永和海鮮酒家

营业中

休息中

永和西貢老店.近來裝修重開.今天到西貢也不妨一試.店的環境不算大.但有樓上雅座,枱與枱之間距離也遠,完全沒有壓迫感.而茶亦不俗水滾茶靚,服務員有禮貌.效率也不俗燒鴨米38元.叫一碗米和一碗飯.燒鴨雖則大份,但7至8成也是骨.而味道偏鹹,肉的部份也欠決鮮甜.幸好整碟燒鴨也沒有肥油.皮蛋瘦肉粥:粥底相當綿.皮蛋亦不欺場.整碗也有,而且新鮮,粥亦充滿肉的鮮甜.而粥的質感亦杰,不會水汪汪.非常滿意.蝦餃:蝦爽口.亦新鮮味道相當鮮甜,賣相完整.只嫌澄皮太厚.2人埋單126元.茶錢只是4元.也相當合理.

也有一段時間沒有同兩老去飲茶了，而上次去過西貢，得知老字號的永和，易手後已同一名稱同一地點重新開業。作為西貢人，一定要去試一試。不能懷念舊時也能看看永和將來的路點走。新裝修，新人士，新風格。昔日的舊裝修，不衛生的情況，得到了大大的改善。但昔日的點心檔，昔日出來點籠仔收錢的阿姐，呢一種古老的服務，已隨著舊永和，一去而空了。今天，茶樓燈火通明，叫了茶之後就開了一張卡，另有點心紙給我們剔點心同是日特價的粉麵飯。永和，已經成為了一間典型的新界酒樓，因為仲有家鄉小菜同大包賣。沒有吃大包，我們一行四人只點下幾個點心一個炒粉麵。而點心，也變成了時髦的點心，以前永和的鄉土味道，感覺冇晒，點下的奶皇包，亦已由傳統的實心，變成了時髦的流沙包。流沙包，的確是一打開，個餡就流晒出黎，味道可口，不過沒有沙，欠缺了咸蛋黃的味，美中有不足。 燒賣，換了人手，當然同以前的不同，而且現在是即叫即蒸，所有東西都是恰到好處，燒賣，份量同味道都一樣恰到好處。而牛肉，點心紙上寫的是鮮牛肉球，來的原來是牛肉燒賣。要真正的牛肉原來要點山竹牛肉才是正確，而味道就比較行貨，黯然可以。

這是一間經過轉手及番新, 剛在2012年3月尾開張的新店。因外國的親戚回來, 以前也是西貢原居民, 很想回味一下西貢的飲食, 於是一行七人, 到了 '名字和地點’都很有歷史的西貢老店。 翻新過後. 豪華的裝修, 十分引人。於是入內並點了半席1,388的全包套餐。1) 芝士大蝦球伊麵;2) 鴻運乳豬拼盤;3) 碧綠珊瑚鳳片;4) 紅燒竹笙雞絲生翅;5) 清蒸游水石斑;6) 蠔皇花菇扣鵝掌;7) 永和脆皮燒雞;8) 富貴炒飯;9) 壽飽;10) 鮮果拼盆。及另加一碟叉燒飯和沙拉骨。第一味上菜的是…'肉片炒脆肉瓜' ???問問送來的女待應是否送錯, 她回答 '啱呀! 半席嘛!' 就轉身走了。非常肚餓的大家, 很快已吃了一半…… 此是兩名待應及一名女仕走來, 向我們表示不好意思, 餸送錯了…… 結果他們要求我們用廿幾蚊來買了該碟送錯的 '肉片炒脆肉瓜'。 其實這問題也不大, 算了!之後, 餸繼續送上, 小問題也不斷發生, 亦有餸送錯, 而醒目的我們已拿著菜單問清楚每樣餸是否正確才起筷! 當男待應見我如此細心, 立時收起我的菜單以不用我再操心對了! 而醒目的我們, 當然再有另一張菜單在手!!!!

