民舍甜品 (已結業)

抵食芋圆甜品！本身唔系比芋圆吸引，而系如果叫呢个系列嘅甜品会跟埋椰子雪糕，我本身都几钟意椰子味嘅甜品，所以想试吓。结果每样配料都出乎意料几好食，唔错！芋圆芋泥仙草$26- 椰子雪糕另外放，就咁食又得，倒落去同芋泥仙草一齐食都得，非常方便。芋圆口感几烟韧，不过冇乜芋头味道。芋泥口感幼滑，偏甜咗少少，不过同淡淡地又滑捋捋嘅仙草一齐食都好夹。几样材料加埋一齐都好大碗，性价比几高，推介！:)…查看更多

嚟葵广扫街 几推介呢一间甜品店 价钱抵食而 且仲好大份💕招牌仙草除咗有仙草之外 仲有芋圆、地瓜圆、包馅芋圆、芋泥球同芋头雪糕🍦真系超级丰富！最钟意就系佢个包馅芋圆 烟韧嘅外皮再包住绵密嘅芋泥 超正！…查看更多

招牌爱玉芋圆 ($30)听过好多人推介民舍嘅芋圆大碗又抵食，所以就买咗嚟试😎真系好足料，爱玉系装满成大半个碗，仲有大大旧用芋泥整嘅雪糕，一啲都唔悭皮👍🏻芋圆都烟韧😙整体甜度系偏少甜嘅，中意食好甜嘅朋友可能会觉得好淡😂佢仲有好多款招牌甜品，下次再嚟试先😋…查看更多

去亲葵广扫完街无论几饱都会心思思想食返碗既甜品，今次唔自私食，外卖自取返屋企分担下卡路里。每次被吸引既系睇到已经够开心既芋圆，因为每碗都系劲多，务求你食得饱饱。以呢个价钱，的确无投诉。叫左招牌爱玉同招牌仙草，钟意佢地唔会太甜，芋圆细细粒够Ｑ有咬口。今次小小失望无包心圆，唯有等下次。喜欢芋泥多过芋头食物质素OK，只系店员态度有待改善。…查看更多

其实依间嘢佢开舖到依家我都有keep住食佢全部食材都有种真材实料嘅感觉而且都有个共通点就系食一碗都好撚饱味道方面, 佢啲芋头蓉真系超浓味 地瓜圆都好似真系食紧蕃薯咁但系又会好烟韧仙草黎讲都算滑溜,几清甜。配合埋芋头蓉/地瓜圆/芋圆就啱啱好无咁腻～认真讲佢味道算系表现芋头/蕃薯原本嘅甜味多过平时甜品舖个种重手甜如果你系重口味之星, 应该会觉得个甜度差少少不过如果你超级钟意蕃薯,我担保佢个地瓜圆真系几正 ==不过啦, 虽然我系超级钟意佢地个地瓜圆但系佢地啲店员成日都好似好无精神服务方面真系差少少而且扫街黎讲一碗又对女仔黎讲太大食完一碗都似食咗个正餐无论点都好啦! 如果你好钟意蕃薯同埋芋头bb认真同frd试一次佢个招牌仙草系真心好味的!…查看更多