水上人自家製糖水小食

以前依间嘢新开糖水好足料，好好食，物有所值 。但依家越加越贵，其实都唔紧要，但啲料俾得唔足依真系冇得倾 。😡😡以前食落去淡淡薏米，而家好似变咗水咁，又冇乜腐竹味。$31腐竹糖水，但好似饮水咁冇味，你哋自己谂吓买唔买。加上买糖水好似受气咁 。😡😡😡😡😡…查看更多

第一次买住附近朋友个个赞既粒粒芝麻糊 ($29)🫶🏻同再次回购既生磨合桃露 ($37)糖水真系好浓好浓🥹满满自家制味道，比钱既时候见到一堆芝麻喺后面处理中😂就算外卖返屋企冻左再叮返热都好好食🥹芝麻糊打开一眼睇得出真材实料真功夫 🙂‍↔️香得黎又唔会额外加糖加甜 🤤🤤🤤🤤合桃露 坚果味好浓大推👍🏻👍🏻食到一半已经饱 2个人share食岩岩好🥰🥰…查看更多

话说好少食中式糖水，今日去咗鸭脷洲𠮶边食海鲜，经过一间中式糖水外卖店，买咗两碗糖水返屋企食个价钱尚合理，糖水价钱大致都系二、三十蚊左右，款式亦都几齐备，应该系家庭式经营腐竹鸡蛋糖水$29糖水用左高身胶碗，都偏大碗份量足腐竹蛋糖水甜度岩岩好，腐竹煲到溶溶地莲子同白果煲得够腍，再加左只鸡蛋，食完好满足…查看更多

星期日夜晚叫咗糖水同一家人食，见到佢个煎酿三宝个样都唔错，点咗一份、点知个煎酿三宝非常好食，鱼肉真材实料，外卖嚟到都系唔会腍啤啤, 唔系好多油, 会再支持。糖水都算唔错，绿豆沙同杏仁糊足料，芒果布甸就一般，相比之下，煎酿三宝比较出色，会继续帮衬，支持小店…查看更多

好少特别写食评，除非特别难忘经历。呢间系其中一间，说实话，甜品质素唔错，唯一就系某个女员工阿姨的态度问题，真系好差。一去到，先睇下餐牌选择点什么，佢由头到尾一直无视顾客，企系厨房低著头，到决定点什么就开声同佢讲，佢照低著头，眼睛完全没有望过我哋，又唔答ok／知悉等。我哋初初仲怀疑佢听唔明定系听唔到，之后见佢先慢条斯理咁拎每样食物打包。其中一款甜品卖哂，佢终于开口话：冇呀。我哋都几无奈，原本想点其他甜品，不过都系算数了，好不爽。最后比咗钱，多谢都无讲一声，的确几无礼貌，全程好似得罪咗佢咁，非常之唔舒服。如果老板见到意见，希望可以提醒一下员工服务态度真系好影响食客回头率。虽然深深明白系香港外卖店唔会有什么服务可言，我哋并没有奢望有什么真诚殷勤嘅员工，只系至少比返基本尊重同礼貌客人吧。加上本身食物唔错，但系遇著咁嘅员工对待客人，真系一肚气。…查看更多