维他奶奶酱系列
维他奶从小饮饮到大，老少咸宜，相信都系香港人的回忆。将系列就系用上维他豆奶加入芝士做成，然后厚厚咁铺系串烧上面，串烧食落去就会带有豆奶嘅甜味，又咸又甜，食法特别。维他奶酱烧免治鸡肉条 ，$38平时食开日式月见鸡肉棒跟上蛋黄遇见酱汁，呢度就用上维他奶奶酱取代，味道都夹㖞，好似食完咸食又食甜食咁。维他奶酱烧豆ト，$32豆卜本身冇咩味道，所以就可以好好享受呢层丰厚嘅维他奶酱。维他奶酱烧日本小甜薯，$20一串三粒嘅日本少甜薯本身都已经带有甜味，同埋维他奶酱一齐食，就好似食甜品咁。流心维他奶芝士年糕，$38本身厚厚的芝士年糕已经有流心效果，面头仲铺上一层维他奶酱，芝士味道丰富到念起都兴奋。维他奶酱烧翠玉瓜，$20翠玉瓜好多汁清甜，可以解下芝士奶酱的腻济。维他奶酱烧芝士狮子狗，$32狮子狗一串有三粒，融入埋啲芝士奶酱，味道好夹。厚猪五花肉，$24陀地烧中点了厚烧五花肉，餐厅推介两粒星。厚切五花腩真系几厚，厚身肉地有咬口，咬落再咇出肥膏猪油汁，更加肥美。腐乳多士，$24从来无念过腐乳做酱多士，食落系好特别，浓味的腐乳当多士酱咁搽又出奇地夹到！卤水牛舌，$38用上怀旧风味嘅公鸡碗真系好复古，一大嚿厚身嘅萝卜荐底，上面铺上六七块大大块厚身嘅卤水牛舌。牛舌炆得好软淋，食落啖啖肉一啲筋都冇，卤水汁做到唔咸唔浓但好够味，做得都几出色，份量够多又几抵食。原条蒜香烧茄子，$48食串烧店烧茄子都系必点之选。原条茄子切开上面铺满蒜蓉调味粉，烧到茄子肉软淋，可以一丝丝咁夹起茄子肉食，非常惹味。蒜蓉烧蚝，$145/半打消耗做得好特别，蚝面烧到干身，但系入边又好够水份，加上秘制嘅酱汁一啲腥味都无，味道仲要好特别，令人食完再想食。唔L同沙嗲牛面，$58听个名咁震撼点都要试吓啦。有咩咁唔同？就系个沙嗲牛酱十分浓郁，浓郁到令人回味无穷，成碗汤都会想饮埋佢。啖啖牛肉非常软腍又冇根，又真系做得几唔同㖞！维他奶奶冻红豆冰（左），$32用上原味维他奶沟红豆冰，味道绝配，仲有一粒粒维他奶奶冻，成个维他奶特饮配撘很不错。维他奶奶冻黑芝麻冰（右），$32熊妹本身好钟意黑芝麻系列产品，黑芝麻酱加埋维他奶，绝对系无懈可击。📌串烧项目仲有好多选择，另有烧海鲜、畅饮小食，特饮仲有黑牛同埋白雪公主，可见菜式上面真系花咗唔少心机。📌Follow IG📸/FB，叫够10串串烧以上，就可以优惠价加$68叫半打葱蒜烧蚝，另外午市加五毫子，可以转加加大劲量冻饮一公升装，全部优惠都抵到烂！📌今晚维他奶盛宴真系够哂丰富够哂满足，配合埋餐厅怀旧的环境，成件事好有噱头。完全感受到餐厅落足本的装潢及食物选材的心思💞，抵佢喺铜锣湾黄金地站得住脚🐾！📌「时光可变，世界可变，人情亦许多都变迁」。世界变化万千，食物种类变得更多元化，闲时饮一口维他奶，回味一下昔日的味道，「心内那热暖，仍是纯真未变」🎶。…查看更多