剛剛過左的星期日去左遊船河,返到碼頭6點左右,跟住就去食海鮮啦,這裏係上年遊完船河唔打唔撞搵到既海鮮酒家,又平又好食,於是今年再嚟過,其實都有經過海鮮大街睇下其它酒家啱唔啱食既,但係價錢唔太抵,就嚟番呢度啦.我地有十一個人叫左一個八人海鮮餐再加左3隻鮑魚及3隻扇貝,另外再叫左椒絲腐乳通菜. 等左一陣白灼蝦先到,都好大隻架,熱辣辣好鮮甜又爽口,跟住係西蘭花鮮魷,鮮魷份量都好多,我冇食到,食左西蘭花好爽甜呀!!辣絲腐乳通菜,通菜都算青綠,味道ok,芝麻手撕雞好大份,入面有雞絲,涼皮,芝麻,腰果,蕎頭,薄脆....好多料呀,口感好豐富,有d蕎頭好得意,酸酸甜甜咁,薄脆,腰果都好爽口,好味.清蒸鮑魚,都算大隻,蒸到啱啱好熟,好鮮味呀! 蒜蓉蒸扇貝,都幾大隻架,加埋d蒜蓉粉絲一齊食,好鮮味呀,扇貝又厚肉又爽口喎.椒鹽瀨尿蝦,嘩,好大隻好多呀,每人都唔只一隻架,有些大隻d但係冇膏的,有些細隻d先有膏架,好好味呀,好多肉好新鮮,正呀! 我都食左兩隻!!薑蔥炒蟹,有兩種蟹的,花蟹及另一種我諗係肉蟹卦,好大隻蟹鉗架,啖啖肉好好味呀!花蟹就細隻d不過都好鮮甜架!清蒸紅魚,呢條魚都算大條又滑又鮮!最後係杞子

位於西貢市中心，主打做原居民生意，價錢平而且好地道，沒有裝修可言，但食物水準相當高，飯堂之一。 海鮮唔鮮唔賣，鑊氣夠，老板好有人情味，由於成日去，每次見面都好似老朋友舊街坊咁。涼伴芝麻雞，每次去必叫，好特色好好味，別處好難找到!蒸鮑魚、椒盬賴尿蝦、龍蝦伊麵、蒜泥粉絲蒸元貝和椒汁蟶子王都做得好好，十個讚!蒜蓉炒菜芯都好嫩口; 海鮮炒飯都夠料(雖然炒得濕咗d); 杞子桂花糕唔太甜亦相當軟軟，唔錯唔錯!

.2010年6月13日 西貢 ( 永和海鮮酒家 - 1 )天陰間歇有雨，早上前往西貢灣仔半島行山，可幸的是未遇上大雨，中午時候，朋友提議到這間酒家午餐。豉汁蒸排骨：排骨鮮甜入味，幾好。(3.5分)蓮蓉包：蓮蓉唔夠香，得嗰甜字。(2.5分)牛肚：看似很腍，咬落頗韌，味道一般的。(2.7分)鳳爪：也許是蒸得太久了，腍晒。(2.5分)燒鵝：好香好好味，唔錯...唔錯...。(3.5分)豉椒蟶子：夠大隻，沒有砂，好鮮甜，加上豉椒汁，非常惹味好吃。(4分)羅漢粉麵：配料頗多，有東菇、草菇、粟米心、芽菜、竹筍、木耳及菜心等，味道OK，略嫌麵身炒得過濕。(3分)這店位處於西貢墟的橫街內，很難找的，山友介紹話抵食，酒家頗舊，環境衛生麻麻地，其它一般的，價錢比起海邊的靚靚食肆，肯定是便宜得多了。

10月2日同朋友及佢屋企人去左西貢遊船河,遊完船河出返嚟搵嘢食啦,6點幾左右,本來諗住去朋友之前食過的海鮮酒家食海鮮的,但因太耐冇去所以搵唔到,唔知係咪已結業啦...跟住我地一路行下行下見到這間酒樓的招牌就睇下,竟然發現有一個800蚊8位海鮮餐喎,但酒樓入面冇咩人,都唔知得唔得.後尾諗住試下的心態入左嚟,我地都冇抱太大期望.我地一行八大一小叫個8海鮮餐啱啱好,於是就落單就左呢個餐啦.因為個餐等一個菜,其餘的都係海鮮所以就另叫多一個薑汁炒介蘭啦.等等等左超過半小時都未嚟喎..隔離寸係自己買海鮮入嚟整的,但佢地果d都嚟左幾樣,我地一樣都冇喎..跟住追下佢地啦,一追就出嚟啦.白灼游水蝦原來都好大碟架及都大隻喎,食落去仲好爽口及新鮮添,好味西蘭花鮮魷西蘭花好大棵,好爽,鮮魷都好多,ok呀椒鹽賴尿蝦好大隻架,好味呀,都爽口及多肉喎,味道唔算太咸,適中涼伴芝麻雞這個都幾特別,原來係冷盤,不過配料太多,雞肉則較少,有些西芹及甘笋絲,薄脆太多,不過都好味薑蔥焗花蟹份量都好多,脆卜卜架,好味及肉質都新鮮彈牙蒜蓉蒸元貝這個都好多粉絲,元貝都好大隻架,爽口彈牙呀清蒸海上鮮有兩條細細條的,魚肉都好滑身好味呀,

