水門泰式海南雞飯專門店

寻日下午,上亲友屋企食晚饭,谂住买D嘢上去一齐食, 咁啱经过,见到呢间铺有海南鸡, 卖相尚算ok, 买了半只, 价钱不算平,由收钱到攞鸡,女收银员全程黑面冇讲过一句说话, 好似全世界欠咗佢咁, 谂住算, 好食的话,我忍妳,点知,只是一般货色,鸡肉淡而无味,我公司楼下卖98蚊一只的贵妃鸡比他好得多,今时今日,日日都有酒楼食肆餐厅执笠,呢间嘢质素又唔系特别出色,仲要D员工咁有性格, 真系祝佢好运, 呢间野, 就算执到钱也不会再帮衬.…查看更多

水门海南鸡饭专门店都食话几次外卖但海南鸡其实个人唔太好岩岩就比佢个套餐餐牌吸引左叫左个猪手饭连饮品（叫左冻泰式奶茶）先$50 觉得性价比系唔错睇住厨房姐姐响煲拎左只猪手出黎切切切好似好正咁😂睇住姐姐再放埋一大条芫荽落我饭到惊叫 因为我系芫荽爱好者😂个饭原来有埋酸菜同青瓜卤水味好入味 但唔会过咸酸菜都系 夹埋猪手岩岩好猪手😭啲皮同肉唔会太淋太硬有口感嫁系仲送咗兜辣汁俾我食完好满足觉得呢间食店值得多啲人光顾多谢🙏…查看更多

开咗咁耐,第一次食(可能转过手?餐牌好似有啲唔同🤔) 就咁睇餐牌同埋套餐都几抵食🤫买咗无骨海南鸡饭同泰式卤水猪手饭黎试吓😚返去先知佢已经淋晒啲酱汁喺面🫢鸡肉都几滑,几多青瓜做配菜,好多白饭😂猪手味道都唔错够味,系有件明显有毛😅佢另外有青色酱汁分开上可以沾,有青瓜又有少辣酸菜配埋,酸菜好好味☺️套餐有埋嘢饮拣咗冻泰式奶茶,唔会太甜都可以试🤪…查看更多

介绍返💁🏻‍♀️。。🇹🇭 泰国嘢 在将军澳 🇹🇭。水门泰式海南鸡饭专门店 。TKO Gateway地下EF07号舖。冬阴功牛腩饭。HKD65咖喱鸡球配煎蛋饭。HKD50🤫 Weekend在家休息..都系喺将军澳一带揾食算啦..今次就去咗坑口个街市隔离𠮶度买外卖🤫 呢间系都食过几次嘅水门泰式海南鸡饭专门店..应该系黄店嚟嘅..我就拣咗对我嚟讲偏辣嘅冬阴功牛腩饭..虽然辣到要一边饮可乐一边食..但系辣得好过瘾..做得到冬阴功𠮶种酸辣酸辣但系酱汁又唔会话稀流流..而且汁多饭又多..大胃王都会够饱..牛腩有牛味之余..冬阴味都非常入味..仲要系已经炆到软腍腍..俾个赞佢🤫 至于屋企人食嘅就系咖喱鸡球配煎蛋饭..黄咖喱嚟嘅..作为一个饭盒饭..佢嘅鸡柳系预先煎香之后先至落汁炒..食得出𠮶种功夫..咖喱汁浓度适中..有劲多青椒洋葱等配菜..送饭一流之余..𠮶只太阳蛋呢..只可以讲靓蛋🤫 话时话..我都唔知坑口街市隔离呢度咁多嘢食嘅地方叫唔叫做熟食中心..(lol..)不过我哋闲时都会嚟呢度平平哋买外卖..提提大家呢个熟食中心入边除咗呢间水门..仲有另外两三间黄店㗎..将军澳街坊要揾黄店食嘢可以嚟呢度食吓㖞..几间都平靓正㗎。。翻兜指数：🙆🏻‍♀️🙆🏻‍♀️（5个🙆🏻‍♀️为翻兜爆灯）💮已翻兜次数：N次💮。。…查看更多

天气热，真系谂食咩都要动啲脑筋今日就拣咗水门泰式海南鸡，谂住贪佢唔会热辣辣，又有香料，会开胃啲果然不出我所料，海南鸡皮脆嫩滑，叫咗半只，份量都有一盒，除咗鸡翼之外，全盒都冇骨，啱晒我啲懒人，鸡本身有味浸，加埋佢自家制嘅酱汁，咸咸辣辣，非常惹味，就算点青瓜食都好夹重先买佢个泰式煎肉饼，虽然叫外卖，但系返到去，个肉饼变都依然香脆，加埋肉饼质感饱满弹牙，配埋香茅等香料嘅腌料，非常开胃，仲会配埋油饭，呢餐非常满足…查看更多