堂食会坐得有啲辛苦。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌕🌕🌕🌕🌑 𝟒.𝟎⎻⎻⎻⎻⎻⎻车仔面越加越贵，一碗三𩠌面超过𝟔𝟎元都大有人在😮‍💨今次呢间$𝟏𝟎𝟎左右，可以食到两碗四𩠌，仲有一碟油菜，都算𝐂𝐏值几高。可以再访！⎯⎯⎯⎯⎯⎯⎯⎯⎯⎯⎯⎯⎯⎯📍永年士多 (尖沙咀店)｜尖沙咀加拿分道𝟒𝟔号⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#香港 #美食 #hongkong #hongkongfoodie #dailyfood #车仔面 #猪红 #萝卜 #辣 #亲民美食 #noodles #深夜食堂 #打卡 #foodie #gourmetmapp #tsimshatsui ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

今日同妈妈嚟做facial, 做完揾食拣左简单车仔面！🥰瑞士汁鸡髀** ($36) 巨型髀焖得入味，甜咸瑞士汁渗透骨髓。肉质松化不黐牙，鸡皮带微黏胶质，手撕啖肉过瘾，抵食之选。 自选车仔面** ($48起) ▶ **微咖喱汤底**：辛香不呛喉，咖喱韵衬托浓汤； ▶ **配料**：酱油流心蛋黄澄透心、猪红滑嫩无渣、韭菜饺菜鲜皮薄； ▶ **菜底扣底**：油麦菜嫩绿量足，面减半更平衡。 樽仔乌龙茶(冻)** ($18) 茶味甘醇不涩，冻饮消滞解浓味，配浓汤面必点。 有营素米线** (走辣+白水底) 妈妈食素，好彩呢度可以拣白水底！素料新鲜，萝卜冬菇大大件！热柠檬水暖胃解腻净酸斋** ($18) 面跟吸满微酸甜汁，咬落爽脆不软烂。酸度温和醒胃，解腻一流，细碟份量刚好。 …Read More