响西貢巧遇太座家姐一家，佢哋買咗鮮鮑魚、蟹同賴尿蝦，相請不如偶遇，一行七人到船家盧太介紹嘅永和海鮮酒家食晚飯。但係就完全唔對板，加工費就要按重量計，比出面四、五十蚊貴（清蒸海鮮至係卅五蚊），賣相都算唔錯，可惜味道就勁寡，一啲大悱檔風味都無。埋單要六百幾蚊，仲話架碌卡機壞咗，要俾現金……佢後來俾張九折卡當賠罪，太座叫我咪收，質素咁差唔會有下次，我都收咗張卡……不過始終都丟咗，冒唔冒險就自己諗啦！循例介紹一下食過啲乜，大家睇下值唔值？看見其他食評對永和有唔錯嘅評語，我諗佢嘅家常菜同早茶可能會好啲，煮海鮮就有好大嘅進步空間！

晚飯又出街食，四個人去食中餐。叫了油塩水花甲、清蒸飽魚、蒸魚、腊味炒荷蘭豆、咕嚕肉，碟碟份量都合適，四個人食到飽飽。油塩水花甲，不錯，隻隻也新鮮，同埋唔會冇晒d肉(上次係出面碼頭某間食來食去都好似唔見晒d肉)，不過上次係到食過鼓椒炒更加好味，各有特色。可能自己中意濃味一點。飽魚也新鮮軟淋，也不錯，其實自己都唔識，但覺得飽魚始終要睇下係邊隻品種吧，其實應該係多一隻的，食左先記得take photo。蒸魚也剛好，魚豉油味道剛好。咕嚕肉食得出係即炸，d汁剛好封住所有炸肉，加埋pineapple & greenpepper，好好味。難得的小菜一味。最簡單的反而直得珍惜那味道!!埋單每人只是百零蚊，很抵食，當然可以食到d更加好既食物，但百幾蚊有咁既質素，值得推介!!!

第一次行完西貢山去呢間食，發現好抵，大大碟，味道又不錯，個白灼蝦，同全記差不多，但價錢平好多 ~~~　仲有個羹好多料，幾好！我o地張枱８個人，叫８人餐，以為行到咁攰會好涮得，點知仲有好多剩

我地d行山客，通常行完山都會黎永和坐一坐，晚餐d餐夠平夠大碟，又夠新鮮，每人都係百零元真的很抵食，一定唔幫襯出面大街個d，今次食過點心，都唔錯喎，新鮮蒸起幾好味，我仲見到d西人一家大細黎幫襯tim!!!!!

重陽拜山, 再次一年一度的光臨永和, 今次不吃中午, 只飲早茶. 保留舊式的服務, 是沒有服務, 自助式, 自己拿點心, 自己霸位. 沒有點心紙......坐樓下感覺比樓上乾淨一點, 人多, 自己家人四個另開一檯, 免煩憂. 每人一個飯, 叫了兩個點心, 夠食......隔檯叔婆又塞多一碟馬拉糕. 味道不錯, 但環境衛生我始終不歡. 不過, 保持舊茶樓格局, 起碼有一點特色, 同埋, 西貢舊墟獨市也.

行完山, 幾攰, 嚟咗西頁, 當然食埋飯!這裡似乎做熟客為主, 好多客同d伙計熟, 我哋都係熟客介紹嘅; 朋友係西貢長大, 問佢食飯邊間正, 就即刻推薦呢到. 雖然咁遠嚟食小菜而不是海鮮好似有d可惜, 但原來沒有絕對的! 誤打誤撞, 呢餐食得很愉快! (手撕雞好味, 伙計nice, 價錢又相宜...)點了個很抵的套餐, 4人食咗:涼拌芝麻手撕雞... 真係好食, 叫呢個餐都係因為有佢, 見別人嗰碟好掂咁, 決定一定要點... 清蒸新鮮鮑魚... 有7隻! 細細隻, 但夠鮮甜.白灼蝦... ok, 份量幾多!炒蜆... ok.蒸鱸魚... 很滑, 不比大街的海鮮酒家遜色.還有炒菜等等.環境係舊式酒家樣,舊咗d.朋友說朝早有茶飲, 點心不錯!嚟西貢, 不一定響大街食海鮮呢!

星期日同阿爸阿媽飲茶依度既環境唔係咁討好個感覺係舊又舊唔哂果D都唔知點形容D點心係要自己出去拎既拎左燒賣,,,豬腸,,,排骨同埋馬拉糕雖然個籠係細細,,,但係D料就足起碼好過X記,,,,Y記果D仲叫多左碟燒肉雞飯都幾大碟下味道仲幾好味TIM價$又合理下次飲茶都會黎依度

其實永和海鮮酒家....講晚飯.....就真係差d0既....but 有冇飲過佢早茶lie....其實d奶黃飽...馬拉高..等等真係其他地方食唔倒....d 奶黃正到爆....唔係流沙...but 超香...好似"半島"月餅個d 咁....雖然地方係差d....but d 早點實在太正啦....其實以前d 蝦"攪"都好正.....but 而家差左d lu