民華魚蛋粉麵

服务水平麻麻🙊朝早未食早餐，咁岩经过大埔附近，就随便拣间唔洗等位茶记试试。入到去茶记格局，冇乜特别装修。由于得我一个人，都系要同人搭枱，入到去见到枱枱都有人，只好问侍应可以坐边，起初侍应系完全冇理过我，可能太忙唔得闲，我只好等下，等左阵就随便叫我坐个位黎搭枱，位置都几迫下，如果天气热都几辛苦，要快食快走。人手落单，上餐速度都几快，叫左个沙嗲通粉同多士煎蛋，味道正常。价钱方面正常，唔会话特别好食同抵食。…查看更多

大明里民华餐厅，熟悉的大埔街坊知道它素以盅头饭与鱼蛋粉面著称，均有口碑。我却独爱其碟头饭，其中尤爱叉烧滑蛋饭，简单，饱肚、味美，完全系性价比之选。一碟美味嘅叉烧滑蛋饭要具备咩条件呢？这碟饭表面简单，其实易学难精。在我看来，滑蛋要够嫩、叉烧要够香、豉油要够浓，可谓三位一体，缺一不可。坐低嗌咗唔够十分钟已经便已上台，热辣辣！一层厚厚的叉烧嫩蛋舖满晒成咗饭山，有如冚被，量大抵赞！第一啖先食原味，入口蛋味香浓，似系湖北蛋，随不及日本蛋，但50几蚊已经算口咁，口感上嫩到无朋友，佐以粒粒半肥瘦叉烧，叉烧咸香可口，有少许炙烤香味，惟略显切得太碎，有损口感。第二步当然要注入灵魂———煲仔饭豉油，呢度嘅豉油味偏甜，质感浆口，偏瑞士汁的味道，完全中晒我sweet point，令人口不停蹄，一啖接一啖。另外值得留意个细节位系，个饭嘅口感非常烟韧适中，系典型长身丝苗米，不似坊间软腍腍的白饭，毫无诚意可言，「饭有饭味」如今竟成为抵赞点，真系食风日下，煮德沦亡！未几耐，一碟味美量足的滑蛋叉烧饭已经祭入我五脏庙中，以呢个价钱食到呢个质素，大埔嚟讲应该都无咩诈型㗎啦，我每次由九龙塘南下返乡，都要一解「乡」愁，可见呢碟饭嘅魅力！…查看更多

晨早出门去睇波，第一时间梗系叹个醒神早餐🍴先啦！大埔墟公园仔一带餐厅林立，点指兵兵入咗广福里呢间"民华鱼蛋粉面"。地方细细，眼见12张枱仔，姐姐有礼貌，唔该前唔该后👍赶时间，咋咋临叫咗个先姜丝牛肉通配餐肉炒蛋多士🥪，再加多杯冻咖啡($45)牛肉嫩滑，汤底够味，多士香脆唔会㶶，炒蛋嫩滑，唔错唔错👍冻咖啡先系灵魂，饮完即刻好精神🤣🤣睇下个餐牌，哗！食物品种都好多选择，有汤饭、点心、蒸饭...快闪一个丰富好味嘅早餐，够晒energy，出发💪…查看更多

下次差不多两点、都过咗午饭时间！我见店内食客不多都多空枱！我同朋友入到去坐车方枱对住坐、睇好食咩谂住叫既时间、问题就来啦！阿姐来到唔系第一时间问我地食咩、系叫我地平排坐、我之后就讲都过咗食饭时间冇咩人、点解要平排坐、阿姐之后就讲、唔理系唔系食饭时间有冇空枱、总之食到来一定要平排坐、不平排坐就唔同你地落单同唔欢迎我地、我之前都唔系都唔平排坐、之后阿姐叫我地走讲唔做我地生意！简直离谱😡😡😡😡😡、以后都唔会再光顾…查看更多

超级正呀，系有一次唔知太太唔舒服定还是太疲累，于是在家中留守，我就推咗婴儿车和儿子出去大埔墟行个圈，去到玩具舖发现佢冇乜精神没精打采，然之后一问他才说是肚子饿，于是我就问佢 食点心🧆定还是食面包🥖结果他说吃点心，而且经过这里还说坐喺度食，于是就产生左史无前例嘅父子饮茶。😂其实民华以前我一向都有食，而且喺太子食嘅时候，通常都系食常餐然之后加个饮了，这天才记起，其实你都可以叫两个点心，然之后加热奶茶冻柠茶之类，自制点心常餐。佢嘅山竹牛肉一样系大大粒，不过味道就普通，只觉得是吃了一大团牛肉混合猪肉的粉团，其他香菜或是荵嘅味道就真系欠奉，都系用喼汁主要调味。另外鹌鹑蛋烧卖，其实都系有一大豚肉喺下边度然之后上边有鹌鹑蛋，似乎儿子主要都系食鹌鹑蛋，下边嘅肉都系食咗少少。鸡扎嘅份量似乎都唔少，那块鸡件相当大件，呈丁方形嘅火腿亦都够大条够粗壮。不过系旧芋头食唔到，如果唔系其实都几正的。…查看更多