武館 (已結業)

简简单单讲一下个人经验。 嘢食系好味，但系冇惊喜。 网上见到有原只海胆同安康鱼肝，但我呢一餐两样都冇。 我明白餐厅冇保证一定有得食， 因为可能餐厅冇入或者可能唔靓， 所以我都冇乜话特别有D咩投诉，但系系有啲失望可能我𠮶日去比较多熟客， 感觉上个server有啲忽略我哋。入到去个server同个厨师完全冇问过我哋钟意食啲咩唔食啲咩厨师每次出嘢嘅时候只系好简单讲下条鱼叫咩名同喺边度呢嚟， 我印像中佢好似冇讲过食落去有咩口感， 烹调方法， 食后会有咩感觉。 简单嚟讲，我觉得佢冇话好详细介绍每一道𩠌。食饭途中听到隔离枱话最尾有乌冬会有葱， 因为我太太唔食葱同埋个厨师冇问我哋唔食啲咩， 所以到寿司𠮶一part嘅时候我已经主动同厨师讲话我太太唔食葱，如果后面有啲咩有葱嘅时候最好走咗去。 点知道最后𠮶个乌冬都系有好多葱， 最无话可说嘅系个厨师见到我哋拣葱，就扮睇唔到。 如果我系个厨师， 我就会主动埋去问使唔使换过一碗或者话唔好意思唔记得咗。 我哋个厨师只系负责三枱客，总共六个人。 其实如果有用心，应该唔难唔记得客人嘅要求总括嚟讲， 食物质素是可以的，但没有惊喜。 服务质素唔可以话差， 但如果你畀千五蚊食餐饭， 呢个服务质素完全接受唔到 我个人嚟讲， 如无意外应该好大机会唔会再嚟呢间餐厅。 (重申一次，这是我个人的经验。) …查看更多

特登喺openice开个account就系为咗写呢篇食评虽然我个食评又冇乜相又冇啲好吸引嘅caption但咁先反映到系最真实嘅食评喺网上见到有咁多好评 不虞有乍咁咪去试下啰开头都有啲心机影下相后来因为太唔好食所以连影相嘅心机都冇佢鱼生嘅质素真系好一般 喺日本嚟讲只系好普通嘅寿司店(唔系omakase)嘅质素 :((除咗 otoro手卷外 佢个otoro唔系千两𠮶种超级雪藏解冻出嚟咁 加咗紫苏叶吊到个味出嚟)深海池鱼 狮鱼 小肌都唔够肥美带子完全冇带子味 得柚子味 平时有带子味嘅带子用柚子当然夹 但带子冇带子味真系甚么也不是鳕场蟹当造都冇乜蟹味三文鱼子冇乜味兼唔爽口腌渍鱼类 例如昆布腌 醋腌全部都腌得唔够耐紫海胆新鲜开出嚟 居然一啲海水味都冇 同其他香港厨师发办寿司店真系差得远日本蚝反而有惊喜 creamy兼有海水味最尾个鱼汤系几好饮嘅 但前2个鱼汤同蚬汤真系不知所谓 淡而无味 真系只可以用2个字形容失望！！！用$1650食咁嘅quality嘅嘢以后都唔会再嚟食好好好失望…查看更多

一直都有留意武馆, 最近见到有原只紫针海胆同时不知鲑鱼, 所以就即刻订位去食~中间个件好似三文鱼既就系时不知鲑鱼啦! 师傅解释因为鲑鱼正常只会系秋天游返去北海道产卵, 而时不知鲑鱼如其名, 就系忘记了时间既鲑鱼。明明未系时候产卵, 所有养份仲谷左系身体入面, 但提早左返北海道比渔夫捉到, 所以佢个味道系比平时既乌鲑更浓, 真系一食难忘其他食材都好新鲜同特别, 手掌咁大既鸟取岩蚝, 不过食完食蚝好饱要中场休息先再食得落 Sushi~ 因为武馆个餐实在太多野.. 图片只系个晚部分既食材, 最后仲有用所有鱼骨煲左成晚既鱼汤, 完美句号~!…查看更多

今日系老公牛一🎂一向钟意食Omakase 嘅佢，今日又点可以吾食呢😊今天我选择了「武馆」同他庆生，我记得由「武馆」初开业就开始帮衬，由旧舖到新舖；由从前吾讲野，到现在对酒当歌🍶现在新舖坐得舒服左，空间大左，人手都多左....但我还是喜欢「武师傅」为我们操刀🔪我喜欢在熟悉的地方品尝晚餐，因为会添多了一份人情味🤝食物方面都一样系甘新鲜、好味👍🏻还有时令海鲜空运到港✈️啱晒咀刁、有要求的你👄我未试过食omakase 有甘多野食，食左成三十样野....真系物超所值今晚真系要好多谢师傅，特别开炉整左备长炭亚波尾鸡翼俾寿星仔食🙏🏻鱼汤乌冬，真系个最好的结尾🐟…查看更多

