正宗山西刀削麵皇

有一日经过葵芳见到呢间刀削面，lunch都几多人排队，咁岩我一个人又唔使等位，又好耐冇食过就入去试一试啦。入面环境都几干净，不过空间感唔太大，唔算多位，食饭时间就一定要排队啦我估。见到餐牌有有汤有热同冷拌嘅选择，咁样𠮶日咁热就试一试冷拌刀削面啦。配菜方面，我就叫咗牛腱，份量都几多下，我留意到好多人都有另外加麻辣酱，所以钟意食辣嘅我紧系试一试啦。辣酱真系几惹味，佢既辣度唔算系死辣有层次感好啱捞面食。咁讲返面方面啦，烟韧度就还可以，我觉得配菜出色过刀削面。我见好多人都系拣汤面，我谂个汤底应该唔错，下次再嚟试吓先。…查看更多

平时嘅我尤其返工时间，较少因为食饭而行得远又热。通常唔系失望就更失望，今趟一走，知错了 🙃小店逼硖就梗，所以我好怕堂食。今日要行咁远仲唔L好食，极无瘾 🤦白菜猪肉云吞，红烧猪手，刀削面云吞一睇就知翻烚，都好正常嘅快吖嘛 😒猪手样子完整，味道普通，只属于淋欠缺胶质，不推介 👎汤底咪就味水加色，只有咸味 🤷‍♂️豆浆 👎（心谂：呢杯豆浆呀？！🤦）净食猪手可能无嘢，凑埋觉得碗面份外难食 😒**有倒汗水滴落碗面，咁啱果刻我已经吃完 😅…查看更多

喺葵芳呢一区嚟讲嘅面食都唔少嘅，但系呢刀削面就剩系得呢一间，反而呢米线呀拉面啊𠮶啲都有三四间以上嘅选择。睇返食评，听讲呢一间嘅刀削面配牛𦟌肉或者猪手都几好味，今次我就先试下牛𦟌肉刀削面，佢嘅汤底都几好，唔算太过确喉亦都好有味！但系豆浆就麻麻地冇乜豆味，我地叫左个辣猪利、都系冇乜味，而且个酱辣得黎又咸还咸、辣还辣，希望下次试埋个猪手面冇令我失望la！始终佢嘅刀削面都系由厨师亲手逐下刀削出黎，可惜冇影低。…查看更多

下午四点入去只得二枱客，叫热豆浆黎冻豆浆，叫杯热水嚟杯冻水，二位待应姐姐不停倾计，唔知以为全场满座，最后叫了一碗猪扒刀削面，一碗饺子刀削面，一碟蒜泥肥牛，蒜泥肥牛食到最尾竟然有旧骨头，非常呕心，唔知系食剩定咩事，问啊姐竟然话系猪骨，其实已经好得闲冇客，但都可以加料，去的话请大家小心。…查看更多

㖊日本著感怀嘅心情去咗间平民化嘅餐厅，食咗下土家鲜香脆口嘅凉菜同埋滚热嘅粗犷刀削面，真系一场味觉上嘅惊喜之旅🤤。首先，个凉拌小黄瓜真系够哂脆，清新爽口，而家想起嚟嘴巴依然有个清香；浸得啱啱好，唔会过于湿淋淋或者太干巴。同枱嘅拍档拣咗个香辣牛肉，卖相抢眼得嚟又唔会太辣，适合唔喜欢吃太刺激嘅朋友。𠮶块牛肉腍滑中带啲嚼劲，配上餐厅特制嘅辣椒汁，简直就系味蕾上嘅骚动。🌶️刀削面嘅话，刚刚好嘅面条厚度加埋啱啱提供嘅热气腾腾汤底，硬朗嘅牙口加埋汤面温暖嘅拥抱，冷飕飕嘅天气下正！每一啖都令我仿佛离开咗香港去到咗北方面食嘅发源地。商吓口面，啖啖暖意🍜。食完今次，下次唔使谂咁多，直接拣几样小菜再加一碗刀削面，晚饭就搞掂喇！特别提一句，餐厅服务都几好，让人食得坦心。下次仲要带埋朋友一齐去试下其他口味，叹叹最后一口饮品，个樽仔奶茶又几好饮，茶香扑鼻，满足晒！🥤…查看更多