檀島咖啡餅店 (軒尼詩道)

营业中

休息中

適逢夜晚收工經過灣仔買野就趁呢度未閂門一於食返我細個最鍾意食既茶餐一坐底唔洗十秒已經有伙記黎問我想食咩我諗都唔洗諗就叫返我叫慣左既常餐A組合炸菜肉絲鮮牛丁麵炒蛋牛油多士熱奶茶茶走等左3分鐘度啲野就黎齊哂雖然差唔多收鋪但質素都保持既有專業奶茶茶走係指定動作茶走令到奶茶更加香滑我個人認為唔落白糖既茶走奶茶係最香滑最好飲炸菜肉絲鮮牛丁麵上枱時間啱啱好唔會因為擺耐左搞到麵發水原本諗住叫沙嗲牛只可惜買哂只好轉鮮牛但牛肉味道依然保持住啲牛肉唔會話俾蘇打汁乸到無哂味炒蛋同牛油多士都係即叫即整所以上枱都係熱騰騰炒蛋熟度剛剛好唔會話好老而牛油多士都係即叫即烘牛油比例亦剛剛好所以上枱都仲有脆既口感

以前係中環返工已經聽聞檀島好好味但最後都係做唔住所以就走左去灣仔試一試炸雞亦薯條 $48一隻雞全亦炸到金黃色，好香口，保留到雞亦肉汁，但全亦好難用刀叉食，食相會好狼狽😂薯條用上傳統茶餐廳最愛既波浪紋薯條蘸茄汁最夾新鮮炸好，無得挑剔沙律薯仔、蘋果沙律醬香甜，食耐有dd膩凍奶茶這個比較驚喜，奶味茶味好均衡甜度適中，不會死甜飲得出個茶膽好有料灣仔地區，咩都貴，食個下午茶都要呢個價錢，而且好多遊客，餐廳好嘈

下午茶時間經過見到這間懷舊茶餐廳就忍唔住入去試試 價錢比起一般茶記都偏貴叫左蛋撻 奶醬豬仔包 一杯鴛鴦 蛋撻味道較普通 冇咩蛋味 奶醬豬仔包不硬 好酥脆 好食 鴛鴦都沒有失望 茶啡味夠香 入口順滑

今曰去完動漫節,唔知食咩好,諗到搭車返屋企巴士站有間擅島,一心諗往試下奶茶蛋撻.點知問野做慣大陸人生意,都唔想理香港本土人。蛋撻嚟到 $11一隻 難食$5都比多。奶茶無味。真心後悔嚟食

大約下午4點半,去書展前同老公去茶記醫下肚,點知俾其中一個waiter搞到有啲掃興..因為menu上有少少睇唔明個分別所以問個waiter,佢態度惡劣咁答左我,問完後需要兩秒都唔洗既時間去消化佢講咩,點知佢無耐性到即刻唔理我就問隔離搭枱既男人要食咩.我覺得奇怪既係點解佢唔問坐我對面既老公食咩而去問其他人?而搭枱那位男士係無話要落單,因為佢都係剛剛坐低岩岩睇緊menu.另外,環境都好污糟,雖然野食整體上都唔錯,尤其係煎蛋同凍好立克,真係好好飲但環境真係令人感到不適,快快手食完便離開地下是很油很滑,很易會滑倒椅子都好污糟如果佢地都能改善一下待客之道同環境乾淨啲,問題就好好多,客人都食得又舒適又開心

去完書展諗唔到食咩好，就近近地去左檀島食，因為以為食過晏就覺得唔錯。無論咩時間，檀島依然係咁多人，唔知係咪咁既原因，啲員工態度都一般，不過記得之前食覺得唔錯就算啦，而且好快就有位。朋友話想叫餸食飯，咁就叫左兩個餸，叫個陣佢話要等半個鐘至九個字，而且我地叫左之後先發現餐牌後面仲有其他，勁傻仔...黎左個白飯先，之後就黎左呢個金銀蛋時菜隔左好一段時間，先黎上湯蝦米粉絲時菜最大既敗筆係個菜，硬到呢，兩碟都係咁，完全咬唔到咁，搞到我唔想再黎食夜晚。

常餐$51 @差不多十一點才來到吃消夜味道失望，茶走味道淡冇咩味，包有微溫牛油偏少，腸同蛋偏凍。湯底完全冇味，牛肉完全冇味，吾講以為食豬肉，米粉味道唔錯。整體只有米粉和牛油餐包好味。夾心 西多士$32，面有脆不錯，但入面味道怪怪，我和朋友一齊食，都吃都有花生醬味，但都食到有點酸酸的類似柚子味，而且都幾油，所以最後吃不完就放棄了。待應態度一般，我話要西多士我話有幾款？ 我見餐牌都冇寫，佢話咁即要邊款，我指得一款$37..佢就話$32睇佢比咩你食啦，咁嘅態度O咗咀。

灣仔📍老老實實我覺得呢個脆皮豬仔包下午茶餐有啲over priced💰$45💰天氣咁熱冇理由唔叫凍飲㗎嘛🥤再加多$3💰✅揀咗個咖央味，個豬仔包確實係焗得幾脆，又真係唔係好多地方有呢個醬🤔不過真係只此一次🙌🏻

