水產海盜 - 韓國直送醬油蟹專門店

呢间店舖被称为「全港最好食韩式酱油蟹专门店」，主打各款酱油同辣酱生腌海鲜🦐最近门市更设有堂食位置，售卖每日新鲜即制嘅正宗韩式便当🇰🇷💗原只酱油蟹便当 ($248)选用韩国延坪岛直送蓝蟹雌蟹，蟹肉饱满而且晶莹剔透，有满满鲜橙色蟹膏，酱油腌得好入味，味道咸鲜而且完全无腥味🦀白饭拌入鸡蛋丝、紫菜、飞鱼籽同腌黄萝卜粒，然后加入蟹盖入面捞匀，绝对系米饭小偷🍚💗辣炒济洲黑豚猪便当（$68）辣炒济洲黑豚猪肥瘦适中，用韩式辣酱炒香，味道辛辣惹味🌶️再笃穿太阳蛋将蛋汁捞入饭中，送饭一流🥓配菜方面有韩式炒粉丝，食落麻油香味好突出🍱…查看更多

买咗一盒酱油蟹，入边有鲍鱼虾同埋螺，收到货嘅时候有三份一嘅酱油都漏咗出嚟，搞到成个盒同个袋都系，我出嚟嘅时候已经闻到一浸浸腥味，因为未完全融雪，所以我等到第二晚先再开嚟食，点知第二晚开嘅时候就系恶梦！攞出嚟，其实已经令我好难受，因为啲味道实在太大，我一向都唔系好怕腥嘅人，都顶唔顺，所以我就打算带个手套先至再去拆啲蟹，点知一开个盖，哗哗哗！啲虾个头黑色㗎，然后有几只沉底嘅虾个头系甩，我见到咁嘅状况都有啲惊，然后其中有一只蟹啲脚系甩咗一半！加埋𠮶种味道真系好恶顶，但因为用咗$544买返嚟，所以我就决定试吓可唔可以食到啦。然之后我打算将啲鲍鱼掹咗个壳，点知掹完又来一个恶梦，成堆泥咁样，吓死！到最后我决定将所有虾蟹海鲜掉晒佢，因为咁嘅天气，咁嘅味道，咁嘅卖相，然之后啲蟹肉系霉！我真系唔想揾我条命仔嚟博！帮我校晒啲海鲜之后，我打算洗干净个盒唔好嘥啦，起码仲有个盒，点知发现原来个盒底系烂嘅！以后都唔会再买任何雪藏嘅酱油海鲜！好臭好得人惊…查看更多

由21年未开地舖已帮衬，食开品质都令人期待今次啲蟹Jumbo 一开就不对路再开埋3KG 蟹一样系咁，三文鱼啲酱油混浊，隔咗两日客服打嚟笑笑口话啲系天然生长只系蟹膏水啲，真心冇语!!…查看更多

海鲜控嘅小熊猫最近发现咗一间专做外卖嘅酱油蟹专门店，声称自己可能系全港最好食嘅酱油蟹，我就专程上网预订咗一set mini jumbo~社交平台客服服务态度十分良好，回覆快，亦有作推介～ 小熊猫特登网上预订，如有需要，专门店亦帮忙预先解冻👍🏼 可以即攞即食 😋包装精美，有保温袋，干冰一包，用密实盒装好预先解冻嘅酱油海鲜🤩🌟Mini Jumbo Set $4981.3kg 酱油蟹 x 2酱油海鲍鱼 x 2酱油虾 x 5酱油海螺 x 5 呢个份量啱啱好适合两个人食～ 佢冇呃我，酱油蟹真系好新鲜，好多肉，肉质鲜嫩，爆蟹膏～ 店员仲好细心问我要几多日去解冻，因为越解冻得耐越入味～其他海鲜都好好味，酱油味入晒啲海鲜度，好彩我有煲定饭，真系好𩠌饭 …查看更多

💁‍♀️💁‍♂️21/4/2024(Sun), Dinner🍽💁‍♀️为食妙妙早前同🙍‍♀️朋友女食过酱油蟹之后，一直都唔够喉，念念不忘再想继续食。趁呢一晚🙍‍♀️朋友女到为食妙妙屋企作客，一于去呢间名叫 嘅外卖酱油蟹🦀专门店买齐酱油海鲜大家一齐擦返餐😋😋😋！而今晚我地order咗：🔆 大胃海盗套餐呢个套餐用一个大嘅方型食物盒盛载，入面有一只韩国延坪岛珍宝酱油母蟹🦀（约重460 - 500 g）、五只酱油爆膏有壳虾🦐（原只连壳有虾头膏）同埋两只酱油海鲍鱼（来自非繁殖场的莞岛野生连壳鲍鱼微熟）。呢只珍宝酱油蟹🦀真系好大只，比起A先生嘅手掌🖐️仲要大。打开之后系满满橙红色嘅膏，蟹膏味道浓郁，我哋最爱就将热焫焫嘅白饭𢳂入蟹盖入面，混入蟹膏、蟹肉、紫菜同少少酱油，呢个又热又冻嘅组合的确系鲜味得无话可说，蟹嘅鲜味、加埋浓郁蟹膏、再加埋紫菜带嚟嘅口感，唔觉唔觉就清咗个大大嘅蟹盖。酱油鲍鱼入口弹牙，鲍鱼够厚肉，同时都好入味。开头我哋都担心鲍鱼会唔会偏韧，好彩店员都好详细咁同我哋解释佢哋嘅鲍鱼系微微熟嘅，入口唔会韧，系比较腍滑弹牙。酱油虾🦐评价可以睇下一段。🔆 酱油虾🦐（有壳）酱油虾🦐可以选有壳或者无壳，无壳就食得方便啲，但有壳嘅就可以食埋虾入面嘅膏，味道更鲜甜，所以我哋选咗要有壳嘅酱油虾。酱油虾🦐腌得够晒入味，虾头入面都有唔少嘅橙红色虾膏，虾膏味道鲜甜，虾肉爽口入味，酱油嘅咸鲜味再加虾肉嘅鲜甜，连埋虾膏将虾鲜味再提升，食味绝不输酱油蟹🦀。🔆 原只酱油蟹 2只 (1.3kg)呢两只酱油蟹🦀就比套餐嘅珍宝蟹细少少🤏，但其实都已经大只过一般喺餐厅食嘅唔少。同样地都系满满嘅蟹膏，同埋鲜味嘅蟹肉。🔆 酱油厚切三文鱼 300g厚切嘅三文鱼入口口感十足，腌制过嘅三文鱼肉连埋鱼油，入口嫩滑，酱油加埋三文鱼嘅鲜味都好匹配。可能三文鱼比较肥美嘅关系，所以食多件会有点腻口嘅感觉。🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A先生)整体食评：9/🔟❤🙆‍♀️(为食妙妙)整体食评：9/🔟👉🏻 酱油嘅调味恰到好处，带出海产嘅鲜甜味道，亦提升咗海产嘅风味A先生车友指数 🚗🛣️ 交通容易指数：🚗🚗🚗🚗(4/5)🅿️ 泊车容易指数：🚗🚗🚗🚗(4/5) 👉🏻 泊车最方便都系朗泊返长沙湾广场🅿️，有大量车位，只系上落嘅通道比较窄，要小心👉🏻 港铁🚇出口可以直上长沙湾广场，另外都有唔少巴士🚌可以轻易到达🔆🔆🔆🔆🔆🔆🔆🔆🔆🔆🔆🔆🔆…查看更多