自从奥运站启用之后，大角咀便已变天，本来偏静的街道，越来越多食肆驻场，我这些喜欢四处觅食的人，已经来尝过西班牙菜、点心、特色小吃及面店，星期六傍晚正好出门去武馆，少林还是太极呢？哈哈！我唔系去踢馆打功夫，只因寿司长是武师傅，他的馆子取名武馆，我们是来欣赏他在厨师桌上的武功！ 在这区已经近有三年的武馆，只听个名难以想像是一间只做厨师发板的高级料理店，或者这才是令人留下印象的秘诀。晚上只得一个价，每位$1500，厨师话事，唔好问有冇Menu，冇得拣！讲笑啫，依然可以告知师傅有咩唔食或者有咩特别想食。 店子不大，只有一张巨型寿司吧桌，可容十一人，三名师传专注工作，除了解释菜式之外，没有特别主动与客人交谈，可是遇到我这个好发问之客人，武师傅都要跟我多讲几句，哈哈！ 未到之前已经听过，在武馆可以吃到坊间比较少供应的鱼种，而另一特色是份量有成廿几款，非常适合好奇而且喜欢花款的我；最后果然没有令我失望，鱼种丰富特色，新鲜上乘，虽不至惊为天人但相当难得，全程没有冷场，上菜速度衔接。 开胃前菜是自家制的面鼓酱煮日本萝卜，日本人家常料理的变奏，浓咸的面鼓酱冲击清甜的萝卜，简单恰当。 接下来是一碗面鼓汤，汤内吃到可口的日本香菇及昆布，生冷食品之前来一碗热汤，正好让我们先暖胃。 第一道刺身是BB鳝，眼仔碌碌，样子几可爱，身躯极长而半透，细心看，如X光片看到体内组织。 配上一些青葱及姜蓉，口感新鲜细绵。 鲷鱼品种非常多，这一片名叫姖鲷鱼，身为白鱼看来味偏淡，想不到清甜之味深藏潜伏，回甘悠久，新鲜上乘货！ 接下来是肉质相对够结实及肥美的伊左目，鱼皮上交织整齐的纹理非常易认。 活青柳贝，讲明是活的，真不能看小，简直是超甜，而且爽口之中肉质颇滑。而且形态有动感，看似生猛活泼。 鲛鲽鱼配鱼肝，肥美鱼肝如若要爆出，丰腴香甜。 昆布墨乌贼，昆布腌制富酒香，已经够味无需点酱，咬落极黏，胶质超丰富，缓慢地溶解，口感真另类，不过咁胶的口感，只觉几得意，唔算好钟意，不过试吓又无妨！ 继而有金红漂亮的金目鲷、昆布渍真鲷及赤身刺身。 大拖罗终于出场，以紫菜包著令肥美干脆层次分明，口感就是好。 以为刺身系列已完结，原来只是换了场境，第二幕是小盛物，抢先出场是非常少见的海鞘，俗称海菠萝。 来自青森县，短产量少，6-8月是时令，我们今晚正好遇上，看来又真有点似大树菠萝。 其实是软组织动物，肉质软软熟熟，极之新鲜及甘甜的口感，感觉如植物与动物的混种。 大分县佐贺关风高浪急，急流勇闯下生活的关池鱼，果然练到一身好本领，别于一般池鱼，鱼味特别浓郁，相比平时吃到的池鱼，新鲜程度高得多，真是吃过方知其奥妙！ 况且寿司长处理得非常好，青葱酱油加工，完全没有腥味。日本蚝向来蚝味稍逊，就是吃牠肥嘟嘟的胀爆感，长崎岩蚝以醋汁啫喱调味亦是一般的做法，没有怎样。 头尾相接，刺身完结后再来一道汤，这个北寄贝清汤真鲜甜，清如白水，除了昆布之外还加了一支冰菜，增添爽脆。 酒盗渍物，萤光鱿鱼配红葱大根及冲绳苦瓜，丰富恰当。 武馆的寿司说不上有精湛的技艺，但组合有新意，出之有序，同样讨好，北寄贝、瀬户海赤贝爽甜，柚子醋小肌鱼，酸香味美。 酱油烧帆立贝，帆立贝金黄焦香热辣辣，黄金组合，没有不可能不好吃的货式，不过要快吃，否则，热辣辣的帆立贝会把紫菜弄腍。 之后的炙烧车海老，鲜甜肉弹。 𩽾𩾌鱼肝永不言败，丰腴味甜美。 海胆三文鱼子配海葡萄手卷，亮点当然是海葡萄，倍增爽脆有特色。 高潮再起，见中拖罗特别深色有些古怪，原来是熟成而且以酱油腌过。 依照武师傅建议，把熟成酱油腌中拖罗留在口中慢慢品尝，不到一会儿，酱油之香味涌出，口感不同凡响，从来未试过，精彩变身，一吃爱上！ 好的不要停，来到海鲜汤乌冬，怎料越吃越精彩，刚才吃过的鱼之鱼骨全部用来熬汤，醇厚香甜至极，滋味无穷，绝对是极品！ 宫崎赤蜜瓜配博多士多啤梨，清甜味香，没有投诉的空间。 曾经见到有人写食评认为，收$1500/位都冇海胆、牡丹虾及多件大拖罗食觉得唔值，我反而觉得上述三宝无可置疑是极品，但今时今日已经变得有点行，海鞘、关池鱼、BB鳝、活青柳贝、熟成酱拖罗等更加难得，人物关系不足唔会攞得到。 所有刺身全部非常新鲜上乘，绝非冰鲜货，这就是价之所值，反而觉得，不足之处是欠缺小店的温馨热情，唔知道系咪因为我们是生客的原因，向来讲求全方面感受的我，自然觉得打了折扣，不过这一点不难改善。…查看更多