小秘書今朝一早就出咗會展，頻頻撲撲搞到下晝三點幾先有時間去食嘢😑 左揀右揀最終又去咗幫襯 檀島咖啡餅店_灣仔店 🌴🥥 大家揸住個餐牌係咁望👀但似乎都唔知食咩好💁🏾‍♂️ 不過當時我實在太肚餓，好快就揀咗個 #吉列豬排會意粉 + 凍🍋茶 ... 點知全枱人靴靴聲跟我叫埋同一款「實行攬炒」🤣等咗一陣，伙記陸續由廚房拎啲餐過嚟🍝 嘩🤭唔好講笑，塊豬排🐽真係仲大過我塊面，唔怪得下午茶餐都要收$56啦😅 可能我太肚餓，我覺得今日碟意粉特別好食，塊豬排又夠新鮮熱辣🐷 9秒9就將佢哋吞晒落肚😆好麻甩啊呀！！

今日下午三點三,突如其來有人派蛋撻，原來有公司同事生日，正，反正做野做到攰，食下野輕鬆下，檀島最出名係蛋撻，佢酥皮有勁多層，內面蛋黃香甜，咬落去鬆軟的口感，成盒好快俾人清曬

周末到灣仔電腦商場逛逛，行完一輪後還未决定購買哪款電腦，於是到附近茶餐廳歇腳。沿著軒尼詩道東行，不久便看見檀島咖啡餅店，這間是數一數二的老牌茶餐廳。很久沒有到這裡用膳，所以也不用考慮便入去tea一tea。入內已有不少捧場客，找到座位搭枱便開始選擇茶餐。看著下午茶餐也不知如何選擇，皆因很多也想品嚐。最後我們選擇了一份咖央西多士和一份司華力腸配多士及薯條。天氣實在太熱，大家都要了凍檸茶降溫。咖央西多士加上大片的牛油和糖槳，雖然邪惡，但為食的我也失控了。司華力腸配多士，加上薯條，味道也算不錯，為我們加添力量。

d野一早唔好食已經預左，之前午餐都冇得賣，估計換左廚師，但之前奶茶仲可以。點知今日去食，奶茶變奶水，奶茶最難飲莫過於又冇茶味，再半奶半水味，以後都咪搞，做食店真係一兩次難食已趕走哂d客，大家明啦！

曲奇🍪蛋撻🥧蝴蝶酥🤤💓😋尋日睇到東張西望係到講有間茶餐廳老字號都有整餅賣 見到個賣相既吸引 所以今日有空檔就走左去買黎試😆鋪頭入口旁邊就有餅櫃入面有麵包 蛋糕 蛋撻椰撻等等 雖然去之前食左午餐 但一見到蛋撻就買左個黎食 9蚊一個酥皮蛋撻 買個陣暖暖地 食落有蛋香 都夠酥 見到蛋撻無論係牛油皮定酥皮都抵抗唔到🤣😋🤤🤤🤤🤤🤤🤤尋日電視仲有介紹呢個牛油曲奇 比起平時圓形個d個味其實冇分別 只不過係長條形 11蚊有2塊 好香牛油味😍最後就係呢個蝴蝶酥 睇電視見到有好大塊既 但係餅櫃就睇唔到 所以就買左一包細既入面有好多塊 70蚊 都係好酥 但就冇乜牛油味 欣賞既係佢唔係好甜 出面有d蝴蝶酥上面太多糖 搞到好甜🤦🏻‍♀️🤦🏻‍♀️

適逢夜晚收工經過灣仔買野就趁呢度未閂門一於食返我細個最鍾意食既茶餐一坐底唔洗十秒已經有伙記黎問我想食咩我諗都唔洗諗就叫返我叫慣左既常餐A組合炸菜肉絲鮮牛丁麵炒蛋牛油多士熱奶茶茶走等左3分鐘度啲野就黎齊哂雖然差唔多收鋪但質素都保持既有專業奶茶茶走係指定動作茶走令到奶茶更加香滑我個人認為唔落白糖既茶走奶茶係最香滑最好飲炸菜肉絲鮮牛丁麵上枱時間啱啱好唔會因為擺耐左搞到麵發水原本諗住叫沙嗲牛只可惜買哂只好轉鮮牛但牛肉味道依然保持住啲牛肉唔會話俾蘇打汁乸到無哂味炒蛋同牛油多士都係即叫即整所以上枱都係熱騰騰炒蛋熟度剛剛好唔會話好老而牛油多士都係即叫即烘牛油比例亦剛剛好所以上枱都仲有脆既口感諗返起細個同爺爺住既時候一到放假爺爺就成日帶我黎呢度食下午茶每次黎親都一定求爺爺叫個沙嗲牛肉丁麵俾我食每次當我想食我爺爺就一定話我「轉出前一丁好貴架衰仔！」「成日食公仔麵難怪你幾歲就咁肥！」雖然成日話我但爺爺總會心軟咁叫俾我食同因爲細個一直未飲過奶茶所以都會趁爺爺唔為意想偷飲但每次都逃唔過爺爺既法眼跟住就一野打落手板度話我「奶茶咁細個唔飲得架衰仔！」每次咁樣都唔識俾反應淨係識係度喊搞到爺爺唔知點算XD呢晚飲住杯奶

食物没冇什麼特别之處，很普通的茶餐廳，不知道出名在那裏？或者是出名服務態度差，由火記到收銀個個都唔願做野，說話粗聲粗氣，手指插入水不用說，食物大力放抬上，去完一次之後不会再想去